BBK 12: ಕಾವ್ಯಾಶೈವಗೆ ಸಿಕ್ಕ ಹಣವೆಷ್ಟು? ಅಶ್ವಿನಿ ಗೌಡಗೆ ಟಾಂಟ್​ ಕೊಟ್ಟು ಗಿಲ್ಲಿ ಬಗ್ಗೆ ಶಾಕಿಂಗ್​ ಸ್ಟೇಟ್​ಮೆಂಟ್!

ಬಿಗ್​ಬಾಸ್​ ಸೀಸನ್​ 12ರ 4ನೇ ರನ್ನರ್​ ಅಪ್​ ಆಗಿ ಹೊರಬಂದ ಕಾವ್ಯಾ ಶೈವ, ಬಹುಮಾನದ ಜೊತೆಗೆ 'ಗಿಲ್ಲಿ ನಟ'ನ ಕುರಿತು ಮತ್ತು ಅಶ್ವಿನಿ ಗೌಡ ಅವರಿಗೆ ತಿರುಗೇಟು ನೀಡುವ ಮೂಲಕ ದೊಡ್ಡ ಹೇಳಿಕೆಯೊಂದನ್ನು ನೀಡಿದ್ದಾರೆ.

4ನೇ ರನ್ನರ್​ ಅಪ್​ ಆದ ಕಾವ್ಯಾ

ಬಿಗ್​ಬಾಸ್​ ಸೀಸನ್​ 12ರಿಂದ (Bigg Boss 12) ಇದಾಗಲೇ ನಾಲ್ಕನೆಯ ರನ್ನರ್ಸ್​ ಅಪ್​ ಆಗಿ ಕಾವ್ಯಾ ಶೈವ ಹೊರಕ್ಕೆ ಬಂದಿದ್ದಾರೆ. ಈ ಹಂತದಲ್ಲಿ ಹೊರಕ್ಕೆ ಬರುವುದು ಎಂದರೆ, ಅದು ತುಂಬಾ ಕಷ್ಟದ ಮಾತೇ. ಆದರೂ ಅಷ್ಟೂ ಸ್ಪರ್ಧಿಗಳನ್ನು ಮೀರಿ ಇಲ್ಲಿಯವರೆಗೆ ಬಂದಿದ್ದರು ಕಾವ್ಯಾ.

ಸಿಕ್ಕಿದ್ದು ಎಷ್ಟು?

ಇವರಿಗೆ ಬಿಗ್​ಬಾಸ್​​ ಎಷ್ಟು ಸಂಭಾವನೆ ನೀಡಿದೆ ಎನ್ನುವುದು ರಿವೀಲ್​ ಆಗುವುದಿಲ್ಲ. ಆದರೆ ಮನೆಯಿಂದ ಹೊರಕ್ಕೆ ಬರುವ ವೇಳೆ ಇವರಿಗೆ ಬಿಗ್​ಬಾಸ್​ ಕಡೆಯಿಂದ 5 ಲಕ್ಷ ರೂಪಾಯಿ ಮತ್ತು ಪ್ರಾಯೋಜಕರ ಕಡೆಯಿಂದ 10 ಲಕ್ಷ ರೂಪಾಯಿ ಬಹುಮಾನ ಸಿಕ್ಕಿದೆ. ಇದರ ಜೊತೆಗೆ ಕೆಲವೊಂದು ಉಡುಗೊರೆಗಳು ಕೂಡ ಸಿಕ್ಕಿವೆ.

ಬಿಗ್​ ಸ್ಟೇಟ್​ಮೆಂಟ್​

ಹೊರಬರುವಾಗ ಕಾವ್ಯಾ ಶೈವ ಸುಮ್ಮನೇ ಬರಲಿಲ್ಲ. ಬಿಗ್​ ಸ್ಟೇಟ್​ಮೆಂಟ್​ ಕೊಟ್ಟೇ ಬಂದಿದ್ದಾರೆ. ಅದು ಗಿಲ್ಲಿ ನಟನ (Bigg Boss Gilli Nata) ಕುರಿತಾಗಿ.

ಗಿಲ್ಲಿ ಕೃಪೆ

ಕಾವ್ಯಾ ಅವರು ಇಲ್ಲಿಯವರೆಗೂ ಬಂದಿರೋದು ಗಿಲ್ಲಿ ನಟನ ಕೃಪೆಯಿಂದ ಎನ್ನುವ ಮಾತಿತ್ತು. ಅವರ ಸಹೋದರ ಒಳಗೆ ಹೋದಾಗಲೂ ನೀನು ಗಿಲ್ಲಿ ಪರ ಇರು, ಹೊರಗಡೆ ಈ ಬಗ್ಗೆ ಸಾಕಷ್ಟು ಚರ್ಚೆಯಾಗುತ್ತಿದೆ ಎನ್ನುವ ಮೂಲಕ ವಿವಾದವನ್ನೂ ಸೃಷ್ಟಿಸಿದ್ದರು.

ಅಶ್ವಿನಿ ಗೌಡಗೆ ಟಾಂಟ್​

ಇದೇ ವೇಳೆ ಬಿಗ್​ಬಾಸ್​​ ಮನೆಯಿಂದ ಹೊರಕ್ಕೆ ಬರುವ ವೇಳೆ, ಕಾವ್ಯಾ ಅವರು, ತಮ್ಮ ವಿಶೇಷ ಪ್ರಯಾಣದ ವಿಡಿಯೋ ನೋಡುತ್ತಾ ಭಾವುಕರಾದರು. ಆ ಸಮಯದಲ್ಲಿ ಗಿಲ್ಲಿಯೊಂದಿಗೆ ಮಾತ್ರ ಕಾಣಿಸಿಕೊಂಡಿರುವ ಬಗ್ಗೆ ಅಶ್ವಿನಿ ಗೌಡ ಅವರು ಹೇಳಿದ್ದ ಮಾತನ್ನು ಈ ವಿಡಿಯೋದಲ್ಲಿ ನೋಡಿದರು.

ಇದು ಕಪಿಲ್​ ಷೋ ಅಲ್ಲ

ಇದಕ್ಕೆ ಬೇಸರ ವ್ಯಕ್ತಪಡಿಸುವ ಮೂಲಕ ಅಶ್ವಿನಿ ಗೌಡ ಅವರಿಗೆ ಟಾಂಟ್​ ಕೊಟ್ಟ ಕಾವ್ಯಾ, "ನನ್ನ ಪಕ್ಕದಲ್ಲಿ ಗಿಲ್ಲಿ ಮಾತ್ರ ಇದ್ದು ನಾನು ಇಷ್ಟು ದೂರ ಬರಲು, ಇದು ಕಪಿಲ್ ಷೋ ಅಲ್ಲ. ಇದು ಬಿಗ್ ಬಾಸ್ ಕನ್ನಡ" ಎಂದರು. ಅವರ ಈ ಮಾತಿಗೆ ಪ್ರೇಕ್ಷಕರು ಹರ್ಷೋದ್ಗಾರದಿಂದ ಚಪ್ಪಾಳೆ ಸುರಿಮಳೆ ಸುರಿಸಿದರು.