ದೇವ್ರೇ ಅಮ್ಮ ಈ ವಿಡಿಯೋ ನೋಡದಿರಲಪ್ಪ ಎಂದು ಚಪ್ಪಲಿ ತೋರಿಸಿದ ನಮ್ರತಾ ಗೌಡ: ಅಂಥ ಗುಟ್ಟೇನಿದೆ ನೋಡಿ!

'ಕರ್ಣ' ಸೀರಿಯಲ್ ಖ್ಯಾತಿಯ ನಟಿ ನಮ್ರತಾ ಗೌಡ ಅವರು ತಮ್ಮ ಹೊಸ ಚಪ್ಪಲಿಯ ವಿಡಿಯೋ ಹಂಚಿಕೊಂಡಿದ್ದಾರೆ. ಒಂದು ಫಂಕ್ಷನ್‌ಗಾಗಿ  ದುಬಾರಿ ಚಪ್ಪಲಿ ಖರೀದಿಸಿದ್ದು, ಈ ವಿಷಯ ಅಮ್ಮನಿಗೆ ತಿಳಿದರೆ ಬೈಯ್ಯುತ್ತಾರೆ ಎಂದು ತಮಾಷೆಯಾಗಿ ಹೇಳಿಕೊಂಡಿದ್ದಾರೆ.  ಎಷ್ಟು ಇದರ ಬೆಲೆ ನೋಡಿ! 

ಕರ್ಣ ಸೀರಿಯಲ್​ ನಿತ್ಯಾ

Bigg Boss ಖ್ಯಾತಿಯ ನಮ್ರತಾ ಗೌಡ (Namruta Gowda) ಸದ್ಯ ಕರ್ಣ ಸೀರಿಯಲ್​ನಲ್ಲಿ ನಿತ್ಯಾ ಪಾತ್ರದ ಮೂಲಕ ಎಲ್ಲರನ್ನೂ ರಂಜಿಸುತ್ತಿದ್ದಾರೆ. ಆರಂಭದಲ್ಲಿ ಕರ್ಣನ ಮೇಲೆ ಕೋಪ ಮಾಡಿಕೊಳ್ಳುವ ಕಾರಣದಿಂದಾಗಿ ವೀಕ್ಷಕರಿಂದ ಸಾಕಷ್ಟು ಟ್ರೋಲ್​ಗೆ ಒಳಗಾಗಿದ್ದ ನಮ್ರತಾ ಮೇಲೆ ಈಗ ಅಭಿಮಾನಿಗಳು ಪ್ರೀತಿಯ ಧಾರೆಯನ್ನೇ ಹರಿಸುತ್ತಿದ್ದಾರೆ.

ಅಮ್ಮ ನೋಡೋದು ಬೇಡಪ್ಪಾ...

ಇದೀಗ ನಟಿ ಒಂದು ವಿಡಿಯೋ ಶೇರ್​ ಮಾಡಿದ್ದಾರೆ. ಬಾಕ್ಸ್​ ಒಂದನ್ನು ತೋರಿಸಿರುವ ನಮ್ರತಾ ಗೌಡ, ಈ ವಿಡಿಯೋ ಅನ್ನು ನನ್ನ ಅಮ್ಮ ನೋಡದಿರಲಪ್ಪ ಎನ್ನುತ್ತಲೇ ಓಪನ್​ ಮಾಡಿದ್ದಾರೆ.

ನಟಿ ಹಾಗೆ ಹೇಳಿದ್ದೇಕೆ?

ಅದರಲ್ಲಿ ಇರುವುದು ಒಂದು ಚಪ್ಪಲು. ಚಪ್ಪಲು ತೆಗೆದುಕೊಂಡರೆ ಅಮ್ಮ ಬೈತಾರಾ ಎಂದು ಕೇಳಬಹುದು. ಅಷ್ಟಕ್ಕೂ ಸೆಲೆಬ್ರಿಟಿಗಳಿಗೆ ದುಬಾರಿ ಬಟ್ಟೆ, ಚಪ್ಪಲಿ, ಮೇಕಪ್​ ಇಂಥ ಸಾಮಗ್ರಿಗಳೇ ಪ್ರಪಂಚ, ಅದು ಅವರಿಗೆ ಅನಿವಾರ್ಯವೂ ಹೌದು. ಆದರೆ ಹೀಗೆ ನಟಿ ಹೇಳುವ ಹಿಂದೆ ಒಂದು ಕಾರಣವೂ ಇದೆ.

ಇಷ್ಟೊಂದು ದುಬಾರಿನಾ?

ಅದೇನೆಂದರೆ, ಈ ಚಪ್ಪಲಿಗೆ 15 ಸಾವಿರ ರೂಪಾಯಿಗಳಂತೆ! ಅಷ್ಟೊಂದು ದುಬಾರಿ ಬೆಲೆಯ ಚಪ್ಪಲಿ ಲೈಫ್​ನಲ್ಲಿ ಇದೇ ಮೊದಲು ಕೊಂಡಿದ್ದು, ಒಂದು ಫಂಕ್ಷನ್​ಗೆ ಹೋಗಲು ಚಪ್ಪಲಿ ಬೇಕಿತ್ತು. ಆದರೆ ಯಾವುದೂ ಸೂಟ್​ ಆಗಲಿಲ್ಲ. ಕೊನೆಗೆ ಇದನ್ನು ತೆಗೆದುಕೊಂಡೆ ಎಂದು ನಮ್ರತಾ ಹೇಳಿದ್ದಾರೆ.

ಕಮೆಂಟಿಗರು ಏನಂದ್ರು?

ಹಾಗೆ ಮೇಲಿಂದ ನೋಡಿದರೆ ಈ ಚಪ್ಪಲಿಗೆ ಅಷ್ಟೊಂದು ದುಬಾರಿ ಬೆಲೆ ಎಂದು ಎನ್ನಿಸುವುದಿಲ್ಲ ಎಂದು ಹಲವರು ಕಮೆಂಟ್​ನಲ್ಲಿ ಹಾಕಿದ್ದಾರೆ. ಇದಕ್ಕೆ 200-300 ರೂಪಾಯಿ ಕೊಟ್ಟರೆ ಹೆಚ್ಚು ಎಂದಿದ್ದಾರೆ.

ಸಿಂಪಲ್​ ಆದ್ರೂ ದುಬಾರಿ

ಆದರೆ ಕಂಪೆನಿಗಳ ಚಪ್ಪಲಿ ನೋಡಲು ಸಿಂಪಲ್​ ಆಗಿದ್ದರೂ ದುಬಾರಿ ಇರುವುದು ಎಲ್ಲರಿಗೂ ತಿಳಿದದ್ದೇ. ಆದ್ದರಿಂದ ಇಷ್ಟೊಂದು ದುಬಾರಿಯ ಚಪ್ಪಲಿ ಕೊಂಡದ್ದು ಅಮ್ಮನಿಗೆ ತಿಳಿಯುವುದು ಬೇಡ ಎನ್ನುವುದು ನಟಿಯ ಆಸೆ.

ವೈರಲ್​ ಆಗ್ತಿವೆ ಚಪ್ಪಲಿ

ಒಟ್ಟಿನಲ್ಲಿ ನಮ್ರತಾ ಗೌಡ ಅವರ ಈ ಹೊಸ ಚಪ್ಪಲಿ ತಹರೇವಾರಿ ಕಮೆಂಟ್ಸ್​ಗಳಿಗೆ ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿದೆ.