ಸಂಚಾರ ನಿಯಂತ್ರಿಸಲು ದ್ರೋಣ್ ಬಳಸಿದ ಪೊಲೀಸರು, ದಿಕ್ಕಾಪಾಲಾಗಿ ಓಡಿದ ಹುಡುಗರು..!

ಬೆಳಗಾವಿ(ಏ.12): ಲಾಕ್‌ಡೌನ್ ಉಲ್ಲಂಘಿಸಿ ಕ್ರಿಕೆಟ್ ಆಡುತ್ತಿದ್ದ ಯುವಕರ ಡ್ರೋಣ್ ಕ್ಯಾಮರ ಕಂಡಾಕ್ಷಣ ಎದ್ದು ಬಿದ್ದು ಓಡಿದ ಘಟನೆ ಬೆಳಗಾವಿಯ ಉಜ್ವಲ ನಗರ, ಗಾಂಧಿನಗರದಲ್ಲಿ ನಡೆದಿದೆ.

ಸಂಚಾರ ನಿಯಂತ್ರಿಸಲು ಹಾಗೂ ಬೇಕಾಬಿಟ್ಟಿ ತಿರುಗಾಡುವವರ ಮೇಲೆ ಹದ್ದಿನ ಕಣ್ಣಿಡಲು ಬೆಳಗಾವಿ ಪೊಲೀಸರು ಡ್ರೋಣ್ ಬಳಸಿದ್ದರು. ಈ ವೇಳೆ ಕ್ರಿಕೆಟ್ ಆಡುತ್ತಿದ್ದ ಹುಡುಗರು ದ್ರೋಣ್ ನೋಡುತ್ತಿದ್ದಂತೆ ದಿಕ್ಕಾಪಾಲಾಗಿ ಓಡಿರುವ ಕ್ಷಣಗಳು ಕ್ಯಾಮರಾದಲ್ಲಿ ಸೆರೆಯಾಗಿವೆ. 

ಈಗಾಗಲೇ ಕೊರೋನಾ ವೈರಸ್ ಹರಡದಂತೆ ಮುನ್ನೆಚ್ಚರಿಕಾ ಕ್ರಮವಾಗಿ ದೇಶಾದ್ಯಂತ 21 ದಿನಗಳ ಕಾಲ ಲಾಕ್‌ಡೌನ್ ಘೋಷಣೆಯಾಗಿದೆ. ಇನ್ನು ಕರ್ನಾಟಕದಲ್ಲೂ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗಿದೆ.

"