Bigg Bossನಲ್ಲಿ ರೋಚಕ ಟ್ವಿಸ್ಟ್​: ಸೂಟ್​ಕೇಸ್​ ಜೊತೆ ರವಿಚಂದ್ರನ್​ ಎಂಟ್ರಿ- 15 ಲಕ್ಷ ಬೇಡ ಎಂದ ಸ್ಪರ್ಧಿ!

ಬಿಗ್ ಬಾಸ್ ಫಿನಾಲೆಗೆ ಕ್ರೇಜಿ ಸ್ಟಾರ್ ರವಿಚಂದ್ರನ್ ಎಂಟ್ರಿ ಕೊಟ್ಟು, 15 ಲಕ್ಷ ರೂಪಾಯಿಗಳ ಆಫರ್ ನೀಡಿದ್ದಾರೆ. ಈ ಆಫರ್ ಅನ್ನು ಸ್ಪರ್ಧಿಗಳು ತಿರಸ್ಕರಿಸಿದ್ದು, ರವಿಚಂದ್ರನ್ ಅವರು ಕಾವ್ಯಾ ಶೈವ ಅವರನ್ನು ಮನೆಯಿಂದ ಹೊರಗೆ ಕರೆತಂದಿದ್ದಾರೆ.

ರವಿಚಂದ್ರನ್​ ಎಂಟ್ರಿ

ಬಿಗ್​ಬಾಸ್​ ವಿಜೇತರು ಯಾರು ಎಂದು ಘೋಷಿಸಲು ಇನ್ನು ಕ್ಷಣಗಣನೆ ಆರಂಭವಾಗಿರುವ ಬೆನ್ನಲ್ಲೇ, ಕುತೂಹಲ ಎನ್ನುವಂತೆ ಕ್ರೇಜಿ ಸ್ಟಾರ್​ ರವಿಚಂದ್ರನ್​ ಮನೆಯೊಳಕ್ಕೆ ಎಂಟ್ರಿ ಕೊಟ್ಟಿದ್ದಾರೆ.

15 ಲಕ್ಷದ ಆಫರ್​

ಇವರು ಕೈಯಲ್ಲಿ ಸೂಟ್​ಕೇಸ್​ ಹಿಡಿದು ಹೋಗಿದ್ದಾರೆ. 5 ಲಕ್ಷದಿಂದ 15 ಲಕ್ಷಗಳ ಆಫರ್​ ಸ್ಪರ್ಧಿಗಳಿಗೆ ಒಡ್ಡಿದ್ದರೂ ಅದನ್ನು ಸ್ಪರ್ಧಿಗಳು ಬೇಡ ಎಂದಿದ್ದಾರೆ. ಇಲ್ಲೇ ಇರೋದು ಸಕತ್​ ಇಂಟರೆಸ್ಟಿಂಗ್​ ವಿಷ್ಯ.

ಕಾವ್ಯಾ ಹೊರಕ್ಕೆ

ಅದೇನೆಂದರೆ, ಬಿಗ್​​ಬಾಸ್ ಫಿನಾಲೆಯಿಂದ ಇದಾಗಲೇ ಗಿಲ್ಲಿ ನಟ ಅವರ ಕಾವು ಅರ್ಥಾತ್​ ಕಾವ್ಯಾ ಶೈವ ಹೊರಕ್ಕೆ ಬಂದಿದ್ದಾರೆ. ನಟ ರವಿಚಂದ್ರನ್​ ಅವರು ಕಾವ್ಯಾ ಅವರನ್ನು ಹೊರಕ್ಕೆ ಕರೆದುಕೊಂಡು ಬಂದಿದ್ದು, ಮತ್ತೆ ಯಾರು ಹೊರಕ್ಕೆ ಹೋಗಲು ಇಷ್ಟಪಡುತ್ತಾರೆಯೋ ಅವರಿಗೆ ಐದು ಲಕ್ಷದ ಆಫರ್​ ನೀಡಿದರು. ಕೊನೆಗೆ ಅದನ್ನು 15 ಲಕ್ಷಕ್ಕೆ ಏರಿಸಲಾಯಿತು.

ಗೆಲುವು ಯಾರಿಗೆ?

ಆದರೆ, ಯಾರೂ ಕೂಡ ರವಿಚಂದ್ರನ್​ ಅವರ ಆಫರ್​ ಒಪ್ಪಲಿಲ್ಲ. ಈ ಹಂತದವರೆಗೆ ಬಂದು, ಅದನ್ನು ಸ್ಪರ್ಧಿಗಳು ಒಪ್ಪುವುದಾದರೂ ಹೇಗೆ? ಅಷ್ಟಕ್ಕೂ ಇದೀಗ ಕಣದಲ್ಲಿ ಗೌಡ, ರಕ್ಷಿತಾ ಶೆಟ್ಟಿ, ಗಿಲ್ಲಿ ನಟ ಇದ್ದಾರೆ. ಇವರಲ್ಲಿ ಗೆಲುವು ಯಾರಿಗೆ ಎನ್ನುವುದು ಇನ್ನಷ್ಟೇ ತಿಳಿಯಬೇಕಿದೆ.

37 ಕೋಟಿ ವೋಟ್​

ಇದಾಗಲೇ ಬಿಗ್​ಬಾಸ್​ ಮನೆಯ ಹೊರಗೆ ಅಭಿಮಾನಿಗಳ ಗಲಾಟೆ ಜೋರಾಗಿ ನಡೆಯುತ್ತಿದೆ. ವಿನ್ನರ್​ಗೆ 37ಕೋಟಿ ವೋಟ್​ ನಿನ್ನೆಯೇ ಬಂದಿರುವ ಬಗ್ಗೆ ಸುದೀಪ್​  ಘೋಷಿಸಿದ್ದರು. ಇನ್ನು ಕೆಲವೇ ಕ್ಷಣಗಳಲ್ಲಿ ಫಿನಾಲೆ ನಡೆಯಲಿದೆ.