ಮದುವೆಯಾದ್ರೆ ಏನು ಲಾಭ ? ವಿವಾಹಿತೆಯರ ಕಷ್ಟಗಳನ್ನು ತೆರೆದಿಟ್ಟ ಯುವತಿ

Young Woman Speaks About Marriage: ಮದುವೆಯಾದ ಮಹಿಳೆಯರು ಎದುರಿಸುವ ಕಷ್ಟಗಳ ಬಗ್ಗೆ ಯುವತಿಯೊಬ್ಬರು ರೆಡಿಟ್‌ನಲ್ಲಿ ಪೋಸ್ಟ್ ಹಾಕಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. 

ಭಾರತದಲ್ಲಿ ಮದುವೆಯಾದ ಹೆಂಗಸರು ತುಂಬಾ ಕಷ್ಟ ಅನುಭವಿಸ್ತಾರೆ. ಹೊರಗೆ ಕೆಲಸ ಮಾಡಿದ್ರೂ ಮನೆಗೆಲಸ ಮಾಡಬೇಕು. ಇಷ್ಟ ಬಂದ ಹಾಗೆ ನಿದ್ದೆ ಮಾಡೋಕಾಗಲ್ಲ, ತಿನ್ನೋಕಾಗಲ್ಲ, ಹೊರಗೆ ಹೋಗೋಕಾಗಲ್ಲ. ಹೀಗೆ ಒಬ್ಬ ಯುವತಿ ರೆಡ್ಡಿಟ್‌ನಲ್ಲಿ ಪೋಸ್ಟ್ ಹಾಕಿರೋದು ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ನಾನು ಸಂಪಾದನೆ ಮಾಡ್ತೀನಿ ಅಂತ ಇಟ್ಕೊಳ್ಳಿ. ಮದುವೆ ಆಗಿಲ್ಲ ಅಂದ್ರೆ, ಅಮ್ಮ ಮಾಡಿದ ಚಹಾ ಕುಡಿದು ಎದ್ದೇಳ್ತೀನಿ. ತಿಂಡಿ ತಿಂದು ಆಫೀಸ್‌ಗೆ ಹೋಗ್ತೀನಿ. ದಿನವಿಡೀ ಕೆಲಸ ಮಾಡಿ ರಾತ್ರಿ ವಿಶ್ರಾಂತಿ ಪಡೆಯಬಹುದು ಅಂತ ಯುವತಿ ರೆಡಿಟ್‌ನಲ್ಲಿ ಬರೆದುಕೊಂಡಿದ್ದಾರೆ.

ಒಂದು ವೇಳೆ ಮದುವೆ ಆದ್ರೆ ಅಡುಗೆ, ಬಟ್ಟೆ ಒಗೆಯುವುದು ಸೇರಿದಂತೆ ಮನೆಯ ಎಲ್ಲಾ ಕೆಲಸಗಳನ್ನು ನಾನೇ ಮಾಡಬೇಕು. ಅಷ್ಟೇ ಅಲ್ಲ, ಮನೆಯವರೆಲ್ಲರ ಜವಾಬ್ದಾರಿ ನನ್ನ ಮೇಲೆ ಬೀಳುತ್ತೆ ಅಂತ ಯುವತಿ ಬರೆದುಕೊಂಡಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ಕೆಲವರು ಹೇಳ್ತಾರೆ, ಸಂಬಳ ಇದ್ರೆ ಅಡುಗೆ, ಕ್ಲೀನಿಂಗ್‌ಗೆ ಆಳು ಇಟ್ಕೊಳ್ಳಿ ಅಂತ. ಅದಕ್ಕೂ ನನ್ನ ಸಂಬಳನೇ ಖರ್ಚು ಮಾಡಬೇಕು. ಗಂಡನಿಗೆ ಮನೆಗೆಲಸಕ್ಕೆ ಆಳು ಸಿಗುತ್ತೆ ಇಲ್ಲಾಂದ್ರೆ ನನ್ನ ಸಂಬಳದಲ್ಲಿ ಆಳು ಇಟ್ಕೊಳ್ಳಬೇಕು. ಇದ್ರಲ್ಲಿ ನನಗೆ ಲಾಭವೇನು? ಅಪರಿಚಿತರ ಜೊತೆ ಇದ್ರೆ ನನ್ನ ಸುಖ, ಸಂಬಳ ಎರಡೂ ಕಡಿಮೆ ಆಗುತ್ತೆ ಅಂತ ಯುವತಿ ಹೇಳ್ತಾರೆ.

ಯುವತಿಯ ಪೋಸ್ಟ್‌ಗೆ ತುಂಬಾ ಜನರು ಪ್ರತಿಕ್ರಿಯೆ ನೀಡಿದ್ದಾರೆ. ಕೆಲವು ಮಹಿಳೆಯರು ಇದೇ ರೀತಿಯ ಅನುಭವ ಆಗಿದೆ ಅಂತ ಹೇಳಿದ್ದಾರೆ. ಇನ್ನು ಕೆಲವರು ಮದುವೆ ಆದ್ರೆ ಬೇರೆ ಮನೆಯಲ್ಲಿ ಇರಬೇಕು, ಗಂಡ-ಹೆಂಡತಿ ಇಬ್ಬರೂ ಜವಾಬ್ದಾರಿ ಹೊರಬೇಕು ಅಂತ ಹೇಳಿದ್ದಾರೆ. 

ಇನ್ನು ಕೆಲವರು ಅಮ್ಮನಿಂದ ಅಡುಗೆ ಮಾಡಿಸಿಕೊಳ್ಳೋದು ಸರಿಯಲ್ಲ, ನೀವೇ ಮಾಡಿ ಇಲ್ಲಾಂದ್ರೆ ಆಳು ಇಟ್ಕೊಳ್ಳಿ ಅಂತ ಹೇಳಿದ್ದಾರೆ. ಇದೇ ರೀತಿಯ ಹಲವು ಕಮೆಂಟ್‌ಗಳು ಬಂದಿವೆ.