ರಜಿನಿಕಾಂತ್ 'ಜೈಲರ್' ಸಿನಿಮಾ ಬಿಡುಗಡೆ ದಿನ: ಇಡೀ ಕಂಪನಿಗೆ ರಜೆ ಘೋಷಿಸಿದ ಅಭಿಮಾನಿ!

ಬಹುಷಃ ಇಂತಹ ಸಂದರ್ಭ ಬೇರೆ ಯಾವ ಸ್ಟಾರ್ಗೂ ಬರೊಲ್ಲ ಅನ್ನಿಸುತ್ತೆ. ಅದು ರಜಿನಿಕಾಂತ್ ಸಿನಿಮಾಗೆ ಮಾತ್ರ. ತಲೈವ ಅಂದ್ರೆ ಇಷ್ಟೊಂದು ಕ್ರೇಜ್ ..ತಲೈವಾ ಸಿನಿಮಾ ಬರ್ತಿದೆ ಅಂದ್ರೆ ಮಕ್ಕಳೀಂದ ಮುದುಕರವರೆಗೆ ಯಂಗ್ ಆಗಿಬಿಡ್ತಾರೆ. ಅದೇನೆ ಬಿಲ್ಡಪ್ ಕೊಟ್ರೂ ಸಿನಿಮಾನ ಸಿನಿಮಾ ರೀತಿಯೆ ಶಿಳ್ಳೆ ಹೊಡೆದು ಎಂಜಾಯ್ ಮಾಡ್ತಾರೆ. 72 ನೇ ವಯಸ್ಸಿನಲ್ಲೂ ತೆರೆ ಮೇಲೆ ಹೀರೋ ಆಗಿ ಮಿಂಚುವ ಈ ನಟನ ಸ್ಟೈಲ್ಗೆ, ಅಭಿನಯಕ್ಕೆ ಎಂಥವರೂ ಕೂಡ ಫಿದಾ ಆಗೇ ಆಗುತ್ತಾರೆ. ಅಷ್ಟರ ಮಟ್ಟಿಗೆ ಹಾರ್ಡ್ ಫ್ಯಾನ್ಸ್ ರಜನಿಗಿದ್ದಾರೆ. ಅದರಂತೆಯೇ ಇದೀಗ ಜೈಲರ್ ಸಿನಿಮಾದಲ್ಲಿ ತಲೈವಾ ನಟಿಸುತ್ತಿದ್ದಾರೆ. 

ಇದೇ ತಿಂಗಳು 10ನೇ ತಾರೀಖು ಈ ಸಿನಿಮಾ ತೆರೆ ಮೇಲೆ ಬರುತ್ತಿದೆ. ಅದರಂತೆಯೇ ಇಲ್ಲೊಬ್ಬ ಸೂಪರ್ ಸ್ಟಾರ್ನ ಅಭಿಮಾನಿಯೊಬ್ಬರು ಏನು ಮಾಡಿದ್ದಾನೆ ಗೊತ್ತಾ?. ಸಿನಿಮಾ ನೋಡಲು ತನ್ನ ಖಾಸಗಿ ಕಂಪನಿಗೆ ರಜೆ ಘೋಷಿಸಿದ್ದಾರೆ. ಹೌದು. UNO ಆಕ್ವಾ ಕೇರ್ ಕಂಪನಿಯಿಂದ ರಜನಿಕಾಂತ್ ಅವರ ಸಿನಿಮಾ ನೋಡಲು ರಜೆ ಘೋಷಿಸಿದ್ದಾರೆ. ಇದೇ ತಿಂಗಳು 10ನೇ ತಾರೀಖು ಬಹುನಿರೀಕ್ಷಿತ ಜೈಲರ್ ಸಿನಿಮಾ ರಿಲೀಸ್ ಆಗುತ್ತಿದೆ. ವಿಶ್ವದಾದ್ಯಂತ ಬಹುಭಾಷೆಗಳಲ್ಲಿ ಜೈಲರ್ ಸಿನಿಮಾ ತೆರೆ ಮೇಲೆ ಬರುತ್ತಿದೆ. ಹೀಗಾಗಿ ರಜನಿ ಅಪ್ಪಟ್ಟ ಅಭಿಮಾನಿಯೊಬ್ಬರು ತನ್ನ ಕಂಪನಿಗೆ ರಜೆ ಘೋಷಿಸಿದ್ದಲ್ಲದೆ, ಬೆಂಗಳೂರು, ಚೆನ್ನೈ ಸೇರಿದಂತೆ 8 ಬ್ರ್ಯಾಂಚ್ಗಳಿಗೆ ರಜೆ ಘೋಷಣೆ ಮಾಡಿದ್ದಾರೆ. 

ಬರೀ ನೌಕರರಿಗೆ ರಜೆ ಕೊಡುವುದಷ್ಟೆ ಅಲ್ಲದೆ ನೌಕರರಿಗೆ ಜೈಲರ್ ಸಿನಿಮಾದ ಫ್ರೀಟಿಕೆಟ್ಸ್ ಕೂಡ ಕೊಡುತ್ತಿದ್ದಾರೆ. ಈ ಘೋಷಣೆ ಬಗ್ಗೆ ಎಲ್ಲಾ ಬ್ರಾಂಚ್ಗಳಿಗೆ ಮಾಹಿತಿಯನ್ನು ಹಂಚಿದ್ದಾರೆ. ಜೈಲರ್ ಸಿನಿಮಾ ರಿಲೀಸ್ಗೂ ಮೊದಲೇ ಹಲ್ಚಲ್ ಎಬ್ಬಿಸಿದೆ. ಈಗಾಗಲೇ ಈ ಸಿನಿಮಾದ ಮೇಲೆ ಭಾರೀ ನಿರೀಕ್ಷೆ ಇದೆ. ಇತ್ತೀಚೆಗೆ ಬಿಡುಗಡೆಗೊಂಡ ಕಾವಲಯ್ಯ ಹಾಡು ಕೂಡ ಭಾರೀ ಸೌಂಡ್ ಮಾಡಿತ್ತು. ಮಿಲ್ಕಿ ಬ್ಯೂಟಿ ತಮನ್ನಾ ಈ ಹಾಡಿಗೆ ಭರ್ಜರಿ ಡ್ಯಾನ್ಸ್ ಕೂಡ ಮಾಡಿದ್ದರು.  ಕಲಾನಿಧಿ ಮಾರನ್ ಜೈಲರ್ ಸಿನಿಮಾ ನಿರ್ಮಾಣ ಮಾಡಿದ್ದಾರೆ. ಸ್ಯಾಂಡಲ್ವುಡ್ ನಟ ಶಿವ ರಾಜ್ಕುಮಾರ್, ಮಾಲಿವುಡ್ ಮೋಹನ್ಲಾಲ್, ವಿನಾಯಕನ್, ರಮ್ಯಾ ಕೃಷ್ಣ ಸೇರಿ ಅನೇಕ ತಾರಾಗಣ ಸಿನಿಮಾದಲ್ಲಿದ್ದಾರೆ. ಸದ್ಯ ರಜಿನಿ ಅಭಿಮಾನಿಯ  ಘೋಷಣೆ ಪತ್ರ ಸೋಷಿಯಲ್ ಮೀಡಿಯಾದಲ್ಲಿ ದೊಡ್ಡ ಹಲ್ ಚಲ್ ಸೃಷ್ಟಿಸಿದೆ.