ಮಕ್ಕಳು ಹಬ್ಬದ ದಿನ ಹೀಗೆಲ್ಲಾ ಮಾಡಿದ್ರೆ ಮೆದುಳು ಚುರುಕಾಗುತ್ತೆ

ಗಣೇಶ ಚತುರ್ಥಿ ಹಬ್ಬವನ್ನು ಭಾರತದ ಅನೇಕ ಭಾಗಗಳಲ್ಲಿ ಬಹಳ ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ.  ಮಕ್ಕಳಿಗೆ ಯಾವುದೇ ಹಬ್ಬದ ಆಚರಣೆಯು ಖುಷಿ ನೀಡುವ ವಿಚಾರವಾಗಿದೆ. ಹೊಸ ಬಟ್ಟೆಗಳನ್ನು ಧರಿಸಿ, ಸಿಹಿತಿಂಡಿಗಳನ್ನು ತಿನ್ನುತ್ತಾ ಮನೆ ತುಂಬಾ ಓಡಾಡುತ್ತಾರೆ. ಗಣೇಶ ಚತುರ್ಥಿಯಂದು ಮಕ್ಕಳಿಗೆ ತುಂಬಾ ಮೋಜು ಮಾಡುವ ಅವಕಾಶವೂ ಸಿಗುತ್ತದೆ. ಹಾಗೆಯೇ ಹಬ್ಬದೊಂದಿಗೆ ಮಕ್ಕಳ ಬ್ರೈನ್ ಸಹ ಶಾರ್ಪ್ ಆಗುತ್ತೆ.

ಮಕ್ಕಳು ಹಬ್ಬಗಳ ಬಗ್ಗೆ ಹೆಚ್ಚು ಉತ್ಸುಕರಾಗಿರುತ್ತಾರೆ. ಗಣೇಶನ ಹಬ್ಬವೆಂದು ಮನೆ ತುಂಬಾ ಓಡಾಡುವ ಮಕ್ಕಳಿಗೆ ಕೆಲವು ಚಟುವಟಿಕೆಗಳ ಸಹಾಯದಿಂದ ಈ ಹಬ್ಬಕ್ಕೆ ಸಂಬಂಧಿಸಿದ ಕೆಲವು ಪ್ರಮುಖ ವಿಷಯಗಳನ್ನು ನೀವು ಅವರಿಗೆ ತಿಳಿಸಬಹುದು. ಹಬ್ಬಗಳು ಮತ್ತು ಸಂಪ್ರದಾಯಗಳಿಗೆ ಮಕ್ಕಳನ್ನು ಪರಿಚಯಿಸಲು ಚಟುವಟಿಕೆಗಳು ಉತ್ತಮ ಮಾರ್ಗವಾಗಿದೆ. ಸೃಜನಶೀಲ ಚಟುವಟಿಕೆಗಳು ಮಕ್ಕಳ ಕಲ್ಪನೆ ಮತ್ತು ಆಲೋಚನಾ ಕೌಶಲ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಇದು ಮಕ್ಕಳು ಕಲಿತ ವಿಷಯಗಳು ಮತ್ತು ಅನುಭವಗಳ ನಡುವೆ ಉತ್ತಮ ಸಂಪರ್ಕವನ್ನು ಮಾಡಲು ಅನುಮತಿಸುತ್ತದೆ. ಈ ಲೇಖನದಲ್ಲಿ, ಗಣೇಶ ಚತುರ್ಥಿಯ ಬಗ್ಗೆ ನಿಮ್ಮ ಮಗುವಿಗೆ ಕೆಲವು ಒಳ್ಳೆಯ ವಿಷಯಗಳನ್ನು ನೀವು ಹೇಗೆ ಚಟುವಟಿಕೆಗಳೊಂದಿಗೆ ಹೇಳಬಹುದು ಎಂಬುದನ್ನು ನೀವು ತಿಳಿದುಕೊಳ್ಳಬಹುದು.

ಮಕ್ಕಳು (Children) ಈ ಚಟುವಟಿಕೆಗಳನ್ನು ಮಾಡುವುದರಿಂದ ಬಹಳಷ್ಟು ಮೋಜು ಮಾಡುತ್ತಾರೆ ಮತ್ತು ಅದರ ನಂತರ ಅವರು ಮುಂದಿನ ವರ್ಷ ಮತ್ತೆ ಗಣೇಶ ಚತುರ್ಥಿ ಬರಲು ಕಾತರದಿಂದ ಕಾಯುತ್ತಾರೆ.

ಲಡ್ಡೂಸ್ ಆಟ: ನೀವು ಮಗುವಿಗೆ ಲಡ್ಡೂಗಳನ್ನು ಹುಡುಕುವ ಕೆಲಸವನ್ನು ನೀಡಬಹುದು. ಆತನಿಗೆ ಕೆಲವು ಚೀಟಿಗಳಲ್ಲಿ ಸುಳಿವು ನೀಡಿ ಮನೆಯಲ್ಲಿ ಬಚ್ಚಿಟ್ಟಿರುವ ಲಡ್ಡುಗಳನ್ನು ಹುಡುಕಲು ಹೇಳಿ. ಉದಾಹರಣೆಗೆ, ಮಗುವಿನ ಹಲ್ಲುಜ್ಜುವ ಬ್ರಷ್ ಬಳಿ ಮತ್ತೊಂದು ಸುಳಿವು ಇರಿಸಲಾಗಿದೆ ಎಂದು ಬೆಳಿಗ್ಗೆ ಮಗುವಿಗೆ ಸುಳಿವು ನೀಡಿ. ಈ ನಿಧಿ ಹುಡುಕಾಟದಲ್ಲಿ ನಿಮ್ಮ ಮಗು ಬಹಳಷ್ಟು ಮೋಜು ಮಾಡುತ್ತದೆ.

ಗಣೇಶ ಬಣ್ಣ ಪುಟ: ನೀವು ಮಗುವಿಗೆ ಗಣೇಶನ ಫೋಟೋ ತೆಗೆದು ಬಣ್ಣ ತುಂಬಲು ಹೇಳುತ್ತೀರಿ. ಇದು ಮಗುವಿನ ಬಣ್ಣ (Color) ಕೌಶಲ್ಯವನ್ನು ಸುಧಾರಿಸುತ್ತದೆ. ಮಗುವಿನ ವಯಸ್ಸಿಗೆ ಅನುಗುಣವಾಗಿ ಬಣ್ಣವನ್ನು ತುಂಬಲು ಸಮಯವನ್ನು ನೀಡಿ.

ಗಣೇಶನ ಹೆಸರು: ನೀವು ಮಗುವಿಗೆ ಕಾಗದ ಮತ್ತು ಪೆನ್ನು ಕೊಟ್ಟು ಅದರ ಮೇಲೆ ಗಣೇಶನ ಕೆಲವು ಹೆಸರುಗಳನ್ನು ಬರೆಯಲು ಹೇಳಿ. ಇದರೊಂದಿಗೆ, ಮಗುವಿನ ವಯಸ್ಸಿಗೆ ಅನುಗುಣವಾಗಿ ಸಮಯವನ್ನು ನಿಗದಿಪಡಿಸಿ. ನೀವು ಉಲ್ಲೇಖಗಳಾಗಿ ಬಳಸಬಹುದಾದ ಗಣೇಶನ ಕೆಲವು ಹೆಸರುಗಳು ಇಲ್ಲಿವೆ. ಅವಿಘ್ನ, ಭೂಪತಿ, ಅಮಿತ್, ಚತುರ್ಭುಜ, ದೇವದೇವ, ಏಕದಂತ, ಗದಾಧರ, ಗಜಾನನ, ಗಣಪತಿ, ಸಿದ್ಧಿವಿನಾಯಕ.

ಹೂವಿನ ಅಲಂಕಾರ: ಹಬ್ಬದ (Festival) ದಿನದಂದು, ಮಗುವನ್ನು ಮನೆ, ಬಾಲ್ಕನಿ ಅಥವಾ ಪೂಜಾ ಸ್ಥಳವನ್ನು ಅಲಂಕರಿಸಲು ಹೇಳಿ. ಈ ದಿನ ನೀವು ಯಾವುದೇ ಬಣ್ಣದ ಹೂವು (Flower)ಗಳಿಂದ ಅಲಂಕರಿಸಬಹುದು. ಇದು ಮಕ್ಕಳಲ್ಲಿ ಕ್ರಿಯೇಟಿವಿಟಿಯನ್ನು ಹೆಚ್ಚಿಸುತ್ತದೆ.

ಜಂಬಲ್ ಹೆಸರಿನ ಆಟ: ಮಗುವಿಗೆ ಪೇಪರ್ ಮತ್ತು ಪೆನ್ ನೀಡಿ. ಗಣೇಶನ ಅವರ ವಿವಿಧ ಹೆಸರುಗಳ ಜಂಬಲ್ ನೇಮ್ ಆಟವನ್ನು ಆಡಲು ಪ್ರಾರಂಭಿಸಿ. ಜಂಬಲ್ ಹೆಸರಿನ ಆಟಕ್ಕಾಗಿ, ಪ್ರತಿ ಹೆಸರನ್ನು ಕಾಗದದ ಮೇಲೆ ಜಂಬಲ್ (ಅಡ್ಡಾದಿಡ್ಡಿಯಾಗಿ) ರೂಪದಲ್ಲಿ ಬರೆಯಿರಿ. ಪ್ರತಿ ಸಾಲಿನಲ್ಲಿ ಒಂದು ಹೆಸರನ್ನು ಮಾತ್ರ ಬರೆಯಿರಿ, ಇದರಿಂದ ಮಕ್ಕಳು ಅರ್ಥಮಾಡಿಕೊಳ್ಳಲು ಸುಲಭವಾಗುತ್ತದೆ. ಹಬ್ಬದ ದಿನ ಹೀಗೆಲ್ಲಾ ಮಾಡುವುದರಿಂದ ಮಕ್ಕಳು ಸಹ ರಿಫ್ರೆಶ್ ಆಗುತ್ತಾರೆ. ಗಡಿಬಿಡಿಯಲ್ಲಿರುವ ಹೆಂಗಳೆಯರ ಮಧ್ಯೆ ಮಕ್ಕಳಿಗೂ ಬೋರಾಗುವುದು ತಪ್ಪುತ್ತದೆ. ಮಕ್ಕಳ ಬ್ರೈನ್‌ ಸಹ ಶಾರ್ಪ್ ಆಗುತ್ತದೆ.