ಎಳನೀರು ಕುಡಿಯಲೂ ಸಮಯ ಎಂಬುದಿದೆಯೇ? ಖಂಡಿತಾ ಇದೆ ಎನ್ನುತ್ತಾರೆ ಆರೋಗ್ಯ ತಜ್ಞರು. ಆ ಸಮಯದಲ್ಲಿ ಕುಡಿದಾಗ ಎಳನೀರಿನ ಹೆಚ್ಚಿನ ಆರೋಗ್ಯ ಪ್ರಯೋಜನಗಳು ಲಭಿಸುತ್ತವೆ.
ಎಳನೀರನ್ನು ಇಷ್ಟಪಡದವರು ಬಹಳ ಅಪರೂಪ. ಇದು ಅತ್ಯಂತ ಸ್ವಚ್ಛವಾದ ಹಾಗೂ ಅಷ್ಟೇ ಆರೋಗ್ಯಕರ ಪಾನೀಯ. ಎಳನೀರು ನಮ್ಮ ಬಾಯಾರಿಕೆಯನ್ನು ನೀಗಿಸುವುದು ಮಾತ್ರವಲ್ಲದೆ ನಮ್ಮ ದೇಹಕ್ಕೆ ಅಗತ್ಯವಾದ ಶಕ್ತಿಯನ್ನು ನೀಡುತ್ತದೆ.
ಆದರೆ ಎಳನೀರು ಕುಡಿಯಲೂ ಸಮಯ ಎಂಬುದಿದೆಯೇ? ಖಂಡಿತಾ ಇದೆ ಎನ್ನುತ್ತಾರೆ ಆರೋಗ್ಯ ತಜ್ಞರು.
undefined
ಪ್ರತಿದಿನ ಬೆಳಿಗ್ಗೆ 10 ಗಂಟೆಗೆ ಕೇವಲ ಒಂದು ಲೋಟ ತೆಂಗಿನ ನೀರನ್ನು ಕುಡಿಯವುದರಿಂದ ತೂಕ ನಿರ್ವಹಣೆಗೆ ಸಹಾಯ ಮಾಡುತ್ತದೆ, ಚರ್ಮದ ಜಲಸಂಚಯನವನ್ನು ಸುಧಾರಿಸುತ್ತದೆ ಮತ್ತು ಬ್ಯಾಕ್ಟೀರಿಯಾದ ಸೋಂಕನ್ನು ತಡೆಯುತ್ತದೆ ಎನ್ನಲಾಗುತ್ತದೆ. ಇದನ್ನು ತಜ್ಞರು ಕೂಡಾ ಅನುಮೋದಿಸಿದ್ದಾರೆ. ಈ ಬಗ್ಗೆ ಹೆಚ್ಚಿನ ವಿವರ ನೋಡೋಣ.
ಎಳನೀರಿನಲ್ಲಿ ಕ್ಯಾಲೋರಿ ಕಡಿಮೆ ಇದ್ದು, ಮೆಡಿಕಲ್ ನ್ಯೂಸ್ ಟುಡೇ ವರದಿ ಪ್ರಕಾರ ಒಂದು ಕಪ್ ನಲ್ಲಿ ಕೇವಲ 45 ಕ್ಯಾಲೋರಿಗಳಿರುತ್ತದೆ. ಆದ್ದರಿಂದ, ನೀವು ಸೋಡಾ ಅಥವಾ ಇತರ ಸಕ್ಕರೆ ಪಾನೀಯಗಳನ್ನು ಸೇವಿಸಲು ಪ್ರಲೋಭನೆಗೆ ಒಳಗಾದಾಗಲೆಲ್ಲಾ, ಎಳನೀರನ್ನು ಕುಡಿವ ಅಭ್ಯಾಸ ಮಾಡಿಕೊಳ್ಳಿ.
ಏನು, ಸಮಂತಾ ವಯಸ್ಸಿನ್ನೂ 23 ಆಹ್? ಏನಿದು ಮೆಟಾಬಾಲಿಕ್ ಏಜ್ ಅಂದ್ರೆ?
ಎಳನೀರಿನ ಆರೋಗ್ಯ ಲಾಭಗಳು
ವೈದ್ಯರ ಪ್ರಕಾರ ಅನಾರೋಗ್ಯ ಅಥವಾ ನಿರ್ಜಲೀಕರಣದ ಸಮಸ್ಯೆಗಳಿಂದ ಬಳಲುತ್ತಿರುವವರು ಮಾತ್ರ ಪ್ರತಿದಿನ ಎಳನೀರು ಕುಡಿಯಬೇಕು. ಆರೋಗ್ಯವಂತ ಜನರಿಗೆ ಪ್ರತಿದಿನ ಎಳನೀರಿನ ಅಗತ್ಯವಿಲ್ಲ. ಹಾಗಂಥ ಕುಡಿಯುವುದರಿಂದ ಪ್ರತಿಕೂಲತೆಯಂತೂ ಇಲ್ಲ.
ಎಳನೀರು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ದೇಹದ ಚಯಾಪಚಯ ಕ್ರಿಯೆಯನ್ನು ಕಿಕ್‌ಸ್ಟಾರ್ಟ್ ಮಾಡುತ್ತದೆ. ಎಳನೀರನ್ನು ಸಂಜೆಯ ಸಮಯದಲ್ಲಿ ಕುಡಿಯುವುದಕ್ಕಿಂತ ಬೆಳಿಗ್ಗೆ ಬೇಗನೆ ಕುಡಿಯುವುದು ಮತ್ತು ಹಿತಮಿತವಾಗಿ ಕುಡಿಯುವುದು ಉತ್ತಮ.
ಎಳನೀರು ಅತ್ಯುತ್ತಮ ನೈಸರ್ಗಿಕ ಎಲೆಕ್ಟ್ರೋಲೈಟ್ ಮೂಲವಾಗಿದೆ. ವ್ಯಾಯಾಮದ ನಂತರ ಕುಡಿಯುವುದು ಉತ್ತಮ ಆಯ್ಕೆಯಾಗಿದೆ.
ಇವರು ಎಳನೀರು ಕುಡಿಯಬಾರದು..
ನಿಮ್ಮ ರಕ್ತದಲ್ಲಿ ಪೊಟ್ಯಾಸಿಯಮ್ ಅಧಿಕವಾಗಿದ್ದರೆ ಎಳನೀರನ್ನು ಕುಡಿಯಬೇಡಿ. ಎಳನೀರಿನಲ್ಲಿ ಹೆಚ್ಚಿನ ಪ್ರಮಾಣದ ಪೊಟ್ಯಾಸಿಯಮ್ ಇದೆ. ಆದ್ದರಿಂದ ಮೂತ್ರಪಿಂಡದ ಕಾಯಿಲೆ ಇರುವವರು ಮತ್ತು ಹೃದಯದ ಲಯದ ತೊಂದರೆ ಇರುವವರು ಇದನ್ನು ತೆಗೆದುಕೊಳ್ಳಬಾರದು ಎನ್ನುತ್ತಾರೆ ತಜ್ಞರು. ಅಷ್ಟೇ ಅಲ್ಲ, ತೆಂಗಿನ ನೀರು ಆರೋಗ್ಯಕರ ಆಯ್ಕೆಯಾಗಿದ್ದರೂ, ಅದರ ನೈಸರ್ಗಿಕ ಸಕ್ಕರೆ ಅಂಶದಿಂದಾಗಿ ಮಿತವಾಗಿರುವುದು ಮುಖ್ಯವಾಗಿದೆ.