ಆರೋಗ್ಯ (Health)ವೆಂಬುದು ಪ್ರತಿಯೊಬ್ಬರೂ ಪಾಲಿಗೂ ತುಂಬಾ ಮುಖ್ಯವಾಗಿದೆ. ಆರೋಗ್ಯ ಚೆನ್ನಾಗಿದ್ದರಷ್ಟೇ ಖುಷಿಯಿಂದ (Happy) ಜೀವನ ನಡೆಸಲು ಸಾಧ್ಯವಾಗುತ್ತದೆ. ಆರೋಗ್ಯ ಸಮಸ್ಯೆಯಿದ್ದಾಗ ಅದಕ್ಕೆ ಸರಿಯಾದ ಸಮಯದಲ್ಲಿ ಸ್ಪಂದಿಸುವ ಮೂಲಕ ಜೀವವನ್ನು ಕಾಪಾಡಬಹುದು. ಹೆಲ್ತ್ ಎಮರ್ಜೆನ್ಸಿ (Health Emergency) ಎಂದಾಗ ಪ್ರಥಮ ಚಿಕಿತ್ಸೆಗೆ ಏನೆಲ್ಲಾ ವಸ್ತುಗಳು ಲಭ್ಯವಿರಬೇಕು ? ಇಲ್ಲಿದೆ ಮಾಹಿತಿ.
ಆರೋಗ್ಯವೇ (Health) ಭಾಗ್ಯ ಅನ್ನೋ ಮಾತೇ ಇದೆ. ಜೀವನದಲ್ಲಿ ವಿದ್ಯಾಭ್ಯಾಸ, ಸಂಪತ್ತು, ಜ್ಞಾನ, ಉದ್ಯೋಗ ಎಲ್ಲವೂ ಬೇಕಾದರೂ ಇದೆಲ್ಲವನ್ನೂ ಅನುಭವಿಸಲು ನಮಗೆ ಉತ್ತಮ ಆರೋಗ್ಯವಾಗಿರಬೇಕು. ಹೀಗಾಗಿ ಯಾವಾಗ್ಲೂ ಆರೋಗ್ಯವನ್ನು ಚೆನ್ನಾಗಿ ನೋಡಿಕೊಳ್ಳುವುದು ಮುಖ್ಯ. ಆರೋಗ್ಯ ಹದಗೆಟ್ಟಾಗ ಸೂಕ್ತವಾದ ಚಿಕಿತ್ಸೆ (Treatment) ಪಡೆದುಕೊಳ್ಳಬೇಕು. ಇದಕ್ಕಾಗಿ ಪ್ರಥಮ ಚಿಕಿತ್ಸೆ (Firtst Aid) ಪಡೆದುಕೊಳ್ಳುವುದು ಹೇಗೆ ? ಪ್ರಥಮ ಚಿಕಿತ್ಸೆ ಪಡೆದುಕೊಳ್ಳಲು ಏನೆಲ್ಲಾ ಉಪಕರಣಗಳು ಲಭ್ಯವಿರಬೇಕು ಎಂಬುದನ್ನು ತಿಳಿದುಕೊಳ್ಳೋಣ
ವೈದ್ಯಕೀಯ ತುರ್ತು ಪರಿಸ್ಥಿತಿಯನ್ನು ಪರಿಹರಿಸಲು ತೆಗೆದುಕೊಳ್ಳಲಾದ ಆರಂಭಿಕ ಕ್ರಮಗಳು ಅದರ ಚಿಕಿತ್ಸೆಯ ಕೋರ್ಸ್ ಅನ್ನು ನಿರ್ಧರಿಸುತ್ತದೆ. ಆದ್ದರಿಂದ, ಈ ಹಂತಗಳಿಗೆ ಅನುಗುಣವಾಗಿ ತಯಾರಿ ಮಾಡುವುದು ಅತ್ಯಗತ್ಯ. ಅದರಲ್ಲೂ ಮುಖ್ಯವಾಗಿ ಪ್ರಥಮ ಚಿಕಿತ್ಸಾ ಕಿಟ್ ವಸ್ತುಗಳನ್ನು ಹೊಂದಿರಬೇಕು. ನಿಮ್ಮ ಪ್ರಥಮ ಚಿಕಿತ್ಸಾ ಕಿಟ್ (Health kit)ಗಳಲ್ಲಿ ನೀವು ಹೊಂದಿರಬೇಕಾದ ಕೆಲವು ವಸ್ತುಗಳು ಇಲ್ಲಿವೆ.
ಮಧುಮೇಹಿಗಳು ಈ ಕೆಲವು ಸಿಹಿತಿಂಡಿಗಳನ್ನು ಭಯಪಡದೆ ತಿನ್ಬೋದು
ಜ್ವರದ ಮಾತ್ರೆ, ಥರ್ಮಾಮೀಟರ್: ಎಲ್ಲಾ ಪ್ರಥಮ ಚಿಕಿತ್ಸಾ ಕಿಟ್‌ಗಳು ಅಗತ್ಯವಿದ್ದಾಗ ದೇಹದ ಉಷ್ಣತೆಯನ್ನು ಪರೀಕ್ಷಿಸಲು ಥರ್ಮಾಮೀಟರ್ ಹೊಂದಿರಬೇಕು. ಹಾಗೆಯೇ ಜ್ವರ ಬಂದಾಗ ಕ್ಲಿನಿಕ್‌ಗೆ ಹೋಗುವ ಮೊದಲು ತೆಗೆದುಕೊಳ್ಳಲು ಫೀವರ್ ಟ್ಯಾಬ್ಲೆಟ್ ಜೊತೆಯಲ್ಲೇ ಇಟ್ಟುಕೊಳ್ಲುವುದು ಒಳ್ಳೆಯದು.
ಕತ್ತರಿ, ಸುರಕ್ಷತಾ ಪಿನ್‌ಗಳು: ನಿಮ್ಮ ಪ್ರಥಮ ಚಿಕಿತ್ಸಾ ಕಿಟ್‌ನಲ್ಲಿ ಬ್ಯಾಂಡೇಜ್ ಮತ್ತು ಟೇಪ್‌ಗಳನ್ನು ಕತ್ತರಿಸಲು ಕತ್ತರಿ, ಸುತ್ತಿದ ಬ್ಯಾಡ್ಜ್‌ಗಳನ್ನು ಹಾಗೆಯೇ ಇರಿಸಲು ಸುರಕ್ಷತಾ ಪಿನ್‌ಗಳು ಮತ್ತು ತುರ್ತು ಸಂದರ್ಭದಲ್ಲಿ ಚರ್ಮದಿಂದ ಯಾವುದೇ ಅನಗತ್ಯ ವಸ್ತುವನ್ನು ತೆಗೆಯಲು ಟ್ವೀಜರ್‌ಗಳು ಇರುವುದನ್ನು ಖಚಿತಪಡಿಸಿಕೊಳ್ಳಿ.
ಬ್ಯಾಂಡೇಜ್‌ಗಳು: ಬ್ಯಾಂಡೇಜ್‌ಗಳನ್ನು ಸುತ್ತುವುದರಿಂದ ಹಿಡಿದು ಅಂಟುಗಳವರೆಗೆ, ನಿಮ್ಮ ಪ್ರಥಮ ಚಿಕಿತ್ಸಾ ಕಿಟ್ ಗಾಯ ಅಥವಾ ಗಾಯಕ್ಕೆ ಚಿಕಿತ್ಸೆ ನೀಡಲು ಎಲ್ಲವನ್ನೂ ಒಳಗೊಂಡಿದೆ ಎಂದು ಖಚಿತಪಡಿಸಿಕೊಳ್ಳಿ.
ಹೈ ಬ್ಲಡ್ ಪ್ರೆಷರ್ ಸಮಸ್ಯೆ ಹೊಂದಿರೋರು ಈ ಭಂಗಿಯಲ್ಲಿ ನಿದ್ರಿಸಿ
ಆಂಟಿಸೆಪ್ಟಿಕ್ ಕ್ರೀಮ್: ಯಾವುದೇ ಗಾಯವಾದ ವೇಳೆ ಬ್ಯಾಂಡೇಜ್ ಹಾಕುವ ಮೊದಲು ನೀವು ಗಾಯವನ್ನು ಶುಚಿಗೊಳಿಸಬೇಕು ಮತ್ತು ಅದಕ್ಕೆ ಆಂಟಿಸೆಪ್ಟಿಕ್ ಕ್ರಿಂ ಹಚ್ಚಬೇಕು. ಇದು ನೀವು ಮಾಡಬೇಕಾದ ಮೊದಲ ಕೆಲಸ. ಆಂಟಿಸೆಪ್ಟಿಕ್ ಕ್ರೀಮ್ ಬಳಸಿದರೆ ಆಗ ಕೀವು ನಿಲ್ಲುವುದನ್ನು ತಡೆಯಬಹುದು.
ನಂಜುನಿರೋಧಕ ಒರೆಸುವ ಬಟ್ಟೆಗಳು: ಗಾಯದ ಕಾರಣದಿಂದ ಸೋಂಕು ತಗುಲುವುದರಿಂದ ದೇಹವನ್ನು ಉಳಿಸುವುದು ಬಹಳ ಮುಖ್ಯ. ಆಂಟಿಸೆಪ್ಟಿಕ್ ಕ್ರೀಮ್‌ಗಳು ಅಥವಾ ಒರೆಸುವ ಬಟ್ಟೆಗಳು ಅದನ್ನು ಸಾಧಿಸಲು ಸಹಾಯ ಮಾಡುತ್ತದೆ.
ವೈದ್ಯಕೀಯ ಕೈಗವಸುಗಳು: ರೋಗಿಗೆ ಚಿಕಿತ್ಸೆ ನೀಡಲು ಎಷ್ಟು ಅವಶ್ಯಕವೋ, ನಿಮಗಾಗಿ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳುವುದು ಅಷ್ಟೇ ಮುಖ್ಯ. ವೈದ್ಯಕೀಯ ಕೈಗವಸುಗಳು ಸೋಂಕಿನ ಅಪಾಯವನ್ನು ತಡೆಗಟ್ಟಬಹುದು. ಹೀಗಾಗಿ ಯಾವಾಗಲೂ ಕೈಗವಸುಗಳು ಪ್ರಥಮ ಚಿಕಿತ್ಸಾ ಪೆಟ್ಟಿಗೆಯಲ್ಲಿರಲಿ.
ಕ್ಲಾಪಿಂಗ್‌ ಥೆರಪಿ ಮೂಲಕ ಈಝಿಯಾಗಿ ಕೊಲೆಸ್ಟ್ರಾಲ್ ಕಡಿಮೆ ಮಾಡ್ಕೊಳ್ಳಿ
ನೋವು ನಿವಾರಕಗಳು: ಕೆಲವು ಗಾಯಗಳು ಸಾಕಷ್ಟು ನೋವಿನಿಂದ ಕೂಡಿರುತ್ತವೆ. ಅಂಥಾ ಸಂದರ್ಭಗಳಲ್ಲಿ, ನೋವು ನಿವಾರಕಗಳು ಶೀಘ್ರ ನೋವಿನಿಂದ ಶಮನವನ್ನು ನೀಡುತ್ತದೆ. ಹೀಗಾಗಿ ಇವುಗಳನ್ನು ಫಸ್ಟ್ ಆಡ್ ಬಾಕ್ಸ್‌ನಲ್ಲಿ ಇಟ್ಟುಕೊಳ್ಳುವುದು ತುಂಬಾ ಮುಖ್ಯ.
ಐವಾಶ್: ಕಣ್ಣುಗಳಿಗೆ ಅನಗತ್ಯ ವಸ್ತು, ಆಮ್ಲ ಇತ್ಯಾದಿಗಳ ಪ್ರವೇಶದ ಸಂದರ್ಭದಲ್ಲಿ, ಐವಾಶ್ ಅತ್ಯಂತ ಸಹಾಯಕವಾಗಿರುತ್ತದೆ. ಹೀಗಾಗಿ ಇವುಗಳನ್ನು ಯಾವಾಗಲೂ ಜೊತೆಗೇ ಇಟ್ಟುಕೊಳ್ಳಿ. ಅದರಲ್ಲೂ ದೂರದ ಊರಿಗೆ ಹೋಗುವಾಗ ಧೂಳು, ಸೋಂಕು ತಗುಲುವ ಸಾಧ್ಯತೆ ಇರುವುದರಿಂದ ಐವಾಶ್ ಬಳಕೆ ಒಳ್ಳೆಯದು.
ತುರ್ತು ಸಂಪರ್ಕ ಪಟ್ಟಿ: ವಿಷ ನಿಯಂತ್ರಣ, ಆಂಬ್ಯುಲೆನ್ಸ್, ಪೋಲೀಸ್, ಇತ್ಯಾದಿ ಪ್ರಮುಖ ಸಂಖ್ಯೆಗಳು ಯಾವಾಗಲೂ ಕೈಯಲ್ಲೇ ಇರಲಿ. ಇಲ್ಲದಿದ್ದರೆ ಅಗತ್ಯ ಸಮದರ್ಭಗಳಲ್ಲಿ ಈ ನಂಬರ್‌ಗಳು ಸಿಗದೆ ಇರುವುದು ಆರೋಗ್ಯ ಸಮಸ್ಯೆಯನ್ನು ಮತ್ತಷ್ಟು ಬಿಗಡಾಯಿಸಬಹುದು.