ಪುರುಷರ ಗರ್ಭನಿರೋಧಕ ಮಾತ್ರೆ ಪ್ರಯೋಗ ಯಶಸ್ವಿ
ಸಾರಾಂಶ
ಜನಸಂಖ್ಯೆ ಸ್ಫೋಟ ನಿಯಂತ್ರಣಕ್ಕೆ ಈವರೆಗೆ ಮಹಿಳೆಯರಿಗಾಗಿ ಇದ್ದ ಗರ್ಭನಿರೋಧಕ ಮಾತ್ರೆಗಳು ಗಂಡಸರಿಗೂ ಬರುವ ಕಾಲ ಸನ್ನಿಹಿತವಾಗಿದೆ.
ಲಂಡನ್: ಜನಸಂಖ್ಯೆ ಸ್ಫೋಟ ನಿಯಂತ್ರಣಕ್ಕೆ ಈವರೆಗೆ ಮಹಿಳೆಯರಿಗಾಗಿ ಇದ್ದ ಗರ್ಭನಿರೋಧಕ ಮಾತ್ರೆಗಳು ಗಂಡಸರಿಗೂ ಬರುವ ಕಾಲ ಸನ್ನಿಹಿತವಾಗಿದೆ. ಈ ಕುರಿತ ಪ್ರಯೋಗದ ಮೊದಲ ಹಂತವು ಯಶಸ್ವಿಯಾಗಿದ್ದು, ಇನ್ನೆರಡು ಹಂತದ ಪರೀಕ್ಷೆ ನಡೆವುದು ಬಾಕಿ ಇದೆ. ಗಂಡಸರಲ್ಲಿ ವೀರ್ಯ ಉತ್ಪಾದನೆ ತಡೆವ ಮಾತ್ರೆಯ ಪರೀಕ್ಷೆಯು 16 ಜನರಲ್ಲಿ ಪರೀಕ್ಷೆ ನಡೆಸಲಾಗಿದ್ದು, ಈ ವೇಳೆ ಯಾವುದೇ ಅಡ್ಡ ಪರಿಣಾಮವಿಲ್ಲದೇ ಮೊದಲ ಹಂತ ಪಾಸಾಗಿದೆ.
ಯಾವ ರೀತಿ ಪರೀಕ್ಷೆ:
ಪುರುಷರ ಗರ್ಭನಿರೋಧಕ ಮಾತ್ರೆಯನ್ನು ‘ವೈಸಿಟಿ-529’ ಎಂದು ಹೆಸರಿಸಲಾಗಿದೆ. ಈ ಮಾತ್ರೆಯು ಪುರುಷರ ರೆಟಿನೊಯಿಕ್ ಆಮ್ಲದ ಸಂಕೇತವನ್ನು ದುರ್ಬಲಗೊಳಿಸುವ ಮೂಲಕ ವೀರ್ಯಾಣುಗಳ ಉತ್ಪಾದನೆಯನ್ನು ಕಡಿಮೆಗೊಳಿಸುತ್ತದೆ. 16 ಪುರುಷರಲ್ಲಿ ಈ ಪರೀಕ್ಷೆ ನಡೆಸಲಾಗಿದೆ. 15 ದಿನಗಳ ಕಾಲ ಅವರಿಗೆ ಊಟಕ್ಕಿಂತ ಮೊದಲು, ಊಟದ ಬಳಿಕ 10, 30, 90 ಮತ್ತು 180 ಎಂಜಿ ಮಾತ್ರೆ ಕೊಡಲಾಗಿದೆ.
ಈ ವೇಳೆ ಹಾರ್ಮೋನ್, ಹೃದಯ ಬಡಿತ, ಕಿಡ್ನಿ, ಯಕೃತ್ ಮೇಲಿನ ಪರಿಣಾಮ, ಉರಿಯೂತ , ಲೈಂಗಿಕ ಆಸಕ್ತಿ, ಜೀವಕೋಶದ ಮೇಲಿನ ಪರಿಣಾಮಗಳನ್ನು ಅಧ್ಯಯನ ನಡೆಸಲಾಗಿದೆ. ಅದರಲ್ಲಿ ಯಾವುದೇ ಅಡ್ಡ ಪರಿಣಾಮವೂ ಹೊರಹೊಮ್ಮಿಲ್ಲ ಎಂಬುದು ತಿಳಿದುಬಂದಿದೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.