ಇನ್ಸುಲಿನ್ ಇಂಜೆಕ್ಷನ್ಗೆ ವಿದಾಯ: ಹೊಸ ರೀತಿಯ ಮಾತ್ರೆ ಆವಿಷ್ಕಾರ!
ಸಾರಾಂಶ
ಇನ್ಸುಲಿನ್ ನೋವಿಗಿನ್ನು ವಿದಾಯ!| ಇಂಜೆಕ್ಷನ್ ಔಷಧ ಇನ್ನು ಮಾತ್ರೆ ರೀತಿಯಲ್ಲೇ ಸೇವನೆ ಸಾಧ್ಯ| ಡೆನ್ಮಾರ್ಕ್ ಸಂಶೋಧಕರಿಂದ ಹೊಸ ರೀತಿಯ ಮಾತ್ರೆ ಆವಿಷ್ಕಾರ| ಇದುವರೆಗೂ ಮಾತ್ರೆಗಳು ಜಠರದಲ್ಲಿ ತುಂಡಾಗುವ ಭೀತಿ ಇತ್ತು| ಹೊಸ ಮಾತ್ರೆಗೆ ಸಣ್ಣ ಕರುಳಿನವರೆಗೂ ತಲುಪುವ ಸಾಮರ್ಥ್ಯ
ಬೋಸ್ಟನ್[ಅ.10]: ಮಧುಮೇಹಿಗಳು ನಿತ್ಯವೂ ಇನ್ಸುಲಿನ್ ಇಂಜೆಕ್ಷನ್ ಪಡೆಯುವುದು ಅತ್ಯಂತ ನೋವಿನ ಕೆಲಸ. ಇದೇ ರೀತಿಯಲ್ಲಿ ಹಲವು ವ್ಯಾಧಿಗಳಿಗೆ ಇಂಜೆಕ್ಷನ್ ಸ್ವರೂಪದಲ್ಲೇ ಔಷಧಿ ಸೇವಿಸುವುದು ಅನಿವಾರ್ಯ. ಆದರೆ ಇಂಜೆಕ್ಷನ್ ಮೂಲಕ ಮಾತ್ರ ಪಡೆಯಬಹುದಾಗಿದ್ದ ಔಷಧಗಳನ್ನು, ಮಾತ್ರೆಯ ರೂಪದಲ್ಲೂ ಸೇವಿಸಬಹುದಾದ ಮಹತ್ವವಾದ ಸಂಶೋಧನೆಯನ್ನು ಸ್ಥಳೀಯ ವಿಜ್ಞಾನಿಗಳು ಮಾಡಿದ್ದಾರೆ. ಹೀಗಾಗಿ ಮುಂದಿನ ದಿನಗಳಲ್ಲಿ ಇನ್ಸುಲಿನ್ ಔಷಧಿಯನ್ನು ಇಂಜೆಕ್ಷನ್ ಬದಲು ಮಾತ್ರೆಯ ರೂಪದಲ್ಲೇ ಸೇವಿಸಬಹುದು.
ಶತಾವರಿ ಎಂಬ ಔಷಧೀಯ ಸಸ್ಯ ಮಧುಮೇಹಕ್ಕೂ ಮದ್ದು
ಸಾಮಾನ್ಯವಾಗಿ ಪ್ರೋಟಿನ್ ಅನ್ನು ಒಳಗೊಂಡ ಔಷಧಗಳನ್ನು ಮಾತ್ರೆಗಳ ಮೂಲಕ ನೀಡುತ್ತಿರಲಿಲ್ಲ. ಒಂದು ವೇಳೆ ಹೀಗೆ ನೀಡಿದ್ದೇ ಆದಲ್ಲಿ, ಪೋಟ್ರಿನ್ ಒಳಗೊಂಡ ಮಾತ್ರೆಗಳು ತಮ್ಮ ಕೆಲಸ ಆರಂಭಕ್ಕೂ ಮುನ್ನವೇ ಮನುಷ್ಯನ ದೇಹದ ಜಠರದ ಭಾಗದಲ್ಲಿ ತುಂಡಾಗುತ್ತಿದ್ದವು ಎಂದು ಜರ್ನಲ್ ನೇಚರ್ ಮೆಡಿಸಿನ್ ಎಂಬ ಅಧ್ಯಯನ ವರದಿಯಲ್ಲಿ ತಿಳಿಸಲಾಗಿದೆ.
ಆದರೆ, ಮನುಷ್ಯನ ದೇಹದ ಜಠರದ ಭಾಗದಲ್ಲಿ ಎಂಥ ಪರಿಸ್ಥಿತಿ ಬಂದರೂ, ಔಷಧೀಯ ಗುಣಗಳನ್ನು ಹೊಂದಿದ ಮಾತ್ರೆಗಳಿಗೆ ಯಾವುದೇ ರೀತಿಯ ಹಾನಿಯಾಗದ ರೀತಿಯ ಕ್ಯಾಪ್ಸೂಲ್ಗಳನ್ನು ಡೆನ್ಮಾರ್ಕ್ ರಾಷ್ಟ್ರದ ಔಷಧ ತಯಾರಿಕಾ ಸಂಸ್ಥೆ ನಾವೋ ನಾರ್ಡಿಸ್ಕ್ ಜೊತೆಗೂಡಿ ಮೆಸಾಚ್ಯುಸೆಟ್ಸ್ ತಂತ್ರಜ್ಞಾನ ಸಂಸ್ಥೆ(ಎಂಐಟಿ)ಯ ಸಂಶೋಧಕರು ವಿನ್ಯಾಸಗೊಳಿಸಿದ್ದಾರೆ. ಜಠರವನ್ನು ದಾಟಿ ಸಣ್ಣ ಕರುಳಿಗೆ ತಲುಪಿದಾಗ, ಈ ಮಾತ್ರೆಗಳು ತುಂಡಾಗುತ್ತವೆ. ಆ ಬಳಿಕ ದೇಹದಲ್ಲಿ ಪರಿಚಲನೆಯಾಗುವ ರಕ್ತದ ಜೊತೆಗೂಡಿ ದೇಹದ ಪ್ರತಿಯೊಂದು ಭಾಗಕ್ಕೂ ಈ ಔಷಧ ತಲುಪುತ್ತದೆ ಎಂದು ಸಂಶೋಧನೆಯಲ್ಲಿ ತಿಳಿಸಲಾಗಿದೆ.
ಗರ್ಭನಿರೋಧಕ ಮಾತ್ರೆ ಕೆಲವೊಮ್ಮೆ ತರುತ್ತೆ ಕುತ್ತು
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.