ಬಿಗ್ಬಾಸ್ ಖ್ಯಾತಿಯ ತನಿಷಾ ಕುಪ್ಪಂಡ ತಮ್ಮ ಜೀವನದಲ್ಲಿ ಕಂಡಿರುವ ಗಂಡಸರ ವಿಷಯವನ್ನು ಮಾತನಾಡುತ್ತಾ, ಹೀಗೆಲ್ಲಾ ಹೇಳಿದ್ದಾರೆ. ಅವರು ಹೇಳಿದ್ದೇನು ನೋಡಿ...
'ಬಿಗ್ ಬಾಸ್' ಮನೆಯಲ್ಲಿ ಬೆಂಕಿ ಎಂದು ಕರೆಸಿಕೊಳ್ಳುತ್ತಿದ್ದ ನಟಿ ತನಿಷಾ ಕುಪ್ಪಂಡ ಈಗ ಸಿನಿಮಾದಲ್ಲಿಯೂ ಬಿಜಿ ಆಗಿದ್ದಾರೆ. . ‘ಮಂಗಳಗೌರಿ ಮದುವೆ’, ‘ಇಂತಿ ನಿಮ್ಮ ಆಶಾ’ ಮುಂತಾದ ಸೀರಿಯಲ್‌ಗಳಲ್ಲಿ ನಟಿಸಿರುವ ತನಿಷಾ ಕುಪ್ಪಂಡ ಬಿಗ್ಬಾಸ್ನಿಂದ ಸಕತ್ ಫೇಮಸ್ ಆದವರು. ಆದರೆ ಇವರು ಬಹಳ ಸದ್ದು ಮಾಡಿದ್ದು ‘ಪೆಂಟಗನ್’ ಚಿತ್ರದ ಮೂಲಕ. ಕಳೆದ ವರ್ಷ ಬಿಡುಗಡೆಯಾದ ಈ ಚಿತ್ರದಲ್ಲಿ ತನಿಷಾ ಬಹಳ ಸದ್ದು ಮಾಡಲು ಕಾರಣ, ಅವರು ಇದರಲ್ಲಿ ಸಿಕ್ಕಾಪಟ್ಟೆ ಬೋಲ್ಡ್ ಆಗಿ ಕಾಣಿಸಿಕೊಂಡಿರುವ ಕಾರಣ. ಚಿತ್ರ ಬಿಡುಗಡೆಗೂ ಮುನ್ನ, ಬ್ಯಾಕ್‌ಲೆಸ್ ಆಗಿರುವ ತನಿಷಾ ಕುಪ್ಪಂಡ ಲಿಪ್ ಲಾಕ್ ಕೂಡ ಮಾಡಿರುವ ಹಾಡು ರಿಲೀಸ್ ಆಗುತ್ತಿದ್ದಂತೆಯೇ ಹಲ್ಚಲ್ ಸೃಷ್ಟಿಸಿತ್ತು. ಅದಾದ ಬಳಿಕ ಈಗ ಪೆನ್ಡ್ರೈವ್ ಸಿನಿಮಾದಲ್ಲಿ ಪೊಲೀಸ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಇದೀಗ ಅವರು, ರಾಜೇಶ್ ಗೌಡ ಅವರ ಷೋನಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿನಿ ಇಂಡಸ್ಟ್ರಿಯಲ್ಲಿ ಭಾರಿ ಸದ್ದು ಮಾಡುತ್ತಿರುವ ಕಾಸ್ಟಿಂಗ್ ಕೌಚ್ ಕುರಿತು ಮಾತನಾಡುವ ಸಂದರ್ಭದಲ್ಲಿ ಗಂಡಸರ ಬಗ್ಗೆ ತಾವು ಕಂಡಿರುವ ಸತ್ಯದ ಬಗ್ಗೆ ಅವರು ಮಾತನಾಡಿದ್ದಾರೆ. ನಾನು ನೂರು ಜನ ಗಂಡಸರನ್ನು ಮೀಟ್ ಮಾಡಿದ್ರೆ, ಅದರಲ್ಲಿ 90-92 ಜನ ಡೈರೆಕ್ಟೋ ಇನ್ಡೈರೆಕ್ಟೋ ಕೆಟ್ಟ ದೃಷ್ಟಿಯಲ್ಲಿಯೇ ಇರ್ತಾರೆ. ಇನ್ನು 8-10 ಜನ ಮಾತ್ರ ನಾರ್ಮಲ್ ಆಗಿ ಕಾಣಿಸ್ತಾರೆ. ನನ್ನ ಫ್ರೆಂಡ್ಷಿಪ್ ಮಾಡಿಕೊಳ್ಳಲು ಬಂದವರಿಗೆ ನಾನು ಮೊದಲೇ ಇದನ್ನು ಹೇಳಿರ್ತೇನೆ. ಅವರು ನನ್ನ ಫ್ರೆಂಡ್ಷಿಪ್ ಮಾಡಿಕೊಳ್ಳಲು ಯಾಕೆ ಬಯಸ್ತಾರೆ ಎನ್ನೋದು ಮೊದಲು ನನಗೆ ಗೊತ್ತಾಗಬೇಕು. ಒಂದು ವೇಳೆ ಅವರ ಇಂಟೆನ್ಷನ್ ಬೇರೆಯದ್ದೇ ಇದ್ದರೆ ಆರಂಭದಲ್ಲಿಯೇ ನಾನು ಅವರ ಫ್ರೆಂಡ್ಷಿಪ್ ಕಟ್ ಮಾಡಲು ಇಲ್ಲವೇ ಇನ್ನೊಂದೆರಡು ಮೂರು ತಿಂಗಳು ಮುಂದುವರೆಸಲು ಆಗ್ತದೆ ಎಂದು ಎಂದು ತನಿಷಾ ಹೇಳಿದ್ದಾರೆ.
ಪೂರ್ಣ ಬೆತ್ತಲಾಗೋಕೆ ರೆಡಿನಾ ಕೇಳಿದ... ಶಾಕಿಂಗ್ ವಿಷ್ಯ ತಿಳಿಸಿದ ಬಿಗ್ಬಾಸ್ ತನಿಷಾ ಕುಪ್ಪಂಡ
undefined
ಇದೇ ವೇಳೆ ಅವರು ಕಾಸ್ಟಿಂಗ್ ಕೌಚ್ ಎನ್ನೋದು ಸಿನಿಮಾ ಇಂಡಸ್ಟ್ರಿಯಲ್ಲಿ ಮಾತ್ರವೇ ಇರುತ್ತದೆ ಎಂದು ಹೇಳ್ತಾರೆ. ಆದರೆ ಅಸಲಿಗೆ ಅಲ್ಲಿ ಮಾತ್ರವಲ್ಲ, ಎಲ್ಲಾ ಕಡೆಗಳಲ್ಲಿಯೂ ಇದೆ. ಇದರ ಅನುಭವ ನನಗೆ ಆಗಿದೆ ಎಂದು ಹೇಳಿದ್ದಾರೆ. ಇದೇ ವೇಳೆ ಬ್ರೇಕಪ್, ಲವ್ ಬಗ್ಗೆಯೂ ಮಾತನಾಡಿರುವ ತನಿಷಾ, ಹಲವರು ಬ್ರೇಕಪ್ ವಿಷಯ ಬಂದಾಗ ಹೆಣ್ಣುಮಕ್ಕಳು ಮಾತ್ರವೇ ಸಫರ್ ಆಗೋದು ಅಂತಾರೆ. ಆದರೆ ನಿಜ ಜೀವನದಲ್ಲಿ ಹಾಗಲ್ಲ. ಗಂಡಸರೂ ಸಫರ್ ಆಗಿರುತ್ತಾರೆ. ಆದರೆ ಹಲವು ಸಂದರ್ಭಗಳಲ್ಲಿ ಅವರು ಅದನ್ನು ಮೀರಿ ಮುಂದಕ್ಕೆ ಹೋಗುತ್ತಾರೆ ಅಷ್ಟೇ ಎಂದು ಹೇಳಿದ್ದಾರೆ.
ಈ ಹಿಂದೆ ನಟಿ, ಪೆಂಟಗನ್ ಚಿತ್ರದಲ್ಲಿ ಹಸಿಬಿಸಿ ದೃಶ್ಯದಲ್ಲಿ ಕಾಣಿಸಿಕೊಂಡಿರುವ ಬಗ್ಗೆ ಮಾತನಾಡಿದ್ದರು. ಮೊದಲು ತಾವು ಈ ಚಿತ್ರಕ್ಕೆ ಒಪ್ಪಿಕೊಂಡದ್ದು ಏಕೆ ಎನ್ನುವುದನ್ನು ತಿಳಿಸಿದ್ದರು. ನಿರ್ದೇಶಕರು ಬಂದು ಈ ಚಿತ್ರದ ಬಗ್ಗೆ ವಿವರಿಸಿದರು. ಇದರಲ್ಲಿ ಇರುವ ಬೋಲ್ಡ್, ಇಂಟಿಮೇಟ್ ದೃಶ್ಯಗಳ ಕುರಿತು ಹೇಳಿದರು. ಲಿಪ್ಲಾಕ್ ಎಷ್ಟು ಹೊತ್ತು ಇರುತ್ತೆ, ಬೋಲ್ಡ್ ಸೀನ್ ಎಷ್ಟು ಹೊತ್ತು ಇರುತ್ತೆ ಎಂದು ಕೇಳಿದೆ. ಇದನ್ನು ಕೇಳಿ ನಿರ್ದೇಶಕರಿಗೆ ಖುಷಿಯಾಯಿತು. ಎಲ್ಲಾ ಸಂಪೂರ್ಣವಾಗಿ ವಿವರಿಸಿದ್ದರು. ಚಿತ್ರಕ್ಕೆ ಅಗತ್ಯ ಬಿದ್ದರೆ ಈ ದೃಶ್ಯಗಳನ್ನು ಮಾಡಲು ನಾನು ಸಿದ್ಧ ಎಂದೆ. ನಂತರ ಅವರು ಚಿತ್ರದ ಬಗ್ಗೆ ವಿವರಿಸಿದಾಗ ಓಕೆ ಎಂದು ಹೇಳಿದೆ. ಏನೇ ದೃಶ್ಯವಿದ್ದರೂ ನಾನು ಮಾಡಲು ರೆಡಿ. ಆದರೆ ಮೊದಲೇ ಹೇಳಬೇಕು ಎಂದೆ. ಆಮೇಲೆ ಅದನ್ನು ಮಾಡು, ಇದನ್ನು ಮಾಡು ಎಂದ್ರೆ ನಾನು ಮಾಡಲ್ಲ. ಮೊದಲೇ ಹೇಳಿದ್ರೆ ಎಷ್ಟು ಟೇಕ್ ಇದ್ರೂ ಮಾಡುತ್ತೇನೆ ಎಂದೆ. ಅದನ್ನು ಕೇಳಿ ಅವರು ಒಪ್ಪಿದರು. ಅದರಂತೆಯೇ ನಡೆದುಕೊಂಡರು ಎಂದಿದ್ದರು.
ಹಸಿಬಿಸಿ ದೃಶ್ಯದ ಬಳಿಕ 'ಪೆನ್ಡ್ರೈವ್'ನಲ್ಲಿ ಬಿಗ್ಬಾಸ್ ತನಿಷಾ! ಥೋ ಥೋ... ವಿಡಿಯೋ ವೈರಲ್