ಭಾರತದ ಈ ಸುಂದರ ತಾಣಗಳೀಗ ದೆವ್ವ ನಗರಿ...!
ಸಾರಾಂಶ
ನಮ್ಮ ದೇಶದಲ್ಲಿ ಹಲವುಪ ತಾಣಗಳು ಗೋಸ್ಟ್ ಟೌನ್ ಎಂದೇ ಖ್ಯಾತ ಪಡೆದಿವೆ. ಹಾಗಂತ ಅಲ್ಲಿ ಭೂತ ದೆವ್ವದ ಕಾಟ ಇದೆ ಎಂದರ್ಥವಲ್ಲ. ಅಲ್ಲಿ ಜನವಸತಿ ಇಲ್ಲದ ಕಾರಣ ಈ ಹೆಸರು ಬಂದಿದೆಯಷ್ಟೇ. ಅಂತಹ ತಾಣಗಳು ಯಾವುವು?
ಭಾರತದಲ್ಲಿರೋ ಸುಂದರ ತಾಣಗಳ ಬಗ್ಗೆ ನಮಗೆ ಗೊತ್ತು. ಆದರೆ, ಸ್ಮಶಾನ ಮೌನ ಆವರಿಸೋ ಗೋಸ್ಟ್ ಟೌನ್ ಎಂದೇ ಖ್ಯಾತವಾದ ನಗರಗಳ ಬಗ್ಗೆ ಏನಾದ್ರೂ ಕೇಳಿದ್ದೀರಾ? ಅನಾದಿ ಕಾಲದಿಂದಲೂ ಸುಂದರ ತಾಣಗಳಾಗಿದ್ದ ಈ ನಗರಗಳು ಪ್ರಾಕೃತಿಕ ವಿಕೋಪ, ದುಷ್ಟರ ದಾಳಿ ಹೀಗೆ ಹತ್ತು ಹಲವು ಕಾರಣಗಳಿಂದ ನಶಿಸಿ ಹೋಗಿ, ಅವಶೇಷಗಳಾಗಿ ಮಾತ್ರ ಉಳಿದಿವೆ. ಅಷ್ಟೇ ಅಲ್ಲ, ಇಲ್ಲಿನ ಜನರೂ ಜೀವನ ನಡೆಸದ ಕಾರಣ ಇದು ಗೋಸ್ಟ್ ಟೌನ್ ಎಂದೇ ಖ್ಯಾತವಾಗಿವೆ.
ಅಮಾವಾಸ್ಯೆಯಂದು ಈ ಕೋಟೆಯಿಂದ ಕೇಳಿ ಬರುತ್ತೆ ವಿಚಿತ್ರ ಕೂಗು!
ಧನುಷ್ಕೋಟಿ
ಪಂಬನ್ ಐಲ್ಯಾಂಡ್ನಲ್ಲಿರೋ ಈ ಪ್ರದೇಶಕ್ಕೆ 1964ರಲ್ಲಿ ದೊಡ್ಡದಾದ ಚಂಡಮಾರುತ ಅಪ್ಪಳಿಸಿತ್ತು. ಇದರಿಂದ ಧನುಷ್ಕೋಟಿ ಪೂರ್ತಿಯಾಗಿ ಡ್ಯಾಮೇಜ್ ಆಗಿತ್ತು. ಅಷ್ಟೇ ಅಲ್ಲದೆ ಪಂಬನ್ - ಧನುಷ್ಕೋಟಿ ನಡುವೆ ಚಲಿಸುವ ಪ್ಯಾಸೆಂಜರ್ ಟ್ರೈನನ್ನೂ ನಾಶ ಮಾಡಿ ಅದರಲ್ಲಿದ್ದ 115 ಜನರು ಸಾಯುವಂತೆ ಮಾಡಿತ್ತು. ಇದಕ್ಕೆ ಇಲ್ಲಿ ಸ್ಮಶಾನ ಮೌನ ನೆಲೆಸಿದೆ ಈಗ.
ಫತೇಪುರ್ ಸಿಕ್ರಿ
ಮೊಘಲ್ ವಾಸ್ತುಶಿಲ್ಪ ಕಲೆಗೆ ಹೆಸರು ವಾಸಿಯಾದ ಈ ನಗರ ಯುನೆಸ್ಕೊ ವರ್ಲ್ಡ್ ಹೆರಿಟೇಜ್ ತಾಣವೂ ಹೌದು.
ಲಕ್ ಪತ್
ಈ ಕೋಟೆಯ ನಗರ ಗುಜರಾತ್ನ ಕಛ್ ಜಿಲ್ಲೆಯಲ್ಲಿದೆ. ಇಲ್ಲಿ ಅಳಿದುಳಿದ ಕೋಟೆಗಳನ್ನು ನಾವು ಕಾಣಬಹುದು.
ಗೋವಾದ 6 ನಿಗೂಢ ಜಾಗಗಳಿವು! ಹೀಗೂ ಉಂಟು...
ಮಾಂಡು
ಇದು ಮಧ್ಯಪ್ರದೇಶದ ಧಾರ್ ಜಿಲ್ಲೆಯ ಮಾಲ್ವಾದಲ್ಲಿದೆ. ಇದು ಅಲ್ಲಿನ ಒಂದು ಸುಂದರ ಹಾಗೂ ಆಕರ್ಷಕ ಪ್ರವಾಸಿ ತಾಣ. ಇಲ್ಲಿ ಜನಪ್ರಿಯ ಜೈನ ದೇವಾಲಯಗಳು ಮತ್ತು ಮಸೀದಿಗಳಿವೆ.
ಹಳೆ ಗೋವಾ
ಈ ಸುಂದರ ಬೀಚ್ 17ನೇ ಶತಮಾನದಲ್ಲಿ ಮಲೇರಿಯಾ ಮತ್ತು ಕಾಲರಾ ರೋಗದಿಂದ ಬಳಲಿ ಮೂಲೆ ಗುಂಪಾದ ತಾಣವಾಗಿತ್ತು. ಇಲ್ಲಿ ಉಳಿದಿರುವ ತಾಣಗಳು ಯುನೆಸ್ಕೊದ ವರ್ಲ್ಡ್ ಹೆರಿಟೇಜ್ ಸೈಟ್ ಲಿಸ್ಟ್ಗೆ ಸೇರಿದೆ.
ರೋಸ್ ಐಲ್ಯಾಂಡ್
ಅಂಡಮಾನ್ ಮತ್ತು ನಿಕೋಬಾರ್ ಐಲ್ಯಾಂಡ್ನಲ್ಲಿರುವ ಈ ದ್ವೀಪ ಪೋರ್ಟ್ ಬ್ಲೇರ್ನಲ್ಲಿದೆ. ಈ ಪ್ರದೇಶವನ್ನು ಮೇಲಿಂದ ಮೇಲೆ ಭೂಕಂಪ ಅಪ್ಪಳಿಸಿದ್ದು, ಈಗ ಗೋಸ್ಟ್ ಟೌನ್ ಎಂದೇ ಖ್ಯಾತವಾಗಿದೆ.
ಸ್ಮಶಾನದಲ್ಲಿರೋ 'ಲಕ್ಕಿ' ರೆಸ್ಟೋರೆಂಟ್ ಇದು!
ಬೆಂಗಳೂರು, ಗೋವಾದ ಹಲವು ಪ್ರದೇಶಗಳಲ್ಲಿ ಭೂತ ಇದೆ ಹೇಳಲಾಗುತ್ತಿದೆ. ಈ ನಗರಗಳಂತೂ ಅಕ್ಷರಶಃ ಪ್ರೇತಗಳಿರೋ ತಾಣಗಳಾಗಿವೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.