Bigg Boss ಅಬ್ಬಬ್ಬಾ, ಕೊನೆಗೂ ಸುದೀಪ್​ ಎದುರೇ ಕಾವ್ಯಾಗೆ ಪ್ರಪೋಸ್​ ಮಾಡಿದ ಗಿಲ್ಲಿ- ಮದ್ವೆ ಊಟ ಯಾವಾಗ?

ಬಿಗ್​ಬಾಸ್​ ಮನೆಯಲ್ಲಿ ಗಿಲ್ಲಿ ನಟ ಮತ್ತು ಕಾವ್ಯಾ ಶೈವ ಅವರ ತಮಾಷೆಯ ಲವ್​ಸ್ಟೋರಿ ಜನಪ್ರಿಯವಾಗಿದೆ. ಇತ್ತೀಚೆಗೆ, ನಿರೂಪಕ ಸುದೀಪ್ ಅವರು ಕೇಳಿದ ಪ್ರಶ್ನೆಗೆ ಉತ್ತರಿಸುವಾಗ, ಗಿಲ್ಲಿ ನಟ ಕವನದ ಮೂಲಕ ಕಾವ್ಯಾಗೆ ಪ್ರೇಮ ನಿವೇದನೆ ಮಾಡಿ, ಎಲ್ಲರಿಗೂ ಮತ್ತು ಕಾವ್ಯಾಗೆ ಶಾಕ್ ನೀಡಿದ್ದಾರೆ.

ಗಿಲ್ಲಿ-ಕಾವ್ಯಾ ಲವ್​ಸ್ಟೋರಿ

ಬಿಗ್​ಬಾಸ್​​ನಲ್ಲಿ ಗಿಲ್ಲಿ ನಟ ಮತ್ತು ಕಾವ್ಯಾ ಶೈವ ಲವ್​ಸ್ಟೋರಿ ವೀಕ್ಷಕರಿಗೆ ಗೊತ್ತೇ ಇದೆ. ಇದೇನು ಸೀರಿಯಲ್​ ಲವ್​ಸ್ಟೋರಿ ಅಲ್ಲ. ಬದಲಿಗೆ ಗಿಲ್ಲಿ ನಟ (Bigg Boss Gilli Nata) ಅವಕಾಶ ಸಿಕ್ಕಾಗಲೆಲ್ಲಾ ಕಾವ್ಯಾರನ್ನು ಕಿಚಾಯಿಸುತ್ತಲೇ ಇರುತ್ತಾರೆ. ಇದಕ್ಕಾಗಿಯೇ ಈ ಜೋಡಿ ಎಂದರೆ ಅಭಿಮಾನಿಗಳಿಗೆ ಇನ್ನಿಲ್ಲದ ಇಷ್ಟ.

ಆರೋಪ

ಕಾವ್ಯಾ ಶೈವ (Bigg Boss Kavya Shaiva) ಗಿಲ್ಲಿ ನಟನಿಗಾಗಿಯೇ ಬಿಗ್​ಬಾಸ್​ನಲ್ಲಿ ಇದುವರೆಗೂ ಉಳಿದುಕೊಂಡಿರೋದು, ಗಿಲ್ಲಿಯ ರಕ್ಷಣೆ ಆಕೆಯ ಮೇಲೆ ಇದೆ ಎಂದು ಬಿಗ್​ಬಾಸ್​ನಿಂದ ಹೊರಕ್ಕೆ ಬಂದಿರುವ ಸ್ಪರ್ಧಿಯೊಬ್ಬರು ಆರೋಪಿಸಿದ್ದೂ ಇದೆ. ಅದೇನೇ ಇದ್ದರೂ ಈ ಜೋಡಿಯ ತಮಾಷೆಯ ಲವ್​ ಮ್ಯಾಟರ್​ ವೀಕ್ಷಕರಿಗೆ ಇಷ್ಟವಾಗುತ್ತಿದೆ ಅಷ್ಟೇ.

ಅಶ್ವಿನಿ ಗೌಡ ಜೊತೆ ಡಾನ್ಸ್​

ಕೆಲವು ದಿನಗಳ ಹಿಂದೆ ಗಿಲ್ಲಿ ನಟ, ಅಶ್ವಿನಿ ಗೌಡ (Bigg Boss Ashwini Gowda) ಅವರ ಜೊತೆ ರೊಮಾಂಟಿಕ್​ ಆಗಿ ಡಾನ್ಸ್​ ಮಾಡಿದ್ದರು. ಯಾರ ಜೊತೆ ಡಾನ್ಸ್​ ಮಾಡಬೇಕು ಎಂದು ಅವರನ್ನು ಪ್ರಶ್ನಿಸಿದ್ದಾಗ ಅಶ್ವಿನಿ ಗೌಡ ಅವರ ಹೆಸರನ್ನು ಆಯ್ಕೆ ಮಾಡಿಕೊಂಡಿದ್ದರು.

ಗಿಲ್ಲಿಗೆ ಸುದೀಪ್​ ಪ್ರಶ್ನೆ

ಈ ಬಗ್ಗೆ ಕಿಚ್ಚ ಸುದೀಪ್​ ಗಿಲ್ಲಿ ನಟನನ್ನು ಪ್ರಶ್ನಿಸಿದ್ದಾರೆ. ನೀವು ಡಾನ್ಸ್​ ಮಾಡಲು ಅಶ್ವಿನಿ ಗೌಡ ಅವರನ್ನು ಆಯ್ಕೆ ಮಾಡಿಕೊಂಡ್ರಿ, ಕಾವ್ಯಾರನ್ನು ಯಾಕಿಲ್ಲ ಎಂದು. ಇಷ್ಟು ಕೇಳುತ್ತಿದ್ದಂತೆಯೇ ಗಿಲ್ಲಿ ಕವನವನ್ನು ಹೇಳುವ ಮೂಲಕ ಸುದೀಪ್​ ಎದುರೇ ಕಾವ್ಯಾ ಶೈವ ಅವರನ್ನು ಪ್ರಪೋಸ್​ ಮಾಡಿಬಿಟ್ಟಿದ್ದಾರೆ.

ಗಿಲ್ಲಿ ರಾಕ್​, ಕಾವ್ಯಾ ಶಾಕ್​

ಬಿಗ್​ಬಾಸ್​​ ಮನೆಯಲ್ಲಿ ಇವಳೊಟ್ಟಿಗೆ ಕಳೆದದ್ದೆಲ್ಲಾ ಸುಂದರ ಸಮಯ, ಏನವಳ ನಾಜೂಕು- ನಯ- ವಿನಯ, ಪ್ರೀತಿ ಹೇಳಲು ಇನ್ನು ನನಗೇಕೆ ಭಯ? ಓ ನನ್ನ ಕಾವ್ಯಾ, ಕೊನೆವರೆಗೂ ಜೊತೆಯಲ್ಲಿ ಇರುವಿಯಾ ಎಂದಾಗ ಕಾವ್ಯಾ ಶಾಕ್​ ಆಗಿದ್ದಾರೆ. ಇದನ್ನು ನೋಡಿದ ಗಿಲ್ಲಿ ಫ್ಯಾನ್ಸ್​ ಸೋ ಸ್ವೀಟ್​ ಎಂದಿದ್ದು, ಮದ್ವೆ ಊಟ ಯಾವಾಗ ಎಂದು  ಪ್ರಶ್ನಿಸುತ್ತಿದ್ದಾರೆ.