ವಿವಾಹೇತರ ಡೇಟಿಂಗ್‌ ಆ್ಯಪ್ ಗ್ಲೀಡೆನ್‌ಗೆ ದೇಶದಲ್ಲಿ 3 ಮಿಲಿಯನ್‌ ಬಳಕೆದಾರರು, ಬೆಂಗಳೂರು ಟಾಪ್‌!

ವೈವಾಹಿಕೇತರ ಸಂಬಂಧಗಳ ಆ್ಯಪ್ 'ಗ್ಲೀಡನ್' ಭಾರತದಲ್ಲಿ 30 ಲಕ್ಷ ಬಳಕೆದಾರರನ್ನು ಹೊಂದಿದೆ. ಬೆಂಗಳೂರು ಅಗ್ರಸ್ಥಾನದಲ್ಲಿದ್ದು, ಮುಂಬೈ, ಕೋಲ್ಕತ್ತಾ, ದೆಹಲಿಗಳು ಹಿಂಬಾಲಿಸುತ್ತಿವೆ. 2024ರಲ್ಲಿ ಬಳಕೆದಾರರ ಸಂಖ್ಯೆ 270% ಹೆಚ್ಚಳವಾಗಿದ್ದು, ಮಹಿಳಾ ಬಳಕೆದಾರರು 58% ರಷ್ಟಿದ್ದಾರೆ. 30-45 ವರ್ಷದೊಳಗಿನ ಮಹಿಳೆಯರೇ ಹೆಚ್ಚಿನ ಬಳಕೆದಾರರು. ಗ್ಲೀಡನ್ ಇನ್ನಷ್ಟು ನಗರಗಳಿಗೆ ವಿಸ್ತರಿಸಲು ಉದ್ದೇಶಿಸಿದೆ.

ಮದುವೆಯಾದ ನಂತರ 'ಸುಖಾಂತ್ಯ' ಅಂತ ನಿಜವಾಗ್ಲೂ ಇದೆಯಾ? ಈ ಪ್ರಶ್ನೆಯನ್ನ ವೈವಾಹಿಕೇತರ ಸಂಬಂಧಗಳ ಆ್ಯಪ್ 'ಗ್ಲೀಡನ್' ಹೈಲೈಟ್ ಮಾಡಿದೆ. ಯಾಕಂದ್ರೆ ಈ ಆ್ಯಪ್‌ನಲ್ಲಿ ಭಾರತೀಯ ಬಳಕೆದಾರರ ಸಂಖ್ಯೆ ಆಶ್ಚರ್ಯಕರವಾಗಿದೆ. ಕಂಪನಿಯ ಪ್ರಕಾರ, ಈ ಆ್ಯಪ್‌ನಲ್ಲಿ ಸುಮಾರು 30 ಲಕ್ಷ ಭಾರತೀಯ ಬಳಕೆದಾರರಿದ್ದಾರೆ. ಮತ್ತು 'ಸಿಲಿಕಾನ್ ಸಿಟಿ' ಎಂದು ಕರೆಯಲ್ಪಡುವ ಬೆಂಗಳೂರು ಅಗ್ರಸ್ಥಾನದಲ್ಲಿದೆ. ಭಾರತೀಯ ಸಂಸ್ಕೃತಿಯಲ್ಲಿ ಮದುವೆ ಒಂದು ಪ್ರಮುಖ ಸಂಪ್ರದಾಯ. ಮದುವೆಯ ವೈಭವ ನಿಜಕ್ಕೂ ಆಕರ್ಷಕ. ಆದರೆ ಈ ಪರಿಸ್ಥಿತಿಯಲ್ಲಿ ವೈವಾಹಿಕೇತರ ಸಂಬಂಧಗಳ ಪ್ರವೃತ್ತಿ ಹೆಚ್ಚುತ್ತಿದೆಯೇ? ಈ ಪ್ರಶ್ನೆಯನ್ನೇ ಗ್ಲೀಡನ್ ಎಂಬ ವೈವಾಹಿಕೇತರ ಸಂಬಂಧಗಳ ಆ್ಯಪ್ ಎತ್ತಿ ತೋರಿಸಿದೆ.

ಗ್ಲೀಡನ್ ಒಂದು ಹೇಳಿಕೆಯಲ್ಲಿ 2024 ರಲ್ಲಿ ಆ್ಯಪ್‌ನ ಬಳಕೆದಾರರ ಸಂಖ್ಯೆ 270% ಹೆಚ್ಚಾಗಿದೆ ಎಂದು ಹೇಳಿದೆ. ಮಹಿಳೆಯರ ಸಂಖ್ಯೆ 128% ಹೆಚ್ಚಾಗಿದೆ. ವರದಿಯ ಪ್ರಕಾರ, ಗ್ಲೀಡನ್‌ನ ಬಳಕೆದಾರರಲ್ಲಿ ಈಗ 58% ಮಹಿಳೆಯರಿದ್ದಾರೆ. ಈ 58% ಮಹಿಳೆಯರಲ್ಲಿ 40% ಮಹಿಳೆಯರು ಆ್ಯಪ್‌ಗೆ ನಿಯಮಿತವಾಗಿ ಭೇಟಿ ನೀಡುತ್ತಾರೆ. ಹೆಚ್ಚಿನವರು 30-45 ನಿಮಿಷಗಳ ಕಾಲ ಆ್ಯಪ್‌ನಲ್ಲಿರುತ್ತಾರೆ. ಇಲ್ಲಿಗೆ ಆಶ್ಚರ್ಯ ಮುಗಿಯುವುದಿಲ್ಲ, ಏಕೆಂದರೆ ಮಹಿಳಾ ಬಳಕೆದಾರರ ವಯಸ್ಸು 30-45 ವರ್ಷಗಳ ನಡುವೆ ಇರುತ್ತದೆ.

ಗ್ಲೀಡನ್ ಆ್ಯಪ್‌ನ ಕಂಟ್ರಿ ಮ್ಯಾನೇಜರ್ ಸಿಬಿಲ್ ಶಿಡೆಲ್, ಭಾರತ ಯಾವಾಗಲೂ ಗ್ಲೀಡನ್‌ಗೆ ಪ್ರಮುಖ ಮಾರುಕಟ್ಟೆಯಾಗಿದೆ ಎಂದು ಹೇಳಿದ್ದಾರೆ. 30 ಲಕ್ಷ ಬಳಕೆದಾರರ ಸಂಖ್ಯೆಯನ್ನು ತಲುಪುವುದು ತುಂಬಾ ಒಳ್ಳೆಯದು. ಮಹಿಳೆಯರು ಈ ಆ್ಯಪ್‌ನ ಹೆಚ್ಚಿನ ಬಳಕೆದಾರರು ಎಂದೂ ಅವರು ಹೇಳಿದ್ದಾರೆ. ಮಹಿಳೆಯರ ಈ ಆ್ಯಪ್ ಬಳಕೆಯು ಮಹಿಳಾ ಸಬಲೀಕರಣ ಹೆಚ್ಚುತ್ತಿದೆ ಎಂಬುದನ್ನು ಸ್ಪಷ್ಟಪಡಿಸುತ್ತದೆ ಎಂದೂ ಅವರು ಹೇಳಿದ್ದಾರೆ. ಅವರು ತಮ್ಮದೇ ಆದ ರೀತಿಯಲ್ಲಿ ಬದುಕಬಲ್ಲರು.

ವರದಿಯ ಪ್ರಕಾರ, ಗ್ಲೀಡನ್ ಬಳಕೆದಾರರಲ್ಲಿ 20% ಬೆಂಗಳೂರಿನವರು. ಅಂದರೆ, ಈ ಬಳಕೆಯಲ್ಲಿ ಬೆಂಗಳೂರು ಅಗ್ರಸ್ಥಾನದಲ್ಲಿದೆ. ನಂತರ ಮುಂಬೈ 19%, ಕೋಲ್ಕತ್ತಾ 18% ಮತ್ತು ದೆಹಲಿ 15%. ಮೆಟ್ರೋ ನಗರಗಳಲ್ಲಿ ಹೆಚ್ಚಿನ ಬಳಕೆದಾರರಿದ್ದರೂ, ಭೋಪಾಲ್, ವಡೋದರಾ ಮತ್ತು ಕೊಚ್ಚಿ ಮುಂತಾದ ಸಣ್ಣ ನಗರಗಳಲ್ಲಿ ಬಳಕೆದಾರರ ಸಂಖ್ಯೆ ವೇಗವಾಗಿ ಹೆಚ್ಚುತ್ತಿದೆ ಎಂದು ವರದಿ ತೋರಿಸುತ್ತದೆ. ಆದರೆ ಈ ಆ್ಯಪ್ 30 ಲಕ್ಷಕ್ಕೆ ಸೀಮಿತವಾಗಿರಲು ಬಯಸುವುದಿಲ್ಲ. ಇದು ಇನ್ನಷ್ಟು ನಗರಗಳಿಗೆ ತನ್ನ ಹೆಜ್ಜೆಗಳನ್ನು ಹಾಕಲು ಉದ್ದೇಶಿಸಿದೆ.