Bigg Bossಗೆ ಹೋಗಿ ಬಂದ್ಮೇಲೆ ಮೆಸೇಜ್​ ಹಾಕೋದೂ ಸ್ಟಾಪ್​ ಮಾಡಿದ್ದಾರೆ! Jhanvi ಶಾಕಿಂಗ್​ ವಿಷ್ಯ ರಿವೀಲ್​

ಬಿಗ್​ಬಾಸ್​ ಮನೆಯಿಂದ ಹೊರಬಂದಿರುವ ಆ್ಯಂಕರ್​ ಜಾಹ್ನವಿ, ತಮ್ಮ ಎಲಿಮಿನೇಷನ್ ಮತ್ತು ವೈಯಕ್ತಿಕ ಜೀವನದ ಬಗ್ಗೆ ಮಾತನಾಡಿದ್ದಾರೆ. ಮನೆಯೊಳಗಿನ ಜಗಳಗಳಿಂದಾಗಿ ತಮ್ಮ ಇಮೇಜ್ ಬದಲಾಗಿದ್ದು, ಮದುವೆ ಪ್ರಸ್ತಾಪಗಳು ಬರುವುದೂ ನಿಂತುಹೋಗಿದೆ ಎಂದು ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದಾರೆ.

ಬಿಗ್​ಬಾಸ್​ನಲ್ಲಿ ಜಾಹ್ನವಿ ಹವಾ

ಬಿಗ್​ಬಾಸ್​ (BBK 12) ಮೂಲಕ ಹೈಪ್​ ಕ್ರಿಯೇಟ್​ ಮಾಡಿದ್ದ ಆ್ಯಂಕರ್​ ಜಾಹ್ನವಿ ಬಿಗ್​ಬಾಸ್​ ಮನೆಯಿಂದ ಹೊರಕ್ಕೆ ಬಂದಿರುವ ಕಾರಣ, ಹಲವಾರು ವಿಷಯಗಳನ್ನು ಶೇರ್​ ಮಾಡಿಕೊಳ್ಳುತ್ತಿದ್ದಾರೆ. ತಾವೇ ಫೈನಲಿಸ್ಟ್​ ಆಗಲು ಸೂಕ್ತ ಸ್ಪರ್ಧಿಯಾಗಿತ್ತು ಎಂದು ಈಗಲೂ ಅಂದುಕೊಂಡಿರುವ ಜಾಹ್ನವಿ ಅವರಿಗೆ ಎಲಿಮಿನೇಷನ್​ ಶಾಕ್​ ಕೊಟ್ಟಿದೆ.

ಪರ್ಸನಲ್​ ವಿಷ್ಯ

ಬಿಗ್​ಬಾಸ್​ನಲ್ಲಿ (Bigg Boss Kannada 12) ಇದ್ದ ಸಂದರ್ಭದಲ್ಲಿ ಜಾಹ್ನವಿ ಅವರ ಪರ್ಸನಲ್​ ವಿಷ್ಯ ಸಾಕಷ್ಟು ಚರ್ಚೆಗೆ ಕಾರಣವಾಗಿತ್ತು. ಅವರ ಮಾಜಿ ಪತಿ ಹೊರಗಡೆ ಮಾಧ್ಯಮಗಳ ಎದುರು ಜಾಹ್ನವಿ ಅವರ ಬಗ್ಗೆ ಕೆಟ್ಟದ್ದಾಗಿ ಮಾತನಾಡಿದ್ದರು. ಜಾಹ್ನವಿ ಬಿಗ್​ಬಾಸ್​​ ಮನೆಯಲ್ಲಿ ತಮ್ಮ ಡಿವೋರ್ಸ್​ ಬಗ್ಗೆ ಮಾತನಾಡಿದ್ದ ಹಿನ್ನೆಲೆಯಲ್ಲಿ, ಹೊರಗಡೆ ಈ ರೀತಿ ವಾತಾವರಣ ಸೃಷ್ಟಿಯಾಗಿತ್ತು.

2ನೇ ಮದುವೆ

ಇದೀಗ ಜಾಹ್ನವಿ ಅವರಿಗೆ ಓರ್ವ ಮಗ ಕೂಡ ಇದ್ದು, 2ನೇ ಮದುವೆಯ ಮಾತೇ ಇಲ್ಲ ಎಂದು ಮಾಧ್ಯಮಗಳ ಮುಂದೆ ಸಾಕಷ್ಟು ಬಾರಿ ಹೇಳಿದ್ದರೂ, ಈಗಲೇ ಅಷ್ಟೇ ಸ್ಮಾರ್ಟ್​ ಆ್ಯಂಡ್ ಯಂಗ್​ ಆಗಿರೋ ಜಾಹ್ನವಿ 2ನೇ ಮದುವೆಯ ಬಗ್ಗೆ ಪ್ರಶ್ನೆಗಳ ಸುರಿಮಳೆಯಾಗುತ್ತಲೇ ಇರುತ್ತದೆ.

ಜಗಳದಿಂದ ಫೇಮಸ್​

ಅಷ್ಟಕ್ಕೂ ಜಾಹ್ನವಿ ಅವರು ಬಿಗ್​ಬಾಸ್​ ಮನೆಯಲ್ಲಿ ಇದ್ದಾಗ ಜಗಳದಿಂದಲೇ ಸಕತ್​ ಫೇಮಸ್​ ಆದವರು. ಅಶ್ವಿನಿ ಗೌಡ (Bigg Boss Ashwini Gowda) ಅವರ ಜೊತೆ ಸೇರಿ ಇಬ್ಬರೂ ಅದಕ್ಕೇ ಫೇಮಸ್​ ಆಗಿದ್ದರು. ಆಟದಲ್ಲಿ ಇವೆಲ್ಲಾ ಮಾಮೂಲು ಆದರೂ ವೀಕ್ಷಕರ ಕಣ್ಣಲ್ಲಿ ಕೆಲವರು ಜಗಳ ಮಾಡಿ ಅದೇ ಇಮೇಜ್​ ಕ್ರಿಯೇಟ್​ ಮಾಡಿಬಿಟ್ಟಿರುತ್ತಾರೆ.

ಮೆಸೇಜ್​ ಕೂಡ ಸ್ಟಾಪ್​

ಇದೀಗ ಮದುವೆಯ ಬಗ್ಗೆ ಕೇಳಿದ ಪ್ರಶ್ನೆಗೆ ಜಾಹ್ನವಿ ಅದಂತೂ ಸಾಧ್ಯವೇ ಇಲ್ಲ. ಅಷ್ಟೇ ಏಕೆ ಬಿಗ್​ಬಾಸ್​ ಮನೆಗೆ ಹೋಗಿ ಬಂದ ಮೇಲೆ ಅಲ್ಲಿಯ ಜಗಳ ನೋಡಿ ನನಗೆ ಮೆಸೇಜ್​ ಮಾಡುವವರೂ ಸ್ಟಾಪ್​ ಮಾಡಿಬಿಟ್ಟಿದ್ದಾರೆ. ಅಂಥ ಇಮೇಜ್​ ಕ್ರಿಯೇಟ್​ ಆಗಿ ಬಿಟ್ಟಿದೆ ಎಂದು ಸುಮನ್​ಟಿವಿಗೆ ನೀಡಿರುವ ಸಂದರ್ಶನದಲ್ಲಿ ರಿವೀಲ್​ ಮಾಡಿದ್ದಾರೆ.