ಪ್ರಪಂಚದಲ್ಲಿ ಅತ್ಯಂತ ಕಾಸ್ಟ್ಲೀ ತರಕಾರಿ ಯಾವುದು ನಿಮ್ಗೊತ್ತಾ ? ಅಪಾರವಾದ ಆರೋಗ್ಯ ಪ್ರಯೋಜನಗಳಿಗೆ ಹೆಸರುವಾಸಿಯಾಗಿರುವ ಈ ತರಕಾರಿಯ ಬೆಲೆ ಕಿಲೋಗ್ರಾಂಗೆ 85,000 ರೂ.ನಂತೆ ಮಾರಾಟವಾಗುತ್ತವೆ. ಆ ಬಗ್ಗೆ ಇಲ್ಲಿದೆ ಹೆಚ್ಚಿನ ಮಾಹಿತಿ.
ನವದೆಹಲಿ: ಹಾಪ್ ಚಿಗುರುಗಳನ್ನು ವಿಶ್ವದ ಅತ್ಯಂತ ದುಬಾರಿ ತರಕಾರಿ (Costly vegetables) ಎಂದು ಕರೆಯಲಾಗುತ್ತದೆ. ಅಪಾರವಾದ ಆರೋಗ್ಯ ಪ್ರಯೋಜನಗಳಿಗೆ ಹೆಸರುವಾಸಿಯಾಗಿರುವ ಈ ತರಕಾರಿಯ ಬೆಲೆ ಕಿಲೋಗ್ರಾಂಗೆ 85,000 ರೂ.ನಂತೆ ಮಾರಾಟವಾಗುತ್ತವೆ. ಪ್ರಸ್ತುತ ಭಾರತದಲ್ಲಿ ಇದನ್ನು ಬೆಳೆಸಲಾಗುತ್ತಿಲ್ಲವಾದರೂ, ಇದನ್ನು ಮೊದಲು ಹಿಮಾಚಲ ಪ್ರದೇಶದಲ್ಲಿ ಬೆಳೆಯಲು ಆರಂಭಿಸಲಾಯಿತು ಎಂದು ತಿಳಿದುಬಂದಿದೆ. ಅಲ್ಲದೆ, ಕೆಲವು ವರ್ಷದ ಹಿಂದೆ ಬಿಹಾರದ ರೈತ ಅರ್ನೇಶ್ ಸಿಂಗ್ ಅವರು ಹಾಪ್ ಚಿಗುರುಗಳನ್ನು ಬೆಳೆಸಿದ್ದರು. ಆದರೆ ಉತ್ಪಾದನೆಗೆ ಹೆಚ್ಚು ವೆಚ್ಚ ತಗುಲುವ ಕಾರಣ ಅನಿವಾರ್ಯವಾಗಿ ನಿಲ್ಲಿಸಬೇಕಾಯಿತು.
ಹಾಪ್ ಚಿಗುರುಗಳು ಯಾವುವು ಮತ್ತು ಅವು ಏಕೆ ತುಂಬಾ ದುಬಾರಿಯಾಗಿದೆ?
ವೈಜ್ಞಾನಿಕವಾಗಿ Humulus lupulus ಎಂದು ಕರೆಯಲ್ಪಡುವ ಹಾಪ್ ಚಿಗುರುಗಳು ಸೆಣಬಿನ ಕುಟುಂಬಕ್ಕೆ ಸೇರಿದ ದೀರ್ಘಕಾಲಿಕ ಕ್ಲೈಂಬರ್ ಸಸ್ಯವಾಗಿದೆ. ಹಾಪ್ ಚಿಗುರುಗಳು ಕೊಯ್ಲು ಮಾಡಲು ಸಿದ್ಧವಾಗುವ ಮೊದಲು ಸುಮಾರು ಮೂರು ವರ್ಷಗಳನ್ನು ತೆಗೆದುಕೊಳ್ಳುತ್ತದೆ. ಹಾಪ್ ಕೋನ್ಸ್ ಎಂದು ಜನಪ್ರಿಯವಾಗಿ ಕರೆಯಲ್ಪಡುವ ಹಾಪ್ಸ್ ಹೂವನ್ನು ಬಿಯರ್ ತಯಾರಿಕೆಯ ಸಮಯದಲ್ಲಿ ಸ್ಥಿರತೆಯ ಏಜೆಂಟ್ ಆಗಿ ಬಳಸಲಾಗುತ್ತದೆ.
Winter Diet: ಚಳಿಗಾಲದಲ್ಲಿ ನಿಮ್ಮ ದಿನದ ಡಯಟ್‌‌ಗೆ ಸೇರಿಸಬೇಕಾದ ತರಕಾರಿಗಳಿವು
ಹಾಪ್‌ನ ಆರೋಗ್ಯ ಪ್ರಯೋಜನಗಳು
ವಿಟಮಿನ್ ಇ, ಬಿ 6 ಮತ್ತು ಸಿ ಯೊಂದಿಗೆ ಲೋಡ್ ಆಗಿರುವ ಹಾಪ್ಸ್ ಅಪಾರವಾದ ಉತ್ಕರ್ಷಣ ನಿರೋಧಕ ಗುಣಗಳನ್ನು ಹೊಂದಿದ್ದು, ತರಕಾರಿಗಳು ಉರಿಯೂತದ ಪರಿಣಾಮಗಳನ್ನು ಹೊಂದುವಂತೆ ಮಾಡುತ್ತದೆ. ವಿವಿಧ ಸೋಂಕುಗಳಿಂದ ರಕ್ಷಿಸುತ್ತದೆ. ವೈದ್ಯಕೀಯ ಅಧ್ಯಯನಗಳು ಹಾಪ್ ಚಿಗುರುಗಳಲ್ಲಿ ಅಪಾರವಾದ ಆರೋಗ್ಯ ಪ್ರಯೋಜನ (Health benefits)ಗಳಿವೆ ಎಂದು ಸೂಚಿಸಿವೆ, ಇದು ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಹೆಚ್ಚು ಬೇಡಿಕೆಯಲ್ಲಿರುವ ತರಕಾರಿಯೂ ಆಗಿದೆ. ಹಾಪ್‌ನ ಕೆಲವು ಆರೋಗ್ಯ ಪ್ರಯೋಜನಗಳ ಮಾಹಿತಿ ಇಲ್ಲಿದೆ.
ಕ್ಷಯರೋಗಕ್ಕೆ ಚಿಕಿತ್ಸೆ ನೀಡಬಲ್ಲದು: ಈ ತರಕಾರಿಯನ್ನು ಕಾಡು ಶತಾವರಿ ಎಂದೂ ಕರೆಯುತ್ತಾರೆ. ಏಕೆಂದರೆ ಇದು ಅದರಂತೇ ಕಾಣುವುದರಿಂದ ಕ್ಷಯರೋಗದ ವಿರುದ್ಧ ಪ್ರತಿಕಾಯಗಳನ್ನು ರಚಿಸಬಹುದು. ಟಿಬಿ ಒಂದು ಗಂಭೀರವಾದ ಸಾಂಕ್ರಾಮಿಕ ಕಾಯಿಲೆಯಾಗಿದ್ದು ಅದು ಮುಖ್ಯವಾಗಿ ಶ್ವಾಸಕೋಶದ (Lungs) ಮೇಲೆ ಪರಿಣಾಮ ಬೀರುತ್ತದೆ ಮತ್ತು ಬ್ಯಾಕ್ಟೀರಿಯಾವನ್ನು ಹರಡುವುದನ್ನು ತಡೆಯಲು ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಬಲಪಡಿಸಲು ತರಕಾರಿ (Vegetables) ಸಹಾಯ ಮಾಡುತ್ತದೆ.
ನಿದ್ರಾಹೀನತೆ ಮತ್ತು ಮಾನಸಿಕ ಆರೋಗ್ಯ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡಬಲ್ಲದು: ನಿದ್ರಾಹೀನತೆ, ಉದ್ವೇಗ, ಒತ್ತಡ, ಆತಂಕ ಮತ್ತು ಹೆದರಿಕೆಯಂತಹ ಹಲವು ಕಾರಣಗಳಿಂದ ಉಂಟಾಗುವ ಮಾನಸಿಕ ಆರೋಗ್ಯ (Mental health) ಸಮಸ್ಯೆಗಳಿಗೆ ಚಿಕಿತ್ಸೆ ನೀಡಲು ತರಕಾರಿ ಸಹಕಾರಿಯಾಗಿದೆ ಎಂದು ಹೇಳಲಾಗುತ್ತದೆ. ಹಾಪ್ಸ್‌ನ ಒಣಗಿದ ಹೂವುಗಳನ್ನು ಆತಂಕವನ್ನು ಕಡಿಮೆ ಮಾಡುವ ಔಷಧಿಗಳಲ್ಲಿ ಬಳಸಲಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ.
ಹಸಿ ಅಥವಾ ಬೇಯಿಸಿದ ತರಕಾರಿ, ಯಾವ ರೀತಿ ತಿನ್ನೋದು ಒಳ್ಳೆಯದು?
ಚರ್ಮದ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡುತ್ತದೆ: ಹಾಪ್ಸ್ ಅನ್ನು ತ್ವಚೆ ಮತ್ತು ಸೌಂದರ್ಯ (Beauty)ಕ್ಕಾಗಿಯೂ ಬಳಸಲಾಗುತ್ತದೆ. ಹೂವುಗಳು ಉತ್ಕರ್ಷಣ ನಿರೋಧಕಗಳಿಂದ ತುಂಬಿರುತ್ತವೆ. ಚರ್ಮವು ಕಾಂತಿಯುತ ಮತ್ತು ಯೌವನದ ಹೊಳಪನ್ನು ಪಡೆಯಲು ಸಹಾಯ ಮಾಡುತ್ತದೆ ಮತ್ತು ಸುಕ್ಕುಗಳು, ಮೊಡವೆ (Pimple), ಕ್ರೌಫೀಟ್, ಕಲೆಗಳು, ಚರ್ಮದ ತೇಪೆಗಳು ಮುಂತಾದ ಆರಂಭಿಕ ವಯಸ್ಸಾದ ಚಿಹ್ನೆಗಳ ವಿರುದ್ಧ ರಕ್ಷಣೆ ನೀಡುತ್ತದೆ. ಸಸ್ಯವು ಮೇಲ್ಮೈ ರಕ್ತನಾಳಗಳನ್ನು ಕಡಿಮೆ ಮಾಡುವ ಮೂಲಕ ಚರ್ಮದ ಮೇಲೆ ಉರಿಯೂತದ ಪರಿಣಾಮಗಳನ್ನು ಒದಗಿಸುತ್ತದೆ.
ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ: ಹಾಪ್‌ಗಳು ಜೀರ್ಣಕ್ರಿಯೆಯನ್ನು ನಿಯಂತ್ರಿಸುವ ಮತ್ತು ಹೆಚ್ಚಿಸುವ ಮತ್ತು ಚಯಾಪಚಯವನ್ನು ವೇಗಗೊಳಿಸುವ ಸಾಮರ್ಥ್ಯಕ್ಕೆ ಹೆಸರುವಾಸಿಯಾಗಿದೆ. ಇದು ಆಸಿಡ್ ರಿಫ್ಲಕ್ಸ್ ಮೇಲೆ ಶಾಂತಗೊಳಿಸುವ ಪರಿಣಾಮವನ್ನು ಹೊಂದಿದೆ.
ಪುರುಷರಲ್ಲಿ ಲೈಂಗಿಕ ಕಾರ್ಯಕ್ಷಮತೆ ಸುಧಾರಿಸುತ್ತದೆ: ಮೆಡಿಕಲ್ ನ್ಯೂಸ್ ಟುಡೆ ಪ್ರಕಾರ, ದುಬಾರಿ ತರಕಾರಿ ಗಿಡಮೂಲಿಕೆಗಳ ಸಾರಭೂತ ತೈಲಗಳನ್ನು ಹೊಂದಿದೆ. ಅದು ಪುರುಷರು ತಮ್ಮ ಲೈಂಗಿಕ ಸಾಮರ್ಥ್ಯವನ್ನು (Sex) ಸುಧಾರಿಸಲು ಮತ್ತು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಇದು ಅಕಾಲಿಕ ಸ್ಖಲನಕ್ಕೆ ಚಿಕಿತ್ಸೆ (Treatment) ನೀಡಲು ಸಹಾಯ ಮಾಡುತ್ತದೆ ಮತ್ತು ದೇಹದ ಮೇಲೆ ಹಿತವಾದ, ಶಾಂತಗೊಳಿಸುವ ಪರಿಣಾಮವನ್ನು ಬೀರುತ್ತದೆ.