ಐಪಿಎಲ್ ಆರಂಭಕ್ಕೂ ಮುನ್ನ ಇಲ್ಲೊಮ್ಮೆ ನೋಡಿ....

By Web Desk | First Published Mar 23, 2019, 6:09 PM IST

12ನೇ ಆವೃತ್ತಿ ಆರಂಭಕ್ಕೂ ಮುನ್ನ ಸುವರ್ಣನ್ಯೂಸ್.ಕಾಂ ಕಳೆದ 11 ಆವೃತ್ತಿಯಲ್ಲಿ ನಿರ್ಮಾಣವಾದ ಹಲವಾರು ದಾಖಲೆಗಳನ್ನು ಓದುಗರಿಗೆ ಉಣಬಡಿಸಿದೆ. ಅಲ್ಲದೇ 12 ಆವೃತ್ತಿಯ ಐಪಿಎಲ್’ನ ಪ್ರತಿಕ್ಷಣದ ಅಪರೂಪದ, ರೋಚಕ ಘಟನೆ, ದಾಖಲೆಗಳನ್ನು ನಿಮ್ಮ ಮುಂದಿಡಲಿದೆ. 11 ಆವೃತ್ತಿಗಳಲ್ಲಿನ ದಾಖಲೆಗಳ ಮೇಲೆ ನೀವೊಮ್ಮೆ ಕಣ್ಣಾಡಿಸಿ...

ಬೆಂಗಳೂರು[ಮಾ.23]: ಬಹುನಿರೀಕ್ಷಿತ 12ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿ ಆರಂಭಕ್ಕೆ ಕೆಲವೇ ಗಂಟೆಗಳು ಬಾಕಿ ಉಳಿಸಿದಿವೆ. ಸತತ 11 ಯಶಸ್ವಿ ಆವೃತ್ತಿಗಳನ್ನು ಪೂರೖಸಿರುವ ಐಪಿಎಲ್ ಇದೀಗ ಕ್ರಿಕೆಟ್ ಅಭಿಮಾನಿಗಳ ಹೃದಯಕ್ಕೆ ಲಗ್ಗೆಯಿಡಲು ಸಜ್ಜಾಗಿದೆ.

2008ರಲ್ಲಿ ಆರಂಭಗೊಂಡ ಐಪಿಎಲ್ ಟೂರ್ನಿಯಲ್ಲಿ ಚೆನ್ನೈ ಸೂಪರ್’ಕಿಂಗ್ಸ್ ಹಾಗೂ ಮುಂಬೈ ಇಂಡಿಯನ್ಸ್ ತಂಡಗಳು ತಲಾ 3 ಬಾರಿ ಕಪ್ ಎತ್ತಿ ಹಿಡಿಯುವ ಮೂಲಕ ಯಶಸ್ವಿ ತಂಡಗಳಾಗಿ ಹೊರಹೊಮ್ಮಿದರೆ, ಕೆಕೆಆರ್ 2 ಹಾಗೂ ರಾಜಸ್ಥಾನ ರಾಯಲ್ಸ್, ಡೆಕ್ಕನ್ ಚಾರ್ಜರ್ಸ್, ಸನ್’ರೈಸರ್ಸ್ ಹೈದರಾಬಾದ್ ತಂಡಗಳು ತಲಾ ಒಂದೊಂದು ಬಾರಿ ಚಾಂಪಿಯನ್ ಪಟ್ಟ ಅಲಂಕರಿಸಿವೆ. ಡೆಲ್ಲಿ ಕ್ಯಾಪಿಟಲ್ಸ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಕಿಂಗ್ಸ್ ಇಲೆವನ್ ಪಂಜಾಬ್ ತಂಡಗಳು ಇನ್ನು ಪ್ರಶಸ್ತಿಯ ಬರ ಅನುಭವಿಸುತ್ತಿವೆ.