ಸ್ನಾನ ಮಾಡುವಾಗ ಈ ಭಾಗ ಸ್ವಚ್ಛಗೊಳಿಸಲು ಮರೆಯದಿರಿ, ಇಲ್ಲಾಂದ್ರೆ ಕಾಯಿಲೆ ಕಾಡೋದು ಗ್ಯಾರಂಟಿ!

ಚಳಿಗಾಲ ಶುರುವಾಗಿದೆ. ಬೆಳಗ್ಗೆ ಏಳೋದೆ ಹಲವರಿಗೆ ಕಷ್ಟವಾಗುತ್ತಿದೆ. ಇನ್ನು ಕೆಲವರು ಸ್ನಾನ ಮಾಡೋಕೆ ಹಿಂಜರಿಯುತ್ತಾರೆ. ಆದ್ರೆ ಹೀಗೆ ಸ್ನಾನ ಮಾಡದೇ ಇರೋದ್ರಿಂದ ಕಾಯಿಲೆಗಳು ವಕ್ಕರಿಸುತ್ತವೆ ಅನ್ನೋದು ನಿಮ್ಗೆ ಗೊತ್ತಿದ್ಯಾ?

ಸಾಮಾನ್ಯವಾಗಿ ಬಹುತೇಕರು ದಿನಕ್ಕೆ ಎರಡು ಬಾರಿ ಸ್ನಾನ ಮಾಡುತ್ತಾರೆ. ಆದರೆ ಚಳಿಗಾಲದಲ್ಲಿ ಮೈ ಕೊರೆಯುವ ಚಳಿಯಲ್ಲಿ ಹಲವರು ಸ್ನಾನ ಮಾಡಲು ಹಿ<ಜರಿಯುತ್ತಾರೆ. ಚಳಿಯಲ್ಲಿ ಸ್ನಾನ ಮಾಡದಿದ್ದರೂ ಪರವಾಗಿಲ್ಲ ಎಂದು ಅಂದುಕೊಳ್ಳುತ್ತಾರೆ. ಆದರೆ ಹೀಗೆ ಸ್ನಾನ ಮಾಡದೆ ಇರುವುದರಿಂದ ಹಲವು ಸಮಸ್ಯೆಗಳು ಎದುರಾಗುತ್ತವೆ. ಮುಖ್ಯವಾಗಿ ಆರೋಗ್ಯ ಸಮಸ್ಯೆ ಕಾಡಬಹುದು. ದೇಹದಿಂದ ಸೋಂಕುಗಳು, ದುರ್ವಾಸನೆ, ಸೂಕ್ಷ್ಮಜೀವಿಗಳು ಮತ್ತು ಕಲ್ಮಶಗಳನ್ನು ತೆಗೆದುಹಾಕಲು ನಾವು ನಿಯಮಿತವಾಗಿ ಸ್ನಾನ ಮಾಡಬೇಕು. ಅದರಲ್ಲೂ ಸ್ನಾನ ಮಾಡುವಾಗ ಕೆಲವು ಭಾಗಗಳನ್ನು ಚೆನ್ನಾಗಿ ಸ್ವಚ್ಛಗೊಳಿಸಬೇಕು ಎನ್ನುತ್ತಾರೆ ಆರೋಗ್ಯ ತಜ್ಞರು. ಏಕೆಂದರೆ ಇವುಗಳನ್ನು ಸರಿಯಾಗಿ ಶುಚಿಗೊಳಿಸದಿದ್ದರೆ ಅನೇಕ ಆರೋಗ್ಯ ಸಮಸ್ಯೆಗಳು ಎದುರಾಗುತ್ತವೆ. 

ನಮ್ಮ ದೇಹದ ಕೆಲವು ಭಾಗಗಳನ್ನು ಖಂಡಿತವಾಗಿಯೂ ಪ್ರತಿದಿನ ಸ್ವಚ್ಛಗೊಳಿಸಬೇಕಾಗಿದೆ. ಏಕೆಂದರೆ ಈ ಭಾಗಗಳಲ್ಲಿ ಬ್ಯಾಕ್ಟೀರಿಯಾ, ಧೂಳು ಮತ್ತು ದುರ್ವಾಸನೆ ಶೇಖರಣೆಯಾಗುವ ಅಪಾಯವಿದೆ. ಇವುಗಳನ್ನು ಸರಿಯಾಗಿ ಸ್ವಚ್ಛಗೊಳಿಸದಿದ್ದಲ್ಲಿ ಹಲವಾರು ರೋಗಗಳಿಗೆ ತುತ್ತಾಗಬೇಕಾಗುತ್ತದೆ. ಹಾಗಾದರೆ ಆ ದೇಹದ ಭಾಗಗಳು ಯಾವುವು? ಈಗ ಅವುಗಳನ್ನು ಹೇಗೆ ಸ್ವಚ್ಛಗೊಳಿಸಬೇಕು ಎಂದು ತಿಳಿಯೋಣ. 

ಹೊಕ್ಕುಳ
ಹೊಕ್ಕುಳ, ನೋಡಲು ಸ್ವಚ್ಛವಾಗಿ ಕಂಡರೂ ಬ್ಯಾಕ್ಟೀರಿಯಾ ಬೆಳೆಯಲು ಇದು ಸೂಕ್ತ ಸ್ಥಳವಾಗಿದೆ. ನಮ್ಮಲ್ಲಿ ಹೆಚ್ಚಿನವರು ಹೊಕ್ಕುಳನ್ನು ಸ್ವಚ್ಛಗೊಳಿಸುವುದಿಲ್ಲ. ಇದರಿಂದ ಅಲ್ಲಿಂದ ದುರ್ವಾಸನೆ ಬರುತ್ತದೆ. ಅದಕ್ಕಾಗಿಯೇ ಸ್ನಾನ ಮಾಡುವಾಗ ಹೊಕ್ಕುಳನ್ನು ಚೆನ್ನಾಗಿ ಸ್ವಚ್ಛಗೊಳಿಸಬೇಕು. ಹೊಕ್ಕುಳನ್ನು ಸ್ವಚ್ಛಗೊಳಿಸಲು ಸೌಮ್ಯವಾದ ಸಾಬೂನು, ಹತ್ತಿ ಅಥವಾ ಮೃದುವಾದ ಬಟ್ಟೆಯನ್ನು ಬಳಸಬಹುದು. ಅದನ್ನು ಒಳಗೆ ಮತ್ತು ಹೊರಗೆ ನಿಧಾನವಾಗಿ ಸ್ಕ್ರಬ್ ಮಾಡಿ. ನಂತರ ಒಣಗಿದ ಬಟ್ಟೆಯಲ್ಲಿ ಒರೆಸಬೇಕು.

ಕಿವಿ
ಹೆಚ್ಚಿನ ಜನರು ಕಿವಿಯ ಹಿಂಭಾಗವನ್ನು ನಿರ್ಲಕ್ಷಿಸುತ್ತಾರೆ. ಆದರೆ ಇಲ್ಲಿ ಚರ್ಮದ ಮೇಲೆ ಬೆವರು, ಎಣ್ಣೆ ಮತ್ತು ಸತ್ತ ಜೀವಕೋಶಗಳು ಸಂಗ್ರಹಗೊಳ್ಳುತ್ತವೆ. ಇದರಿಂದ ಇಡೀ ಪ್ರದೇಶ ಹೆಚ್ಚು ವಾಸನೆ ಬರುತ್ತದೆ. ಆದ್ದರಿಂದ ಈ ಭಾಗವನ್ನು ಪ್ರತ್ಯೇಕವಾಗಿ ಸ್ವಚ್ಛಗೊಳಿಸಬೇಕು. ಕೇವಲ ನೀರು ಸುರಿಯುವುದರಿಂದ ಕೊಳೆ ಸಂಪೂರ್ಣವಾಗಿ ಹೋಗುವುದಿಲ್ಲ. ಮೃದುವಾದ, ಒದ್ದೆಯಾದ ಬಟ್ಟೆ ಮತ್ತು ಸೋಪ್‌ನ್ನು ನಿಧಾನವಾಗಿ ಕಿವಿಗಳು, ಕಿವಿಯೋಲೆಗಳು, ಮಡಿಕೆಗಳ ಹಿಂದೆ ಒರೆಸಿ. ತೊಳೆಯುವ ನಂತರ, ಒದ್ದೆಯಾದ ಬಟ್ಟೆಯಿಂದ ಒರೆಸಬೇಕು.

ಕಂಕುಳು
ಕಂಕುಳು, ಬ್ಯಾಕ್ಟೀರಿಯಾ ಮತ್ತು ವಾಸನೆ ಸಂಗ್ರಹಗೊಳ್ಳುವ ಸ್ಥಳವಾಗಿದೆ. ಆದ್ದರಿಂದ, ಒದ್ದೆಯಾದ ಬಟ್ಟೆ ಮತ್ತು ಸೋಪ್ ಬಳಸಿ ಕಂಕುಳನ್ನುಸ್ವಚ್ಛಗೊಳಿಸಿ. ಪ್ರದೇಶವನ್ನು ಸರಿಯಾಗಿ ಸ್ವಚ್ಛಗೊಳಿಸದಿದ್ದರೆ ಸೋಂಕು ಹರಡುತ್ತದೆ. ಈ ಪ್ರದೇಶಗಳನ್ನು ಸ್ವಚ್ಛಗೊಳಿಸಲು ಸೌಮ್ಯವಾದ ಸಾಬೂನು, ಒದ್ದೆಯಾದ ಬಟ್ಟೆಯನ್ನು ಬಳಸಿ. ಮೃದುವಾದ ಟವೆಲ್ನಿಂದ ಈ ಪ್ರದೇಶಗಳನ್ನು ಸಂಪೂರ್ಣವಾಗಿ ಒರೆಸಿ.

ಕಾಲುಗಳ ಅಡಿಭಾಗ
ಸ್ನಾನ ಮಾಡುವಾಗ ಕಾಲುಗಳ ಮೇಲೆ ಕೊಳಕು ನೀರು ಬರುತ್ತದೆ. ಆದರೆ ಅನೇಕ ಜನರು ತಮ್ಮ ಪಾದಗಳನ್ನು ಸ್ವಚ್ಛಗೊಳಿಸಲು ಮರೆತುಬಿಡುತ್ತಾರೆ. ಆದರೆ ಪಾದಗಳು ಮತ್ತು ಕಾಲ್ಬೆರಳುಗಳನ್ನು ಸ್ವಚ್ಛವಾಗಿ ತೊಳೆಯಬೇಕು. ಏಕೆಂದರೆ ಅವು ಶಿಲೀಂಧ್ರಗಳು ಮತ್ತು ಬ್ಯಾಕ್ಟೀರಿಯಾಗಳನ್ನು ಉಂಟುಮಾಡುತ್ತವೆ. ಪಾದಗಳನ್ನು ತೊಳೆಯಲು ಸೌಮ್ಯವಾದ ಸಾಬೂನು ಮತ್ತು ತೊಳೆಯುವ ಬಟ್ಟೆಯನ್ನು ಬಳಸಿ. ಹಾಗೆಯೇ ಕಾಲ್ಬೆರಳುಗಳ ನಡುವೆ ಚೆನ್ನಾಗಿ ತೊಳೆಯಿರಿ. 

ಉಗುರುಗಳು
ಉಗುರುಗಳನ್ನು ಸ್ವಚ್ಛವಾಗಿಡಲು ಕೈ ತೊಳೆದರೆ ಸಾಕಾಗುವುದಿಲ್ಲ. ಕೈಗಳ ಜೊತೆಗೆ ಉಗುರುಗಳನ್ನು ಸಹ ಸಂಪೂರ್ಣವಾಗಿ ಸ್ವಚ್ಛಗೊಳಿಸಬೇಕಾಗುತ್ತದೆ. ಅಲ್ಲದೆ, ಉಗುರುಗಳು ಸ್ವಲ್ಪ ಬೆಳೆದಾಗ ಕತ್ತರಿಸಬೇಕು. ಇಲ್ಲದಿದ್ದರೆ, ಅವುಗಳ ಅಡಿಯಲ್ಲಿರುವ ಕೊಳಕು ಮತ್ತು ಸೂಕ್ಷ್ಮಜೀವಿಗಳು ಅನೇಕ ರೋಗಗಳಿಗೆ ಕಾರಣವಾಗಬಹುದು. ಉಗುರುಗಳನ್ನು ಸ್ವಚ್ಛಗೊಳಿಸಲು ಉಗುರುಗಳ ಕೆಳಗೆ ಮತ್ತು ಸುತ್ತಲೂ ಸ್ಕ್ರಬ್ ಮಾಡಲು ನೇಲ್ ಬ್ರಷ್ ಮತ್ತು ಸೋಪ್ ಬಳಸಿ. ಉಗುರುಗಳು ಚಿಕ್ಕದಾಗಿರಬೇಕು ಮತ್ತು ನಯವಾದ ಅಂಚುಗಳನ್ನು ಹೊಂದಿರಬೇಕು. ಉಗುರು ಕಚ್ಚುವುದನ್ನು ತಪ್ಪಿಸಿ. ಈ ಅಭ್ಯಾಸವು ಗುಣಪಡಿಸಲಾಗದ ಕಾಯಿಲೆಗಳಿಗೆ ಕಾರಣವಾಗುತ್ತದೆ.