Karna Serial: ಸಂಜಯ್​ ಕುತಂತ್ರಕ್ಕೆ ಬಲಿಯಾಗಿ ಹೋದಳಾ ನಿತ್ಯಾ? ಅಯ್ಯೋ ಇದೇನಾಗೋಯ್ತು?

ಕರ್ಣ ಸೀರಿಯಲ್​ನಲ್ಲಿ ನಿತ್ಯಾಳ ಗರ್ಭದ ಸತ್ಯ ವಿಲನ್‌ಗಳಿಗೆ ತಿಳಿದುಹೋಗಿದೆ. ಮದುವೆ ಸಂಭ್ರಮದ ನಡುವೆಯೇ, ಅವರು ನಿತ್ಯಾಳಿಗೆ ವಿಷ ಬೆರೆಸಿದ ಜ್ಯೂಸ್ ನೀಡಿ ಕೋಣೆಯಲ್ಲಿ ಕೂಡಿಹಾಕುವ ಮೂಲಕ ಭೀಕರ ಸಂಚು ರೂಪಿಸಿದ್ದಾರೆ. ಈ ಕುತಂತ್ರದಿಂದ ನಿತ್ಯಾ ತನ್ನ ಮಗುವನ್ನು ಕಳೆದುಕೊಳ್ಳುವ ಅಪಾಯದಲ್ಲಿದ್ದಾಳೆ.

ಭಾರಿ ಅನಾಹುತ

ಕರ್ಣ ಸೀರಿಯಲ್​ನಲ್ಲಿ (Karna Serial) ತೇಜಸ್​ ಆಗಮನ ಆಗುತ್ತಿದ್ದಂತೆಯೇ ಇನ್ನೆಲ್ಲವೂ ಸುಸೂತ್ರವಾಗಿ ನಡೆಯುತ್ತದೆ. ನಿಧಿ ಮತ್ತು ಕರ್ಣ ಒಂದಾಗುತ್ತಾರೆ, ನಿತ್ಯಾಳ ಮದುವೆ ತೇಜಸ್​ ಜೊತೆ ಆಗುತ್ತದೆ ಎಂದುಕೊಳ್ಳುವಷ್ಟರಲ್ಲಿಯೇ ಭಾರಿ ಅನಾಹುತ ಆಗಿಹೋಗಿದೆ!

ಒಡಲ ಸತ್ಯ

ಅತ್ತ ಕರ್ಣ ಮತ್ತು ನಿಧಿ ಸೇರಿ ನಿತ್ಯಾ ಮತ್ತು ತೇಜಸ್​ ಮದುವೆಗೆ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ. ಆದರೆ ಅದಾಗಲೇ ನಿತ್ಯಾಳ ಒಡಲಿನ ಸತ್ಯ ವಿಲನ್​ ರಮೇಶ್​, ಸಂಜಯ್​ ಎಲ್ಲರಿಗೂ ತಿಳಿದುಬಿಟ್ಟಿದೆ. ಇಷ್ಟು ತಿಳಿಯುತ್ತಿದ್ದಂತೆಯೇ ಅವರು ಕುತಂತ್ರ ಹೆಣೆದಿದ್ದಾರೆ.

ಜ್ಯೂಸ್​ನಲ್ಲಿ ಮಿಕ್ಸ್​

ನಿತ್ಯಾಳ ಕೋಣೆಯಲ್ಲಿ ಇರುವ ಜ್ಯೂಸ್​ಗೆ ಏನೋ ಮಿಕ್ಸ್​ ಮಾಡಿ ಕೊಟ್ಟಿದ್ದಾರೆ. ಅದರ ಅರಿವಿಲ್ಲದೇ ನಿತ್ಯಾ ಅದನ್ನು ಕುಡಿದು ಬಿಟ್ಟಿದ್ದಾಳೆ.

ಬಾಗಿಲು ಲಾಕ್​

ಅತ್ತ ನಿತ್ಯಾ ಇರುವ ಕೋಣೆಯ ಬಾಗಿಲನ್ನು ಲಾಕ್​ ಮಾಡಿಕೊಂಡು ಹೋಗಿದ್ದಾನೆ ಸಂಜಯ್​. ನಿತ್ಯಾಳಿಗೆ ಸಂಕಟವಾಗಿದೆ, ಬಿದ್ದು ಹೊರಳಾಡುತ್ತಿದ್ದಾಳೆ. ಆದರೆ ಬಾಗಿಲು ಹಾಕಿರುವುದರಿಂದ ಅವಳಿಗೆ ಏನೂ ಮಾಡಲು ಆಗುತ್ತಿಲ್ಲ.

ನಿಧಿ ಗಾಬರಿ

ಅತ್ಯ ನಿಧಿ, ಅಕ್ಕನಿಗೆ ಕಾಲ್​ ಮಾಡಿದರೆ ಅವಳು ರಿಸೀವ್​ ಮಾಡದ ಬಗ್ಗೆ ಗಾಬರಿಯಾಗಿದ್ದಾಳೆ. ನಿಧಿ ಮಗುವನ್ನು ಕಳೆದುಕೊಳ್ತಾಳಾ? ವಿಲನ್​ಗಳ ಕುತಂತ್ರಕ್ಕೆ ಬಲಿಯಾಗ್ತಾಳಾ ಎನ್ನುವುದು ಸದ್ಯಕ್ಕಿರುವ ಕುತೂಹಲ.