Global Handwashing Day: ನಿಮಗೆ ಸರಿಯಾದ ರೀತಿಯಲ್ಲಿ ಕೈ ತೊಳೆಯೋಕೆ ಗೊತ್ತಿದ್ಯಾ ?

ಕೈಗಳನ್ನು ಶುದ್ಧ ನೀರು ಮತ್ತು ಸಾಬೂನಿನಿಂದ ತೊಳೆಯುವ ಅವಶ್ಯಕತೆಗಳ ಬಗ್ಗೆ ಜಾಗೃತಿ ಮೂಡಿಸಲು ಪ್ರತಿ ವರ್ಷ ಅಕ್ಟೋಬರ್ 15ರಂದು ಜಾಗತಿಕ ಕೈ ತೊಳೆಯುವ ದಿನವನ್ನು ಆಚರಿಸಲಾಗುತ್ತದೆ. ಈ ಅಭ್ಯಾಸವು ಅತಿಸಾರ ರೋಗಗಳು ಮತ್ತು ನ್ಯುಮೋನಿಯಾದಂತಹ ರೋಗಗಳು ಮತ್ತು ಸೋಂಕುಗಳ ಹರಡುವಿಕೆಯನ್ನು ತಡೆಯಲು ಸಹಾಯ ಮಾಡುತ್ತದೆ.

ಎಲ್ಲರಿಗೂ ನಮ್ಮ ಕೈ ಶುದ್ಧವಾಗಿಯೇ ಇದೆ ಎಂಬ ಭಾವನೆ ಇರುತ್ತದೆ. ಹಾಗಂತ ಕೈಯ ಸ್ವಚ್ಛತೆ ಬಗ್ಗೆ ಉಡಾಫೆ ಮಾಡುವ ಹಾಗಿಲ್ಲ ಯಾಕೆಂದರೆ, ನಿಮ್ಮ ಕೈಯನ್ನು ಬರಿ ತೊಳೆದರೆ ಸಾಕಾಗುವುದಿಲ್ಲ. ಜೊತೆಗೆ, ನೀವು ನಿಮ್ಮ ಕೈಯನ್ನು ಯಾವಾಗ ತೊಳೆಯಬೇಕು ಎಂಬುದನ್ನು ತಿಳಿದುಕೊಳ್ಳುವುದು ಸಹ ಮುಖ್ಯವಾಗಿದೆ. ಅದರೊಂದಿಗೆ, ನಿಮ್ಮ ಕೈಯನ್ನು ತೊಳೆಯಲು ಸರಿಯಾದ ಕ್ರಮಗಳನ್ನು ತಿಳಿದುಕೊಳ್ಳಬೇಕು. ನಿಮ್ಮ ಕೈಗಳನ್ನು ಕನಿಷ್ಠ 20-30 ಸೆಕೆಂಡುಗಳವರೆಗೆ ತೊಳೆಯಲು ಸೂಚಿಸಲಾಗುತ್ತದೆ. ಇದು ನಿಮ್ಮ ಕೈಯಿಂದ ಎಲ್ಲಾ ಸೂಕ್ಷ್ಮಜೀವಿಗಳು  ಮತ್ತು ರೋಗಕಾರಕಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ ಮತ್ತು ರೋಗಗಳು ಮತ್ತು ಸೋಂಕುಗಳ ಹರಡುವಿಕೆಯನ್ನು ತಡೆಯುತ್ತದೆ.

ನಾವು ನಮಗೆ ಅರಿವಿಲ್ಲದೇನಾನಾರೀತಿಯ ವಸ್ತುಗಳನ್ನು ಸ್ಪರ್ಶಿಸುತ್ತಿರುತ್ತೇವೆ, ಹಾಗೆ ಸ್ಪರ್ಶಿಸಿದ ನಂತರ ಅಥವಾ ಹೊರಗೆ ಹೋಗಿಬಂದ ನಂತರ ನಿಮ್ಮ ಕೈಯನ್ನು ತೊಳೆಯಲು ನೀವು ನೆನಪಿನಲ್ಲಿಟ್ಟುಕೊಳ್ಳುವುದು (Remember) ಸಹ ಮುಖ್ಯವಾಗಿದೆ. ರೋಗಾಣುಗಳು ಹರಡುವುದನ್ನು (Spreading) ತಡೆಯಲು ನಿಮ್ಮ ಕೈಗಳನ್ನು ಯಾವ ಸಮಯದಲ್ಲಿ ತೊಳೆಯಬೇಕು ಎಂಬುದರ ಕುರಿತು ಮಾಹಿತಿ ಇಲ್ಲಿದೆ..

• ಆಹಾರ (Food) ಅಥವಾ ಪಾನೀಯಗಳನ್ನು ಸೇವಿಸುವಾಗ.
• ಸಾಂಕ್ರಾಮಿಕ ಕಾಯಿಲೆಗೆ ಒಡ್ಡಿಕೊಂಡವರು ಔಷಧಿಗಳನ್ನು ತೆಗೆದುಕೊಳ್ಳುವಾಗ.
• ಸಾರ್ವಜನಿಕ ಸಾರಿಗೆಯನ್ನು (Transportation) ಬಳಸಿದಾಗ
• ನಿಮ್ಮ ಫೋನ್ ಅಥವಾ ಟ್ಯಾಬ್ಲೆಟ್ (Tab) ಅಥವಾ ಲ್ಯಾಪ್‌ಟಾಪ್ (Laptop) ಅನ್ನು ಸ್ಪರ್ಶಿಸಿದ ಬಳಿಕ
• ಕಿರಾಣಿ ಅಂಗಡಿಗೆ ಭೇಟಿ ನೀಡಿದ ನಂತರ
• ಕೆಮ್ಮು (cough) ಅಥವಾ ಸೀನುವಿಕೆಯ (Sneeze) ಬಳಿಕ
• ಗೋಚರಿಸುವ (Visible) ಕೊಳಕು ಮೇಲ್ಮೈಗಳನ್ನು ಸ್ಪರ್ಶಿಸಿದಾಗ
• ಹಣ ಅಥವಾ ರಸೀದಿಗಳನ್ನು (Receipts) ನಿರ್ವಹಿಸಿದ ಮೇಲೆ
• ಇತರರೊಂದಿಗೆ ಹಸ್ತಲಾಘವ  (Handshake)ಮಾಡಿದಾಗ
• ಲೈಂಗಿಕ (Sex) ಚಟುವಟಿಕೆಯಲ್ಲಿ ತೊಡಗಿಸಿಕೊಂಡ ಬಳಿಕ
• ವಾಶ್ ರೂಂ (Wash room) ಬಳಸಿ ಹೊರಬಂದಾಗ
• ಸಾಕುಪ್ರಾಣಿಗಳ (Pet) ಆಹಾರ ಅಥವಾ ಉಪಹಾರಗಳನ್ನು ನಿರ್ವಹಿಸಿದ ಬಳಿಕ
• ಕಸವನ್ನು ಸ್ಪರ್ಶಿಸಿ (Touch) ಅಥವಾ ನಿರ್ವಹಿಸಿದ ನಂತರ
•  ಆಹಾರವನ್ನು ತಯಾರಿಸುವ ಮೊದಲು (Before), ನಡುವಿನಲ್ಲಿ (In between) ಮತ್ತು ನಂತರವೂ ಕೈ ತೊಳೆಯುವುದು ಮುಖ್ಯ.

ಹೀಗೆ ಕೈಗಳನ್ನು ತೊಳೆಯುವ ಅಗತ್ಯವನ್ನು ಬೇರೆ ಬೇರೆ ಸಂದರ್ಭಗಳು ಎದುರಾದ ಸಮಯವನ್ನು (Times) ನೀವು ಗಮನಿಸಿ, ಸೂಕ್ಷ್ಮಜೀವಿಗಳ ಹರಡುವಿಕೆಯನ್ನು ನಿಲ್ಲಿಸಲು ನಿಮ್ಮ ಕೈಗಳನ್ನು ತೊಳೆಯಿರಿ.

 ಕೈಗಳನ್ನು ಸರಿಯಾಗಿ ತೊಳೆಯಲು ಕ್ರಮಗಳು (ways):

•  ಕೈಗಳನ್ನು ಶುದ್ಧ (Clean) ಮತ್ತು ಆದ್ಯತೆಯಾಗಿ ಹರಿಯುವ (Running) ನೀರಿನಿಂದ ಒದ್ದೆ ಮಾಡುವ ಮೂಲಕ ಕೈ ತೊಳೆಯಲು ಪ್ರಾರಂಭಿಸಿ.
• ನಂತರ ನಿಮ್ಮ ಕೈಗಳು ಮತ್ತು ಮಣಿಕಟ್ಟುಗಳನ್ನು (Wrists) ಶುದ್ಧವಾಗಿಸಲು ಹ್ಯಾಂಡ್ ವಾಷ್ ಅಥವಾ ಬಾರ್ ಸೋಪು (Soap) ಬಳಸಿ.
• ನೊರೆಯ ಜೊತೆಗೆ ಕೈಗಳನ್ನು (Hands) ಉಜ್ಜಿ ತೊಳೆಯಿರಿ.
• ಕೈಗಳು ಮತ್ತು ಮಣಿಕಟ್ಟುಗಳನ್ನು ಕನಿಷ್ಠ 20-30 ಸೆಕೆಂಡುಗಳ ಕಾಲ ಸ್ಕ್ರಬ್ (Scrub) ಮಾಡಬೇಕು.
• ನಂತರ ಕೈಗಳನ್ನು ಮತ್ತು ಮಣಿಕಟ್ಟುಗಳನ್ನು ಸ್ವಚ್ಛವಾಗಿ ನೀರಿನಿಂದ ತೊಳೆಯಿರಿ (Wash).
• ಇದಾದ ಬಳಿಕ ಕೈಗಳನ್ನು ಮತ್ತು ಮಣಿಕಟ್ಟುಗಳನ್ನು ಟವೆಲ್ನಿಂದ (Towel) ಒರೆಸಿಕೊಳ್ಳಿ.