ಹೋಳಿ ಹಬ್ಬ (Holi Festival) ಅಂದ್ರೆ ರಂಗು ರಂಗಿನ ಬಣ್ಣದೋಕುಳಿ. ಬಣ್ಣದ ನೀರಿನಲ್ಲಿ ಮಿಂದೆದ್ದು, ಮುಳುಗೆದ್ದು ಆಡೋದೇನೋ ಚೆನ್ನಾಗಿರುತ್ತೆ. ಆದ್ರೆ ಕೆಮಿಕಲ್ (Chemical) ಬೆರೆಸಿದ ಬಣ್ಣಗಳಿಂದ ಕಣ್ಣು (Eyes)ಗಳಿಗೆ ಹಾನಿಯಾಗೋದು ಖಂಡಿತ. ಹಾಗಂತ ಹಬ್ಬ ಮಿಸ್ ಮಾಡ್ಕೊಳ್ಳೋಕೆ ಆಗೋದಿಲ್ಲ ಅಲ್ವಾ ? ಹಾಗಿದ್ರೆ ಹೋಳಿಯಲ್ಲಿ ಕಣ್ಣುಗಳ ಕಾಳಜಿ (Care) ವಹಿಸೋದು ಹೇಗೆ ?
ಪ್ರತಿವರ್ಷದಂತೆ ಮತ್ತೆ ಹೋಳಿ ಹಬ್ಬ (Holi Festival) ಬಂದಿದೆ. ಬೀದಿ ಬೀದಿಗಳನ್ನು ಬಣ್ಣದಿಂದ ಅಲಂಕರಿಸಿ, ಕುಟುಂಬ, ಸ್ನೇಹಿತರು, ಆತ್ಮೀಯರ ಜತೆ ಸೇರಿ ಬಣ್ಣಗಳನ್ನು ಪರಸ್ಪರ ಎರಚಾಡಿ ಖುಷಿಪಡುವ ಸಮಯ. ನಗರದಲ್ಲಿರುವ ಹೋಳಿ ಹಬ್ಬಕ್ಕೆಂದೇ ತಮ್ಮ ಊರಿಗೆ ಹಿಂದಿರುಗುತ್ತಾರೆ. ಗಲ್ಲಿ ಗಲ್ಲಿಗಳಲ್ಲಿ ದೊಡ್ಡ ದೊಡ್ಡ ಪಾತ್ರೆಗಳಲ್ಲಿ ನೀರನ್ನು ತುಂಬಿ ರಂಗನ್ನು ಬೆರೆಸಿ ನೀರನ್ನು ಎರಚಿ ಖುಷಿಪಡುತ್ತಾರೆ. ನಂತರ ಸಿಹಿತಿಂಡಿಗಳು, ಭಾಂಗ್‌ನ್ನು ಸೇವಿಸಿ ಡ್ಯಾನ್ಸ್ (Dance) ಮಾಡುತ್ತಾರೆ. ಉತ್ತರಭಾರತದಲ್ಲಿ ಹೆಚ್ಚಾಗಿ ಆಚರಿಸಲಾಗುವ ಹೋಳಿ ಹಬ್ಬವನ್ನು ಇತ್ತೀಚಿಗೆ ದಕ್ಷಿಣಭಾರತದಲ್ಲೂ ಸಂಭ್ರಮ ಸಡಗರದಿಂದ ಆಚರಿಸಿಕೊಂಡು ಬರಲಾಗುತ್ತಿದೆ.
ಈ ವರ್ಷ ಮಾರ್ಚ್ 18 ರಂದು ಹೋಳಿ ಆಚರಿಸಲಾಗುತ್ತದೆ. ಹೋಳಿಗೆ ಒಂದು ದಿನ ಮುಂಚಿತವಾಗಿ, ಹೋಲಿಕಾ ದಹನ್ ಅನ್ನು ಆಚರಿಸಲಾಗುತ್ತದೆ, ಇದು ಸಾಕಷ್ಟು ಪೌರಾಣಿಕ ಉಲ್ಲೇಖ ಮತ್ತು ಮಹತ್ವವನ್ನು ತರುತ್ತದೆ. ಈ ದಿನ, ವಿಷ್ಣುವು ತನ್ನ ಭಕ್ತ ಪ್ರಹ್ಲಾದನನ್ನು ಪ್ರಹ್ಲಾದನ ತಂದೆ, ರಾಕ್ಷಸ ರಾಜ ಹಿರಣ್ಯಕಶಿಪು ಮತ್ತು ಅವನ ಸಹೋದರಿ ಹೋಲಿಕಾ ಮತ್ತು ದುಷ್ಟರನ್ನು ಸೋಲಿಸಿದನು ಎಂದು ನಂಬಲಾಗಿದೆ. ಆದ್ದರಿಂದ, ಹೋಳಿಯು ಕೆಟ್ಟದ್ದರ ಮೇಲೆ ಒಳ್ಳೆಯದ ವಿಜಯವನ್ನು ಸೂಚಿಸುತ್ತದೆ.
Holi 2022: ಬಣ್ಣದ ಜೊತೆ ಹಣ ಮನೆಗೆ ಬರ್ಬೇಕೆಂದ್ರೆ ಹೋಳಿ ದಿನ ಮಾಡಿ ಈ ಕೆಲಸ
ಹೋಳಿ ಹಬ್ಬದ ಸಮಯದಲ್ಲಿ ಬಣ್ಣಗಳನ್ನು ಎರಚಿ ಮೋಜು ಮಾಡುವುದು ಸಂಭ್ರಮವಾಗಿದೆ. ಆದರೆ ಈ ಮಧ್ಯೆ ರಾಸಾಯನಿಕಯುಕ್ತ ಬಣ್ಣಗಳಿಂದ ಆರೋಗ್ಯ (Health)ವನ್ನು ಸಹ ಕಾಪಾಡಿಕೊಳ್ಳಬೇಕು. ಹಬ್ಬದ ಜತೆಗೆ ನಾವು ಸಹ ಸುರಕ್ಷಿತವಾಗಿಗಿರಬೇಕು. ಹೋಳಿ ಹಬ್ಬದ ಸಂದರ್ಭದಲ್ಲಿ ಕಣ್ಣು (Eyes)ಗಳ ಕಾಳಜಿ ವಹಿಸುವುದು ಹೇಗೆ ? ವೈದ್ಯರು ಏನು ಹೇಳುತ್ತಾರೆ ತಿಳಿಯೋಣ.
ಹೋಳಿಯನ್ನು ದೇಶದಾದ್ಯಂತ ಬಹಳ ವೈಭವ ಮತ್ತು ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ಜನರು ಬಣ್ಣಗಳೊಂದಿಗೆ ಆಟವಾಡುವ ಸಮಯ ಇದು. ಮಕ್ಕಳು ತಮ್ಮ ವಾಟರ್ ಪಿಸ್ತೂಲ್, ವಾಟರ್ ಬಲೂನ್‌ಗಳು ಹೊರತಂದು ತಮ್ಮ ಮುಖಕ್ಕೆ ಬಣ್ಣ ಬಳಿದುಕೊಂಡು ಪರಸ್ಪರ ಆಟವಾಡುತ್ತಾರೆ. ಕೆಲವೊಬ್ಬರು ಕೈಯಲ್ಲಿ ಬಣ್ಣವನ್ನು ತೆಗೆದುಕೊಂಡು ಬಂದು ಮುಖಕ್ಕೆ ಹಚ್ಚಿಬಿಡುತ್ತಾರೆ. ಹೀಗೆ ಮುಖಕ್ಕೆ ಬಣ್ಣಗಳನ್ನು ಎರಚುವುದರಿಂದ, ಹಚ್ಚುವುದರಿಂದ ಕಣ್ಣಗಳಿಗೆ ಹಾನಿಯಾಗುವ ಸಂಭವವಿದೆ. ಬಣ್ಣ (Color)ಗಳನ್ನು ತಯಾರಿಸಲು ಬಳಸುವ ರಾಸಾಯನಿಕ ಅಂಶಗಳು ಕಣ್ಣಿನ ದೃಷ್ಟಿಗೆ ತೊಂದರೆಯನ್ನುಂಟು ಮಾಡಬಹುದು. ಗುರುಗ್ರಾಮದ ಪಾರಸ್ ಆಸ್ಪತ್ರೆಯ ಕಣ್ಣಿನ ವೈದ್ಯರಾದ ರಿಷಿ ಭಾರದ್ವಾಜ್ ಹೋಳಿ ಹಬ್ಬದ ಸಂದರ್ಭದಲ್ಲಿ ಕಣ್ಣಿನ ಕಾಳಜಿ ವಹಿಸುವುದು ಹೇಗೆ ಎಂಬ ಬಗ್ಗೆ ಸಲಹೆ ನೀಡುತ್ತಾರೆ.
Holi Festival : ಓಕುಳಿ ನಂತ್ರ ಮನೆಯ ಸ್ವಚ್ಛತೆ ಹೀಗಿರಲಿ
ರಕ್ಷಣಾತ್ಮಕ ಕನ್ನಡಕಗಳನ್ನು ಬಳಸಿ: ಹೋಳಿ ಹಬ್ಬದ ಸಂದರ್ಭದಲ್ಲಿ ನಿಮ್ಮ ಕಣ್ಣುಗಳನ್ನು ಬಣ್ಣಗಳಿಂದ ರಕ್ಷಿಸಿಕೊಳ್ಳಲು ರಕ್ಷಣಾತ್ಮಕ ಕನ್ನಡಕಗಳು, ಶೂನ್ಯ ಪವರ್ ಗ್ಲಾಸ್‌ಗಳು ಅಥವಾ ಸನ್‌ಗ್ಲಾಸ್‌ಗಳನ್ನು ಬಳಸಬಹುದು. ಇದರಿಂದಾಗಿ ಬಣ್ಣಗಳು ನೇರವಾಗಿ ಕಣ್ಣಿಗೆ ಪ್ರವೇಶಿಸುವುದಿಲ್ಲ ಮತ್ತು ಯಾವುದೇ ಹಾನಿಯನ್ನು ಉಂಟುಮಾಡುವುದಿಲ್ಲ.
ನೈಸರ್ಗಿಕ ಬಣ್ಣಗಳನ್ನು ಬಳಸಿ: ಹೋಳಿ ಹಬ್ಬದ ಸಂದರ್ಭದಲ್ಲಿ ಯಾವಾಗಲೂ ನೈಸರ್ಗಿಕ ಬಣ್ಣಗಳನ್ನೇ ಬಳಸಲು ಸಲಹೆ ನೀಡಲಾಗುತ್ತದೆ. ನೈಸರ್ಗಿಕ ಬಣ್ಣಗಳೊಂದಿಗೆ ಹೋಳಿ ಆಡುವುದರಿಂದ ಸಿಗುವ ಅತ್ಯುತ್ತಮ ಪ್ರಯೋಜನವೆಂದರೆ ಅವು ದೇಹಕ್ಕೆ ಮತ್ತು ವಿಶೇಷವಾಗಿ ಕಣ್ಣುಗಳಿಗೆ ಹಾನಿ ಮಾಡುವುದಿಲ್ಲ. ಹೂವುಗಳು ಮತ್ತು ಅರಿಶಿನದಿಂದ ಮಾಡಿದ ಸಾಂಪ್ರದಾಯಿಕ ನೈಸರ್ಗಿಕ ಬಣ್ಣಗಳು ಅತ್ಯುತ್ತಮ ಆಯ್ಕೆಯಾಗಿದೆ.
ಮಾರುಕಟ್ಟೆಯಲ್ಲಿ ಲಭ್ಯವಿರುವ ಬಹುತೇಕ ಬಣ್ಣಗಳು ಕಲ್ನಾರಿನ, ಪಾದರಸ, ಸಿಲಿಕಾ, ಮೈಕಾ ಮತ್ತು ಸೀಸದಂತಹ ಅಪಾಯಕಾರಿ ರಾಸಾಯನಿಕಗಳನ್ನು ಒಳಗೊಂಡಿರಬಹುದು. ಇವು ಚರ್ಮ ಮತ್ತು ಕಣ್ಣುಗಳಿಗೆ ತುಂಬಾ ಅಪಾಯಕಾರಿಯಾಗಿದೆ. ಕಣ್ಣಿನ ಕಿರಿಕಿರಿ, ಅಲರ್ಜಿಯಂತಹ ಸಮಸ್ಯೆಗಳಿಗೆ ಕಾರಣವಾಗಬಹುದು ಎಂದು ತಜ್ಞರು ಹೇಳುತ್ತಾರೆ.
ಕಾಂಟ್ಯಾಕ್ಟ್ ಲೆನ್ಸ್ ಧರಿಸಬೇಡಿ: ಹೋಳಿ ಆಡುವಾಗ ಕಾಂಟ್ಯಾಕ್ಟ್ ಲೆನ್ಸ್ ಬಳಸಬಾರದು ಎಂದು ವೈದ್ಯರು ಕಟ್ಟುನಿಟ್ಟಾಗಿ ಶಿಫಾರಸು ಮಾಡುತ್ತಾರೆ ಬಣ್ಣಗಳು ಕಣ್ಣಿನೊಳಗೆ ಬಂದಾಗ, ಅದು ಕಾಂಟ್ಯಾಕ್ಟ್ ಲೆನ್ಸ್‌ಗಳಲ್ಲಿ ಅಂಟಿಕೊಂಡುಬಿಡುತ್ತದೆ. ಇದರಿಂದ ಕಣ್ಣಿನ ಅಲರ್ಜಿ ಉಂಟಾಗುವ ಸಾಧ್ಯತೆ ಹೆಚ್ಚಾಗಿದೆ.
ಕಣ್ಣುಗಳನ್ನು ಉಜ್ಜಬೇಡಿ: ತಜ್ಞರ ಪ್ರಕಾರ, ಒಬ್ಬರು ತಮ್ಮ ಕಣ್ಣುಗಳನ್ನು ಕೈಯಲ್ಲಿ ಬಣ್ಣಗಳಿಂದ ಉಜ್ಜುವುದನ್ನು ತಪ್ಪಿಸಬೇಕು. ಯಾಕೆಂದರೆ ಇದು ಕಾರ್ನಿಯಲ್ ಸವೆತಕ್ಕೆ ಕಾರಣವಾಗಬಹುದು. ಹೀಗಾಗಿ ಅಕಸ್ಮಾತ್‌ ಕಣ್ಣಿನೊಳಗೆ ಬಣ್ಣ ಸೇರಿದರೂ ಕಣ್ಣನ್ನು ಉಜ್ಜಲು ಹೋಗಬೇಡಿ. ಬದಲಾಗಿ ತಕ್ಷಣ ಸ್ವಚ್ಛ ನೀರಿನಲ್ಲಿ ತೊಳೆಯಿರಿ.