ಹೆಚ್ಚುತ್ತಿರುವ ಮಾಲಿನ್ಯದ ಮಟ್ಟಗಳೊಂದಿಗೆ ಅಸ್ತಮಾ ಪ್ರಕರಣಗಳಲ್ಲಿ ಹೆಚ್ಚಳವಾಗಿದೆ. ಉಸಿರಾಡಲು ಕಷ್ಟವಾಗುವ ಈ ಆರೋಗ್ಯ ಸಮಸ್ಯೆ, ನಿಮ್ಮ ಲೈಂಗಿಕ ಜೀವನಕ್ಕೆ ಅಡ್ಡಿಯಾಗಬಹುದು ಎಂಬುದು ನಿಮಗೆ ಗೊತ್ತಿದೆಯೇ. ಅದಕ್ಕೆ ಕಾರಣಗಳನ್ನು ತಿಳಿದುಕೊಳ್ಳಿ ಮತ್ತು ಅದನ್ನು ತಪ್ಪಿಸಲು ನೀವು ಏನು ಮಾಡಬಹುದು ತಿಳಿಯಿರಿ..
ಪರಿಸರದಲ್ಲಿ ವಾಯುಮಾಲಿನ್ಯದ (Air pollution) ಪ್ರಮಾಣ ಹೆಚ್ಚಾಗುತ್ತಿದೆ. ಇದರ ಮಧ್ಯೆ ಅಸ್ತಮಾದಿಂದ ಬಳಲುತ್ತಿರುವವರು ಉಸಿರಾಡಲು ಹೆಚ್ಚು ಕಷ್ಟಪಡುತ್ತಿದ್ದಾರೆ. ಉಸಿರಾಟದ ತೊಂದರೆಗಳು ವ್ಯಕ್ತಿಯ ಜೀವನದ ಗುಣಮಟ್ಟವನ್ನು ದೊಡ್ಡ ರೀತಿಯಲ್ಲಿ ಪರಿಣಾಮ ಬೀರಬಹುದು. ಆದರೆ ಅಸ್ತಮಾವು ನಿಮ್ಮ ಲೈಂಗಿಕ ಜೀವನದ (Sexual life) ಮೇಲೆ ಪರಿಣಾಮ ಬೀರುತ್ತದೆ ಎಂದು ನಿಮಗೆ ತಿಳಿದಿದೆಯೇ? ಮಾತ್ರವಲ್ಲ, ಲೈಂಗಿಕ ಸಮಯದಲ್ಲಿ ಅಸ್ತಮಾ ರೋಗಲಕ್ಷಣಗಳನ್ನು ಪ್ರಚೋದಿಸಬಹುದು. ಆರೋಗ್ಯ ಸಮಸ್ಯೆ (Health problem) ಉಲ್ಬಣಕ್ಕೆ ಕಾರಣವಾಗಬಹುದು,
ಬ್ರಿಟನ್ ಮೂಲದ ತಂಡವೊಂದು ನಡೆಸಿದ ಅಧ್ಯಯನವು 2017ರಲ್ಲಿ, ಅಸ್ತಮಾ ರೋಗಿಗಳು ಲೈಂಗಿಕ ಸಮಯದಲ್ಲಿ ಅಥವಾ ನಂತರ ಇನ್ಹೇಲರ್ ಅನ್ನು ಬಳಸುವ ಅಗತ್ಯವನ್ನು ಹೈಲೈಟ್ ಮಾಡುವ ಸಮೀಕ್ಷೆಯನ್ನು ವರದಿ ಮಾಡಿದೆ. ಕೆಲವು ಜನರು ತಮ್ಮ ಲೈಂಗಿಕತೆಯ ಆವರ್ತನ ಮತ್ತು ಪ್ರಮಾಣವನ್ನು ಕಡಿಮೆ ಮಾಡಿದ್ದಾರೆ. ಕೆಲವರಿಗೆ, ಪರಾಕಾಷ್ಠೆಯು ಅಸ್ತಮಾ ದಾಳಿಯನ್ನು ಪ್ರಚೋದಿಸಿತು. ಕೆಲವು ಪ್ರತಿಸ್ಪಂದಕರು ಮೌಖಿಕ ಸಂಭೋಗದ ಸಮಯದಲ್ಲಿ ಉಸಿರಾಡಲು ಕಷ್ಟವಾಗುತ್ತಿದೆ ಎಂದು ಹೇಳಿದ್ದಾರೆ. ಹೀಗಾಗಿ ಲೈಂಗಿಕ ಜೀವನದ ಮೇಲೆ ಅಸ್ತಮಾದ ಅಡ್ಡಪರಿಣಾಮಗಳು (Side effects), ಲೈಂಗಿಕ ಸಮಯದಲ್ಲಿ ಅಸ್ತಮಾ ಸಮಸ್ಯೆಗಳ ಸಂಭವನೀಯ ಕಾರಣಗಳು, ಲೈಂಗಿಕ ಸಮಯದಲ್ಲಿ ಅಸ್ತಮಾ ರೋಗಲಕ್ಷಣಗಳನ್ನು (Symptoms) ನಿರ್ವಹಿಸುವುದು ಹೇಗೆ ಎಂಬುದನ್ನು ತಿಳಿದುಕೊಳ್ಳುವುದು ಮುಖ್ಯ.
undefined
ಚಳಿಗಾಲದಲ್ಲಿ ಲೈಂಗಿಕ ಬಯಕೆ ಕುಂದುತ್ತಾ? ಕಾರಣ ಇಲ್ಲಿದೆ...
ಲೈಂಗಿಕ ಜೀವನದ ಮೇಲೆ ಅಸ್ತಮಾದ ಅಡ್ಡಪರಿಣಾಮಗಳು
ಲೈಂಗಿಕತೆಯು ಹೆಚ್ಚಿನ ತೀವ್ರತೆಯ ತಾಲೀಮುಗಿಂತ ಕಡಿಮೆಯಿಲ್ಲ, ಇದು ಉಸಿರಾಟದ ಪ್ರಮಾಣವನ್ನು ಹೆಚ್ಚಿಸುತ್ತದೆ ಮತ್ತು ನಿಮ್ಮ ಹೃದಯ ಬಡಿತವನ್ನು ಹೆಚ್ಚಿಸುತ್ತದೆ. ವ್ಯಕ್ತಿ ಈಗಾಗಲೇ ಉಸಿರಾಟದ ಸಮಸ್ಯೆಗಳೊಂದಿಗೆ ಬಳಲುತ್ತಿದ್ದರೆ, ಇದು ಲೈಂಗಿಕ ಕ್ರಿಯೆಯ ನಂತರ ಉಸಿರಾಟದ ತೊಂದರೆ, ಕೆಮ್ಮು, ನರ ಮತ್ತು ಎದೆ ನೋವು ಮುಂತಾದ ಅಸ್ತಮಾ ರೋಗಲಕ್ಷಣಗಳನ್ನು ಉಲ್ಬಣಗೊಳಿಸಬಹುದು. ನೀವು ಲೈಂಗಿಕ ಸಂಭೋಗದ ಮಧ್ಯದಲ್ಲಿ ಇದನ್ನು ಅನುಭವಿಸಿದರೆ, ಅದನ್ನು ನಿರ್ಲಕ್ಷಿಸುವ ಬದಲು ನೀವು ಅದರ ಬಗ್ಗೆ ಹೆಚ್ಚಿನ ಗಮನ ಹರಿಸಿ ವೈದ್ಯರ ತಪಾಸಣೆಗೆ ಒಳಗಾಗಬೇಕು.
ಲೈಂಗಿಕ ಸಮಯದಲ್ಲಿ ಅಸ್ತಮಾ ಸಮಸ್ಯೆಗಳ ಸಂಭವನೀಯ ಕಾರಣಗಳು
1. ನೀವು ಸಾಮಾನ್ಯಕ್ಕಿಂತ ಹೆಚ್ಚು ಉತ್ಸುಕರಾಗಿರಬಹುದು.
2. ನೀವು ಅರೋಮಾ ಕ್ಯಾಂಡಲ್ ಅಥವಾ ಸುಗಂಧಭರಿತ ಸಾರಭೂತ ತೈಲವನ್ನು ಬಳಸುತ್ತಿದ್ದರೆ, ಅದು ಅಸ್ತಮಾದ ಲಕ್ಷಣಗಳನ್ನು ಪ್ರಚೋದಿಸಬಹುದು.
3. ನೀವು ಲ್ಯಾಟೆಕ್ಸ್‌ಗೆ ಅಲರ್ಜಿಯನ್ನು ಹೊಂದಿದ್ದರೆ, ಲ್ಯಾಟೆಕ್ಸ್ ಕಾಂಡೋಮ್‌ಗಳು ಸಹ ಅಸ್ತಮಾ ರೋಗಲಕ್ಷಣಗಳಿಗೆ ಕಾರಣವಾಗಬಹುದು.
4. ಕೆಲವು ಲೈಂಗಿಕ ಸ್ಥಾನಗಳು ಉಸಿರಾಡಲು ಕಠಿಣವಾಗಬಹುದು.
5. ಅಸ್ತಮಾ ಅಥವಾ ಉಸಿರಾಟದ ಸಮಸ್ಯೆಗಳು ಕೋಣೆಯೊಳಗೆ ಧೂಳು, ಕೊಳಕು, ಸಿಗರೇಟ್ ಹೊಗೆಯಿಂದ ಉಲ್ಬಣಗೊಳ್ಳಬಹುದು.
Winter Blues: ಇದು ಆರೋಗ್ಯ ಸಮಸ್ಯೆ ಅಲ್ವೇ ಅಲ್ಲ, ಬರೀ ಚಳಿಗಾಲದ ಕಿರಿಕಿರಿ
ಲೈಂಗಿಕ ಸಮಯದಲ್ಲಿ ಅಸ್ತಮಾ ರೋಗಲಕ್ಷಣಗಳನ್ನು ನಿರ್ವಹಿಸುವುದು ಹೇಗೆ ?
ಅಸ್ತಮಾವು ನಿಮ್ಮ ಲೈಂಗಿಕ ಜೀವನದ ಮೇಲೆ ಪರಿಣಾಮ ಬೀರುತ್ತಿದೆ ಎಂದು ನೀವು ಭಾವಿಸಿದರೆ, ಉಲ್ಬಣಗೊಂಡ ಉಸಿರಾಟವನ್ನು ಶಾಂತಗೊಳಿಸಲು ಇನ್ಹೇಲರ್ ಅಥವಾ ಇತರ ವಿಧಾನಗಳನ್ನು ಬಳಸುವುದು ಉತ್ತಮ.
1. ನಿಮ್ಮ ಸಂಗಾತಿಗೆ ನಿಮ್ಮ ಅಸ್ವಸ್ಥತೆಯನ್ನು ತಿಳಿಸಬೇಕು ಮತ್ತು ಲೈಂಗಿಕ ಕ್ರಿಯೆಯನ್ನು ನಿಲ್ಲಿಸಬೇಕು.
2. ನಿಮ್ಮ ದೇಹಕ್ಕೆ ಅಗತ್ಯವಿರುವ ವಿಶ್ರಾಂತಿಯನ್ನು (Rest) ನೀಡಬೇಕು.
3. ಅಸ್ತಮಾ ರೋಗಲಕ್ಷಣಗಳನ್ನು ಉಲ್ಬಣಗೊಳಿಸುವಂತಹ ಲೈಂಗಿಕ ಸ್ಥಾನಗಳನ್ನು ತಪ್ಪಿಸಿ. ನೀವು ಅಸ್ತಮಾ ರೋಗಿಯಾಗಿದ್ದರೆ ನಿಮ್ಮ ಲೈಂಗಿಕ ಸ್ಥಾನಗಳನ್ನು ಎಚ್ಚರಿಕೆಯಿಂದ ಆರಿಸಿ.
ಅಸ್ತಮಾ ರೋಗಿಗಳಿಗೆ ಲೈಂಗಿಕ ಸಲಹೆಗಳು
1. ಉಸಿರಾಟವು ಸರಾಗವಾಗಿ ಮತ್ತು ಆರಾಮದಾಯಕವಾಗಿದ್ದಾಗ ಮಾತ್ರ ಲೈಂಗಿಕ ಸಂಭೋಗದಲ್ಲಿ ತೊಡಗಿಸಿಕೊಳ್ಳಿ.
2. ಸಮಯಕ್ಕೆ ಸರಿಯಾಗಿ ಔಷಧಿಗಳನ್ನು ತೆಗೆದುಕೊಳ್ಳುವುದನ್ನು ಖಚಿತಪಡಿಸಿಕೊಳ್ಳಬೇಕು.
3. ಸೆಕ್ಸ್‌ನಲ್ಲಿ ತೊಡಗಿಸಿಕೊಳ್ಳುವ ಮೊದಲು ಭಾರೀ ಊಟವನ್ನು ಸೇವಿಸಿದ ನಂತರ ಕನಿಷ್ಠ 2 ಗಂಟೆಗಳ ವಿರಾಮವನ್ನು ನೀಡಿ. ನಿಮ್ಮ ಹೊಟ್ಟೆ ತುಂಬಿದ್ದರೆ, ಉಸಿರಾಟವು ಹೆಚ್ಚು ವೇಗವಾಗಿರುತ್ತದೆ.
4. ಧೂಮಪಾನ (Smoking) ಮತ್ತು ಮದ್ಯಪಾನದ (Alcohol) ನಂತರ ಲೈಂಗಿಕತೆಯನ್ನು ತಪ್ಪಿಸಿ.
5. ನಿಮ್ಮ ಆರಾಮ ಮಟ್ಟಕ್ಕೆ ಆದ್ಯತೆ ನೀಡಿ.