ಸಲ್ಮಾನ್ ಖಾನ್ ಮುಗಿಸಲು ದೊಡ್ಡ ಸ್ಕೆಚ್; ಕೊಲೆ ಸಂಚಿಗೆ ಕಾರಣ ಏನು?
ಬಿಟೌನ್ ಬಾಕ್ಸಾಫೀಸ್ ಸುಲ್ತಾನ್ ಖಾನ್ಗೆ ಜೀವ ಬೆದರಿಗೆ ಇದೆ. ಸಲ್ಲುರನ್ನ ಮುಗಿಸೋಕೆ ಸಂಚು ರೂಪಿಸಿದ್ದಾರೆ ಅನ್ನೋ ಭಯ ಬಾಲಿವುಡ್ನಲ್ಲಿ ಆವರಿಸಿದೆ. ಸಲ್ಮಾನ್ ಖಾನ್ ಮುಗಿಸಲು ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್ ಮುಂಬೈನಲ್ಲಿ ಮುಂಬೈನಲ್ಲಿ ಸಭೆ ನಡೆಸಿದ್ರು ಅಂತ ಪಂಜಾಬ್ ಪೋಲೀಸ್ ಬಹಿರಂಗ ಪಡಿಸಿದೆ.
ಬಾಲಿವುಡ್ ಜಗತ್ತಿನಲ್ಲಿ ಇತ್ತೀಚೆಗೆ ದೊಡ್ಡ ಸುದ್ದಿಯೊಂದು ಹರಿದಾಡಿತ್ತು. ಬಿಟೌನ್ ಬಾಕ್ಸಾಫೀಸ್ ಸುಲ್ತಾನ್ ಖಾನ್ಗೆ ಜೀವ ಬೆದರಿಗೆ ಇದೆ. ಸಲ್ಲುರನ್ನ ಮುಗಿಸೋಕೆ ಸಂಚು ರೂಪಿಸಿದ್ದಾರೆ ಅನ್ನೋ ಭಯ ಬಾಲಿವುಡ್ಅನ್ನ ಆವರಿಸಿತ್ತು. ಈ ಭಯಕ್ಕೆ ತುಪ್ಪ ಸುರಿಯುವಂತೆ ಸಲ್ಲು ತಮ್ಮ ಜೀವ ರಕ್ಷಣೆಗೆ ಶಸ್ತ್ರಾಸ್ತ್ರ ಪರವಾನಿಗೆಯನ್ನೂ ಪಡೆದಿದ್ರು. ಇದೀಗ ಸಲ್ಮಾನ್ ಖಾನ್ ಹತ್ಯೆಗೆ ಸ್ಕೆಚ್ ಹಾಕಲಾಗಿತ್ತು ಅನ್ನೋ ದೊಡ್ಡ ಫೈರಿಂಗ್ ಸುದ್ದಿಯೊಂದು ರಿವೀಲ್ ಆಗಿದೆ. ಕಳೆದ ಜೂನ್ನಲ್ಲಿ ನಟ ಸಲ್ಮಾನ್ ಖಾನ್ ಹಾಗೂ ಸಲ್ಲು ತಂದೆ ಸಲೀಂ ಖಾನ್ಗೆ ಬೆದರಿಕೆ ಪತ್ರ ಬಂದಿತ್ತು. ಸಲೀಂ ಖಾನ್ ಮತ್ತು ಅವರ ಮಗ ಇಬ್ಬರೂ ಶೀಘ್ರದಲ್ಲೇ ಗಾಯಕ ಸಿಧು ಮೂಸೆವಾಲಾ ಅವರ ರೀತಿಯಲ್ಲಿಯೇ ಕೊಲೆಯಾಗಲಿದ್ದಾರೆ ಎಂದು ಹಿಂದಿಯಲ್ಲಿ ಬರೆದ ಪತ್ರ ದೊರಕಿತ್ತು. ಇದೀಗ ಗ್ಯಾಂಗ್ಸ್ಟರ್ ಲಾರೆನ್ಸ್ ಬಿಷ್ಣೋಯ್ ಟಾರ್ಗೆಟ್ ಲಿಸ್ಟ್ನಲ್ಲಿ ಬಾಲಿವುಡ್ ನಟ ಸಲ್ಮಾನ್ ಖಾನ್ ಇದ್ರು, ಸಲ್ಲುರನ್ನ ಮುಗಿಸೋಕೆ ಈ ಗ್ಯಾಂಗ್ ಪ್ಲಾನ್ ಮಾಡಿದ್ರು. ಇದಕ್ಕಾಗಿ ಮುಂಬೈನಲ್ಲಿ ಸಭೆ ನಡೆಸಿದ್ರು ಅಂತ ಪಂಜಾಬ್ ಪೊಲೀಸ್ ಮಹಾ ನಿರ್ದೇಶಕ ಗೌರವ್ ಯಾದವ್ ಸಲ್ಲು ಹತ್ಯೆ ಸ್ಕೆಚ್ಅನ್ನ ಬಹಿರಂಗಪಡಿಸಿದ್ದಾರೆ. ಬಂಧಿತ ಆರೋಪಿಗಳಲ್ಲಿ ಒಬ್ಬರಾದ ಕಪಿಲ್ ಪಂಡಿತ್ ವಿಚಾರಣೆಯ ಸಮಯದಲ್ಲಿ ಲಾರೆನ್ಸ್ ಬಿಷ್ಣೋಯ್ ಸೂಚನೆ ಮೇರೆಗೆ ಸಲ್ಮಾನ್ ಖಾನ್ರನ್ನ ಕೊಲೆ ಮಾಡಲು ಟಾರ್ಗೆಟ್ ಇಡಲಾಗಿತ್ತು ಅನ್ನೋ ವಿಚಾರ ಬಹಿರಂಗವಾಗಿದೆ.
