ಆದಿ ಬ್ರೋ, ವೇಟ್​ ವೇಟ್​​... ಶ್ರೀರಸ್ತು ಶುಭಮಸ್ತುವಿನಲ್ಲೂ ಹೀಗೇ ಹೇಳಿ ಕೊನೆಗೆ ಮಗು ಹುಟ್ಟಿಸಿದ್ರು ಎಂದ ನೆಟ್ಟಿಗರು

ಕಲರ್ಸ್ ಕನ್ನಡದ ಭಾಗ್ಯಲಕ್ಷ್ಮಿ ಧಾರಾವಾಹಿಯಲ್ಲಿ ಆದಿಯ ಆಗಮನದಿಂದ ಭಾಗ್ಯಳ ಜೀವನದಲ್ಲಿ ಹೊಸ ಅಧ್ಯಾಯ ಆರಂಭವಾಗಿದೆ. ಇವರಿಬ್ಬರ ಮೊದಲ ರಾತ್ರಿಗೆ ಸಿದ್ಧತೆ ನಡೆದಿದ್ದು, ಈ ವೇಳೆ ಆದಿ ತಮಗೆ ಮಕ್ಕಳೇ ಬೇಡ ಎಂಬ ಅಚ್ಚರಿಯ ನಿರ್ಧಾರವನ್ನು ಪ್ರಕಟಿಸಿದ್ದಾನೆ, ಇದು ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿದೆ.

ಭಾಗ್ಯಳ ಜೀವನದಲ್ಲಿ ಆದಿ ಎಂಟ್ರಿ

ಕಲರ್ಸ್​ ಕನ್ನಡದಲ್ಲಿ ಪ್ರಸಾರ ಆಗ್ತಿರೋ ಭಾಗ್ಯಲಕ್ಷ್ಮಿ ಸೀರಿಯಲ್​ನಲ್ಲಿ ಸದ್ಯ ಭಾಗ್ಯಳ ಜೀವನದಲ್ಲಿ ಆದಿಯ ಎಂಟ್ರಿಯಾಗಿದೆ. ಭಾಗ್ಯಳ ಗೋಳು ಇನ್ನಾದರೂ ಮುಗಿಯಲು ಎನ್ನುವ ಸೀರಿಯಲ್​ ಪ್ರಿಯರಿಗೆ, ನಿರಾಸೆ ಆಗೋದಂತೂ ಗ್ಯಾರೆಂಟಿ. ಏಕೆಂದರೆ ಗಂಡ ಒಳ್ಳೆಯವನಾದ್ರೆ ಸಾಕಾಗಲ್ವಾ, ನಾದಿನಿ, ಅತ್ತೆ ಸೇರಿದಂತೆ ಮನೆಯಲ್ಲಿ ಇರುವವರು ಅದರಲ್ಲಿಯೂ ಹೆಚ್ಚಾಗಿ ಹೆಂಗಸರು ಒಳ್ಳೆಯವರು ಇರಲು ಸೀರಿಯಲ್​ನವರು ಬಿಡುವುದಿಲ್ಲವಲ್ಲ, ಅದೇ ರೀತಿ ಭಾಗ್ಯಳ ಗೋಳಿನ 2.0 ಈಗ ಆರಂಭವಾಗಿದೆ.

ಆದಿ ಮತ್ತು ಭಾಗ್ಯಳ ಫಸ್ಟ್​ನೈಟ್​

ಇದರ ನಡುವೆಯೇ, ಇದೀಗ ಆದಿ ಮತ್ತು ಭಾಗ್ಯಳ ಫಸ್ಟ್​ನೈಟ್​ಗೆ ಅರೇಂಜ್​ ಮಾಡಲಾಗಿದೆ. ಪಾಸ್ಟ್​ ಎಲ್ಲಾ ಮರೆತು ಆದಿಯ ಜೊತೆ ಬಾಳಬೇಕು ಎಂದು ವಿಲನ್​ ಇದಾಗಲೇ ಭಾಗ್ಯಳಿಂದ ಮಾತು ಪಡೆದುಕೊಂಡಿದ್ದಾಳೆ. ಇದರ ಅರ್ಥ, ತಾಂಡವ್ ಮಾತ್ರವಲ್ಲದೇ ಮಕ್ಕಳು, ಅಮ್ಮನಂತೆ ಇರುವ ಕುಸುಮಾ ಎಲ್ಲರನ್ನೂ ಮರೆಯಬೇಕಿದೆ ಭಾಗ್ಯ.

ಭಾಗ್ಯಳ ಗೋಳಿನ 2.0

ಎಲ್ಲಾ ಸೀರಿಯಲ್​ಗಳಂತೆ ಇಲ್ಲಿ ಕೂಡ ಇದ್ಯಾವುದೂ ಆದಿಗೆ ಗೊತ್ತಾಗುವುದಿಲ್ಲ. ಅವನಿಗೆ ಎಲ್ಲರೂ ಒಳ್ಳೆಯವರಂತೆಯೇ ಕಾಣಿಸುತ್ತಾರೆ. ಆದರೆ ಭಾಗ್ಯಳ ಮಾತ್ರ ಎಲ್ಲವನ್ನೂ ನುಂಗಿಕೊಂಡು ಬದುಕುವ ಅನಿವಾರ್ಯತೆ ಇದೆ.

ನಮಗೆ ಸ್ವಂತ ಮಕ್ಕಳು ಬೇಡ

ಇದೀಗ ಫಸ್ಟ್​ನೈಟ್​ ಸಂದರ್ಭದಲ್ಲಿ ಆದಿ, ಭಾಗ್ಯಳ ಬಳಿ ಬಂದು, ಹೀಗೆ ಅರೇಂಜ್​ ಮಾಡಿರುತ್ತಾರೆ ಎಂದು ಗೊತ್ತಿರಲಿಲ್ಲ. ಏನಿದ್ದರೂ ತನ್ವಿ ಮತ್ತು ಗುಂಡನೇ ನಮ್ಮ ಮಕ್ಕಳು. ನಮಗೆ ಸ್ವಂತ ಮಕ್ಕಳು ಬೇಕು ಎಂದು ನಾನು ಬಯಸುವವನಲ್ಲ, ಅದಕ್ಕೆ ನೀವು ಬೇಸರ ಪಟ್ಟುಕೊಳ್ಳುವುದು ಬೇಡ ಎಂದಿದ್ದಾನೆ.

ಶ್ರೀಮಸ್ತು- ಶುಭಮಸ್ತು ನೆನಪಿಸಿದ ಸೀರಿಯಲ್​ ಪ್ರೇಮಿಗಳು

ಇದರ ಪ್ರೊಮೋ ನೋಡಿದ ಸೀರಿಯಲ್​​ ಪ್ರೇಮಿಗಳು, ಜೀ ಕನ್ನಡದಲ್ಲಿ ಪ್ರಸಾರ ಆಗ್ತಿದ್ದ ಶ್ರೀಮಸ್ತು- ಶುಭಮಸ್ತು ಸೀರಿಯಲ್​ ನೆನಪಿಸಿದ್ದಾರೆ. ಇಲ್ಲಿ ಕೂಡ ಆರಂಭದಲ್ಲಿ ತುಳಸಿ ಮತ್ತು ಮಾಧವ್​ ನಾವಿಬ್ಬರೂ ಒಳ್ಳೆಯ ಫ್ರೆಂಡ್ಸ್​ ಅಷ್ಟೇ ಎಂದಿದ್ದರು. ಕೊನೆಗೆ ತುಳಸಿ ಮಗುವನ್ನು ಹೆತ್ತಿದ್ದಳು.

ಮುಂದೇನಾಗತ್ತೆ?

ಈ ಸೀರಿಯಲ್​ನಲ್ಲಿಯೂ ಹಾಗೆಯೇ ಆಗತ್ತೆ, ಈಗಲೇ ಈ ಎಲ್ಲಾ ಡೈಲಾಗ್​ ಬೇಡ ಗುರೂ ಎನ್ನುತ್ತಿದ್ದಾರೆ ನೆಟ್ಟಿಗರು. ಅದೇನೇ ಇರಲಿ, ಭಾಗ್ಯಳಿಗೆ ಮಗು ಹುಟ್ಟಲಿ, ಬಿಡಲಿ ಇವರಿಬ್ಬರ ಪ್ರೀತಿ ಹೀಗೆಯೇ ಸೀರಿಯಲ್​ನಲ್ಲಿ ಸದಾಕಾಲ ಇರಲಿ ಎನ್ನುವುದು ಸೀರಿಯಲ್​ ಪ್ರೇಮಿಗಳ ಆಸೆ.