ಒಂದೆಡೆ ದೇಶಾದ್ಯಂತ ಕೋವಿಡ್ (Covid) ಪ್ರಕಣಗಳು ಹೆಚ್ಚಾಗ್ತಿದ್ರೆ, ಇನ್ನೊಂದೆಡೆ ಕೇರಳ (Kerala)ದಲ್ಲಿ ಹೊಸ ಹೊಸ ಸೋಂಕಿನ ಹಾವಳಿ ಶುರುವಾಗಿದೆ. ಟೊಮೇಟೋ ಫ್ಲೂ, ವೆಸ್ಟ್ ನೀಲ್ ಫೀವರ್ ನಂತರ ಈಗ ದೇವರನಾಡಿನಲ್ಲಿ ಸ್ಕ್ರಬ್ ಟೈಫಸ್ ಕಾಯಿಲೆ (Scrub Typhus Disease) ಹಬ್ಬುತ್ತಿದ್ದು ಜನರಲ್ಲಿ ಆತಂಕ ಹೆಚ್ಚಾಗಿದೆ. ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
ಕೊರೋನಾ (Corona) ಸೋಂಕು ಹರಡಲು ಆರಂಭವಾದ ನಂತರ ಹೊಸತಾಗಿ ಹಲವು ಕಾಯಿಲೆಗಳು (Disease) ಹರಡಲು ಶುರುವಾಗಿವೆ. ಒಂದೆಡೆ ಜಗತ್ತಿನಾದ್ಯಂಕ ಮಂಕಿಪಾಕ್ಸ್ (Monkeypox) ಹರಡಲು ಶುರುವಾಗಿದ್ದು, ಇನ್ನೊಂದೆಡೆ ಕೇರಳದಲ್ಲಿ ಟೊಮೇಟೋ ಜ್ವರ, ವೆಸ್ಟ್ ನೀಲ್ ಫೀವರ್ ಹಬ್ಬುತ್ತಿದೆ. ಅಷ್ಟೂ ಸಾಲ್ದು ಅಂತ ಕೇರಳದಲ್ಲಿ ಸ್ಕ್ರಬ್ ಟೈಫಸ್ (Scrub Typhus Disease) ಎಂಬ ಹೊಸ ಕಾಯಿಲೆ ಇಬ್ಬರ ಸಾವಿಗೆ ಕಾರಣವಾಗಿದೆ. ಅದೂ ಕೇವಲ ನಾಲ್ಕು ದಿನದಲ್ಲಿ ಇಬ್ಬರು ಸಾವನ್ನಪ್ಪಿರೋದು ಎಲ್ಲರಲ್ಲೂ ಆತಂಕ ಮೂಡಿಸಿದೆ.
ಚಿಗ್ಗರ್ ಹುಳಗಳು ಪ್ರಾಣಿಗಳೊಂದಿಗಿನ ನೇರ ಸಂವಹನದ ಸಮಯದಲ್ಲಿ ಅಥವಾ ಅದರ ಪರಿಸರದಿಂದ ಮಾನವ ದೇಹಕ್ಕೆ (Body) ಅಂಟಿಕೊಳ್ಳುತ್ತವೆ. ಮತ್ತು ತ್ವರಿತವಾಗಿ ವ್ಯಕ್ತಿಯಿಂದ ವ್ಯಕ್ತಿಗೆ ವರ್ಗಾವಣೆಗೊಳ್ಳುತ್ತದೆ. 38 ವರ್ಷದ ಮಹಿಳೆಯೊಬ್ಬರು ಸ್ಕ್ರಬ್ ಟೈಫಸ್‌ನಿಂದ ಭಾನುವಾರ ತಿರುವನಂತಪುರಂ ಸರ್ಕಾರಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದರು, ರಾಜ್ಯದಲ್ಲಿ ಕಳೆದ ಮೂರು ದಿನಗಳಲ್ಲಿ ರೋಗದ ಎರಡನೇ ಸಾವು ಸಂಭವಿಸಿದೆ. ತಿರುವನಂತಪುರಂ ಆಸ್ಪತ್ರೆಗೆ ಜೂನ್ 10 ರಂದು ಸುಬಿತಾಳ ಎಂಬಾಕೆಯನ್ನು ದಾಖಲಿಸಲಾಗಿದೆ ಎಂದು ಆಸ್ಪತ್ರೆ ಅಧಿಕಾರಿಗಳು ತಿಳಿಸಿದ್ದಾರೆ.
ಕೇರಳದಲ್ಲಿ ಆತಂಕಕ್ಕೆ ಕಾರಣವಾಗ್ತಿದೆ West Nile fever, ಇದು ಮಲೇರಿಯಾಗಿಂತಲೂ ಡೇಂಜರಾ ?
ಜೂನ್ 9 ರಂದು ತಿರುವನಂತಪುರಂ ಜಿಲ್ಲೆಯ ಚೆರುನ್ನಿಯೂರ್ ಮೂಲದ 15 ವರ್ಷದ ಅಶ್ವತಿ ಸ್ಥಳೀಯ ಭಾಷೆಯಲ್ಲಿ ಚೆಲ್ಲು ಪಾನಿ ಎಂಬ ಕಾಯಿಲೆಗೆ ತುತ್ತಾಗಿದ್ದರು. ನಾಲ್ಕೇ ದಿನದಲ್ಲಿ ಸ್ಕ್ರಬ್ ಟೈಫಸ್ ಕಾಯಿಲೆಗೆ ಇಬ್ಬರು ಸಾವನ್ನಪ್ಪಿರುವುದರ ಜೊತೆಗೆ ಜನರಲ್ಲಿ ಗಾಬರಿ ಮೂಡಿದೆ. ಇನ್ನೊಂದೆಡೆ ಕೇರಳದ ಆರೋಗ್ಯ ಅಧಿಕಾರಿಗಳು ಸಹ ಅಲರ್ಟ್‌ ಆಗಿದ್ದಾರೆ.
ಸ್ಕ್ರಬ್ ಟೈಫಸ್ ಕಾಯಿಲೆ ಎಂದರೇನು ?
ಸ್ಕ್ರಬ್ ಟೈಫಸ್ ಅನ್ನು ಬುಷ್ ಟೈಫಸ್ ಎಂದೂ ಕರೆಯುತ್ತಾರೆ, ಇದು ಓರಿಯೆಂಟಿಯಾ ಸುಟ್ಸುಗಮುಶಿ ಎಂಬ ಬ್ಯಾಕ್ಟೀರಿಯಾದಿಂದ ಉಂಟಾಗುವ ಕಾಯಿಲೆಯಾಗಿದೆ. ಸ್ಕ್ರಬ್ ಟೈಫಸ್ ಸೋಂಕಿತ ಚಿಗ್ಗರ್‌ಗಳ (ಲಾರ್ವಾ ಹುಳಗಳು) ಕಡಿತದ ಮೂಲಕ ಜನರಿಗೆ ಹರಡುತ್ತದೆ. ಇಲಿಗಳು, ಅಳಿಲುಗಳು ಮತ್ತು ಮೊಲಗಳಂತಹ ಪ್ರಾಣಿಗಳಿಂದ ಮನುಷ್ಯರಿಗೆ ರೋಗವನ್ನು ವಿಸರ್ಜಿಸುತ್ತವೆ. ಬೆಕ್ಕುಗಳು ಮತ್ತು ನಾಯಿಗಳಂತಹ ಸಾಕುಪ್ರಾಣಿಗಳಲ್ಲಿಯೂ ಇದನ್ನು ಕಾಣಬಹುದು.
ಸ್ಕ್ರಬ್ ಟೈಫಸ್ ಕಾಯಿಲೆಯ ಲಕ್ಷಣಗಳೇನು ?
ಸ್ಕ್ರಬ್ ಟೈಫಸ್‌ನ ಸಾಮಾನ್ಯ ಲಕ್ಷಣಗಳೆಂದರೆ ಜ್ವರ, ತಲೆನೋವು, ದೇಹದ ನೋವು. ಕೆಲವೊಮ್ಮೆ ದೇಹದಲ್ಲಿ ದದ್ದುಗಳು ಸಹ ಉಂಟಾಗುತ್ತವೆ ಎಂಬುದಾಗಿ ತಿಳಿದುಬಂದಿದೆ.
ಕಳೆದ ವರ್ಷ ಸ್ಕ್ರಬ್ ಟೈಫಸ್ ಕಾಯಿಲೆಯಿಂದ ಕೇರಳದಲ್ಲಿ ಆರು ಸಾವು
ಆರೋಗ್ಯ ತಜ್ಞರ ಪ್ರಕಾರ, ಕಳೆದ ವರ್ಷ ಒಟ್ಟು 438 ಪ್ರಕರಣಗಳಲ್ಲಿ ಕೇರಳದಲ್ಲಿ ಆರು ಸಾವುಗಳು ಸಂಭವಿಸಿವೆ. ತಿರುವನಂತಪುರಂನ ಸರ್ಕಾರಿ ವೈದ್ಯಕೀಯ ಕಾಲೇಜಿನ ಸಹ ಪ್ರಾಧ್ಯಾಪಕ ಡಾ. ಎ ಅಲ್ತಾಫ್, ಕೇರಳದಲ್ಲಿ ಸ್ಕ್ರಬ್ ಟೈಫಸ್‌ನ ಮೊದಲ ಪ್ರಕರಣವು 2002 ರಲ್ಲಿ ತಿರುವನಂತಪುರಂ ಜಿಲ್ಲೆಯ ನೆಡುಮಂಗಡದಲ್ಲಿ ವರದಿಯಾಗಿದೆ ಎಂದು ಹೇಳಿದರು. ದಾಖಲಾದ ಸುಮಾರು 75 ಪ್ರತಿಶತ ಪ್ರಕರಣಗಳು ತಿರುವನಂತಪುರಂ ಜಿಲ್ಲೆಯಲ್ಲಿವೆ. ಅಟ್ಟಿಂಗಲ್ ಮತ್ತು ವರ್ಕಳದಂತಹ ಹತ್ತಿರದ ಸ್ಥಳಗಳಲ್ಲಿ ಚಿಗ್ಗರ್ ಹುಳಗಳು ಇರುವುದು ದೃಢಪಟ್ಟಿದೆ ಎಂದು ಅವರು ಹೇಳಿದರು.
ಗಾಳಿಯಲ್ಲೂ ಹರಡುತ್ತಂತೆ ಮಂಕಿಪಾಕ್ಸ್ ವೈರಸ್‌, ಮಾಸ್ಕ್ ಹಾಕಿಕೊಳ್ಳುವಂತೆ ತಜ್ಞರ ಸಲಹೆ
ಕಾಯಿಲೆ ಹೇಗೆ ಹರಡುತ್ತದೆ ?
ಚಿಗ್ಗರ್ ಹುಳಗಳು ಪ್ರಾಣಿಗಳೊಂದಿಗೆ ನೇರ ಸಂವಾದದ ಸಮಯದಲ್ಲಿ ಅಥವಾ ಅದರ ಪರಿಸರದಿಂದ ಮಾನವ ದೇಹಕ್ಕೆ ಅಂಟಿಕೊಳ್ಳುತ್ತವೆ. ಸೋಂಕಿತ ಚಿಗ್ಗರ್ ಕಚ್ಚುವಿಕೆಯ ಮೂಲಕ ಬ್ಯಾಕ್ಟೀರಿಯಾವು ದೇಹವನ್ನು ಪ್ರವೇಶಿಸುತ್ತದೆ. ಚಿಗ್ಗರ್ ಕಚ್ಚುವಿಕೆಯ ಸ್ಥಳದಲ್ಲಿ ಎಸ್ಚಾರ್, ಹುರುಪು-ತರಹದ ಪ್ರದೇಶವು ರೂಪುಗೊಳ್ಳುತ್ತದೆ. ಕಚ್ಚಿದ 10 ರಿಂದ 12 ದಿನಗಳ ನಂತರ ರೋಗಲಕ್ಷಣಗಳು ಬೆಳೆಯುತ್ತವೆ. ಜ್ವರ ಮತ್ತು ಶೀತ, ತಲೆನೋವು, ದೇಹದ ನೋವು ಇತ್ಯಾದಿ ಪ್ರಮುಖ ಲಕ್ಷಣಗಳಾಗಿವೆ.
ಸ್ಕ್ರಬ್ ಟೈಫಸ್ ಕಾಯಿಲೆಗೆ ಚಿಕಿತ್ಸೆ ಪಡೆಯೋದು ಹೇಗೆ ?
ಚಿಕಿತ್ಸೆಗಾಗಿ ಆಂಟಿಬಯೋಟಿಕ್ ಡಾಕ್ಸಿಸೈಕ್ಲಿನ್ ಅನ್ನು ಬಳಸಲಾಗುತ್ತದೆ. ಎಸ್ಚಾರ್ ಸುಮಾರು 80 ಪ್ರತಿಶತ ರೋಗಿಗಳಲ್ಲಿ ಇರುತ್ತದೆ. ಆದಾಗ್ಯೂ, ಇದು ಮೊಣಕಾಲಿನ ಹಿಂಭಾಗ, ಹೊಕ್ಕುಳ, ಪೃಷ್ಠದಂತಹ ಪ್ರದೇಶಗಳಲ್ಲಿ ಕಂಡುಬರುತ್ತದೆ. ಅಂಡರ್ ಆರ್ಮ್ಸ್ ಅಥವಾ ಇತರ ಖಾಸಗಿ ಭಾಗಗಳಲ್ಲೂ ಇರಬಹುದು. ಇದು ಕೆಲವೊಮ್ಮೆ ಗಮನಕ್ಕೆ ಬಾರದೆ ಹೋಗಬಹುದು. ಜ್ವರ ಮತ್ತು ವಿಸ್ತರಿಸಿದ ದುಗ್ಧರಸ ಗ್ರಂಥಿಗಳಂತಹ ಲಕ್ಷಣಗಳು ಕಂಡುಬಂದರೆ, ರೋಗಿಯನ್ನು ತಡಮಾಡದೆ ಸ್ಕ್ರಬ್ ಟೈಫಸ್ ಚಿಕಿತ್ಸೆಗೆ ಒಳಪಡಿಸಬೇಕು ಎಂದು ತಜ್ಞರು ತಿಳಿಸಿದ್ದಾರೆ. ವರದಿಗಳ ಪ್ರಕಾರ, ಕೇರಳದಲ್ಲಿ ಕಳೆದ 10 ವರ್ಷಗಳಲ್ಲಿ ಸ್ಕ್ರಬ್ ಟೈಫಸ್‌ನಿಂದ 4502 ಪ್ರಕರಣಗಳು ಮತ್ತು 67 ಸಾವುಗಳು ಸಂಭವಿಸಿವೆ.