ದರ್ಶನ್​ ಸಿನಿಮಾದಲ್ಲಿ ಕೆಟ್ಟದ್ದಾಗಿ ನೋಡಿದ್ರು, ಬಟ್ಟೆ ಹಾಕಲೂ ಬಿಡಲಿಲ್ಲ: ಆ ದಿನಗಳ ನೆನೆದ Bigg Boss ಡಾಗ್​ ಸತೀಶ್​

ಬಿಗ್ ಬಾಸ್ ಖ್ಯಾತಿಯ ಡಾಗ್ ಸತೀಶ್, 2001ರಲ್ಲಿ ತೆರೆಕಂಡ 'ದರ್ಶನ್' ಚಿತ್ರದಲ್ಲಿ ತಮಗಾದ ಅನುಭವವನ್ನು ಹಂಚಿಕೊಂಡಿದ್ದಾರೆ. ತಮಗೆ ಕೆಟ್ಟದಾಗಿ ಮೇಕಪ್ ಮಾಡಿ ಅವಮಾನಿಸಲಾಯಿತು ಮತ್ತು ಇದನ್ನು ಪ್ರಶ್ನಿಸಿದ್ದಕ್ಕೆ ತಮ್ಮ ಪಾತ್ರವನ್ನು ಅರ್ಧಕ್ಕೆ ಸಾಯಿಸಲಾಯಿತು ಎಂದು ನಟ  ಆರೋಪಿಸಿದ್ದಾರೆ.

ಕಾಂಟ್ರವರ್ಸಿಗಳಿಂದಲೇ ಫೇಮಸ್​

Bigg Boss ಖ್ಯಾತಿಯ ಡಾಗ್​ ಸತೀಶ್​ ಅವರು ಕಾಂಟ್ರವರ್ಸಿಗಳಿಂದಲೇ ಫೇಮಸ್​ ಆದವರು. ಇದೇ ಕಾರಣಕ್ಕೆ ಅವರಿಗೆ ಬಿಗ್​ಬಾಸ್​ನಲ್ಲಿ ಸ್ವಾಗತ ಸಿಕ್ಕಿತ್ತು. ಮೊದಲಿಗೆ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರೂ, ವಿಶ್ವದ ನಂಬರ್​ 1 ಡಾಗ್​ ಬ್ರೀಡರ್​ ಎಂದು ಹೇಳಿಕೊಳ್ಳುತ್ತಿದ್ದರೂ, ಇವರಿಗೆ ಪ್ರಚಾರ ಸಿಕ್ಕಿರಲಿಲ್ಲ. ಇದೀಗ ಬಿಗ್​ಬಾಸ್​ ಖ್ಯಾತಿಯಿಂದಾಗಿ ಹಲವೆಡೆ ಸಂದರ್ಶನಗಳನ್ನು ನೀಡುತ್ತಿದ್ದಾರೆ.

ಸಹನಟನಾಗಿ ಸತೀಶ್​

ಅಂದಹಾಗೆ, ಡಾಗ್​ ಸತೀಶ್​ ಅವರು, 2001ರಲ್ಲಿ ತೆರೆಕಂಡ ದರ್ಶನ್​ ಚಿತ್ರದಲ್ಲಿ, ಸಹನಟನಾಗಿ ಕಾಣಿಸಿಕೊಂಡಿದ್ದರು. ಇದರ ಹೀರೋ ನಟ ದರ್ಶನ್. ರಮೇಶ್ ಕಿಟ್ಟಿ ನಿರ್ದೇಶನದ ಈ ಚಿತ್ರವನ್ನು ಆರ್‌. ಬಿ. ಎಸ್ ಪ್ರಸಾದ್ ನಿರ್ಮಿಸಿದ್ದರು. ನವನೀತ್ ನಾಯಕಿಯಾಗಿದ್ದರು. ಶ್ರೀನಾಥ್, ಸೃಜಲ್ ಲೋಕೇಶ್, ಚಿತ್ರಾ ಶೆಣೈ, ಸತ್ಯಜಿತ್ ಚಿತ್ರದ ತಾರಾಗಣದಲ್ಲಿದ್ದರು. ಸಹನಟನಾಗಿದ್ದವರು ಸತೀಶ್​.

ಕೆಟ್ಟದಾಗಿ ಬಿಂಬಿಸಿದ್ರು

ಈ ಸಿನಿಮಾದ ಬಗ್ಗೆ ಇದೀಗ ಇ-ಮಾಯೆ ಎಂಟರ್​ಟೈನ್​ಮೆಂಟ್​ ಚಾನೆಲ್​ಗೆ ನೀಡಿರುವ ಸಂದರ್ಶನದಲ್ಲಿ ಸತೀಶ್​ ಮಾತನಾಡಿದ್ದಾರೆ. ತಮಗೆ ವಯಸ್ಸಾದರೂ ಅತ್ಯಂತ ಸ್ಮಾರ್ಟ್​ ವ್ಯಕ್ತಿ ಎಂದು ಪದೇ ಪದೇ ಹೇಳಿಕೊಳ್ಳುವ ಡಾಗ್​ ಸತೀಶ್​ ಅವರು, ಇದೀಗ ತಮ್ಮ ಸೌಂದರ್ಯವನ್ನು ದರ್ಶನ್​  ಸಿನಿಮಾದಲ್ಲಿ ಹೇಗೆ ಕೆಟ್ಟದ್ದಾಗಿ ಬಿಂಬಿಸಿದ್ದರು ಎಂದು ಹೇಳಿದ್ದಾರೆ.

ಕೆಟ್ಟದ್ದಾಗಿ ಮೇಕಪ್​

ಈ ಚಿತ್ರದಲ್ಲಿ ನನಗೆ ಕೆಟ್ಟದ್ದಾಗಿ ಮೇಕಪ್​ ಮಾಡಲಾಗಿತ್ತು. ಡ್ರೆಸ್​ ಹಾಕಿಕೊಳ್ಳಲೂ ಬಿಡಲಿಲ್ಲ. ಕಪ್ಪು ಪೇಂಟ್ ಬಳಿದ ಹಾಗೆ ಬಳಿದಿದ್ದರು. ಕನ್ನಡಿಯಲ್ಲಿ ನನ್ನನ್ನು ನೋಡಿಕೊಂಡು ಅತ್ತೇ ಬಿಟ್ಟಿದ್ದೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ ಸತೀಶ್​.

ತುಳಿಯಲು ನೋಡಿದ್ರು

ಈ ಬಗ್ಗೆ  ನಾನು ಕರೆದು ಕೇಳಿದಾಗ, ಏನಾಗಿದೆ ಚೆನ್ನಾಗಿಯೇ ಇದೆಯಲ್ಲ ಎಂದು ನನ್ನನ್ನು ತುಳಿಯಲು ನೋಡಿದ್ರು. ಆಗ ಜಗಳವಾಡಿ ಇನ್ನು ನಾನು ಈ ಸಿನಿಮಾದಲ್ಲಿ ಇರುವುದಿಲ್ಲ ಎಂದೆ ಎಂದು ಆ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ.

ಸಾಯಿಸಿಬಿಟ್ಟರು

ಈ ಸಿನಿಮಾದ ಅಂತ್ಯದವರೆಗೂ ನಾನು ಇರಬೇಕಿತ್ತು. ಯಾವಾಗ ನಾನು ಈ ಸಿನಿಮಾ ಮಾಡಲ್ಲ ಎಂದೆನೋ, ಆ ಸಿನಿಮಾದಲ್ಲಿ ನನ್ನ ಹನಿಮೂನ್​ ಸೀನ್​ ಇತ್ತು. ಆಗಲೇ ವಿಮಾನದಲ್ಲಿ ಹೋಗುವಾಗ ಸಾಯಿಸಿಬಿಟ್ಟರು ಎಂದು ಹೇಳಿದ್ದಾರೆ.

 ಈ ಬಗ್ಗೆ ಡಾಗ್​ ಸತೀಶ್​ ಅವರು ಮಾತನಾಡಿರುವ ವಿಡಿಯೋಕ್ಕಾಗಿ ಇದರ ಮೇಲೆ  ಕ್ಲಿಕ್​ ಮಾಡಿ