ಅದೇ ಬೇಳೆ, ಟೊಮ್ಯಾಟೋ ರಸಂ ತಿಂದು ಬೇಜಾರಾ? ಇಲ್ಲಿದೆ ಹೊಸ ರಸಂ ರೆಸಿಪಿ
ಸಾರಾಂಶ
ಥಟ್ ಅಂತ ಮನೆಗೆ ಅಥಿತಿಗಳ ಆಗಮನದಿಂದ ದಿಢೀರನೆ ಅಡುಗೆ ಮಾಡಿ ಬಡಿಸುವುದು ಕಷ್ಟ. ಆದರೆ, ರಸಮ್ ಮಾಡುವುದು ಸುಲಭ. ಅಷ್ಟೇ ಅಲ್ಲದೆ ಊಟದ ನಂತರ ಸುಲಭ ಜೀರ್ಣವಾಗಲು ರಸಂ ದಿವ್ಯೌಷಧ.
ಅದೇ ಬೇಳೆ, ಟೊಮ್ಯಾಟೋ ಸಾರು ತಿಂದು ಬೇಜಾರಾಗಿದ್ಯಾ? ಆದರೂ ಸಾರು ಹಿತ ಎನಿಸೋ ಅಡುಗೆ. ಇಂಥ ರಸಂಗಳ ಪಟ್ಟಿಗೆ ಮತ್ತೊಂದು ರೀತಿಯ ರಸಂ ಅನ್ನು ಸೇರಿಸಿಕೊಳ್ಳಿ. ಆರೋಗ್ಯಕ್ಕೂ ಒಳ್ಳೆಯದಾದ ಸೂಪ್ನಂತೆಯೂ ಬಳಸಬಹುದಾದ ಬೀಟ್ರೂಟ್ ರಸಂ ಮಾಡೋ ವಿಧಾನ ಇಲ್ಲಿದೆ....
ಬೇಕಾಗುವ ಪದಾರ್ಥ:
- ಮಧ್ಯ ಗಾತ್ರದ ಬೀಟ್ರೊಟ್
- 2 ಚಮಚ ತುರಿದ ತೆಂಗಿನಕಾಯಿ
- ಎಣ್ಣೆ
- ಸಾಸಿವೆ
- ಜೀರಿಗೆ
- ಇಂಗು
- ಹುರಿದ ಉದ್ದಿನ ಬೇಳೆ
- ಜಜ್ಜಿದ 1 ಬೆಳ್ಳುಳ್ಳಿ
- ಕರಿ ಬೇವು
- ಈರುಳ್ಳಿ
- 2 ಮೆಣಸಿನಕಾಯಿ
- ಹುಣನೆ ರಸ.
- ಉಪ್ಪು
- ಅರಿಷಿಣ
- ಕೆಂಪು ಖಾರದ ಪುಡಿ
- ಪುದಿನಾ ಸೊಪ್ಪು
- ಕೊತ್ತಂಬರಿ ಸೊಪ್ಪು
ಮಾಡುವ ವಿಧಾನ:
ಸಣ್ಣಗೆ ಹೆಚ್ಚಿದ ಬೀಟ್ರೊಟ್ ಮತ್ತು ತೆಂಗಿನಕಾಯಿ ತುರಿಯನ್ನು ರುಬ್ಬಿಕೊಳ್ಳಿ.
ವಿಧಾನ - ಒಂದು ಪಾತ್ರೆಯಲ್ಲಿ ಎಣ್ಣೆ, ಸಾಸಿವೆ, ಜೀರಿಗೆ ಮತ್ತು ಇಂಗು ಹುರಿದುಕೊಳ್ಳಿ. ಬೆಳ್ಳುಳ್ಳಿ, ಕರಿ ಬೇವು, ಈರುಳ್ಳಿ, ಮೆಣಸಿನಕಾಯಿ ಹಾಕಿ, ತುಸು ಸಮಯ ಹಾಗೇ ಬಿಡಿ.
- 5 ನಿಮಿಷಗಳ ನಂತರ ಹುಣಸೆ ರಸ, ಉಪ್ಪು ಮತ್ತು ಅರಿಶಿಣ ಸೇರಿಸಿ ಕುದಿಸಿ.
- ಅಳತೆಗೆ ತಕ್ಕಂತೆ ಬೀಟ್ರೊಟ್ ರಸ ಮತ್ತು ನೀರು ಸೇರಿಸಿ ಅದಕ್ಕೆ ಅಚ್ಚು ಖಾರದ ಪುಡಿ, ಪುದಿನಾ ಎಲೆ ಮತ್ತು ಕೊತ್ತಂಬರಿ ಸೊಪ್ಪು ಹಾಕಿ ಹಾಗೇ ತುಸು ಕಾಲ ಬಿಟ್ಟು ಒಗ್ಗರಣೆ ಹಾಕಿದರೆ, ಬೀಟ್ರೊಟ್ ರಸಂ ರೇಡಿ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.