Bigg Boss ಅಗ್ನಿ ಪರೀಕ್ಷೆಯಲ್ಲಿ ಸ್ಪರ್ಧಿಗೆ ಗೆಟ್​ ಔಟ್​ ಎಂದ ವಿನಯ್​ ಗೌಡ: ಮುಂದೇನಾಯ್ತು ನೋಡಿ

ಬಿಗ್​ಬಾಸ್​ 13ರ ಅಗ್ನಿ ಪರೀಕ್ಷೆಯಲ್ಲಿ ತೀರ್ಪುಗಾರ ವಿನಯ್​ ಗೌಡ ಅವರು, ಇನ್ನೊಬ್ಬರಿಗಾಗಿ ಟಾಸ್ಕ್ ಬಿಟ್ಟುಕೊಡಲು ಮುಂದಾದ ಸ್ಪರ್ಧಿ ಶ್ರೇಯಸ್​ಗೆ 'ಗೆಟ್​ಔಟ್' ಎಂದು ಹೇಳುವ ಮೂಲಕ ತೀವ್ರ ಟೀಕೆಗೆ ಗುರಿಯಾಗಿದ್ದಾರೆ. ಈ ಘಟನೆಯು ವಿನಯ್ ಗೌಡರ ವರ್ತನೆಯ ಬಗ್ಗೆ ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿದೆ.

ಬಿಗ್​ಬಾಸ್​​ ಅಗ್ನಿಪರೀಕ್ಷೆಯಲ್ಲಿ ಅವಮಾನ

ಬಿಗ್​ಬಾಸ್​ 13 ರಲ್ಲಿ ಈ ಬಾರಿ ಸಾಮಾನ್ಯ ಜನರಿಗೂ ಅವಕಾಶ ಕಲ್ಪಿಸಲಾಗಿದ್ದು, ಇದಾಗಲೇ ಕೆಲವರನ್ನು ಆಯ್ಕೆ ಮಾಡಲಾಗಿದೆ. ಇದಕ್ಕಾಗಿ ನಡೆದ ಅಗ್ನಿ ಪರೀಕ್ಷೆ ಸ್ಪರ್ಧೆಯಲ್ಲಿ ತೀರ್ಪುಗಾರರ ಪೈಕಿ, ವಿನಯ್​ ಗೌಡ ಅವರು ನಡೆದುಕೊಂಡ ರೀತಿಗೆ ಎಲ್ಲೆಡೆಯಿಂದ ತೀವ್ರ ಆಕ್ರೋಶ ವ್ಯಕ್ತವಾಗುತ್ತಿದೆ.

ವಿನಯ್​ ಗೌಡ ವರ್ತನೆಗೆ ಆಕ್ರೋಶ

ಖುದ್ದು ಕಿಚ್ಚ ಸುದೀಪ್​ ಅವರೇ ಈ ರೀತಿಯ ವರ್ತಿಸುವುದಿಲ್ಲ. ವಿನಯ್​ ಗೌಡ ಅವರದ್ದು ಅತಿಯಾಯಿತು ಎನ್ನುತ್ತಿದ್ದರೆ, ಮತ್ತೆ ಕೆಲವರು ಅದು ಅವರ ಮಾತಲ್ಲ, ಬದಲಿಗೆ ಅವರಿಗೆ ಬರುವ ಇನ್​ಸ್ಟ್ರಕ್ಷನ್​ ಪ್ರಕಾರ, ಅವರು ಮಾತನಾಡುತ್ತಾರಷ್ಟೇ. ಇಂಥ ಷೋಗಳಲ್ಲಿ ನಡೆಯುವುದು ಎಲ್ಲವೂ, ಅವರ ಹಾವ ಭಾವ, ರಿಯಾಕ್ಷನ್​, ಮಾತು ಎಲ್ಲವೂ ಕಂಟ್ರೋಲ್​​ ಆಗಿರುತ್ತದೆ. ಅವರಿಗೆ ಹೇಳಿದಂತೆ ಆ್ಯಕ್ಟ್​ ಮಾಡಬೇಕಷ್ಟೇ. ವಿನಾ ಕಾರಣ, ಅವರನ್ನು ದೂರಿ ಪ್ರಯೋಜನ ಇಲ್ಲ. ಇದಕ್ಕಾಗಿಯೇ ಅವರಿಗೆ ಹಣ ನೀಡೋದು, ಎಲ್ಲರೂ ಟಿಆರ್​ಪಿಗಾಗಿ ಎಂದು ಕಮೆಂಟ್​ ಮಾಡುತ್ತಿದ್ದಾರೆ.

ಟ್ರೋಲ್​ ಎಂಜಾಯ್​

ಈ ಬಗ್ಗೆ ಖುದ್ದು ವಿನಯ್​ ಗೌಡ ಅವರೇ ಹೇಳಿದ್ದು, ನಾನು ಟ್ರೋಲ್​ಗಳನ್ನು ತುಂಬಾ ಎಂಜಾಯ್​ ಮಾಡುತ್ತೇನೆ. ಹೆಚ್ಚು ಟ್ರೋಲ್​ ಆದಷ್ಟೂ ನನಗೆ ಖುಷಿ, ಡಿಮಾಂಡ್​ ಜಾಸ್ತಿಯಾಗುತ್ತದೆ ಎಂದಿದ್ದಾರೆ.

ಗೆಟ್​ಔಟ್​ ಎಂದ ವಿನಯ್​ ಗೌಡ

ಆದರೆ, ಇದೀಗ ವಿನಯ್​ ಗೌಡ ಅವರು ಸ್ಪರ್ಧಿಯೊಬ್ಬರಿಗೆ ಗೆಟ್​ಔಟ್​ ಎನ್ನುವ ಮೂಲಕ ಭಾರಿ ಟೀಕೆಗೆ ಗುರಿಯಾಗಿದ್ದಾರೆ. ಅಷ್ಟಕ್ಕೂ ಆಗಿದ್ದೇನೆಂದರೆ, ಶ್ರೇಯಸ್ ಎಂಬ ಸ್ಪರ್ಧಿಯೊಬ್ಬರು, ತಮಗಿಂತಲೂ ಅಭಿಷೇಕ್ ಎಂಬ ಸ್ಪರ್ಧಿಗೆ ಈ ಶೋನಲ್ಲಿ ಮುಂದುವರಿಯುವ ಅಗತ್ಯತೆ ಹೆಚ್ಚಿದೆ ಎಂಬ ಕಾರಣ ನೀಡಿ ತಮ್ಮ ಟಾಸ್ಕ್ ಬಿಟ್ಟುಕೊಡಲು ಮುಂದಾದರು.

ಅಲ್ಲಿ ಆಗಿದ್ದೇನು?

ಇದನ್ನು ಕಂಡು ಕೋಪದಿಂದ ವಿನಯ್ ಗೌಡ, ʻಈ ವೇದಿಕೆಯನ್ನು ಇನ್ಸಲ್ಟ್ ಮಾಡಬೇಡಿ, ಪ್ಲೀಸ್ ಗೆಟ್ ಔಟ್ʼ ಎಂದರು. ಅದಕ್ಕೆ ಶ್ರೇಯಸ್​, ಇನ್ನೊಬ್ಬ ಸ್ಪರ್ಧಿಗೋಸ್ಕರ ನಾನು ಟಾಸ್ಕ್‌ ಗೀವ್‌ ಅಪ್‌ ಮಾಡಬಹುದಾ ಎಂದು ಪ್ರಶ್ನಿಸಿದರು. ಜೊತೆಗೆ ಗೆಟ್​ಔಟ್ ಎಂದದ್ದಕ್ಕೆ, ನಾನಿಲ್ಲಿ ಗೆಟ್‌ ಔಟ್‌ ಅನಿಸಿಕೊಳ್ಳೋದಕ್ಕೆ ಬಂದಿಲ್ಲ. ನನಗೂ ನಿಮಗೂ ಏನಾದರೂ ವಾದ-ವಿವಾದ ಇದ್ರೆ ಗೆಟ್‌ ಔಟ್‌ ಅನ್ಬಹುದು ಎಂದರು.

ಟೀಕೆಗೆ ವಿನಯ್​ ಗೌಡ ವರ್ತನೆ

ಅದಕ್ಕೆ ವಿನಯ್‌ ಗೌಡ ಅವರು, ಈ ವೇದಿಕೆ ಕೊಟ್ಟಿರೋದು, ನಿಮಗೆ ಬೇಕಾದವರಿಗೆಲ್ಲಾ ಕೊಟ್ಟು ಕೊಟ್ಟು ಹೋಗ್ತಾ ಇರೋದಕ್ಕೆ ಅಲ್ಲ ಡೋಂಟ್‌ ಇನ್ಸಲ್ಟ್‌ ದಿಸ್‌ ಸ್ಟೇಜ್ ಎಂದಾಗ ಶ್ರೇಯಸ್​, ನಾನು ಇನ್ಸಲ್ಟ್‌ ಮಾಡ್ತಿಲ್ಲ ಎಂದು ಹೇಳಿ ಶೋನಿಂದ ಹೊರಕ್ಕೆ ಬಂದರು. ವಿನಯ್​ ಗೌಡ ವರ್ತನೆ ಸಿಕ್ಕಾಪಟ್ಟೆ ಟೀಕೆಗೆ ಒಳಗಾಗುತ್ತಿದೆ.