Home Remedies for Sweat Odor: ಬೇಸಿಗೆಯಲ್ಲಿ ಬೆವರಿನ ವಾಸನೆ ಮುಜುಗರ ಅನುಭವಿಸಿದ್ದೀರಾ? ಚಿಂತೆ ಬೇಡ ಇಷ್ಟು ಮಾಡಿ ಸಾಕು!

ಬೇಸಿಗೆಯ ಬಿಸಿಲಿನಲ್ಲಿ ಬೆವರು ವಾಸನೆಯಿಂದ ಮುಜುಗರ ಅನುಭವಿಸುತ್ತಿದ್ದೀರಾ? ನಿಂಬೆಹಣ್ಣು, ಗುಲಾಬಿ ನೀರು, ಅಡಿಗೆ ಸೋಡಾ ಮತ್ತು ತೆಂಗಿನ ಎಣ್ಣೆಯಂತಹ ಸರಳ ಮನೆಮದ್ದುಗಳಿಂದ ಈ ಸಮಸ್ಯೆಯನ್ನು ಪರಿಹರಿಸಿಕೊಳ್ಳಿ. 

Home remedies for body odor: ಬೇಸಿಗೆಯಲ್ಲಿ ಪ್ರತಿಯೊಬ್ಬರೂ ಬೆವರುವುದು ಸಾಮಾನ್ಯ. ಬೆವರು ದೇಹವನ್ನು ತಂಪಾಗಿಸುತ್ತದೆಯಾದರೂ, ಅದು ಕೆಟ್ಟ ವಾಸನೆಯನ್ನು ಹರಡಿದಾಗ ಸಮಸ್ಯೆಯಾಗುತ್ತದೆ. ಕೆಲವೊಮ್ಮೆ ಕಚೇರಿ, ಜನದಟ್ಟಣೆಯ ಸ್ಥಳ, ಅಥವಾ ಬಸ್ಸಿನಂತಹ ಸಾರ್ವಜನಿಕ ಸ್ಥಳಗಳಲ್ಲಿ ದೇಹದಿಂದ ಕೆಟ್ಟ ವಾಸನೆ ಬಂದರೆ, ಅದು ಮುಜುಗರವನ್ನುಂಟು ಮಾಡುತ್ತದೆ, ಇತರರಿಗೆ ಕಿರಿಕಿರಿ ಉಂಟುಮಾಡುತ್ತದೆ ಮತ್ತು ಸುತ್ತಮುತ್ತಲಿನವರಿಗೂ ತೊಂದರೆಯಾಗಬಹುದು. ಈ ಕೆಟ್ಟ ವಾಸನೆಯು ದೇಹದ ಮೇಲ್ಮೈಯಲ್ಲಿರುವ ಬ್ಯಾಕ್ಟೀರಿಯಾಗಳಿಂದ ಉಂಟಾಗುತ್ತದೆ, ಇದು ಬೆವರಿನೊಂದಿಗೆ ಸೇರಿಕೊಂಡು ದುರ್ವಾಸನೆಯನ್ನು ಉಂಟುಮಾಡುತ್ತದೆ. ನಿಮಗೆ ಈ ತೊಂದರೆ ಇದ್ದಲ್ಲಿ ಚಿಂತೆ ಬೇಡ! ಕೆಲವು ಸರಳ ಮನೆಮದ್ದುಗಳ ಮೂಲಕ ಈ ಸಮಸ್ಯೆಯನ್ನು ನಿಯಂತ್ರಿಸಬಹುದು. ಹೇಗೆ ಎಂಬುದು ಇಲ್ಲಿ ವಿವರವಾಗಿ ತಿಳಿಯೋಣ.

1. ನಿಂಬೆಹಣ್ಣು(Lemon)

ನಿಂಬೆಹಣ್ಣು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳನ್ನು ಹೊಂದಿದ್ದು, ಬೆವರು ವಾಸನೆಗೆ ಕಾರಣವಾಗುವ ಬ್ಯಾಕ್ಟೀರಿಯಾವನ್ನು ಕೊಲ್ಲುತ್ತದೆ.

ಬಳಸುವ ವಿಧಾನ: ಪ್ರತಿದಿನ ಒಮ್ಮೆ ಸ್ನಾನ ಮಾಡುವ ಮೊದಲು ಅರ್ಧ ನಿಂಬೆಹಣ್ಣನ್ನು ತೆಗೆದುಕೊಂಡು ಕಂಕುಳಿನಲ್ಲಿ ಅಥವಾ ಪಾದಗಳ ಅಡಿಭಾಗದಲ್ಲಿ ಉಜ್ಜಿಕೊಳ್ಳಿ. 10 ನಿಮಿಷಗಳ ನಂತರ ತಣ್ಣೀರಿನಿಂದ ತೊಳೆಯಿರಿ.

ಗಮನಿಸಿ: ಚರ್ಮ ಸೂಕ್ಷ್ಮವಾಗಿದ್ದರೆ ಅಥವಾ ಗಾಯಗಳಿದ್ದರೆ, ನಿಂಬೆಯನ್ನು ಬಳಸಬೇಡಿ.

2. ಗುಲಾಬಿ ನೀರು(Rose water)

ದೇಹವನ್ನು ತಂಪಾಗಿಸುವಲ್ಲಿ ಮತ್ತು ಕೆಟ್ಟ ವಾಸನೆಯನ್ನು ತೆಗೆದುಹಾಕುವಲ್ಲಿ ಹರಳೆಣ್ಣೆ ಮತ್ತು ರೋಸ್ ವಾಟರ್ ಒಟ್ಟಿಗೆ ಬಹಳ ಪರಿಣಾಮಕಾರಿ. ಒಂದು ಟೀಚಮಚ ರೋಸ್ ವಾಟರ್‌ನಲ್ಲಿ ಸ್ವಲ್ಪ ಪಟಿಕ ಪುಡಿಯನ್ನು ಮಿಶ್ರಣ ಮಾಡಿ.

ಬಳಸುವ ವಿಧಾನ: ಒಂದು ಟೀಚಮಚ ಗುಲಾಬಿ ನೀರಿನಲ್ಲಿ ಸ್ವಲ್ಪ ಪಟಿಕ ಪುಡಿಯನ್ನು ಬೆರೆಸಿ. ಈ ಮಿಶ್ರಣವನ್ನು ಹತ್ತಿ ಉಂಡೆಯಿಂದ ಕಂಕುಳಿನಲ್ಲಿ ಅಥವಾ ಪಾದಗಳ ಮೇಲೆ ಹಚ್ಚಿ.

ಬಳಕೆ: ದಿನಕ್ಕೆ ಎರಡು ಬಾರಿ, ವಿಶೇಷವಾಗಿ ಸ್ನಾನದ ನಂತರ.

ಗಮನಿಸಿ: ಇದು ಚರ್ಮಕ್ಕೆ ಸೌಮ್ಯವಾಗಿದ್ದು, ಎಲ್ಲಾ ಚರ್ಮದ ಪ್ರಕಾರಗಳಿಗೂ ಸೂಕ್ತವಾಗಿದೆ.

3. ಅಡಿಗೆ ಸೋಡಾ

ಅಡಿಗೆ ಸೋಡಾ ದೇಹದ pH ಮಟ್ಟವನ್ನು ಸಮತೋಲನಗೊಳಿಸುತ್ತದೆ ಮತ್ತು ವಾಸನೆಗೆ ಕಾರಣವಾಗುವ ಬ್ಯಾಕ್ಟೀರಿಯಾವನ್ನು ನಾಶಪಡಿಸುತ್ತದೆ.

ಬಳಸುವ ವಿಧಾನ: ಒಂದು ಚಿಟಿಕೆ ಅಡಿಗೆ ಸೋಡಾಕ್ಕೆ ಸ್ವಲ್ಪ ನೀರನ್ನು ಬೆರೆಸಿ ಪೇಸ್ಟ್ ತಯಾರಿಸಿ. ಇದನ್ನು ಹೆಚ್ಚು ಬೆವರುವ ಜಾಗಗಳಲ್ಲಿ (ಕಂಕುಳು, ಪಾದಗಳು) ಹಚ್ಚಿ. 10 ನಿಮಿಷಗಳ ನಂತರ ತಣ್ಣೀರಿನಿಂದ ತೊಳೆಯಿರಿ.

ಬಳಕೆ: ವಾರಕ್ಕೆ ಎರಡು ಬಾರಿ.

ಗಮನಿಸಿ: ಹೆಚ್ಚು ಬಳಸಿದರೆ ಚರ್ಮವು ಒಣಗಬಹುದು, ಆದ್ದರಿಂದ ಸೀಮಿತವಾಗಿ ಬಳಸಿ.

4. ತೆಂಗಿನ ಎಣ್ಣೆ

ತೆಂಗಿನ ಎಣ್ಣೆಯಲ್ಲಿರುವ ಲಾರಿಕ್ ಆಮ್ಲವು ಬ್ಯಾಕ್ಟೀರಿಯಾವನ್ನು ಕೊಲ್ಲುತ್ತದೆ ಮತ್ತು ಚರ್ಮವನ್ನು ತೇವಗೊಳಿಸುತ್ತದೆ.

ಬಳಸುವ ವಿಧಾನ: ಸ್ನಾನದ ನಂತರ ಸ್ವಲ್ಪ ತೆಂಗಿನ ಎಣ್ಣೆಯನ್ನು ಬೆವರುವ ಜಾಗಗಳಲ್ಲಿ ಹಚ್ಚಿ.

ಬಳಕೆ: ದಿನಕ್ಕೆ ಒಮ್ಮೆ ಅಥವಾ ಅಗತ್ಯವಿರುವಾಗ.

ಗಮನಿಸಿ: ಎಣ್ಣೆಯಿಂದ ಬಟ್ಟೆಗೆ ಕಲೆಯಾಗದಂತೆ ಎಚ್ಚರವಹಿಸಿ.

ಒಟ್ಟಿನಲ್ಲಿ ಬೇಸಿಗೆಯಲ್ಲಿ ಬೆವರುವುದು ಸಹಜವಾದರೂ, ಅದರಿಂದ ಬರುವ ಕೆಟ್ಟ ವಾಸನೆಯಿಂದ ತೊಂದರೆಗೊಳಗಾಗುವ ಅಗತ್ಯವಿಲ್ಲ. ಮೇಲಿನ ಮನೆಮದ್ದುಗಳು ರಾಸಾಯನಿಕ ಡಿಯೋಡರೆಂಟ್‌ಗಳಿಗೆ ಪರ್ಯಾಯವಾಗಿ ಕಾರ್ಯನಿರ್ವಹಿಸುತ್ತವೆ. ನಿಮ್ಮ ಅಡಿಗೆಮನೆ ಮತ್ತು ಸ್ನಾನಗೃಹದಿಂದ ಕೆಲವು ಸರಳ ವಸ್ತುಗಳನ್ನು ಬಳಸಿಕೊಂಡು, ತಾಜಾತನ ಮತ್ತು ಉತ್ತಮ ವಾಸನೆಯನ್ನು ಕಾಪಾಡಿಕೊಳ್ಳಬಹುದು. ಈ ಪರಿಹಾರಗಳನ್ನು ಒಮ್ಮೆ ಪ್ರಯತ್ನಿಸಿ, ಬೇಸಿಗೆಯ ದಿನಗಳನ್ನು ಆತ್ಮವಿಶ್ವಾಸದಿಂದ ಆನಂದಿಸಿ!

ಗಮನಿಸಿ: ಈ ವಿಧಾನವು ಆರೋಗ್ಯ ನಿಯತಕಾಲಿಕೆಗಳಿಂದ ಸಂಗ್ರಹಿಸಿದ ಪ್ರಾಥಮಿಕ ಮಾಹಿತಿಯಾಗಿದೆ. ಹೆಚ್ಚಿನ ತೊಂದರೆಗಳಿಲ್ಲದ್ದಲ್ಲಿ ವೈದ್ಯರನ್ನು ಸಂಪರ್ಕಿಸಿ