ಪತ್ನಿ, ನಾಲ್ವರು ಗರ್ಲ್ಫ್ರೆಂಡ್ಗೆ ವಂಚನೆ; ವ್ಯಕ್ತಿಗೆ 114 ತಿಂಗಳು ಜೈಲು ಶಿಕ್ಷೆ!
ಸಾರಾಂಶ
ಒಬ್ಬ ವ್ಯಕ್ತಿ ನಾಲ್ಕು ಹುಡುಗಿಯರನ್ನು ಪ್ರೀತಿಯ ಬಲೆಯಲ್ಲಿ ಬೀಳಿಸಿ ವಂಚಿಸಿದ್ದಾನೆ. ತಾನು ಶ್ರೀಮಂತ ಎಂದು ಹೇಳಿ ಎಲ್ಲರನ್ನೂ ಮರುಳು ಮಾಡಿದ್ದಾನೆ. ಆದರೆ ಕೊನೆಗೆ ಅವನ ಮೋಸ ಬಯಲಾಗಿದೆ.
ಒಬ್ಬ ಹುಡುಗಿಯನ್ನು ನಿಭಾಯಿಸುವುದೇ ಕಷ್ಟ ಎಂದು ಹುಡುಗರು ಹೇಳುತ್ತಾರೆ. ಆಕಸ್ಮಿಕವಾಗಿ ಎರಡು ಹುಡುಗಿಯರ ನಡುವೆ ಸಿಕ್ಕಿಹಾಕಿಕೊಂಡರೆ ಅವರ ಕಥೆ ಮುಗಿಯಿತು. ಆದರೆ ಈ ವ್ಯಕ್ತಿ ಎರಡು ಅಲ್ಲ, ಮೂರು ಅಲ್ಲ, ಬರೋಬ್ಬರಿ ನಾಲ್ಕು ಹುಡುಗಿಯರ ಜೊತೆ ಆಟ ಆಡಿದ್ದಾನೆ. ಯಾರಿಗೂ ತಿಳಿಯದಂತೆ ನಾಲ್ವರನ್ನೂ ವಂಚಿಸಿದ್ದಾನೆ. ಆಶ್ಚರ್ಯದ ಸಂಗತಿಯೆಂದರೆ ಎಲ್ಲರೂ ಒಂದೇ ಸ್ಥಳದಲ್ಲಿ ವಾಸಿಸುತ್ತಿದ್ದರು. ಇವರಲ್ಲಿ ಒಬ್ಬಳು ಅವನ ಪತ್ನಿ ವಾಸಿಸುತ್ತಿದ್ದ ಅಪಾರ್ಟ್ಮೆಂಟ್ನಲ್ಲೇ ವಾಸಿಸುತ್ತಿದ್ದಳು. ಪ್ರೀತಿಯಲ್ಲಿ ಮಾತ್ರವಲ್ಲ, ತನ್ನ ಬಗ್ಗೆಯೂ ಸುಳ್ಳು ಮಾಹಿತಿ ನೀಡಿದ್ದಾನೆ. ತಾನು ಉದ್ಯಮಿ ಎಂದು ಹೇಳಿ ಎಲ್ಲರನ್ನೂ ಮೂರ್ಖರನ್ನಾಗಿ ಮಾಡಿದವನ ಮೋಸ ಬಯಲಾದಾಗ ಜನರು ದಂಗಾಗಿದ್ದಾರೆ.
ಈ ಘಟನೆ ಚೀನಾದಲ್ಲಿ ನಡೆದಿದೆ. ಜಿಯಾಜುನ್ ಎಂಬ ಈ ವ್ಯಕ್ತಿ ಐದು ಮಹಿಳೆಯರನ್ನು ವಂಚಿಸಿದ್ದಾನೆ. ಜಿಲಿನ್ ನಗರದ ನಿವಾಸಿಯಾದ ಜಿಯಾಜುನ್ ಬಡ ಕುಟುಂಬದಿಂದ ಬಂದವನು. ಓದಲು ಹಣವಿಲ್ಲದ ಕಾರಣ, ಮಧ್ಯದಲ್ಲೇ ವಿದ್ಯಾಭ್ಯಾಸವನ್ನು ಮೊಟಕುಗೊಳಿಸಿದ್ದಾನೆ. ಜನರ ಮುಂದೆ ತಾನು ಶ್ರೀಮಂತ ಎಂದು ಹೇಳಿಕೊಳ್ಳುತ್ತಿದ್ದ. ಅವನ ಬಟ್ಟೆ ಮತ್ತು ವರ್ತನೆಯನ್ನು ನೋಡಿ ಜಿಯೋ ಜಿಯಾ ಎಂಬ ಹುಡುಗಿ ಅವನನ್ನು ಪ್ರೀತಿಸುತ್ತಿದ್ದಳು. ಇಬ್ಬರೂ ಒಟ್ಟಿಗೆ ವಾಸಿಸಲು ಪ್ರಾರಂಭಿಸಿದರು. ಜಿಯೋ ಜಿಯಾ ಗರ್ಭಿಣಿಯಾದಾಗ ಇಬ್ಬರೂ ಮದುವೆಯಾದರು.
ಮದುವೆಯ ನಂತರ ಜಿಯೋ ಜಿಯಾಗೆ ಪತಿ ಜಿಯಾಜುನ್ನ ನಿಜರೂಪ ತಿಳಿಯಿತು. ಅವನು ಬಡ ಕುಟುಂಬದಿಂದ ಬಂದವನಾಗಿದ್ದ. ಅವನ ತಾಯಿ ಶೌಚಾಲಯ ಸ್ವಚ್ಛಗೊಳಿಸುತ್ತಿದ್ದಳು ಮತ್ತು ತಂದೆ ಕೂಲಿ ಮಾಡುತ್ತಿದ್ದರು. ಒಂದೊಂದು ರೂಪಾಯಿಗೂ ಕಷ್ಟಪಡುತ್ತಿಲ್ಲ. ಜಿಯಾಜುನ್ನ ವಂಚನೆಯಿಂದ ಬೇಸತ್ತ ಪತ್ನಿ ಒಬ್ಬಂಟಿಯಾಗಿ ಮಗುವನ್ನು ಸಾಕುವ ನಿರ್ಧಾರ ಮಾಡಿದಳು. ಪತಿ ಜಿಯಾಜುನ್ನನ್ನು ಮನೆಯಿಂದ ಹೊರಹಾಕಿದಳು. ಮನೆಯಿಂದ ಹೊರಹಾಕಲ್ಪಟ್ಟ ಒಂದು ವಾರದ ನಂತರ ಜಿಯಾಜುನ್ ಮತ್ತೊಬ್ಬ ಹುಡುಗಿಯನ್ನು ಬಲೆಗೆ ಬೀಳಿಸಿದ. ಆನ್ಲೈನ್ ಆಟದ ಮೂಲಕ ಮತ್ತೊಬ್ಬ ಹುಡುಗಿಯ ಪರಿಚಯವಾಗಿತ್ತು. ಆಕೆಯೊಂದಿಗೆ ಆಟವಾಡಲು ಆರಂಭ ಮಾಡಿದ್ದ.
ಆ ಹುಡುಗಿಯ ಮುಂದೆ ಶ್ರೀಮಂತನಾಗಲು ಜಿಯಾಜುನ್ ಸಾಕಷ್ಟು ಸಾಲ ಮಾಡಿದ. 140,000 ಯುವಾನ್ ಅಂದರೆ ಸುಮಾರು 16 ಲಕ್ಷ ರೂಪಾಯಿಗಳಿಗಿಂತ ಹೆಚ್ಚು ಸಾಲ ಮಾಡಿ ಜಿಯಾಜುನ್ ಶ್ರೀಮಂತಿಕೆಯನ್ನು ತೋರಿಸಿದ. ತನ್ನ ಪತ್ನಿ ಇದ್ದ ಅಪಾರ್ಟ್ಮೆಂಟ್ನಲ್ಲೇ ಒಂದು ಮನೆಯನ್ನು ಬಾಡಿಗೆಗೆ ಪಡೆದ. ಆನ್ಲೈನ್ ಆಟದಿಂದ ಪರಿಚಯವಾದ ಹುಡುಗಿಯೊಂದಿಗೆ ಅಲ್ಲೇ ವಾಸಿಸಲು ಪ್ರಾರಂಭಿಸಿದ. ಅವಳೂ ಗರ್ಭಿಣಿಯಾದಳು.
ರೆಡ್ ಡ್ರೆಸ್ನಲ್ಲಿ ಶಿಲಾ ಬಾಲಿಕೆಯಾದ ನಿವೇದಿತಾ ಗೌಡ, ಕಾಮೆಂಟ್ ಸೆಕ್ಷನ್ ಮಾತ್ರ ನೋಡೋದಲ್ಲ!
ಎರಡು ಹುಡುಗಿಯರು ಗರ್ಭಿಣಿಯಾದ ನಂತರವೂ ಜಿಯಾಜುನ್ ತನ್ನ ವಂಚನೆ ಆಟವನ್ನು ಮುಂದುವರಿಸಿದ. ಅದೇ ಪ್ರದೇಶದಲ್ಲಿ ಇನ್ನೂ ಮೂರು ಮಹಿಳೆಯರನ್ನು ತನ್ನ ಬಲೆಗೆ ಬೀಳಿಸಿದ. ನಂತರ ಅವರಿಂದ ಲಕ್ಷಾಂತರ ರೂಪಾಯಿಗಳನ್ನು ಪಡೆದುಕೊಂಡಿದ್ದ. ಒಬ್ಬ ಗೆಳತಿಯೊಂದಿಗೆ ಜಗಳವಾದಾಗ ಅವರಿಬ್ಬರ ಸಂಬಂಧ ಮುರಿದುಬಿತ್ತು. ಆಕೆ ಪೊಲೀಸ್ಗೆ ದೂರು ದಾಖಲಿಸಿದಾಗ, ಜಿಯಾಜುನ್ನನ ಒಂದೊಂದೆ ಪ್ರೇಮಕಥೆಗಳು ಬೆಳಕಿಗೆ ಬಂದವು. ಜಿಯಾಜುನ್ನ ಕಥೆ ಕೇಳಿ ಜನರು ಅಚ್ಚರಿಪಟ್ಟಿದ್ದಾರೆ. ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿದ ನಂತರ ನ್ಯಾಯಾಲಯ ಜಿಯಾಜುನ್ನಿಗೆ ಒಂಬತ್ತು ವರ್ಷ ಆರು ತಿಂಗಳ ಜೈಲು ಶಿಕ್ಷೆ ಮತ್ತು ಭಾರಿ ದಂಡ ವಿಧಿಸಿದೆ.
ಹೊಕ್ಕಳಿಗೆ ವಜ್ರ ಚುಚ್ಚಿಸಿಕೊಂಡ ಡಾನ್ ಬ್ಯೂಟಿ, ಸೌತ್ ಫ್ರಾನ್ಸ್ನಲ್ಲಿ ಪ್ರಿಯಾಂಕಾ ಚೋಪ್ರಾ ಜಾಲಿ..ಜಾಲಿ..!
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.