Bigg Boss ಸ್ಪಂದನಾ ದುಬಾರಿ ಷರ್ಟ್​ ಕಳ್ಳಿನಾ? ಆ ದಿನ ನಡೆದ ಘಟನೆ ರಿವೀಲ್​! ​ಲವ್​ ಮಾರ್ಕ್​ ಹಾಕಿದ ಡಾಗ್​ ಸತೀಶ್

ಬಿಗ್ ಬಾಸ್ ಸ್ಪರ್ಧಿ ಡಾಗ್ ಸತೀಶ್, ತಮ್ಮ ದುಬಾರಿ ಷರ್ಟ್ ಅನ್ನು ಸ್ಪಂದನಾ ಕದ್ದಿದ್ದಾರೆ ಎಂಬ ಆರೋಪಕ್ಕೆ, ಸ್ಪಂದನಾ ಸಂದರ್ಶನವೊಂದರಲ್ಲಿ ಸ್ಪಷ್ಟನೆ ನೀಡಿದ್ದಾರೆ. ತಾನು ಆ ಷರ್ಟ್ ತೆಗೆದುಕೊಂಡಿಲ್ಲ ಮತ್ತು ಅದನ್ನು ಅರ್ಧ ಬೆಲೆಗೆ ಮಾರುವ ಬುದ್ಧಿ ತನಗಿಲ್ಲ ಎಂದು ಅವರು ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ.

ಟ್ರೋಲ್​ ಮೂಲಕ ಫೇಮಸ್​

ಬಿಗ್​ಬಾಸ್​​ (Bigg Boss) ನಿಂದ ಹೊರಕ್ಕೆ ಬರುತ್ತಿದ್ದಂತೆಯೇ ಸ್ಪರ್ಧಿಗಳು ಕೆಲ ದಿನಗಳ ಮಟ್ಟಿಗೆ ಸೆಲೆಬ್ರಿಟಿಗಳಾಗುತ್ತಾರೆ. ಎಲ್ಲಾ ಮಾಧ್ಯಮಗಳಲ್ಲಿ ಅವರೇ ಹೈಲೈಟ್​. ಅದೇ ರೀತಿ ಟ್ರೋಲ್​ ಮೂಲಕವೇ ಫೇಮಸ್​ ಆಗ್ತಿರೋರಲ್ಲಿ ಒಬ್ಬರು ಡಾಗ್​ ಸತೀಶ್!

ಸ್ಪಂದನಾ ಷರ್ಟ್​ ಕಳ್ಳಿ!

ತಾವು ಧರಿಸೋ ಬಟ್ಟೆಯಿಂದ ಹಿಡಿದು ಮಾತೆತ್ತಿದರೆ ಕೋಟಿ ಕೋಟಿಯಲ್ಲಿಯೇ ಮಾತನಾಡೋ, ತಾವು ಸುರಸುಂದರಾಂಗ ಎಂದು ಬಣ್ಣಿಸಿಕೊಳ್ತಿರೋ ಡಾಗ್​ ಸತೀಶ್​ ನೆಗೆಟಿವ್​ ಕಮೆಂಟ್ಸ್​ ಮೂಲಕವೇ ಪ್ರಚಾರದಲ್ಲಿ ಇದ್ದಾರೆ! ಅದರಲ್ಲಿ ಒಂದು ಅವರು ತಮ್ಮ ದುಬಾರಿ ಷರ್ಟ್​ ಅನ್ನು ಸ್ಪಂದನಾ ಅವರು ಕದ್ದರು ಎಂದು ಹೇಳಿದ್ದು.

ಡಾಗ್​ ಸತೀಶ್​​ ದುಬಾರಿ ಷರ್ಟ್​

ಅದರ ಬಗ್ಗೆ ಸುದೀಪ್​ ಕೂಡ ಬಿಗ್​ಬಾಸ್​​ನಲ್ಲಿ ಚರ್ಚಿಸಿದ್ದರು. ಡಾಗ್ ಸತೀಶ್ ಬಿಗ್ ಬಾಸ್ ಮನೆಯಲ್ಲಿ ಇದ್ದ ಸಂದರ್ಭದಲ್ಲಿ ಸ್ಪಂದನಾ ಅವರಿಗೆ ಒಂದು ದುಬಾರಿ ಶರ್ಟ್ ಕೊಟ್ಟಿದ್ದರಂತೆ. ಆ ಶರ್ಟ್‌ ಸ್ಪಂದನಾ ಹಾಳು ಮಾಡಿದ್ದಾರೆ ಎಂದು ಮಾಧ್ಯಮಗಳಿಗೆ ಡಾಗ್ ಸತೀಶ್​ ಹೇಳಿಕೆ ಕೊಡುತ್ತಿರುವ ಬಗ್ಗೆ ಏಷ್ಯಾನೆಟ್​ ಸುವರ್ಣಗೆ(Asianet Suvarna Inteview) ನೀಡಿರುವ ಸಂದರ್ಶನದಲ್ಲಿ ಮಾತನಾಡಿದ್ದಾರೆ.

ನಾನೇನ್​ ಮಾಡ್ಲಪ್ಪಾ?

ಈ ಪ್ರಶ್ನೆ ಕೇಳುತ್ತಿದ್ದಂತೆಯೇ ಅಯ್ಯಯ್ಯೋ ಅವರ ಷರ್ಟ್​ ತಗೊಂಡು ನಾನೇನು ಮಾಡ್ಲಪ್ಪಾ ಎಂದು ಕೇಳಿದರು. ಈ ಬಗ್ಗೆ ಸುದೀಪ್​ ಅವರು ಪ್ರಶ್ನೆ ಮಾಡಿದಾಗ, ಮನೆಯಲ್ಲಿ ಎಲ್ಲರೂ ನನ್ನನ್ನು ರೇಗಿಸ್ತಾ ಇದ್ದರು. ಸ್ಪಂದನಾನ್ನು ಹೊರಗಡೆಯೂ ಫೇಮಸ್​ ಮಾಡ್ತಾ ಇದ್ದಾರೆ ಅಂತ. ನಿಜವಾಗ್ಲೂ ಆ ಷರ್ಟ್​ ನಾನು ತೆಗೆದುಕೊಂಡಿಲ್ಲ ಎಂದಿದ್ದಾರೆ.

ಹಾಫ್​ ರೇಟ್​ಗೆ ಷರ್ಟ್​!

ಅವರ ಷರ್ಟ್​ ನನ್ನ ಹತ್ತಿರ ಇಲ್ಲ. ನಾನು ತಗೊಂಡು ಏನು ಮಾಡಲಿ. ಹಾಫ್​ ರೇಟ್​ಗೆ ಮಾರಿಕೊಳ್ಳುವ ಬುದ್ಧಿ ಅಂತೂ ನನಗೆ ಇಲ್ಲ. ವೀಕೆಂಡ್​ನಲ್ಲಿ ಒಮ್ಮೆ ಷರ್ಟ್​ ಕೊಡಿ ಎಂದು ಎತ್ತಿಕೊಂಡಿದ್ವಿ. ಆದರೆ ಅದನ್ನು ಇಮ್ಮೀಡಿಯೆಟ್​ ಆಗಿ ಅವರು ವಾಪಾಸ್​ ತೆಗೆದುಕೊಂಡಿದ್ರು ಎಂದಿದ್ದಾರೆ. ಕುತೂಹಲ ಎಂದರೆ, ಈ ವಿಡಿಯೋಗೆ ಡಾಗ್​ಸತೀಶ್​ ಕೂಡ ಲವ್​ ಮಾರ್ಕ್​ ಹಾಕಿದ್ದಾರೆ! ಅದಕ್ಕೆ ಹಲವಾರು ಮಂದಿ ಬೈದು ರಿಪ್ಲೈ ಮಾಡಿದ್ದಾರೆ!