ಸಿಹಿಯನ್ನು ಕರೆದುಕೊಂಡು ಹೋಗಲು ಮೇಘಶ್ಯಾಮ್ ರಾಮ್ ಮನೆಗೆ ಬಂದಿದ್ದಾನೆ. ಮುಂದೇನು? ಸಿಹಿ ಸೀತಾ-ರಾಮರ ಕೈತಪ್ಪಿ ಹೋಗ್ತಾಳಾ?
ಒಂದೆಡೆ ಕಾನೂನು, ಇನ್ನೊಂದೆಡೆ ಮಾತೃ-ಪಿತೃ ವಾತ್ಸಲ್ಯ. ಇವೆರಡರ ನಡುವೆ ಒಂದನ್ನು ಆಯ್ಕೆ ಮಾಡಿ ಎಂದರೆ ಬಹುತೇಕ ಎಲ್ಲರೂ ಹೇಳುವುದು ವಾತ್ಸಲ್ಯದ ಮುಂದೆ ಎಲ್ಲವೂ ನಗಣ್ಯ ಎನ್ನುವುದು. ಆದರೆ ಕಾನೂನು ಹಾಗೆ ಹೇಳಲ್ಲ. ಕಾನೂನು ಎಂಬುದು ಬಂದರೆ ಅದರ ಮುಂದೆ ಎಲ್ಲವೂ-ಎಲ್ಲರೂ ತಲೆಬಾಗಲೇಬೇಕು ಎನ್ನುವುದು ಸತ್ಯ. ಆದ್ದರಿಂದ ಯಾವುದು ಮೇಲು ಎಂಬ ಪ್ರಶ್ನೆಗೆ ಉತ್ತರಿಸೋದು ಬಲು ಕಷ್ಟ. ಇದೀಗ ಸೀತಾರಾಮ ಸೀರಿಯಲ್ ಸೀತಾ-ರಾಮರ ಕಥೆಯೂ ಇದೇ ಆಗಿದೆ. ಮೇಘಶ್ಯಾಮ್ಗೆ ಸಿಹಿಯೇ ತನ್ನ ಮಗಳು ಎನ್ನುವ ಸತ್ಯ ಗೊತ್ತಾಗಿದೆ. ಈ ಸತ್ಯವನ್ನು ರಾಮ್ಗೆ ಸೀತಾ ತಿಳಿಸಿದ್ದರೂ ಆತ ಮಲಗಿದ್ದ ಕಾರಣ ಅದನ್ನು ಕಿವಿಯ ಮೇಲೆ ಹಾಕಿಕೊಂಡಿರಲೇ ಇಲ್ಲ. ಆದ್ರೆ ಮೇಘಶ್ಯಾಮ್ನಿಂದಾಗಿ ಆ ಸತ್ಯವೂ ರಾಮ್ಗೆ ತಿಳಿದಿದೆ.
ರಾಮ್ ತನ್ನಿಂದ ಸತ್ಯ ಮುಚ್ಚಿಟ್ಟ ಎಂದೇ ಮೇಘಶ್ಯಾಮ್ ಅಂದುಕೊಂಡಿದ್ದಾರೆ. ನೇರವಾಗಿ ರಾಮ್ ಮನೆಗೆ ಬಂದು ಸೀತಾಳ ವಿರುದ್ಧ ಕಿಡಿ ಕಾರಿದ್ದಾನೆ. ಸಿಹಿ ನನ್ನ ಮಗಳು ಎಂದಿದ್ದಾನೆ. ಇದನ್ನು ಕೇಳಿ ಪುಟಾಣಿ ಸಿಹಿ ನಲುಗಿ ಹೋಗಿದ್ದಾಳೆ. ಸೀತಾಗೆ ಬರಸಿಡಿಲು ಬಡಿದಂತೆ ಆಗಿದೆ. ಭಾರ್ಗವಿಗೆ ಒಳಗೊಳಗೆ ಖುಷಿಯಾದರೂ ಬಾಡಿಗೆ ತಾಯಿಯ ಮಾತು ಕೇಳಿ ಶಾಕ್ ಆಗಿದೆ. ಅಷ್ಟರಲ್ಲಿಯೇ ಸಿಹಿ ಅಪ್ಪಾ ಎಂದಿದ್ದಾಳೆ. ಮೇಘಶ್ಯಾಮ್ನನ್ನೇ ಅಪ್ಪ ಎಂದು ಕರೆದಳು ಎಂದು ಸೀತಾ ಶಾಕ್ ಆದಳು. ಆದರೆ ಅಸಲಿಗೆ ಸಿಹಿ ಅಪ್ಪಾ ಎಂದಿದ್ದು ಹಿಂದುಗಡೆ ನಿಂತಿದ್ದ ರಾಮ್ನನ್ನು.
ಯಾರ ಕನಸ ಕನ್ಯೆಯೋ... ಎಂದು ಸುಧಾರಾಣಿ ಪೋಸ್: ಪ್ಲೀಸ್ ಮಗು ತೆಗೆಸಿ ಅಂತಿರೋ ಫ್ಯಾನ್ಸ್!
ಮೇಘಶ್ಯಾಮ್ ಅಂತೂ ಸಿಹಿಯನ್ನು ಬಿಡುವಂತೆ ಕಾಣುವುದಿಲ್ಲ. ಇತ್ತ ಮೇಘಶ್ಯಾಮ್ಗೆ ಸಹಾಯ ಮಾಡಲು ಕಾನೂನಿನ ನೆರವು ಪಡೆದ ರಾಮ್ಗೆ ಮರ್ಮಾಘಾತವಾಗಿದೆ. ಇನ್ನು ಸೀತಾಳ ವಿಷಯವಂತೂ ಹೇಳುವುದೇ ಬೇಡ. ಈಗ ಮುಂದಿರುವ ಪ್ರಶ್ನೆ ಇಬ್ಬರ ನಡುವೆ ಜರ್ಜಿತರಾಗಿರುವ ಸಿಹಿಯ ಗತಿಯೇನು? ಅಷ್ಟು ಸುಲಭದಲ್ಲಿ ಸಿಹಿಯನ್ನು ಸೀತಾ-ರಾಮ ಬಿಟ್ಟು ಕೊಡುತ್ತಾರೋ ಅಥವಾ ಸೀರಿಯಲ್ನಲ್ಲಿ ಇನ್ನೊಂದು ಟ್ವಿಸ್ಟ್ ಬರುತ್ತದೆಯೋ ಕಾದು ನೋಡಬೇಕಿದೆ.
ಅದೇ ಇನ್ನೊಂದೆಡೆ, ಶಾಲಿನಿಗೆ ಈ ಮಗು ಇಷ್ಟವಿಲ್ಲ ಎನ್ನುವುದು ಮೇಘಶ್ಯಾಮ್ಗೆ ಗೊತ್ತು. ಬಾಡಿಗೆ ತಾಯಿ ಸುಳ್ಳು ಹೇಳಿದ್ದಲ್ಲ, ಬದಲಿಗೆ ಶಾಲಿನಿನೇ ಮಗು ಸತ್ತಿರುವುದಾಗಿ ಸುಳ್ಳು ಹೇಳಿದ್ದಾಳೆ ಎನ್ನುವ ಸತ್ಯ ಅವನಿಗೆ ತಿಳಿದಿದೆ. ಅಷ್ಟೇ ಅಲ್ಲದೇ, ಸಿಹಿಯ ಮೇಲೆ ಸೀತಾ ಮತ್ತು ರಾಮ್ ಅದೆಷ್ಟರಮಟ್ಟಿಗೆ ಪ್ರೀತಿಯ ಧಾರೆ ಹರಿಸುತ್ತಿದ್ದಾರೆ ಎನ್ನುವ ವಿಷಯವೂ ಅವನಿಗೆ ಗೊತ್ತು. ಹಾಗಿದ್ದರೆ ಮುಂದೇನು? ಸಿಹಿ ದೂರವಾಗ್ತಾಳಾ? ಶಾಲಿನಿ ಮಗುವನ್ನು ಒಪ್ಪಿಕೊಳ್ತಾಳಾ? ಸೀತಾಳ ಮುಂದಿನ ನಡೆ ಏನು?
ದೀಪಾ v/s ಸೌಂದರ್ಯ- ನೀನಾ... ನಾನಾ... ಯಾರೂ ಊಹಿಸದ ರೋಚಕ ಟ್ವಿಸ್ಟ್! ಕುಣಿದಾಡುತ್ತಿರುವ ಫ್ಯಾನ್ಸ್...