ಮಾಡೋದು ಬಡ್ಡಿ ವ್ಯವಹಾರ, ಗಳಿಸಿದ್ದು ಕೋಟಿ ಕೋಟಿ, ಅಂತಿಂಥವಳಲ್ಲ ಈ ಸಂಜನಾ!
ಡ್ರಗ್ ಕೇಸ್ ಮಾತ್ರವಲ್ಲ, ಇನ್ನೊಂದು ಕೇಸ್ನಲ್ಲಿಯೂ ರಾಗಿಣಿ ಹಾಗೂ ಸಂಜನಾ ಸಿಕ್ಕಿ ಬಿದ್ದಿದ್ದಾರೆ. ಇವರಿಬ್ಬರ ಆಸ್ತಿ, ಸಂಪತ್ತು, ವ್ಯವಹಾರಗಳನ್ನು ನೋಡಿದರೆ ಅಚ್ಚರಿಯಾಗುತ್ತದೆ.
ಬೆಂಗಳೂರು (ಅ. 02): ಡ್ರಗ್ ಕೇಸ್ ಮಾತ್ರವಲ್ಲ, ಇನ್ನೊಂದು ಕೇಸ್ನಲ್ಲಿಯೂ ರಾಗಿಣಿ ಹಾಗೂ ಸಂಜನಾ ಸಿಕ್ಕಿ ಬಿದ್ದಿದ್ದಾರೆ. ಇವರಿಬ್ಬರ ಆಸ್ತಿ, ಸಂಪತ್ತನ್ನು ನೋಡಿದರೆ ಅಚ್ಚರಿಯಾಗುತ್ತದೆ. ಸಂಜನಾ ಬಳಿ ಕೋಟಿ ಕೋಟಿ ಮೌಲ್ಯದ ಆಸ್ತಿ ಪತ್ತೆಯಾಗಿದೆ.ಈ ಬಗ್ಗೆ ಜೈಲಿನಲ್ಲಿಯೇ ಇಡಿ ಅಧಿಕಾರಿಗಳು ಸಂಜನಾಗೆ ಗ್ರಿಲ್ ಶುರು ಮಾಡಿದ್ದಾರೆ.
ಒಂದು ಸಿನಿಮಾಗೆ 4 ಲಕ್ಷ ರೂ ಸಂಭಾವನೆ ಪಡೆಯುತ್ತಿದ್ದರಂತೆ. ಮಾಡಿದ್ದು 42 ಸಿನಿಮಾ. ಹಾಗಾಗಿ ಅಷ್ಟೊಂದು ಹಣ ಎಲ್ಲಿಂದ ಬಂತು ಎಂದು ನೋಡುವುದಾದರೆ ಉದ್ಯಮಿಗಳು, ಮಾಲ್ ಮಾಲಿಕರಿಗೆ ಸಾಲ ಕೊಟ್ಟಿದ್ದರಂತೆ. ಐಎಂಎದಲ್ಲಿಯೂ ಹಣ ತೊಡಗಿಸಿದ್ದರು. ಸಾಲ ವಸೂಲಿಗೆಂದೇ ಟೀಂವೊಂದನ್ನು ಇಟ್ಟುಕೊಂಡಿದ್ದರಂತೆ. ಇಡಿ ವಿಚಾರಣೆ ವೇಳೆ ಬಡ್ಡಿ ವ್ಯವಹಾರದ ಬಗ್ಗೆ ಬಾಯ್ಬಿಟ್ಟಿದ್ದಾರೆ. ಈಕೆಯ ಬಡ್ಡಿ ವ್ಯವಹಾರದ ಬಗ್ಗೆ ಕೇಳಿ ಅಧಿಕಾರಿಗಳೇ ಶಾಕ್ ಆಗಿದ್ದಾರೆ.
