ಪಲ್ಯದಂಗೆ ಉಪ್ಪಿನಕಾಯಿ ತಿಂದ್ರೆ ಆ್ಯಸಿಡಿಟಿ ಗ್ಯಾರಂಟಿ

ಉಪ್ಪನ್ನು ಚಿಟಿಕೆ, ಉಪ್ಪಿನಕಾಯಿ ಅಗತ್ಯಕ್ಕೆ ತಕ್ಕಷ್ಟು ತಿನ್ನಬೇಕು. ಅದ ಬಿಟ್ಟು ಪಲ್ಯದಂತೆ ಉಪ್ಪಿನಕಾಯಿ ತಿಂದ್ರೆ ಅನಾರೋಗ್ಯ ಕಟ್ಟಿಟ್ಟ  ಬುತ್ತಿ. ಹೆಚ್ಚೆಚ್ಚು ಉಪ್ಪಿನಕಾಯಿ ತಿಂದರೇನಾಗುತ್ತೆ?

ಉಪ್ಪಿನಕಾಯಿ ಇಲ್ಲದೆ ಊಟ ಮಾಡೋದೇ ಇಲ್ಲ ಎಂದಾದರೆ ಇದನ್ನು ತಿಳಿದುಕೊಳ್ಳಲೇಬೇಕು. ರುಚಿಯಾಗಿದೆ ಎಂದು ಅಗತ್ಯಕ್ಕಿಂತ ಹೆಚ್ಚಾಗಿ ಸೇವಿಸಿದರೆ ಅನಾರೋಗ್ಯ ಗ್ಯಾರಂಟಿ. 

• ಉಪ್ಪಿನಕಾಯಿಯಲ್ಲಿ ಎಣ್ಣೆ ಅಂಶ ಹೆಚ್ಚಿರುತ್ತದೆ. ಇದರಲ್ಲಿ ಉಪಯೋಗಿಸುವ ಮಸಾಲೆಯಿಂದ ಕೊಲೆಸ್ಟ್ರಾಲ್ ಮತ್ತಿತರೆ ಸಮಸ್ಯೆಯನ್ನು ತಂದೊಡ್ಡುತ್ತದೆ. 
• ಇದರ ಬಳಕೆ ಹೊಟ್ಟೆಯಲ್ಲಿ ಆಮ್ಲೀಯತೆಯನ್ನು ಹೆಚ್ಚಿಸುತ್ತದೆ. ಇದರಿಂದ ಆ್ಯಸಿಡಿಟಿ, ಗ್ಯಾಸ್, ಹುಳಿ ತೇಗಿನಂಥ ಸಮಸ್ಯೆಯನ್ನು ತಂದೊಡ್ಡುತ್ತದೆ. 
• ಉಪ್ಪಿನ ಪ್ರಮಾಣ ಹೆಚ್ಚಾಗಿರುವುದರಿಂದ ಹೆಚ್ಚಿನ ಸೋಡಿಯಂ ದೇಹಕ್ಕೆ ಸೇರುತ್ತದೆ. ಅಲ್ಲದೆ ಹೈ ಬ್ಲಡ್ ಪ್ರೆಷರ್‌ಗೆ ಕಾರಣವಾಗಬಲ್ಲದು. ಇದರಿಂದ ಇರೋ ಸಮಸ್ಯೆಗಳು ಉಲ್ಬಣಗೊಳ್ಳಬಹುದು. 
• ಉಪ್ಪಿನಕಾಯಿಯಲ್ಲಿ ವಿನೆಗರ್ ಸಹ ಬಳಸುತ್ತಾರೆ. ಇದನ್ನು ನಿಯಮಿತವಾಗಿ ಸೇವಿಸಿದರೆ ಅಲ್ಸರ್ ಉಂಟಾಗುತ್ತದೆ. ಈ ಸಮಸ್ಯೆ ಹೆಚ್ಚಾಗುವ ಸಾಧ್ಯತೆ ಇದೆ. 
• ಹೆಚ್ಚು ಹೆಚ್ಚು ಉಪ್ಪಿನಕಾಯಿ ತಿನ್ನುತ್ತಿದ್ದರೆ, ಆ್ಯಸಿಡಿಟಿ ಗ್ಯಾರಂಟಿ.