Lakshmi Nivasa: ರೀ... ರೀ... ಅಂತಿದ್ದ ಚಿನ್ನುಮರಿ ಈಗ ರೆಬಲ್​: ಜಾನು ಫೈಟಿಂಗ್​ಗೆ ವೀಕ್ಷಕರು ಸುಸ್ತು

ಪತಿಯ ಸೈಕೋ ಪ್ರೀತಿಗೆ ಬೇಸತ್ತು ತಿರುಗಿಬಿದ್ದಿರುವ ಜಾಹ್ನವಿ, ಇದೀಗ ಆತನ ಮತ್ತೊಂದು ಕ್ರೂರ ಮುಖವನ್ನು ಕಂಡಿದ್ದಾಳೆ. ತನ್ನ ಅಣ್ಣನ ಅಮ್ಮನನ್ನು ಪಾರು ಮಾಡಲು ಮಾರುವೇಷದಲ್ಲಿ ಹೋಗಿ, ಗಂಡನಿಗೆ ತಿಳಿಯದಂತೆ ಆತನ ವಿರುದ್ಧ ಸೇಡು ತೀರಿಸಿಕೊಳ್ಳಲು ಮುಂದಾಗಿದ್ದಾಳೆ.

ರೋಚಕ ಟ್ವಿಸ್ಟ್​

ಲಕ್ಷ್ಮೀ ನಿವಾಸ (Lakshmi Nivasa) ಸೀರಿಯಲ್​ನಲ್ಲಿ ಇದೀಗ ರೋಚಕ ಟ್ವಿಸ್ಟ್​ ಸಿಕ್ಕಿದೆ. ಗಂಡನ ಅತಿಯಾದ ಸೈಕೋ ಪ್ರೀತಿಯೇ ಮುಳುವಾಗಿ, ತಲೆಮರೆಸಿಕೊಂಡಿದ್ದ ಜಾಹ್ನವಿಗೆ ಈಗ ಗಂಡನ ಇನ್ನೊಂದು ರೂಪವೂ ಗೊತ್ತಾಗಿದೆ. ಆತ ಈ ಜೀವನದಲ್ಲಿ ಸುಧಾರಿಸುವವನಲ್ಲ ಎಂದು ತಿರುಗಿ ಬಿದ್ದಿದ್ದಾಳೆ ಜಾಹ್ನವಿ.

ಪ್ರೀತಿಯ ಹೆಸರಿನಲ್ಲಿ ಟಾರ್ಚರ್​

ಪ್ರೀತಿಯ ಹೆಸರಿನಲ್ಲಿ ಹೇಗೆ ಜಯಂತ್​ ಟಾರ್ಚರ್​ ಕೊಡುತ್ತಿದ್ನೋ, ಅದೇ ರೀತಿ ಜಾಹ್ನವಿ ಈಗ ಆತನ ಮೇಲೆ ಸೇಡು ತೀರಿಸಿಕೊಳ್ಳುತ್ತಿದ್ದಾರೆ. ಇದೀಗ ತನ್ನ ಅಣ್ಣನ ಅಮ್ಮನನ್ನು ಜಯಂತ್​ ಕೂಡಿಹಾಕಿ ಚಿತ್ರಹಿಂಸೆ ಕೊಡುವುದು ಜಾಹ್ನವಿಗೆ ತಿಳಿದಿದೆ. ವಿಶ್ವನ ಸಹಾಯದಿಂದ ಆಕೆ ಅಮ್ಮ ಎಲ್ಲಿದ್ದಾಳೆ ಎನ್ನುವುದನ್ನು ಪತ್ತೆ ಹಚ್ಚಿದ್ದಾಳೆ.

ರೆಬಲ್​ ಆದ ಜಾಹ್ನವಿ

ಇದೀಗ ಗಂಡನನ್ನೇ ಯಾಮಾರಿಸಿ ವಿಶ್ವನ ಸಹಾಯದಿಂದ ಅಮ್ಮ ಇರುವ ಕಡೆಗೆ ಹೋಗಿ ಬಿಡಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದಾಳೆ. ಈ ಸಂದರ್ಭದಲ್ಲಿ ಆಕೆ ರೆಬಲ್​ ಆಗಿದ್ದಾಳೆ.

ಮಾರುವೇಷದಲ್ಲಿ ಚಿನ್ನುಮರಿ

ಮಾರುವೇಷದಲ್ಲಿ ಹೋಗಿರುವ ಚಿನ್ನುಮರಿ ರೌಡಿಗಳ ಜೊತೆ ಫೈಟಿಂಗ್​ ಮಾಡಿದ್ದಾಳೆ. ಅಷ್ಟಕ್ಕೂ ಇದಾಗಲೇ ಹಲವಾರು ಸೀರಿಯಲ್​ಗಳಲ್ಲಿ ನಾಯಕಿಯರು ರೌಡಿಗಳ ಜೊತೆ ಫೈಟಿಂಗ್ ಮಾಡಿರುವುದನ್ನು ನೀವು ನೋಡಿರುತ್ತೀರಿ. ವೀಕ್ಷಕರ ಪೈಕಿ ಹೆಚ್ಚಿನವರು ಮಹಿಳೆಯರೇ ಆಗಿರುವ ಕಾರಣದಿಂದ ಈ ರೋಚಕತೆಯನ್ನು ಧಾರಾವಾಹಿಗಳಲ್ಲಿ ತರಲಾಗುತ್ತದೆ. ಅದೇ ರೀತಿ ಈಗ ಲಕ್ಷ್ಮೀ ನಿವಾಸದಲ್ಲಿಯೂ ಫೈಟಿಂಗ್​ ದೃಶ್ಯವನ್ನು ಸೇರಿಸಲಾಗಿದೆ.

ಸೇಡು ತೀರಿಸಿಕೊಳ್ಳಲು ಹವಣಿಕೆ

ಗಂಡನಿಗೆ ಡೌಟೇ ಬಾರದಂತೆ ರೀ ರೀ... ಎನ್ನುತ್ತಲೇ ಗಂಡನ ವಿರುದ್ಧ ಸೇಡು ತೀರಿಸಿಕೊಳ್ಳಲು ಹವಣಿಸುತ್ತಿರುವ ಜಾಹ್ನವಿಯ ರೆಬಲ್​ ರೂಪ ನೋಡಿ ವೀಕ್ಷಕರಂತೂ ಫುಲ್​ ಖುಷ್​ ಆಗಿದ್ದಾರೆ.

ಸಿಕ್ಕಿಬಿದ್ದ ಸಂತೋಷ್​

ಅದೇ ಇನ್ನೊಂದೆಡೆ, ವಿಶ್ವನ ಅಮ್ಮನ ಸಾಯಿಸಿದ್ದು ವಿಡಿಯೋ ಮಾಡಿಕೊಂಡು ಬ್ಲ್ಯಾಕ್​ಮೇಲ್​ ಮಾಡುತ್ತಿದ್ದ ಸಂತೋಷ್​ ಜಯಂತ್​ ಕೈಯಲ್ಲಿ ಸಿಕ್ಕಿಬಿದ್ದಿದ್ದಾನೆ. ಆದರೆ, ಜಾಹ್ನವಿಗೋಸ್ಕರ ಆತನನ್ನು ಕ್ಷಮಿಸಿದ್ದಾನೆ.