ಸುಳ್ಳೆಂದು ಪ್ರೂವ್​ ಮಾಡಿ 5 ಲಕ್ಷ ಪಡೆಯಿರಿ: ಜನರಿಗೆ ಬಿಗ್​ ಆಫರ್​ ಕೊಟ್ಟ Bigg Boss ಡಾಗ್​ ಸತೀಶ್!

"ಡಾಗ್ ಸತೀಶ್" ಎಂದೇ ಖ್ಯಾತರಾದ, ನೂರಾರು ಕೋಟಿ ಮೌಲ್ಯದ ನಾಯಿಗಳ ಮಾಲೀಕ ಸತೀಶ್, ಬಿಗ್ ಬಾಸ್ ಮನೆಯಿಂದ ಹೊರಬಂದ ನಂತರ ಸುದ್ದಿಯಲ್ಲಿದ್ದಾರೆ. ತಾವು ಡಾ.ರಾಜ್‌ಕುಮಾರ್, ವಿಷ್ಣುವರ್ಧನ್ ಸೇರಿದಂತೆ ಹಲವು ಗಣ್ಯರಿಗೆ ನಾಯಿಗಳನ್ನು ನೀಡಿದ್ದು ಸುಳ್ಳು ಎಂದು ಸಾಬೀತಾದರೆ 5 ಲಕ್ಷ  ನೀಡುವುದಾಗಿ  ಹೇಳಿದ್ದಾರೆ.

ನಾಯಿಗಳ ಒಡೆಯ

ನೂರಾರು ಕೋಟಿ ರೂಪಾಯಿಗಳ ನಾಯಿಗಳನ್ನು ಸಾಕುವ ಮೂಲಕ Dog Sathish ಎಂದೇ ಫೇಮಸ್ ಆಗಿರುವ ಸತೀಶ್​ ಅವರು ಈಗ ಬಿಗ್​ಬಾಸ್​ನಿಂದ ಖ್ಯಾತಿ ಗಳಿಸುತ್ತಿದ್ದಾರೆ. ವಿವಿಧ ಮಾಧ್ಯಮಗಳಲ್ಲಿ ಸಂದರ್ಶನ ನೀಡುತ್ತಿದ್ದಾರೆ.

ವಿಶ್ವ ಪ್ರಸಿದ್ಧಿ

ಬಿಗ್​ಬಾಸ್​ ಅನ್ನು ವಿಶ್ವ ಪ್ರಸಿದ್ಧಿ ಮಾಡುವ ತಾಕತ್ತು ನನಗಿದೆ ಎಂದೂ, ನನ್ನ 100 ಕೋಟಿ ನಾಯಿಯ ಜೊತೆಗಿನ ಪ್ರೊಮೋ ರಿಲೀಸ್​ ಮಾಡದೇ ಬಿಗ್​ಬಾಸ್​ ನನಗೆ ವಂಚನೆ ಮಾಡಿದೆ ಎಂದೂ ನೋವು ತೋಡಿಕೊಂಡಿರುವ ಡಾಗ್​ ಸತೀಶ್​ ಅವರು ತಮ್ಮ ತಾಕತ್ತು ಏನೆಂದು ತೋರಿಸಲು ನವೆಂಬರ್​ 5ರ ಮುಹೂರ್ತ ಫಿಕ್ಸ್​ ಮಾಡಿದ್ದಾರೆ.

ಐದು ಲಕ್ಷ ಬಹುಮಾನ

ಇದರ ನಡುವೆಯೇ, ತಮ್ಮ ವಿರುದ್ಧ ಮಾತನಾಡಿರುವವರು ಅದನ್ನು ಪ್ರೂವ್​ ಮಾಡಿದರೆ 5 ಲಕ್ಷ ರೂಪಾಯಿ ನೀಡುವುದಾಗಿ ಓಪನ್​ ಚಾಲೆಂಜ್​ ಹಾಕಿದ್ದಾರೆ ಡಾಗ್​ ಸತೀಶ್​.

ತಾರೆಯರಿಗೆ ನಾಯಿ

ಅಷ್ಟಕ್ಕೂ ಅವರು ಹೇಳಿರುವುದು, ಡಾ.ರಾಜ್​ಕುಮಾರ್​, ವಿಷ್ಣುವರ್ಧನ್​ ಸೇರಿದಂತೆ ವಿವಿಧ ರಾಜಕಾರಣಿಗಳಿಗೆ ನಾನು ವಿವಿಧ ತಳಿಗಳ ನಾಯಿಗಳನ್ನು ನೀಡಿದ್ದೇನೆ. ಆದರೆ ಇದನ್ನು ಸುಳ್ಳು ಎಂದು ಕೆಲವರು ಹೇಳುತ್ತಿದ್ದಾರೆ. ಅದು ಸುಳ್ಳು ಎಂದು ಯಾರೇ ಪ್ರೂವ್​ ಮಾಡಿದ್ರೂ ಕೂಡಲೇ ಅವರಿಗೆ ಐದು ಲಕ್ಷ ರೂಪಾಯಿ ನೀಡುತ್ತೇನೆ ಎಂದು ಬಾಸ್​ ಟಿವಿಗೆ ನೀಡಿರುವ ಸಂದರ್ಶನದಲ್ಲಿ ಡಾಗ್​ ಸತೀಶ್​ ಹೇಳಿದ್ದಾರೆ.

ನಂ.1 ಡಾಗ್ ಬ್ರೀಡರ್?

ಅಷ್ಟಕ್ಕೂ ಸತೀಶ್ ಅವರು "ಕ್ಯಾಡಬೊಮ್​ ಕೆನ್ನೆಲ್ಸ್‌" ಎಂಬ ಸಂಸ್ಥೆಯ ಮಾಲೀಕರಾಗಿದ್ದು, ವಿವಿಧ ರೀತಿಯ ನಾಯಿಗಳನ್ನು ಸಾಕುತ್ತಾರೆ. ಆಮೇಲೆ ಅವುಗಳನ್ನು ಮಾರಾಟ ಮಾಡುತ್ತಾರೆ. ಅವರು ವಿಶ್ವದ ನಂ. 1 ಡಾಗ್ ಬ್ರೀಡರ್ ಎಂದು ತಮ್ಮನ್ನು ತಾವು ಕರೆದುಕೊಳ್ಳುತ್ತಾರೆ.

25 ಲಕ್ಷದ ಬಟ್ಟೆ

ಬಿಗ್​ಬಾಸ್ ಕನ್ನಡದ 12ನೇ ಸೀಸನ್​ನಲ್ಲಿ ಸ್ಪರ್ಧಿಯಾಗಲು ಅವಕಾಶ ಸಿಕ್ಕಾಗ ಪ್ರವೇಶಿಸಲು 25 ಲಕ್ಷ ರೂಪಾಯಿ ಬೆಲೆಯ ಬಟ್ಟೆಗಳನ್ನು ಖರೀದಿಸಿದ್ದರು ಎಂದು ಹೇಳಿಕೊಂಡಿದ್ದರು. ಒಂದು ದಿನಕ್ಕೆ 65 ಲಕ್ಷ ರೂಪಾಯಿ ಆದಾಯ ತಮಗೆ ನಾಯಿಗಳಿಂದಲೇ ಬರುತ್ತಿವೆ ಎನ್ನುತ್ತಾರೆ ಸತೀಶ್​.

ಪ್ರೂವ್​ ಮಾಡಲು ಸವಾಲು

ಇದೇ ಕಾರಣಕ್ಕೆ ಅವರು ಹಲವಾರು ಕ್ಷೇತ್ರಗಳ ಗಣ್ಯರಿಗೆ ನಾಯಿಗಳನ್ನು ನೀಡಿದ್ದಾರೆ. ಅವರಲ್ಲಿ ಸಿನಿಮಾ, ರಾಜಕೀಯ ವ್ಯಕ್ತಿಗಳು ಸೇರಿದ್ದಾರೆ. ಆದರೆ ಅವರಿಗೆ ನಾನು ಕೊಟ್ಟಿರೋದು ಸುಳ್ಳು ಎಂದು ಹೇಳುವವರಿಗಾಗಿ ಚಾಲೆಂಜ್​ ಹಾಕಿದ್ದಾರೆ.

ಸಂದರ್ಶನಕ್ಕಾಗಿ ಇಲ್ಲಿ ಕ್ಲಿಕ್​  ಮಾಡಿ