ಕಿಚ್ಚ ಸುದೀಪ್​ @50: ಹುಟ್ಟುಹಬ್ಬದ ಸುವರ್ಣ ಮಹೋತ್ಸವಕ್ಕೆ ಪತ್ನಿ ಪ್ರಿಯಾ ಬಿಗ್​ ಸರ್​ಪ್ರೈಸ್​!

ನಾಳೆ (ಸೆ.2) ಕಿಚ್ಚ ಸುದೀಪ್​ ಹುಟ್ಟುಹಬ್ಬದ ಸಂಭ್ರಮ. ಈ ಹೊತ್ತಿನಲ್ಲಿ ಟ್ವೀಟರ್​ ಮೂಲಕ ಅವರ ಪತ್ನಿ ವಿಶೇಷ ಮಾಹಿತಿ ಶೇರ್​ ಮಾಡಿಕೊಂಡಿದ್ದಾರೆ. ಅಚ್ಚರಿಯೊಂದು ಕಾದಿರುವುದಾಗಿ ಹೇಳಿದ್ದಾರೆ.  

ಕಿಚ್ಚ ಸುದೀಪ್ ಅವರು ನಾಳೆ ಅಂದರೆ ಸೆಪ್ಟೆಂಬರ್​ 2ರಂದು 50ನೇ ಹುಟ್ಟುಹಬ್ಬವನ್ನು  ಆಚರಿಸಿಕೊಳ್ಳುತ್ತಿದ್ದಾರೆ. ಸುವರ್ಣ ಮಹೋತ್ಸವದ ಖುಷಿಯಲ್ಲಿರುವ  ಕಿಚ್ಚ ಸುದೀಪ್ (Kiccha Sudeep) ಅವರ ಹುಟ್ಟುಹಬ್ಬಕ್ಕೆ ಇದಾಗಲೇ ಭರ್ಜರಿ ತಯಾರಿ ನಡೆದಿದೆ.  ಇವರ ಹುಟ್ಟುಹಬ್ಬವನ್ನು  ಅದ್ಧೂರಿಯಾಗಿ ಆಚರಿಸೋದಕ್ಕೆ ದೊಡ್ಡ ಪ್ಲ್ಯಾನ್ ಇದಾಗಲೇ ರೆಡಿ ಆಗಿದೆ. ಅವರ ಫ್ಯಾನ್ಸ್​ ಇದಾದಲೇ ಭರ್ಜರಿ ತಯಾರಿ ನಡೆಸಿದ್ದಾರೆ. ನಂದಿ ಲಿಂಕ್​ ಗ್ರೌಂಡ್​ನಲ್ಲಿ ತಮ್ಮ ನೆಚ್ಚಿನ ನಟರ ಬರ್ತ್​ಡೇ ಸೆಲೆಬ್ರೇಟ್​ ಮಾಡಲು ಅಪಾರ ಸಂಖ್ಯೆಯ ಅಭಿಮಾನಿಗಳು ಜಮಾಯಿಸಲಿದ್ದಾರೆ. ಅದಕ್ಕೆ ಈಗಾಗಲೇ ಸಕಲ ಸಿದ್ಧತೆ ಆಗಿದೆ. ಅವರ ಜನ್ಮದಿನದ ಹೊಸ್ತಿಲಿನಲ್ಲಿ ‘ಅರಸು ಕ್ರಿಯೇಷನ್ಸ್​’ ಸಂಸ್ಥೆ ಕಡೆಯಿಂದ ಒಂದು ವಿಶೇಷವಾದ ಉಡುಗೊರೆ ನೀಡಲಾಗಿದೆ. ಆಕಾಶದಲ್ಲಿನ ಒಂದು ನಕ್ಷತ್ರಕ್ಕೆ ಕಿಚ್ಚ ಸುದೀಪ ಎಂದು ಹೆಸರು ಇಡಲಾಗಿದೆ. ಈ ಮೂಲಕ ಸುದೀಪ್​ಗೆ ವಿಶೇಷವಾದ ಗೌರವ ಸಲ್ಲಿಸಲಾಗಿದೆ.

ಇದರ ನಡುವೆಯೇ, ಇದೀಗ ಸುದೀಪ್​ ಅವರ ಪತ್ನಿ ಪ್ರಿಯಾ ಸುದೀಪ್​ ಅವರು ಕುತೂಹಲದ ವಿಷಯವೊಂದನ್ನು ಶೇರ್​ ಮಾಡಿಕೊಂಡಿದ್ದಾರೆ. ಹುಟ್ಟುಹಬ್ಬಕ್ಕೆ ಸರ್​ಪ್ರೈಸ್​ ನೀಡಲು ಪ್ರಿಯಾ ಮುಂದಾಗಿದ್ದಾರೆ. ಪ್ರಿಯಾ ರಾಧಾಕೃಷ್ಣ ಮತ್ತು ಸುದೀಪ್​ ಅವರು ವಿವಾಹವಾದದ್ದು 2001ರಲ್ಲಿ.  ಮದುವೆಗೂ ಮುನ್ನ ಪ್ರಿಯಾ ವಿಮಾನಯಾನ ಸಂಸ್ಥೆ ಮತ್ತು ಬ್ಯಾಂಕ್‌ನಲ್ಲಿ ಕೆಲಸ ಮಾಡುತ್ತಿದ್ದರು. ಸುದೀಪ್-‌ಪ್ರಿಯಾ ದಂಪತಿಗೆ ಸಾನ್ವಿ ಎಂಬ ಮಗಳಿದ್ದಾಳೆ. ತಮ್ಮ ಪತಿಗೆ ಹುಟ್ಟುಹಬ್ಬದಂದು ಸರ್​ಪ್ರೈಸ್​ ನೀಡುವುದಾಗಿ ಟ್ವಿಟರ್ ಮೂಲಕ ಪ್ರಿಯಾ ತಿಳಿಸಿದ್ದಾರೆ. ಟ್ವಿಟರ್​ನಲ್ಲಿ ಪ್ರಿಯಾ ಅವರು, ‘ಇಂದು ನಿಮ್ಮ ಪ್ರೀತಿಯ ಕಿಚ್ಚ ಸುದೀಪರ ( Kiccha Sudeep Birthday) ಹುಟ್ಟುಹಬ್ಬವನ್ನು ನಿಮ್ಮೊಂದಿಗೆ ಆಚರಿಸಲು ಕಾತುರದಿಂದ ಕಾಯುತ್ತಿದ್ದೇನೆ. ಇಂದಿನ ಕಾರ್ಯಕ್ರಮದಲ್ಲಿ ನನ್ನ ಕಡೆಯಿಂದ ನಿಮ್ಮೆಲ್ಲರ ಪರವಾಗಿ ಕಿಚ್ಚನಿಗೆ ಒಂದು ವಿಶೇಷವಾದ ಅದ್ದೂರಿ ಅಚ್ಚರಿ ಕಾದಿದೆ. ಎಲ್ಲರೂ ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿ, ಅಚ್ಚರಿಯನ್ನು ಆನಂದಿಸಿ, ಕಿಚ್ಚನನ್ನು ಹರಸಿ’ ಎಂದು ಬರೆದುಕೊಂಡಿದ್ದಾರೆ. ಇದರಿಂದ ಇವರು ಏನು ಸರ್​ಪ್ರೈಸ್​​ ಕೊಡಲು ಕಾತರರಾಗಿದ್ದಾರೆ ಎಂದು ಫ್ಯಾನ್ಸ್​ ಕಾಯುತ್ತಿದ್ದಾರೆ.

ಇನ್ನು ಸುದೀಪ್​ ಅವರ ಸಿನಿಮಾದ ಕುರಿತು ಹೇಳುವುದಾದರೆ,  ಅವರ ‘ವಿಕ್ರಾಂತ್​ ರೋಣ’ ಬ್ಲಾಕ್​ಬಸ್ಟರ್​ ಸಿನಿಮಾ ಆಗಿ ಹೊರಹೊಮ್ಮಿತು. ಇದೀಗ  ಟೈಟಲ್​ ರಿವೀಲ್​ ಆಗದ ಸಿನಿಮಾ ಒಂದರಲ್ಲಿ ಬಿಜಿಯಾಗಿದ್ದಾರೆ ಸುದೀಪ್​. ಇದು ಅವರ  46ನೇ ಸಿನಿಮಾ ಆಗಿದೆ.  ಸದ್ಯಕ್ಕೆ ಇದನ್ನು Kichcha 46 ಎಂದು ಕರೆಯಲಾಗುತ್ತಿದೆ. ನಾಳೆಯೇ ಅಂದರೆ ಬರ್ತ್​ಡೇ ದಿನವೇ ಈ ಚಿತ್ರದ ಶೀರ್ಷಿಕೆ ಕೂಡ ಬಹಿರಂಗಪಡಿಸಲಾಗುವುದು ಎನ್ನಲಾಗುತ್ತಿದೆ.  ದೊಡ್ಡ ಬಜೆಟ್​ ಸಿನಿಮಾ ಇದಾಗಿದ್ದು, ಇದೇ ವರ್ಷ ಬಿಡುಗಡೆಗೆ ಸಿದ್ಧತೆ ಮಾಡಿಕೊಂಡಿದೆ ಚಿತ್ರ ತಂಡ. ಈ ವರ್ಷ ಮುಗಿಯಲು ಇನ್ನೇನು ನಾಲ್ಕು ತಿಂಗಳು ಮಾತ್ರವಿದ್ದು, ಅಷ್ಟರಲ್ಲಿಯೇ ಮುಗಿಸುವ ತವಕದಲ್ಲಿದೆ.

ಇನ್ನು ಸುದೀಪ್​  ಮತ್ತು ಪ್ರಿಯಾ (Priya Sudeep) ಅವರ ದಾಂಪತ್ಯದ ಕುರಿತು ಹೇಳುವುದಾದರೆ, ಅದ್ಯಾವುದೋ ಕೆಟ್ಟ ಘಳಿಗೆಯಲ್ಲಿ ದಂಪತಿ  2015 ರಲ್ಲಿ ದಂಪತಿ ಬೇರ್ಪಟ್ಟು ನಾಲ್ಕು ವರ್ಷ ಪ್ರತ್ಯೇಕವಾಗಿ ವಾಸವಾಗಿದ್ದರು. ಡಿವೋರ್ಸ್​ಗೆ ಅರ್ಜಿ  ಕೂಡ ಸಲ್ಲಿಕೆಯಾಗಿತ್ತು.  ತನ್ನ ವೈವಾಹಿಕ ಜೀವನದ ಸಮಸ್ಯೆಗಳನ್ನು ಸುದೀಪ್‌ ಯಾರಿಗೂ ತಿಳಿಸುತ್ತಿರಲಿಲ್ಲ. ಸುದೀಪ್ ಪತ್ನಿಯಿಂದ ಮಗಳ ಕಸ್ಟಡಿ ಪಡೆಯದಿರಲು ನಿರ್ಧರಿಸಿದ್ದರು. ನಟ ವಿಚ್ಛೇದನ ಪಡೆದರೆ 19 ಕೋಟಿ ಕೊಡಬೇಕಾಗುತ್ತಿತ್ತು ಎಂಬ ಚರ್ಚೆ ನಡೆದಿತ್ತು. ಆದರೆ ಮಗಳಿಗಾಗಿ ಇವರು ಈ ಕೆಟ್ಟ ನಿರ್ಧಾರ ಕೈಬಿಟ್ಟು ಜೊತೆಯಾಗಿ ವಾಸಿಸಲು ತೀರ್ಮಾನಿಸಿ ಈಗ ಸುಖಿ ದಾಂಪತ್ಯ ನಡೆಸುತ್ತಿದ್ದಾರೆ.