ಯಶ್​ ಹೋದ ಹಾದಿಯಲ್ಲೇ ಹೆಜ್ಜೆ ಇಟ್ಟಿರೋ ಪ್ರಭಾಸ್: ಸಿಎಂ ರೇವಂತ್ ರೆಡ್ಡಿಗೆ ಕೈ ಜೋಡಿಸಿದ ಡಾರ್ಲಿಂಗ್!

ತೆಲಂಗಾಣದಲ್ಲಿ ಪುಷ್ಪರಾಜ್​ ಅಲಿಯಾಸ್​ ಅಲ್ಲು ಅರ್ಜುನ್ ಜಂಗಾಬಲವನ್ನೇ ನಡುಗಿಸಿದ್ದಾಯ್ತು. ಸಿಎಂ ರೇವಂತ್​ ರಡ್ಡಿ ಒಂದೇ ಒಂದು ಗುಟುರಿಗೆ ಇಡೀ ತೆಲುಗು ಚಿತ್ರರಂಗ ಎದ್ನೋ ಬಿದ್ನೋ ಅಂತ ಸಿಎಂ ಜೊತೆ ಮೀಟಿಂಗ್ ಮಾಡಿ ಅಲ್ಲು ಸಮಸ್ಯೆಯನ್ನ ಸ್ವಲ್ಪ ತಿಳಿ ಮಾಡಿದ್ರು. ಈಗ ಅದೇ ತೆಲಂಗಾಣ ಸರ್ಕಾರದ ಜೊತೆ ಬಾಹುಬಲಿ ಪ್ರಭಾಸ್​ ಗಟ್ಟಿ ಧ್ವನಿ ಎತ್ತಿದ್ದಾರೆ. ಯಶ್​ ಹೋದ ಹಾದಿಯಲ್ಲೇ ಹೆಜ್ಜೆ ಇಟ್ಟಿರೋ ಪ್ರಭಾಸ್ ಧ್ವನಿ ಎತ್ತಿದ್ದು ಯಾರ ವಿರುದ್ಧ ನೋಡೋಣ ಈ ಎಕ್ಸ್​​ಕ್ಲ್ಯೂಸೀವ್ ಸ್ಟೋರಿಯಲ್ಲಿ. ಟಾಲಿವುಡ್​ ಸ್ಟಾರ್​ ಅಲ್ಲು ಅರ್ಜುನ್ ಪುಷ್ಪ2 ಸಕ್ಸಸ್​ ಸೆಲೆಬ್ರೇಷನ್ ಮಾಡಿದ್ರೋ ಬಿಟ್ರೋ.. ತೆಲಂಗಾಣ ಸಿಎಂ ಹಾಕಿದ ಬರೆಯಿಂದ ಬೆಚ್ಚಿ ಬಿಚ್ಚಿದ್ದುಂತು ಆಗಿದೆ. ತೆಲಂಗಾಣ ಸಿಎಂ ರೇವಂತ್ ರೆಡ್ಡಿ ಅಂದ್ರೆ ಅಲ್ಲು ಸೈಲೆಂಟ್ ಅಗ್​​ ಬಿಡ್ತಾರೆ.. ಫ್ಯಾನ್ಸ್ ಮಾಡಿದ ಕಾಲ್ತುಳಿತಕ್ಕೆ ಒಂದ್​ ದಿನ ಜೈಲು ನೋಡಿ ಬಂದಿದ್ದಾರೆ ಅಲ್ಲು. 

ಒಂದ್​ ಕಡೆ ಅಲ್ಲು ಅರ್ಜುನ್​​ಗಿದ್ದ ಆಹಂ ಅನ್ನೋ ಜ್ವರವನ್ನ ಬಿಡಿಸಿರೋ ಇದೇ ತೆಲಂಗಾಣ ಸರ್ಕಾರ ಈಗ ಅದೇ ತೆಲುಗು ಸ್ಟಾರ್​ ಪ್ರಭಾಸ್​ ಜೊತೆ ಸೇರಿ ಮತ್ತೊಂದು ಸಂಗ್ರಾಮಕ್ಕೆ ಹೆಜ್ಜೆ ಇಟ್ಟಿದೆ. ಅದು ಅಂತಿಂತಾ ಹೋರಾಟ ಅಲ್ಲ. ಇಡೀ ಜಗತ್ತನ್ನೇ ಕಾಡುತ್ತಿರೋ ಡ್ರಗ್ಸ್​​​ ನಶೆಯ ವಿರುದ್ಧದ ಹೋರಾಟ. ಹೌದು, ತೆಲಂಗಾಣ ಸರ್ಕಾರದ ಡ್ರಗ್ಸ್ ಮಾಫಿಯಾ ವಿರುದ್ಧದ ಹೋರಾಟಕ್ಕೆ ಈಗ ಕಲ್ಕಿ ಸ್ಟಾರ್ ಪ್ರಭಾಸ್​ ಅಂಬಾಸೀಡರ್ ಆಗಿದ್ದಾರೆ. ಹೀಗಾಗೆ ಡ್ರಗ್ಸ್​ ನಶೆಯ ವಿರುದ್ಧ ವೀಡಿಯೋ ಮಾಡಿರೋ ಪ್ರಭಾಸ್ ‘ನಮ್ಮ ಜೀವನದಲ್ಲಿ ಹಲವು ಖುಷಿಗಳಿವೆ. ಸಾಕಷ್ಟು ಮನರಂಜನೆ ಇದೆ. ಡಾರ್ಲಿಂಗ್ಸ್, ಡ್ರಗ್ಸ್ ಬೇಡ. ನಮ್ಮನ್ನು ಪ್ರೀತಿಸುವ ಮತ್ತು ಬದುಕುವ ಜನರಿರುವಾಗ ನಮಗೆ ಈ ಡ್ರಗ್ಸ್ ಬೇಕೇ? ಡ್ರಗ್ಸ್ ತೆಗೆದುಕೊಳ್ಳಬೇಡಿ. ನಿಮಗೆ ತಿಳಿದಿರುವ ಯಾರಾದರೂ ಮಾದಕ ವ್ಯಸನಿಗಳಾಗಿದ್ದರೆ, ಇಂದೇ ಟೋಲ್ ಫ್ರೀ ಸಂಖ್ಯೆಗೆ ಕರೆ ಮಾಡಿ. 

ಅವರ ಸಂಪೂರ್ಣ ಚೇತರಿಕೆಗೆ ತೆಲಂಗಾಣ ಸರ್ಕಾರ ಕ್ರಮ ಕೈಗೊಳ್ಳಲಿದೆ ಎಂದಿದ್ದಾರೆ ಪ್ರಭಾಸ್. ಹಾಗ್​ ನೋಡಿದ್ರೆ ಡ್ರಗ್ ಮಾಫಿಯಾ ವಿರುದ್ಧ ದೊಡ್ಡ ಸಮರಕ್ಕೆ ಸಜ್ಜಾಗಿರೋದು ನಮ್ಮ ರಾಕಿಂಗ್ ಸ್ಟಾರ್ ಯಶ್.. ಅದು ಟಾಕ್ಸಿಕ್ ಸಿನಿಮಾ ಮೂಲಕ. ಡ್ರಗ್ಸ್​ ವ್ಯಸನದಲ್ಲಿ ಇಡೀ ಜಗತ್ತೇ ಸಿಕ್ಕಿ ಬಿದ್ದಿದೆ. ಈ ದಂದೆ ಹೇಗೆ ನಡೆಯುತ್ತೆ. ಅದನ್ನ ಹೇಗೆ ತಡಿಬೇಕು ಅನ್ನೋ ಕಥೆಯನ್ನೇ ಯಶ್​ ಟಾಕ್ಸಿಕ್ ಸಿನಿಮಾ ಮೂಲಕ ಇಡೀ ಜಗತ್ತಿಗೇ ತಿಳಿಸ ಹೊರಟಿದ್ದಾರೆ. ಯಶ್​ ಡ್ರಗ್ಸ್​ ವಿರುದ್ಧದ ಸಮರಕ್ಕೆ ಸಿನಿಮಾವನ್ನೇ ಬಳಸಿಕೊಳ್ಳುತ್ತಿದ್ದಾರೆ. ಆ ಕಡೆ ಪ್ರಭಾಸ್​ ಈಗ ತೆಲಂಗಾಣ ಸರ್ಕಾರದ ಜೊತೆ ಡ್ರಗ್ಸ್ ವಿರುದ್ಧದ ಹೋರಾಟಕ್ಕೆ ಬಂದಿದ್ದಾರೆ. ಹೀಗಾಗಿ ಡ್ರಗ್​ ವಿಷಯದಲ್ಲಿ ಪ್ಯಾನ್ ಇಂಡಿಯಾ ಸ್ಟಾರ್​ಗಳಾದ ಪ್ರಭಾಸ್​​ ಹಾಗು ಯಶ್​ರದ್ದು ಒಂದೇ ಗುರಿ ಆಗಿದ್ದು ಇಬ್ಬರನ್ನೂ ಅಭಿಮಾನಿಗಳು ಕೊಂಡಾಡುತ್ತಿದ್ದಾರೆ.