Shravani Subramanya Serial ಮುಗಿಯುತ್ತಲೇ ಆ ಹುಡುಗಿಯ ನೆನಪು ಶೇರ್​ ಮಾಡಿದ ಸುಬ್ಬು

ಜೀ ಕನ್ನಡದ ಜನಪ್ರಿಯ ಧಾರಾವಾಹಿ 'ಶ್ರಾವಣಿ ಸುಬ್ರಹ್ಮಣ್ಯ' ಎರಡು ವರ್ಷಗಳ ನಂತರ ಮುಕ್ತಾಯದ ಹಂತ ತಲುಪಿದೆ. ಈ ಹಿನ್ನೆಲೆಯಲ್ಲಿ, ನಾಯಕ ನಟ ಅಮೋಘ್ (ಸುಬ್ಬು) ಅವರು ಸೀರಿಯಲ್ ಪಯಣ, ಅಭಿಮಾನಿಗಳಿಂದ ಸಿಕ್ಕ ಪ್ರೀತಿ ಮತ್ತು ಸಹನಟಿಯೊಂದಿಗಿನ ಮೊದಲ ಭೇಟಿಯ ಅನುಭವವನ್ನು ಹಂಚಿಕೊಂಡಿದ್ದಾರೆ.

ಮುಕ್ತಾಯ ಹಂತದಲ್ಲಿ ಶ್ರಾವಣಿ ಸುಬ್ರಹ್ಮಣ್ಯ

ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ಶ್ರಾವಣಿ ಸುಬ್ರಹ್ಮಣ್ಯ ಸೀರಿಯಲ್​ ಮುಕ್ತಾಯ ಆಗುತ್ತಿದೆ. ಈ ಸೀರಿಯಲ್​ 2024ರ ಮಾರ್ಚ್‌ 18ರಿಂದ ಆರಂಭವಾಗಿತ್ತು. ಇದಾಗಲೇ ಎರಡು ವರ್ಷ ಪೂರೈಸಿದೆ ಸೀರಿಯಲ್​. ಇದಾಗಲೇ ಅಂತಿಮ ಎಪಿಸೋಡ್​ಗಳು ಪ್ರಸಾರ ಆಗುತ್ತಿದೆ.

ಬರುತ್ತಾ ಕುಸಿದ ಟಿಆರ್​ಪಿ

ಆರಂಭದಲ್ಲಿ ಸಿಕ್ಕಾಪಟ್ಟೆ ಟಿಆರ್​ಪಿ ಕಂಡಿದ್ದ ಸೀರಿಯಲ್​ ಬರಬರುತ್ತಾ ವೀಕ್ಷಕರ ಸಂಖ್ಯೆಯಲ್ಲಿ ಕುಸಿತ ಕಂಡುಬಂತು. ಇದಕ್ಕೆ ಒಂದು ಕಾರಣ, ವೇಳೆಯ ಬದಲಾವಣೆ ಎಂದು ಹೇಳಲಾಗುತ್ತಿದೆಯಾದರೂ, ಕಾರಣಗಳು ಬೇರೆ ಬೇರೆ ಇರಬಹುದು. ಅದೇನೆ ಇದ್ದರೂ ಸೀರಿಯಲ್​ ಅನ್ನು ಈಗ ಮುಕ್ತಾಯ ಮಾಡಲಾಗುತ್ತಿದೆ.

ವೀಕ್ಷಕರ ಪ್ರೀತಿ

ಇದೀಗ ಸುಬ್ಬು ಪಾತ್ರಧಾರಿ ಅಮೋಘ್​ ಅವರು ವಿಡಿಯೋ ಒಂದನ್ನು ಶೇರ್​ ಮಾಡಿಕೊಂಡು ಆ ಹುಡುಗಿ ನೆನಪು ಮಾಡಿಕೊಂಡಿದ್ದಾರೆ. ಕಲಾವಿದರೊಬ್ಬರಿಗೆ ವೀಕ್ಷಕರು ನೀಡುವ ಪ್ರೀತಿಯೇ ದೊಡ್ಡ ಉಡುಗೊರೆ. ಅಂಥದ್ದರಲ್ಲಿ ಮೈಸೂರಿನಿಂದ ನಟ ಅಮೋಘ್​ ಅವರನ್ನು ಭೇಟಿ ಮಾಡಲು ಬಂದ ಹುಡುಗಿಯೊಬ್ಬಳು, ಅವರಿಗೆ ವಾಚ್ ಗಿಫ್ಟ್​ ಕೊಟ್ಟಿರುವುದನ್ನು ನಟ ನೆನಪಿಸಿಕೊಂಡಿದ್ದಾರೆ.

ತುಂಬಾ ಖುಷಿ ಕೊಟ್ಟಿತು

ಇದು ನನಗೆ ಸಿಕ್ಕಾಪಟ್ಟೆ ಖುಷಿ ಕೊಟ್ಟಿತು. ಅವರು ನಮ್ಮ ಸೆಟ್​ ಹುಡುಕಲು ತುಂಬಾ ಶ್ರಮ ಪಟ್ಟಿದ್ದಾರೆ. ಕೊನೆಗೂ ಸೆಟ್​ಗೆ ಬಂದು ವಾಚ್​ ಗಿಫ್ಟ್​ ಮಾಡಿದರು. ಒಬ್ಬ ನಟನಿಗೆ ಇಷ್ಟೊಂದುಪ್ರೀತಿ ಸಿಕ್ಕರೆ ತುಂಬಾ ಖುಷಿಯಾಗುತ್ತದೆ. ನಮ್ಮ ಜನ್ಮ ಸಾರ್ಥಕವಾಗುತ್ತದೆ. ನಟರಿಗೆ ಬೇಕಿರುವುದು ವೀಕ್ಷಕರ ಅಪಾರ ಪ್ರೀತಿ ಎಂದಿದ್ದಾರೆ ಅಮೋಘ್​.

ನಟ ಅಮೋಘ್​ ಕುರಿತು

ಇನ್ನು, ನಟ ಅಮೋಘ್​ ಕುರಿತು ಹೇಳುವುದಾದರೆ, ಅಮೋಘ್ ಈ ಮೊದಲು 'ಸತ್ಯ', 'ಅಂತರಪಟ', 'ಲಕ್ಷ್ಮೀ ಟಿಫನ್ ರೂಮ್' ಎಂಬ ಧಾರಾವಾಹಿಗಳಲ್ಲಿ ಒಟ್ಟೊಟ್ಟಿಗೆ ನಟಿಸುತ್ತಿದ್ದರು. ಮೂರರಲ್ಲೂ ಸಪೋರ್ಟಿಂಗ್ ಕ್ಯಾರೆಕ್ಟರ್ ಮಾಡಿದ್ದರು. 'ಶ್ರಾವಣಿ ಸುಬ್ರಮಣ್ಯ' ಧಾರಾವಾಹಿಗೆ ಲೀಡ್ ರೋಲ್ ಆಗಿ ಕರೆದಾಗ, ಆ 3 ಧಾರಾವಾಹಿಗಳ ಪ್ರೊಡಕ್ಷನ್ ಬಳಿ ಮನವಿ ಮಾಡಿದ್ದರಂತೆ. ನಂಗೆ ಲೀಡ್ ರೋಲ್ ಸಿಕ್ಕಿದೆ. ನನಗೆ ರಿಲೀವ್ ಮಾಡಿ ಎಂದು.

ಮೊದಲ ಬಾರಿ ಭೇಟಿ

ಶ್ರಾವಣಿ- ಸುಬ್ಬು ಮೊದಲ ಭೇಟಿ ಶ್ರಾವಣಿಯನ್ನ ಭೇಟಿ ಮಾಡಿದ್ದು ಮಾತ್ರ ಸೆಟ್‌ನಲ್ಲಿಯೇ ಎಂದಿರುವ ಅಮೋಘ್, ಈ ಮೊದಲು ಕಲರ್ಸ್ ಕನ್ನಡದಲ್ಲಿ ನೋಡಿದ್ದೆ. ಅವರು ಆಗ ಸೀರಿಯಲ್ ಒಂದರಲ್ಲಿ ಲೀಡ್ ರೋಲ್ ಮಾಡಿದ್ದರು. ನಾನು ಆಗಿನ್ನು ಹೊಸಬ. ಆಟಿಟ್ಯೂಡ್ ತೋರಿಸ್ತಾರೇನೋ ಎಂದುಕೊಂಡಿದ್ದೆ. ಆದರೆ ಸೆಟ್‌ಗೆ ಹೋದಾಗಲೇ ಗೊತ್ತಾಗಿದ್ದು, ಎಲ್ಲರ ಜೊತೆಗೂ ತುಂಬಾ ಹೊಂದಾಣಿಕೆ ಮಾಡಿಕೊಳ್ಳುತ್ತಾರೆ ಅಂತ' ಎಂದಿದ್ದಾರೆ.