ನಟಿ ಅಂಜಲಿ ಮರ್ಸಿಡಿಸ್ ಸವಾರಿ, ಎಚ್.ಸಿ ವರ್ಮಾ ಮೆಟ್ರೋ ಪ್ರಯಾಣ ವೈರಲ್ ಟ್ವೀಟ್ ನಲ್ಲಿ ಜೀವನ ಶೈಲಿ ಚರ್ಚೆ
ಸಾರಾಂಶ
ಡಾ. ವೇಲುಮಣಿ ಅವರು ಸಂಪತ್ತು ಮತ್ತು ಜೀವನಶೈಲಿಯ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ, ಮಿತವ್ಯಯವೇ ನಿಜವಾದ ಐಷಾರಾಮಿ ಎಂದು ಪ್ರತಿಪಾದಿಸಿದ್ದಾರೆ. AI ಬಳಕೆಯ ಬಗ್ಗೆ ಎಚ್ಚರಿಕೆ ನೀಡಿದ್ದಾರೆ ಹಾಗೂ ಮೂಲ ಚಿಂತನೆಯ ಮಹತ್ವವನ್ನು ಒತ್ತಿ ಹೇಳಿದ್ದಾರೆ.
ಥೈರೋಕೇರ್ ಸಂಸ್ಥಾಪಕ ಡಾ. ಎ. ವೇಲುಮಣಿ ಅವರು ಸಂಪತ್ತು, ಜೀವನಶೈಲಿ ಮತ್ತು ಸಾಮಾಜಿಕ ಮನ್ನಣೆ ಕುರಿತು ನಡೆಯುತ್ತಿರುವ ಸಮಕಾಲೀನ ಚರ್ಚೆಗಳ ಬಗ್ಗೆ ಸ್ಪಷ್ಟ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಇತ್ತೀಚೆಗೆ ಸಾಮಾಜಿಕ ಮಾಧ್ಯಮದಲ್ಲಿ ಪ್ರಕಟಿಸಿದ ತಮ್ಮ ಪೋಸ್ಟ್ನಲ್ಲಿ ಅವರು, ಮೌಲ್ಯಗಳ ಪ್ರಕಾರ ಸಮಾಜವು ವ್ಯಕ್ತಿಯ ಜೀವನವನ್ನು ಹೇಗೆ ಅಳೆಯುತ್ತದೆ ಎಂಬ ಬಗ್ಗೆ ಆಳವಾದ ದೃಷ್ಟಿಕೋನ ಹಂಚಿಕೊಂಡಿದ್ದಾರೆ.
ಮಿತವ್ಯಯವೇ ನಿಜವಾದ ಐಷಾರಾಮಿ
ನಟಿ ಅಂಜಲಿ ಅರೋರಾ ಮರ್ಸಿಡಿಸ್ ಸವಾರಿ ಮಾಡುತ್ತಾರೆ, ಭೌತಶಾಸ್ತ್ರಜ್ಞ, ಲೇಖಕ ಎಚ್.ಸಿ. ವರ್ಮಾ ಮೆಟ್ರೋದಲ್ಲಿ ಪ್ರಯಾಣಿಸುತ್ತಾರೆ ಎಂಬ ವೈರಲ್ ಟ್ವೀಟ್ಗೆ ಪ್ರತಿಕ್ರಿಯಿಸಿದ ಅವರು "ನಿಮ್ಮ ಜೀವನದಲ್ಲಿ ಎಷ್ಟು ಸೌಕರ್ಯ ಇದೆ ಎಂಬುದು ನೀವು ಎಷ್ಟು ದುಡುಕಾಗಿ ಖರ್ಚು ಮಾಡುತ್ತೀರಿ ಅಥವಾ ಎಷ್ಟು ಜವಾಬ್ದಾರಿಯುತವಾಗಿ ಉಳಿಸುತ್ತೀರಿ ಎಂಬುದರ ಮೇಲೆ ಅವಲಂಬಿತವಾಗಿದೆ ಎಂದು ಹೇಳಿದ್ದಾರೆ.
ಮಿತವ್ಯಯ ಎಂದರೆ, ಇತರರು ನೋವು ಅನುಭವಿಸುವ ಸಂದರ್ಭದಲ್ಲೂ ಶಾಂತಿಯುತವಾಗಿ ಬದುಕುವ ಸಾಮರ್ಥ್ಯ ಎಂದು ಹೇಳಿದ ಅವರು, ಸಾಮಾಜಿಕ ಆಚರಣೆಗಳು ಮತ್ತು ವಾಸ್ತವ ಜೀವನಶೈಲಿಗಳ ನಡುವಿನ ವ್ಯತ್ಯಾಸವನ್ನೂ ಉಲ್ಲೇಖಿಸಿದರು. ಪಾರ್ಟಿಗಳು ಹಾಗೂ ಲಾಂಜ್ಗಳಲ್ಲಿ ನಾನು ಎರಡು ರೀತಿಯವರನ್ನು ನೋಡುತ್ತೇನೆ. ಕೋಟ್ಯಾಧಿಪತಿಯಂತೆ ಕಾಣುವವರನ್ನು ಮತ್ತು ನಿಜವಾದ ಕೋಟ್ಯಾಧಿಪತಿಗಳನ್ನು ಎಂದು ಹೇಳಿದ್ದಾರೆ. ಪ್ರದರ್ಶನಶೀಲತೆ ಮತ್ತು ಅದನ್ನು ಪಾಲಿಸಲು ಆಗದಿರುವ ಅಸಮರ್ಥತೆ ಈ ಎರಡು ಕಾರಣಗಳು ಖಿನ್ನತೆಗೆ ಕಾರಣವಾಗುತ್ತವೆ ಎಂಬುದು ಅವರ ನೇರ ಹೇಳಿಕೆ.
ಬಡವನಂತೆ ವರ್ತಿಸಿ, ಬುದ್ಧಿವಂತನಾಗಿ ಬೆಳೆಯಿರಿ
ಅವರು ಬಡವನಂತೆ ವರ್ತಿಸು, ಬುದ್ಧಿವಂತನಾಗು. ಮಿತವ್ಯಯವೇ ನಿಜವಾದ ಐಷಾರಾಮಿ ಎಂಬ ಸರಳವಾದ, ಆದರೆ ತೀವ್ರವಾದ ಸಂದೇಶದೊಂದಿಗೆ ತಮ್ಮ ಪೋಸ್ಟ್ಗೆ ತೀವ್ರತೆ ನೀಡಿದರು. ಅವರ ಈ ದೃಷ್ಟಿಕೋನವು ಸರಳತೆ, ಆರ್ಥಿಕ ಶಿಸ್ತು ಮತ್ತು ಸ್ಥಿರ ಬದುಕಿನತ್ತ ಧ್ಯಾನ ಹರಿಸುವ ಅವರ ದೀರ್ಘಕಾಲದ ನಿಲುವಿಗೆ ಸೂಕ್ತವಾಗಿದೆ.
AI ಬಳಕೆಯ ಬಗ್ಗೆ ಎಚ್ಚರಿಕೆ
ಚಾಟ್ಜಿಪಿಟಿ ಸೇರಿದಂತೆ ಉತ್ಪಾದಕ AI ಸಾಧನಗಳ ದೈನಂದಿನ ವ್ಯಾಪಕ ಬಳಕೆ ಬಗ್ಗೆ ಡಾ. ವೇಲುಮಣಿ ಗಂಭೀರ ಕಳವಳ ವ್ಯಕ್ತಪಡಿಸಿದ್ದಾರೆ. ಉದ್ಯೋಗ ಅರ್ಜಿಗಳು, ರಾಜೀನಾಮೆ ಪತ್ರಗಳು, ನಿಧಿ ಕೋರಿಕೆಗಳ ಸಂದೇಶಗಳು, ಮಾರ್ಗದರ್ಶನ ವಿನಂತಿಗಳು ಹಾಗೂ ಸಹಾನುಭೂತಿಯ ಪ್ರೇಮ ಪತ್ರಗಳವರೆಗೂ ಇವುಗಳ ಬಹುಪಾಲು AI ಸಹಾಯದಿಂದ ರಚನೆಯಾಗುತ್ತಿರುವುದಾಗಿ ಅವರು ಗಮನಿಸಿದ್ದಾರೆ.
AI ಅಥವಾ ChatGPT ಕಳೆದ ಆರು ತಿಂಗಳಲ್ಲಿ ನಾನು ಓದಿದ ದಸ್ತಾವೇಜುಗಳಲ್ಲಿ ಸುಮಾರು 90% ಪಠ್ಯಗಳು ಟೆಂಪ್ಲೇಟ್ಗಳ ರೂಪದಲ್ಲಿವೆ. ಕೇವಲ 10% ಮಾತ್ರ ನಿಜವಾದ, ಲೈವ್ ಬರವಣಿಗೆ ಎಂದು ಅವರು ಬರೆದಿದ್ದಾರೆ. ಅವರು ಮುಂದುವರಿದು, ಈ ತಂತ್ರಜ್ಞಾನ 90% ಜನರನ್ನು ಅನುಯಾಯಿಗಳನ್ನಾಗಿ ಮಾಡುತ್ತದೆ, ಆದರೆ 10% ಜನ ಮಾತ್ರ ಬುದ್ಧಿವಂತ ಮತ್ತು ನಾಯಕರಾಗುತ್ತಾರೆ ಎಂದು ಶಕ್ತಿಯುತವಾಗಿ ಎಚ್ಚರಿಸಿದರು.
ಮೂಲ ಚಿಂತನೆಗೆ ಹಾನಿ ಮಾಡಬೇಡಿ
AI ಒಂದು ಶಾರ್ಟ್ಕಟ್ ಆಗಿದ್ದು, ಮೂಲ ಬುದ್ಧಿವಂತಿಕೆಗೆ ಬದಲಾದರೆ ಅದು ಅಪಾಯಕಾರಿಯಾಗಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ. ಮಾಡಲು ಸುಲಭವಾದದ್ದನ್ನು ಮಾಡುವುದರಿಂದ ನೀವು ನಿಜವಾದ ಬೆಳವಣಿಗೆಯನ್ನು ಕಳೆದುಕೊಳ್ಳುತ್ತೀರಿ. ಅದು ಬದಲಿಗೆ, ಮಾಡಲು ಕಷ್ಟವಾದದ್ದು ಎಚ್ಚರಿಕೆಯಿಂದ ಮಾಡಿ. ಕಲಿಯಿರಿ, ಬೆಳೆಯಿರಿ ಮತ್ತು ಆನಂದಿಸಿ ಎಂಬುದು ಅವರ ಸಂದೇಶ.
ಅಪಾಯ ತೆಗೆದುಕೊಳ್ಳುವ ಧೈರ್ಯವಿರಲಿ
AI ಕುರಿತ ತಮ್ಮ ಪೋಸ್ಟ್ಗೂ ಮುನ್ನ, ಡಾ. ವೇಲುಮಣಿ, ಭದ್ರತೆ ಮತ್ತು ಸಮೃದ್ಧಿ ಬಗ್ಗೆ ನೀಡಿದ ಮತ್ತೊಂದು ನುಡಿನಲ್ಲಿಯೂ, ಬದುಕಿನಲ್ಲಿ ಬುದ್ಧಿವಂತಿಕೆಯೊಂದಿಗೆ ಅಪಾಯ ತೆಗೆದುಕೊಳ್ಳುವ ಮಹತ್ವವನ್ನು ವಾಚ್ಯವಾಗಿ ಸ್ಪಷ್ಟಪಡಿಸಿದ್ದಾರೆ. ಭದ್ರತೆ ಮತ್ತು ಸಮೃದ್ಧಿ ಎರಡೂ ಒಂದೇ ಸಮಯದಲ್ಲಿ ಸಾಧ್ಯವಿಲ್ಲ. ಬುದ್ಧಿವಂತಿಕೆಯಿಂದ ಅಪಾಯ ತೆಗೆದುಕೊಳ್ಳಿ. ಸೋಲಲು ಯೋಜಿಸಿ ಸೋಲುವುದಿಲ್ಲ. ಆದರೆ ಸೋಲದ ಭಯದಲ್ಲಿ ಬದುಕಿದರೆ, ನೀವೇ ಸೋಲುತ್ತೀರಿ ಎಂಬುದು ಅವರ ಎಚ್ಚರಿಕೆಯ ಮಾತು.
ಡಾ. ಎ. ವೇಲುಮಣಿಯವರ ಈ ಅಭಿಪ್ರಾಯಗಳು ತಾತ್ವಿಕವಾಗಿ ಮಾತ್ರವಲ್ಲ, ಪ್ರಾಯೋಗಿಕವಾಗಿಯೂ ಪ್ರೇರಣಾದಾಯಕವಾಗಿವೆ. ಅವರು ಬೋಧಿಸುವ ಸರಳತೆ, ಮಿತವ್ಯಯ ಮತ್ತು ಮೂಲಬುದ್ಧಿವಂತಿಕೆ ಎಂಬ ಮೌಲ್ಯಗಳು ಈ ತಂತ್ರಜ್ಞಾನದ ಯುಗದಲ್ಲಿಯೂ ಮಾನವೀಯತೆಯನ್ನು ಉಳಿಸಿಕೊಳ್ಳಲು ಮಾರ್ಗದರ್ಶಕವಾಗಬಹುದು.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.