ನೆಲ ಒರೆಸಿ ಜೂ. ಎನ್‌ಟಿಆರ್‌ಗೆ ಚಾಲೆಂಜ್ ಹಾಕಿದ ರಾಜಮೌಳಿ

ಟ್ವೀಟರ್‌ನಲ್ಲಿ ಬೀ ದ ರಿಯಲ್ ಮ್ಯಾನ್ ಅಂತ ಒಂದು ಹ್ಯಾಶ್‌ಟ್ಯಾಗ್ ಚಾಲೆಂಜ್ ಶುರುವಾಗಿದೆ. ಅದರ ಪ್ರಕಾರ ಮನೆಕೆಲಸ ಮಾಡಿ ಅದರ ವಿಡಿಯೋ ತೆಗೆದು ಟ್ವೀಟರ್‌ನಲ್ಲಿ ಪೋಸ್ಟ್ ಮಾಡಿ ಯಾರಿಗಾದರೂ ಚಾಲೆಂಜ್ ಹಾರಬೇಕು. ಈಗ ಈ ಚಾಲೆಂಜ್ ಸ್ವೀಕರಿಸಿ ಮನೆ ಒರೆಸಿ ಗುಡಿಸಿದ್ದು ಬಾಹುಬಲಿ ನಿರ್ದೇಶಕ ರಾಜಮೌಳಿ. ಮನೆ ಕೆಲಸ ಮಾಡಿ ಪತ್ನಿ ರಮಾ ಜೊತೆ ಪೊರಕೆ ಹಿಡಿದು ನಿಂತಿರುವ ವಿಡಿಯೋ ಶೇರ್ ಮಾಡಿರುವ ಅವರು ಜೂ.ಎನ್‌ಟಿಆರ್ ಮತ್ತು ರಾಮ್‌ಚರಣ್ ತೇಜಾ ಅವರಿಗೆ ಸವಾಲೊಡ್ಡಿದ್ದಾರೆ. ಆ ಸವಾಲನ್ನು ಸ್ವೀಕರಿಸಿರುವ ಇಬ್ಬರು ಸೂಪರ್‌ಸ್ಟಾರ್‌ಗಳೂ ಮನೆ ಕೆಲಸ ಮಾಡಿ ಆ ವಿಡಿಯೋಗಳನ್ನು ಟ್ವೀಟರ್‌ನಲ್ಲಿ ಶೇರ್ ಮಾಡಿದ್ದಾರೆ ಮತ್ತದು ವೈರಲ್ ಆಗಿವೆ.