ಇನ್ಮೇಲೆ ಟೊಮೆಟೊ ಸಿಪ್ಪೆ ಎಸೆಯಬೇಡಿ...ಮನೆ, ಬಟ್ಟೆ ಕ್ಲೀನಿಂಗ್ ಮಾಡಲು ಬಳಸಿ

ಅಡುಗೆ ಮನೆಯಿಂದ ಹಿಡಿದು ಬಟ್ಟೆಗಳವರೆಗೆ, ಈ ಟೊಮೆಟೊ ಸಿಪ್ಪೆಗಳು ನಿಮ್ಮ ಮನೆಗೆ ಹೊಳಪು ತರಬಲ್ಲವು. ಈ ಲೇಖನದಲ್ಲಿ ಟೊಮೆಟೊ ಸಿಪ್ಪೆಯ ಅಚ್ಚರಿಯ ಕ್ಲೀನಿಂಗ್ ಹ್ಯಾಕ್‌ಗಳನ್ನು ತಿಳಿದುಕೊಳ್ಳಿ.

ನಮ್ಮ ಆಹಾರದಲ್ಲಿ ನಾವು ಹೆಚ್ಚಾಗಿ ಟೊಮೆಟೊ ಹಣ್ಣನ್ನು ಬಳಸುತ್ತೇವೆ. ಎಲ್ಲಾ ರೀತಿಯ ಸಾಂಬಾರ್ ಮತ್ತು ಸಲಾಡ್‌ಗಳನ್ನು ತಯಾರಿಸಲು  ಉಪಯೋಗಿಸುತ್ತೇವೆ. ಆದರೆ ಟೊಮೆಟೊವನ್ನು ಫ್ರೈ ಮಾಡಿದ ನಂತರ ಅಥವಾ ಕುದಿಸಿದ ನಂತರ ಅದರ ಸಿಪ್ಪೆಯನ್ನು ಮಾತ್ರ ನಿಷ್ಪ್ರಯೋಜಕವೆಂದು ಕಸದ ಬುಟ್ಟಿಗೆ ಎಸೆಯುತ್ತೇವೆ. ಹಾಗೆ ನೋಡುವುದಾದರೆ ಈ ಸಿಪ್ಪೆಗಳನ್ನು ನಿಮ್ಮ ದೈನಂದಿನ ಕ್ಲೀನಿಂಗ್ ಕೆಲಸಗಳಿಗೂ ಬಳಸಬಹುದು. ಹೌದು, ಮನೆ ಸ್ವಚ್ಛಗೊಳಿಸಲು ಈಗ ನೀವು ಈ ಸಿಪ್ಪೆಗಳನ್ನು ಬಳಸಬಹುದು ಎಂದು ತಿಳಿದರೆ ನಿಮಗೆ ಆಶ್ಚರ್ಯವಾಗುತ್ತದೆ. ಸಿಪ್ಪೆಯಿಂದ ಹಠಮಾರಿ ಕಲೆಗಳನ್ನು ಹೋಗಿಸಬಹುದು, ಸಿಪ್ಪೆಗಳಲ್ಲಿರುವ ನೈಸರ್ಗಿಕ ಆಮ್ಲೀಯ ಅಂಶಗಳು ಮತ್ತು ಉತ್ಕರ್ಷಣ ನಿರೋಧಕಗಳು ಚರ್ಮವನ್ನು ಕಾಂತಿಯುತಗೊಳಿಸಲು ಸಹಾಯ ಮಾಡುವುದಲ್ಲದೆ, ಮನೆಯ ಶುಚಿಗೊಳಿಸುವಿಕೆಯಲ್ಲೂ ಅವುಗಳ ಸಾಮರ್ಥ್ಯವನ್ನು ತೋರಿಸುತ್ತವೆ. 

ನೀವು ಕೂಡ ಟೊಮೆಟೊ ಸಿಪ್ಪೆ ನಿಷ್ಪ್ರಯೋಜಕವೆಂದು ಎಸೆಯುತ್ತಿದ್ದರೆ ಈ ಲೇಖನದಲ್ಲಿ ಕೊಟ್ಟಿರುವ ಹ್ಯಾಕ್‌ಗಳನ್ನು ತಿಳಿದುಕೊಳ್ಳಿ. ಕೊನೆಗೆ ನೀವು ಅವುಗಳನ್ನು ಸುರಕ್ಷಿತವಾಗಿ ಇಡಲು ಪ್ರಾರಂಭಿಸುತ್ತೀರಿ. ಟೊಮೆಟೊ ಸಿಪ್ಪೆಗಳೂ ಟೊಮೆಟೊಗಳಂತೆಯೇ ಕ್ಯಾರೊಟಿನಾಯ್ಡ್‌ಗಳನ್ನು ಹೊಂದಿರುತ್ತವೆ. ಹೆಚ್ಚಿನ ಫ್ಲೇವೊನಾಲ್‌ಗಳನ್ನು (ಕ್ವೆರ್ಸೆಟಿನ್ ಮತ್ತು ಕೆಂಪ್ಫೆರಾಲ್ ಅನ್ನು ಒಳಗೊಂಡಿರುವ ಫೈಟೊಕೆಮಿಕಲ್‌ಗಳ ಮತ್ತೊಂದು ಕುಟುಂಬ) ಹೊಂದಿರುತ್ತವೆ. ಆದ್ದರಿಂದ ಟೊಮೆಟೊಗಳ ಸಿಪ್ಪೆ ಎಸೆಯದೆ ಅಡುಗೆ ಹಾಗೂ ಕ್ಲೀನಿಂಗ್ ಎರಡಕ್ಕೂ ಬಳಸಿ. ಟೊಮೆಟೊ ಸಿಪ್ಪೆಯಿಂದ ಯಾವ ವಸ್ತುಗಳನ್ನು ಸ್ವಚ್ಛಗೊಳಿಸಬಹುದು  ನೋಡೋಣ ಬನ್ನಿ...   

ಪಾತ್ರೆಗಳ ಹೊಳಪನ್ನು ಹೆಚ್ಚಿಸಲು 
ಪಾತ್ರೆಗಳ ಹೊಳಪನ್ನು ಮರಳಿ ಪಡೆಯಲು ನೀವು ಮಾರುಕಟ್ಟೆಯಿಂದ ಲಿಕ್ವಿಡ್ ಕ್ಲೀನರ್ ಖರೀದಿಸಬೇಕಿಲ್ಲ, ಇದಕ್ಕಾಗಿ ನೀವು ಟೊಮೆಟೊ ಸಿಪ್ಪೆಯನ್ನು ಬಳಸಬಹುದು. ಸಿಪ್ಪೆಯಲ್ಲಿರುವ ಆಮ್ಲೀಯ ಅಂಶವು ತಾಮ್ರ, ಹಿತ್ತಾಳೆ ಅಥವಾ ಉಕ್ಕಿನ ಪಾತ್ರೆಗಳಿಂದ ಕೊಳೆಯನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ಈ ಪ್ರಯೋಗ ಮಾಡುವಾಗ ಸಿಪ್ಪೆಗೆ ಉಪ್ಪು ಸೇರಿಸಿ, ನಂತರ ಅದನ್ನು ಸ್ಕ್ರಬ್ ನಿಂದ ಉಜ್ಜಿ ಸ್ವಚ್ಛಗೊಳಿಸಿ.

ಬೇಸಿನ್‌ನಲ್ಲಿ ಸಂಗ್ರಹವಾದ ಕೊಳೆಯನ್ನು ತೆಗೆಯಲು 
ಬೇಸಿನ್‌ನಲ್ಲಿ ಸಂಗ್ರಹವಾದ ಕೊಳೆಯನ್ನು ತೆಗೆದುಹಾಕಲು, ನೀವು ದುಬಾರಿ ಕ್ಲೀನರ್‌ಗಳ ಬದಲಿಗೆ ಟೊಮೆಟೊ ಸಿಪ್ಪೆಯನ್ನು ಬಳಸಬಹುದು. ಈ ಸಿಪ್ಪೆಗಳ ಮೇಲೆ ಉಪ್ಪು ಸಿಂಪಡಿಸಿದ ನಂತರ, ಅವುಗಳನ್ನು ಒಂದು ಬೇಸಿನ್‌ನಲ್ಲಿ ಹಾಕಿ ಸ್ಕ್ರಬ್ ಸಹಾಯದಿಂದ ಉಜ್ಜಿ ಸ್ವಚ್ಛಗೊಳಿಸಿ. ಟೊಮೆಟೊದಲ್ಲಿರುವ ನೈಸರ್ಗಿಕ ಆಮ್ಲಗಳು ಗ್ರೀಸ್, ಕಲೆಗಳು ಮತ್ತು ತಿಳಿ ತುಕ್ಕು ತೆಗೆಯಲು ಸಹಾಯ ಮಾಡುತ್ತದೆ.

ಗಾಜು ಮತ್ತು ಕನ್ನಡಿಗಳನ್ನು ಸ್ವಚ್ಛಗೊಳಿಸಲು 
ನೀವು ಟೊಮೆಟೊ ಸಿಪ್ಪೆಯ ಸಹಾಯದಿಂದ ಗಾಜು ಮತ್ತು ಕನ್ನಡಿಗಳನ್ನು ಸ್ವಚ್ಛಗೊಳಿಸಬಹುದು. ಇದಕ್ಕಾಗಿ, ಸಿಪ್ಪೆಯನ್ನು ನೇರವಾಗಿ ಗಾಜಿನ ಮೇಲೆ ಉಜ್ಜಿ ಮತ್ತು ಒಣ ಬಟ್ಟೆಯಿಂದ ಒರೆಸುವ ಮೂಲಕ ಸ್ವಚ್ಛಗೊಳಿಸಿ.

ಶೂಗಳ ಅಡಿಭಾಗವನ್ನು ಸ್ವಚ್ಛಗೊಳಿಸಲು
ನಿಮ್ಮ ಶೂಗಳ ಅಡಿಭಾಗವನ್ನು ಸ್ವಚ್ಛಗೊಳಿಸಲು ನೀವು ಟೊಮೆಟೊ ಸಿಪ್ಪೆಯನ್ನು ಬಳಸಬಹುದು. ಇದಕ್ಕಾಗಿ, ಒಂದು ಬಟ್ಟಲಿನಲ್ಲಿ ಟೊಮೆಟೊ ಸಿಪ್ಪೆ, ಅಡುಗೆ ಸೋಡಾ ಮತ್ತು ಉಪ್ಪಿನ ಮಿಶ್ರಣ ಮಾಡಿ ಪೇಸ್ಟ್ ಮಾಡಿಕೊಳ್ಳಿ. ಈ  ಪೇಸ್ಟ್ ಅನ್ನು ಶೂಗಳ ಹಿಂಭಾಗಕ್ಕೆ ಹಚ್ಚಿ 5 ನಿಮಿಷಗಳ ಕಾಲ ಬಿಡಿ. ಈಗ ಅದನ್ನು ಹಲ್ಲುಜ್ಜುವ ಬ್ರಷ್ ಸಹಾಯದಿಂದ ಉಜ್ಜುವ ಮೂಲಕ ಸ್ವಚ್ಛಗೊಳಿಸಿ. 

ಬಟ್ಟೆಗಳ ಮೇಲಿನ ಕಲೆಗಳನ್ನು ತೆಗೆದುಹಾಕಲು
ಬಟ್ಟೆಗಳಿಂದ ಕಲೆಗಳನ್ನು ತೆಗೆದುಹಾಕಲು, ನೀವು ರಾಸಾಯನಿಕ ಉತ್ಪನ್ನಗಳ ಬದಲಿಗೆ ಟೊಮೆಟೊ ಸಿಪ್ಪೆಯನ್ನು ಬಳಸಬಹುದು. ಇದಕ್ಕಾಗಿ, ಟೊಮೆಟೊ ಸಿಪ್ಪೆಯ ಮೇಲೆ ಉಪ್ಪನ್ನು ಹಚ್ಚಿ ಮತ್ತು ಕಲೆ ಇರುವ ಜಾಗಕ್ಕೆ ಸಿಂಪಡಿಸಿ. ಸ್ವಲ್ಪ ಸಮಯದ ನಂತರ, ಬಟ್ಟೆಗಳನ್ನು ಬ್ರಷ್ ಸಹಾಯದಿಂದ ಉಜ್ಜಿ ಮತ್ತು ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ.