ಭಾರತದಲ್ಲಿ ಮೊದಲು ಸೂರ್ಯೋದಯ ಆಗೋದೆಲ್ಲಿ?

ಆನಂದಮಯ ಈ ಜಗ ಹೃದಯ ಏತಕೆ ಭಯ ಮಾಣೋ, ಸೂರ್ಯೋದಯ ಚಂದ್ರೋದಯ ದೇವರ ದಯ ಕಾಣೋ..! ಕವಿ ಕುವೆಂಪು ಸೂರ್ಯನಿಂದಲೇ ಜಗತ್ತು ನಡೆಯುತ್ತಿರುವುದು ಎಂದು ಬರೆದು, ಪ್ರಕೃತಿ ಸೌಂದರ್ಯವನ್ನು ಬಣ್ಣಿಸಿದ್ದು ಅದ್ಭುತ. ಇಂಧ ಸೂರ್ಯ ಉದಯವಾಗುವುದು, ಮತ್ತೆ ಮುಳುಗುವುದು ಬದುಕಿನ ಪಾಠವನ್ನು ಹೇಳಿಕೊಡುತ್ತದೆ. ಇಂಥ ಸೂರ್ಯೋದಯ ಭಾರತಲ್ಲಿ ಮೊದಲು ಎಲ್ಲಿ ಆಗೋದು ಅನ್ನೋ ಕುತೂಹಲಕ್ಕಿಲ್ಲಿದೆ ಉತ್ತರ.

ಭಾರತದಲ್ಲಿ ಮೊದಲ ಸೂರ್ಯೋದಯ

ವಿಜ್ಞಾನ ಎಷ್ಟೇ ಮುಂದುವರೆದರೂ, ಲೆಕ್ಕವಿಲ್ಲದಷ್ಟು ಅದ್ಭುತಗಳ ಬಗ್ಗೆ ಹುಟ್ಟಿ ಕೊಳ್ಳುವ ಪ್ರಶ್ನಗಳಿಗಿನ್ನೂ ಉತ್ತರ ಸಿಕ್ಕಿಲ್ಕಲ. 21ನೇ ಶತಮಾನದಲ್ಲೂ, ಆಕಾಶ ಮತ್ತು ಆಳ ಸಮುದ್ರದ ಸುತ್ತಲಿನ ರಹಸ್ಯಗಳ ತಣಿಸಲಾಗದಷ್ಟು ಕುತೂಹಲವಿದೆ.

ಸೂರ್ಯೋದಯ

ಭೂಮಿಯ ಸುತ್ತಳತೆ, ಭೂಮಿ ಮತ್ತು ಆಕಾಶದ ನಡುವಿನ ಅಂತರ, ಸಮುದ್ರ ಮಟ್ಟ ಮತ್ತು ಪರ್ವತ ಶಿಖರಗಳ ಬಗ್ಗೆ ಭೌಗೋಳಿಕ ಅಧ್ಯಯನಗಳು ಶತಮಾನಗಳಿಂದ ನಡೆಯುತ್ತಿವೆ. ಈ ಸಂಗತಿಗಳು ನಮ್ಮ ದೈನಂದಿನ ಜೀವನಕ್ಕೆ ಬಹಳ ಮುಖ್ಯ ಮತ್ತು ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ಅಂತಹ ಒಂದು ಪ್ರಶ್ನೆ: ಯಾವ ಭಾರತೀಯ ರಾಜ್ಯದಲ್ಲಿ ಮೊದಲು ಸೂರ್ಯೋದಯ ಆಗುತ್ತದೆ?

ಭೂಮಿಯ ತಿರುಗುವಿಕೆ ಮತ್ತು ಹಗಲು ರಾತ್ರಿಯ ಹಿಂದಿನ ವಿಜ್ಞಾನ ನಮಗೆ ಅರ್ಥವಾಗಿದೆ. ಆದರೆ, ಸೂರ್ಯೋದಯ ಮತ್ತು ಸೂರ್ಯಾಸ್ತದ ಸಮಯಗಳು ಒಂದು ದೇಶದೊಳಗೆಯೂ ಬದಲಾಗುತ್ತವೆ.  ಇತರರಿಗಿಂತ ಮೊದಲು ಸೂರ್ಯೋದಯವನ್ನು ಅನುಭವಿಸುವ ಭಾರತೀಯ ರಾಜ್ಯ ಅರುಣಾಚಲ ಪ್ರದೇಶ, ನಿರ್ದಿಷ್ಟವಾಗಿ ಅಂಜಾವ್ ಜಿಲ್ಲೆಯ ದೋಂಗ್ ಗ್ರಾಮ, 'ಭಾರತದ ಜಪಾನ್' ಎಂದೂ ಕರೆಯಲ್ಪಡುತ್ತದೆ.

ದೋಂಗ್ ಗ್ರಾಮ

ಸಮುದ್ರ ಮಟ್ಟದಿಂದ 1,200 ಮೀಟರ್ ಎತ್ತರದಲ್ಲಿರುವ ಅಂಜಾವ್ ಜಿಲ್ಲೆ ನದಿಗಳು ಮತ್ತು ಪರ್ವತಗಳ ನಡುವೆ ನೆಲೆಸಿದೆ. ಚೀನಾ ಮತ್ತು ಮ್ಯಾನ್ಮಾರ್ ಗಡಿಗಳ ನಡುವೆ ಇರುವ ದೋಂಗ್ ಗ್ರಾಮದಲ್ಲಿ ಮೊದಲು ಸೂರ್ಯೋದಯ ಆಗುತ್ತದೆ. ಬ್ರಹ್ಮಪುತ್ರದ ಉಪನದಿಯಾದ ಲೋಹಿತ್ ನದಿಯ ಸಂಗಮ ಇರೋ ಈ ಹಳ್ಳಿ ಪ್ರವಾಸಿ ಆಕರ್ಷಣೆಯಾಗಿದೆ. ಇತರ ಭಾರತೀಯ ಹಳ್ಳಿಗಳಿಗಿಂತ ದೋಂಗ್‌ನಲ್ಲಿ ಸೂರ್ಯ ಒಂದು ಗಂಟೆ ಮುಂಚಿತವಾಗಿ ಉದಯಿಸುತ್ತಾನೆ ಮತ್ತು ಅಸ್ತಮಿಸುತ್ತಾನೆ, ಇದು ಅದರ ವಿಶಿಷ್ಟ ಆಕರ್ಷಣೆಯನ್ನು ಹೆಚ್ಚಿಸುತ್ತದೆ.