ಕೋಲ್ಕತ್ತಾದಲ್ಲಿ 'ಕಾಂತಾರ' ದುರ್ಗಾ ಪೂಜೆ ಮಾಡಿದ ಜನ: ದೈವಕ್ಕೆ ದೇಶದೆಲ್ಲೆಡೆ ಪೂಜೆ ಪುನಸ್ಕಾರ!

ಕಾಂತಾರ ಸಿನಿಮಾ ಎಂದರೆ ನೆನಪಾಗೋದೆ ದೈವ… ದೈವ ನರ್ತನ.. ವರಾಹ ರೂಪಂ ಹಾಡು.. ದೇವರು ಮೈಮೇಲೆ ಬರೋ ಕ್ಲೈಮ್ಯಾಕ್ಸ್ ದೃಶ್ಯ.. ಮೈಜುಮ್ಮೆನ್ನಿಸೋ ದೈವ ಕೂಗು. ಇದೀಗ ನವರಾತ್ರಿ ಶುರುವಾಗಿದೆ. ದೇಶದೆಲ್ಲೆಡೆ ದುರ್ಗಾ ಪೂಜೆ ವೈವಿಧ್ಯಮಯವಾಗಿ ನಡೆಯುತ್ತಿದೆ. ಮೈಸೂರಿನಲ್ಲಿ ತಾಯಿ ಚಾಮುಂಡಿ ಪೂಜೆ ವೈಭವದಿಂದ ನಡೆಯುತ್ತಿದೆ. ಈ ನಡುವೆ ದುರ್ಗಾ ಪೂಜೆಗೆ ವಿಶ್ವಖ್ಯಾತಿ ಪಡೆದಿರುವ ಕೋಲ್ಕತ್ತಾದಲ್ಲಿ ದುರ್ಗಾ ಪೂಜೆಯನ್ನು ಕಾಂತಾರ ಥೀಮ್ನಲ್ಲಿ ಮಾಡಿದ್ದು ಗಮನಸೆಳೆಯುತ್ತಿದೆ. ದೇವಿಗೆ ಕಾಂತಾರ ಶೈಲಿಯಲ್ಲಿ ಅಲಂಕಾರ ಮಾಡಿ ಪೂಜೆ ಮಾಡಿರೋ ವೀಡಿಯೋ ಇದೀಗ ವೈರಲ್ ಆಗಿದೆ. ಪಶ್ಚಿಮ ಬಂಗಾಳದಲ್ಲಿ ನವರಾತ್ರಿ ಹಬ್ಬವನ್ನು ಸಂಭ್ರಮದಿಂದ ಆಚರಿಸಲಾಗುತ್ತದೆ. ಬೀದಿ ಬೀದಿಗಳಲ್ಲಿ ದುರ್ಗೆಯ ಪೂಜೆ ಮಾಡಲಾಗುತ್ತದೆ. ದುರ್ಗಾ ಮಾತೆಯ ಮೂರ್ತಿ ಇಟ್ಟು ಪೂಜೆ ಮಾಡಲಾಗುತ್ತದೆ. ಈಗ ಅಲ್ಲಿನ ಜನರು ‘ಕಾಂತಾರ’ ಥೀಮ್ನಲ್ಲಿ ದುರ್ಗಾ ಪೂಜೆ ಮಾಡಿದ್ದಾರೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಅನೇಕರು ‘ಕಾಂತಾರ’ ಸಿನಿಮಾದ ಪ್ರಭಾವವನ್ನು ಕೊಂಡಾಡಿದ್ದಾರೆ.