Face Yoga For Beauty: ವಯಸ್ಸಾದರೂ ಯಂಗ್ ಆಗಿ ಕಾಣಬೇಕಾದರೆ ಹೀಗೆ ಮಾಡಿ
ಸಾರಾಂಶ
ಮಾನಸಿಕ, ಆಧ್ಯಾತ್ಮ ಮತ್ತು ದೈಹಿಕ ಆರೋಗ್ಯ (Health)ಕ್ಕೆ ಯೋಗ ಪ್ರಮುಖ ಸಾಧನವಾಗಿದೆ. ಹಾಗೆಯೇ ಸೌಂದರ್ಯ (Beauty) ವೃದ್ಧಿಗೂ ಯೋಗ ಅತ್ಯುತ್ತಮ. ಫೇಸ್ ಯೋಗ (Face Yoga) ಮಾಡುವುದರಿಂದ ನೀವು ವಯಸ್ಸಾದರೂ ಕಿರಿಯವರಾಗಿ ಕಾಣಬಹುದು. ಹೊಳೆಯುವ ತ್ವಚೆ ನಿಮ್ಮದಾಗುತ್ತದೆ.
ಭಾರತೀಯ ಸಂಸ್ಕೃತಿಯಲ್ಲಿ ಯೋಗಕ್ಕೆ ಹೆಚ್ಚಿನ ಮಹತ್ವವಿದೆ. ಯೋಗದಿಂದ ರೋಗವನ್ನು ದೂರ ಮಾಡಿ ಸದೃಢ ಆರೋಗ್ಯವನ್ನು ಪಡೆದುಕೊಳ್ಳಬಹುದು ಎಂದು ತಜ್ಞರು ಹೇಳುತ್ತಾರೆ. ಹಾಗೆಯೇ ಯೋಗ (Yoga) ಔಷಧಕ್ಕೆ ಪರ್ಯಾಯವಾಗಿ ಕೆಲಸ ಮಾಡುತ್ತದೆ ಎಂಬುದು ಅಧ್ಯಯನಗಳಿಂದ ತಿಳಿದುಬಂದಿದೆ. ಮಾನಸಿಕ, ಆಧ್ಯಾತ್ಮ ಮತ್ತು ದೈಹಿಕ ಆರೋಗ್ಯಕ್ಕೆ ಯೋಗ ಪ್ರಮುಖ ಸಾಧನವಾಗಿದೆ. ಹೀಗಾಗಿಯೇ ಇತ್ತೀಚಿನ ವರ್ಷಗಳಲ್ಲಿ ವಿದೇಶಿಗರು ಸಹ ಯೋಗಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ನೀಡುತ್ತಿದ್ದಾರೆ. ಆದರೆ ನಿಮಗೆ ಗೊತ್ತಾ, ಯೋಗ ವ್ಯಾಯಾಮಗಳು ಮುಖದ ಸೌಂದರ್ಯ (Beauty)ವನ್ನು ಸಹ ಹೆಚ್ಚಿಸುತ್ತವೆ. ಸತತವಾಗಿ ಮುಖದ ಯೋಗ ವ್ಯಾಯಾಮಗಳನ್ನು ಮಾಡುವುದರಿಂದ ವಯಸ್ಸಿನಲ್ಲಿ ಕಿರಿಯರಂತೆ ಕಾಣಬಹುದು.
ಪ್ರತಿ ದಿನ ನಮ್ಮ ಸೌಂದರ್ಯದ ದಿನಚರಿಗಳಿಗಾಗಿ ಸಾಕಷ್ಟು ಸಮಯವನ್ನು ಕಳೆಯಲು ನಮಗೆ ಸಾಧ್ಯವಾಗದೇ ಇರಬಹುದು. ಹೀಗಾಗಿ ಇದಕ್ಕಾಗಿ ಸುಲಭ ವಿಧಾನವನ್ನುಅನುಸರಿಸಲು ಎಲ್ಲರೂ ಬಯಸುತ್ತಾರೆ. ಹಾಗೆಯೇ ಈ ಸರಳ ವ್ಯಾಯಾಮಗಳು ನಿಮ್ಮ ಸಮಯವನ್ನು ಹೆಚ್ಚು ಬಳಸುವುದಿಲ್ಲವಾದ್ದರಿಂದ ಚಿಂತಿಸಬೇಡಿ. ದೃಢವಾದ ಮತ್ತು ಸುಂದರ ಚರ್ಮವನ್ನು ಪಡೆಯಲು ಮಾಡಬೇಕಾದ ಅತ್ಯುತ್ತಮ ಮುಖದ ಯೋಗ ವ್ಯಾಯಾಮಗಳು ಇಲ್ಲಿವೆ.
Yoga As Immunity Booster: ಚಳಿಗಾಲದಲ್ಲಿ ಇಮ್ಯುನಿಟಿ ಹೆಚ್ಚಿಸಲು 5 ಯೋಗ ಭಂಗಿಗಳು!
ಚೀಕ್ ಲಿಫ್ಟ್ (The Cheek Lift)
ಆರೋಗ್ಯ ಮತ್ತು ಸೌಂದರ್ಯದ ಬಗ್ಗೆ ಹೆಚ್ಚು ಕಾಳಜಿಯಿರುವವರು ಫೇಸ್ ಯೋಗ ಪದ್ಧತಿಯನ್ನು ಅನುಸರಿಸುತ್ತಾರೆ. ದೃಢವಾದ ಚರ್ಮವನ್ನು ಕಾಪಾಡಿಕೊಳ್ಳಲು ಈ ವ್ಯಾಯಾಮವು ಒಂದು ಸುಲಭ ಮಾರ್ಗವಾಗಿದೆ. ಈ ವ್ಯಾಯಾಮವನ್ನು ಪ್ರಾರಂಭಿಸಲು, ಮೊದಲಿಗೆ ನಿಮ್ಮ ತುಟಿಗಳನ್ನು ಮುಚ್ಚಿ ಮತ್ತು ನಿಮ್ಮ ಕೆನ್ನೆಗಳನ್ನು ನಿಮ್ಮ ಕಣ್ಣುಗಳ ಕಡೆಗೆ ಎಳೆಯಲು ಪ್ರಯತ್ನಿಸಿ. ನಂತರ ನಗುತ್ತಾ ನಿಮ್ಮ ತುಟಿಗಳ ಮೂಲೆಗಳನ್ನು ನಿಧಾನವಾಗಿ ಮೇಲಕ್ಕೆತ್ತಿ ಮತ್ತು ಸುಮಾರು 10 ಸೆಕೆಂಡುಗಳ ಕಾಲ ಆ ಭಂಗಿಯನ್ನು ಹಿಡಿದುಕೊಳ್ಳಿ. ಇದು ನಿಮ್ಮ ಸ್ನಾಯುಗಳನ್ನು ಬಗ್ಗಿಸಲು ಸಹಾಯ ಮಾಡುತ್ತದೆ ಆದರೆ ನಿಮ್ಮ ಮನಸ್ಥಿತಿಯನ್ನು ಹಗುರಗೊಳಿಸುತ್ತದೆ. ವ್ಯಾಯಾಮ ಮಾಡಲು ನಗುವುದು ಉತ್ತಮ ಮಾರ್ಗವಾಗಿದೆ.
ಮೀನಿನ ಮುಖದ ವ್ಯಾಯಾಮ (Fish Face Exercise)
ಮನೆಯಲ್ಲಿ ಅಭ್ಯಾಸ ಮಾಡಲು ಅತ್ಯಂತ ಸುಲಭ ಮತ್ತು ಸಾಮಾನ್ಯ ವ್ಯಾಯಾಮ, ಮೀನಿನ ಮುಖದ ವ್ಯಾಯಾಮವಾಗಿದೆ. ಈ ವ್ಯಾಯಾಮಕ್ಕಾಗಿ ನಿಮ್ಮ ತುಟಿಗಳನ್ನು ಮುಚ್ಚಿ ಮತ್ತು ನಂತರ ನಿಮ್ಮ ಕೆನ್ನೆಗಳನ್ನು ಸಾಧ್ಯವಾದಷ್ಟು ಒಳಕ್ಕೆ ಎಳೆಯಿರಿ. ನಂತರ 'ಮೀನಿನ ಮುಖ' ನೋಟವನ್ನು ಮಾಡಿ. ಸುಮಾರು 15 ಸೆಕೆಂಡುಗಳ ಕಾಲ ಈ ಭಂಗಿಯನ್ನು ಹಿಡಿದಿಟ್ಟುಕೊಂಡು ನಗುತ್ತಿರುವುದನ್ನು ಪ್ರಯತ್ನಿಸಿ ಮತ್ತು ನಂತರ ಹಿಂತೆಗೆದುಕೊಳ್ಳಿ. ಮುಂದಿನ ಐದು ನಿಮಿಷಗಳ ಕಾಲ ಈ ವ್ಯಾಯಾಮವನ್ನು ಪುನರಾವರ್ತಿಸಿ.
Yoga For Concentration: ಏಕಾಗ್ರತೆ ಹೆಚ್ಚಲು ಇಂದಿನಿಂದಲೇ ಶುರು ಮಾಡಿ ಈ ಆಸನ
ಬೊಂಬೆ ಮುಖದ ವ್ಯಾಯಾಮ (Puppet Face Exercise)
ಈ ಸರಳವಾದ ವ್ಯಾಯಾಮವು ಸಂಪೂರ್ಣ ಕೆನ್ನೆಯ ಸ್ನಾಯುಗಳನ್ನು ಆರೋಗ್ಯಕರವಾಗಿಸಲು ಸಹಾಯ ಮಾಡುತ್ತದೆ. ಈ ವ್ಯಾಯಾಮ ಮಾಡಲು, ನೀವು ನಗುತ್ತಿರುವಾಗ ನಿಮ್ಮ ಮುಖದ ಮೇಲೆ ನಿಮ್ಮ ಕೆನ್ನೆಗಳು ಸುಕ್ಕುಗಟ್ಟುವಂತೆ ನಿಮ್ಮ ಬೆರಳುಗಳ ತುದಿಯನ್ನು ಇರಿಸಿ. ಈ ಹಂತದಲ್ಲಿ ನಿಮ್ಮ ಕೆನ್ನೆಗಳನ್ನು ಮೇಲಕ್ಕೆತ್ತಿ ಮತ್ತು ಸುಮಾರು ಮೂವತ್ತು ಸೆಕೆಂಡುಗಳ ಕಾಲ ಸ್ಮೈಲ್ ಅನ್ನು ಹಿಡಿದುಕೊಳ್ಳಿ. ನಂತರ ನಿಧಾನವಾಗಿ ಭಂಗಿಯನ್ನು ಹಿಂತೆಗೆದುಕೊಳ್ಳಿ. ನೀವು ಸುಮಾರು 2-3 ನಿಮಿಷಗಳ ಕಾಲ ಈ ವ್ಯಾಯಾಮವನ್ನು ಪುನರಾವರ್ತಿಸಬಹುದು.
ಹುಬ್ಬುಗಳನ್ನು ಎತ್ತರಿಸುವ ವ್ಯಾಯಾಮ(Raising Eyebrows)
ನಮ್ಮ ಕಣ್ಣುಗಳ ಸುತ್ತಲಿನ ಸೂಕ್ಷ್ಮ ಪ್ರದೇಶವನ್ನು ಬಲಪಡಿಸುವ ಅಗತ್ಯವಿದೆ ಮತ್ತು ಈ ವ್ಯಾಯಾಮವು ಈ ಉದ್ದೇಶವನ್ನು ಸರಿಯಾಗಿ ಪೂರೈಸಲು ಪರಿಪೂರ್ಣ ಮಾರ್ಗವಾಗಿದೆ. ನಿಮ್ಮ ಹುಬ್ಬುಗಳನ್ನು ನಿಮಗೆ ಸಾಧ್ಯವಾದಷ್ಟು ಎತ್ತರಿಸಿ ಮತ್ತು ಸುಮಾರು ಐದು ಸೆಕೆಂಡುಗಳ ಕಾಲ ಈ ಸ್ಥಾನವನ್ನು ಹಿಡಿದುಕೊಳ್ಳಿ. ಸ್ಪಲ್ಪ ಹೊತ್ತಿನ ನಂತರ ನಿಧಾನವಾಗಿ ಹುಬ್ಬುಗಳನ್ನು ಕೆಳಗಿಸಿಕೊಳ್ಳಿ. ಈ ವ್ಯಾಯಾಮವು ನಿಮ್ಮ ಕಣ್ಣುಗಳ ಸುತ್ತಲಿನ ಪ್ರದೇಶವನ್ನು ಬಲಪಡಿಸಲು ಸಹಾಯ ಮಾಡುತ್ತದೆ. ಉತ್ತಮ ಫಲಿತಾಂಶಕ್ಕಾಗಿ ಈ ವ್ಯಾಯಾಮವನ್ನು 10 ಬಾರಿ ಪುನರಾವರ್ತಿಸಿ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.