Chinese New Year : ಅದೃಷ್ಟವನ್ನು ಆಕರ್ಷಿಸೋಕೆ ಚೀನಿಯರು ಏನೇನು ಮಾಡ್ತಾರೆ ನೋಡಿ

ಲೂನರ್ ನ್ಯೂ ಇಯರ್ ಅಥವಾ ವಸಂತ ಉತ್ಸವ ಎಂದೂ ಕರೆಯಲ್ಪಡುವ ಚೀನೀ ಹೊಸ ವರ್ಷವು ಚೀನೀ ಸಂಸ್ಕೃತಿಯಲ್ಲಿ ಒಂದು ಪ್ರಮುಖ ಹಬ್ಬವಾಗಿದೆ ಮತ್ತು ಇದನ್ನು ವಿಶ್ವದಾದ್ಯಂತ ಬಹಳ ಉತ್ಸಾಹ , ಸಂಭ್ರಮ, ಸಡಗರದಿಂದ ಆಚರಿಸಲಾಗುತ್ತದೆ.ಜನವರಿ 29, 2025 ರಂದು ಈ ವರ್ಷ ಚೀನಿ ಹೊಸ ವರ್ಷ ಆಚರಿಸಲಾಗುತ್ತಿದೆ.   

ಲೂನರ್ ನ್ಯೂ ಇಯರ್  (Lunar New Year) ಅಥವಾ ವಸಂತ ಉತ್ಸವ ಎಂದೂ ಕರೆಯಲ್ಪಡುವ ಚೀನೀ ಹೊಸ ವರ್ಷವು ಚೀನೀ ಸಂಸ್ಕೃತಿಯಲ್ಲಿ ಒಂದು ಪ್ರಮುಖ ಹಬ್ಬವಾಗಿದೆ ಮತ್ತು ಇದನ್ನು ವಿಶ್ವದಾದ್ಯಂತ ಬಹಳ ಉತ್ಸಾಹ , ಸಂಭ್ರಮ, ಸಡಗರದಿಂದ ಆಚರಿಸಲಾಗುತ್ತದೆ. ಹೆಸರೇ ಸೂಚಿಸುವಂತೆ, ಚೀನೀ ಹೊಸ ವರ್ಷವು ಚಾಂದ್ರಮಾನ ಕ್ಯಾಲೆಂಡರ್ನ ಆರಂಭವನ್ನು ಸೂಚಿಸುತ್ತದೆ ಮತ್ತು ಇದು ಸಾವಿರಾರು ವರ್ಷಗಳ ಸಂಪ್ರದಾಯಗಳನ್ನು ಆಧರಿಸಿದ ಆಚರಣೆಯಾಗಿದೆ.

ಚೀನೀ ಹೊಸ ವರ್ಷ (Chinese New Year) ಪ್ರತಿ ವರ್ಷವು ರಾಶಿಚಕ್ರ ಚಿಹ್ನೆಗಳಿಗೆ ಸಂಬಂಧಿಸಿದ 12 ಪ್ರಾಣಿಗಳಲ್ಲಿ ಒಂದನ್ನು ಆಧರಿಸಿದೆ.  2025 ಅನ್ನು ಹಾವಿನ ವರ್ಷ ಎಂದು ಹೇಳಲಾಗುತ್ತದೆ. ಈ ವರ್ಷ, ಚೀನೀ ಹೊಸ ವರ್ಷವನ್ನು ಜನವರಿ 29, 2025 ರಂದು ಆಚರಿಸಲಾಗುವುದು. ಈ ಹಬ್ಬವು ಕುಟುಂಬ, ಗೆಟ್ ಟು ಗೆದರ್ ಮತ್ತು ಹೊಸ ವರ್ಷವನ್ನು ಸಂಭ್ರಮದಿಂದ ಆಚರಿಸುವ ಕ್ರಮವಾಗಿದೆ. ಕುಟುಂಬ ಕೂಟಗಳು ಮತ್ತು ಭೋಜನಗಳಿಂದ ಹಿಡಿದು ಕೆಂಪು ಲಕೋಟೆಗಳನ್ನು ನೀಡುವವರೆಗೆ, ಹೊಸ ವರ್ಷದಲ್ಲಿ ಸಕಾರಾತ್ಮಕತೆ ಮತ್ತು ಅದೃಷ್ಟವನ್ನು ತರಲು ಕೆಲವು ಸಂಪ್ರದಾಯಗಳು ಮತ್ತು ಪದ್ಧತಿಗಳನ್ನು ಅನುಸರಿಸಲಾಗುತ್ತದೆ.  ನಿಮಗೂ ಈ ಚೀನಿ ಹೊಸ ವರ್ಷದಲ್ಲಿ ಅದೃಷ್ಟ ಹೊತ್ತು ಬರಬೇಕು ಅಂದ್ರೆ ಏನು ಮಾಡಬೇಕು ನೋಡೋಣ.  

1. ಚೀನೀ ಹೊಸ ವರ್ಷಕ್ಕೆ ಮುಂಚಿನ ದಿನಗಳಲ್ಲಿ, ಕುಟುಂಬದ ಸದಸ್ಯರು ತಮ್ಮ ಮನೆಗಳನ್ನು ಸ್ವಚ್ಛಗೊಳಿಸುವಲ್ಲಿ ನಿರತರಾಗಿರುತ್ತವೆ. ಕಳೆದ ವರ್ಷದ ಯಾವುದೇ ದುರಾದೃಷ್ಟ ಅಥವಾ ನಿಶ್ಚಲ ನಕಾರಾತ್ಮಕ ಶಕ್ತಿಗಳನ್ನು ತೊಡೆದುಹಾಕುವುದು ಮತ್ತು ಮುಂಬರುವ ವರ್ಷದಲ್ಲಿ ಸಕಾರಾತ್ಮಕತೆ, ಅದೃಷ್ಟ ಮತ್ತು ಸಮೃದ್ಧಿಯನ್ನು ಆಕರ್ಷಿಸುವುದು ಇದರ ಉದ್ದೇಶವಾಗಿದೆ. ಕ್ಲೀನಿಂಗ್ ಮಾಡುವ ಮೂಲಕ ಮನೆಯನ್ನು ಅದೃಷ್ಟಕ್ಕಾಗಿ ಸಿದ್ಧಪಡಿಸುವುದು ಚೀನಿ ಸಂಪ್ರದಾಯ. ಆದರೆ, ಚೀನೀ ಹೊಸ ವರ್ಷದ ಮೊದಲ ಕೆಲವು ದಿನಗಳಲ್ಲಿ ತಮ್ಮ ಮನೆಯನ್ನು ಸ್ವಚ್ಛಗೊಳಿಸುವುದನ್ನು ಅಥವಾ ಗುಡಿಸುವುದನ್ನು ತಪ್ಪಿಸಬೇಕು. ಏಕೆಂದರೆ ಹಾಗೆ ಮಾಡುವುದರಿಂದ ನೀವು ಹೊಸದಾಗಿ ಗಳಿಸಿದ ಅದೃಷ್ಟ ಮತ್ತು ಸಮೃದ್ಧಿ ನಾಶವಾಗುತ್ತೆ ಎನ್ನುವ ನಂಬಿಕೆ ಇದೆ. 

2. ಹೊಸ ವರ್ಷದ ದಿನ ನಿಮ್ಮ ಮನೆಯನ್ನು ಕೆಂಪು ಲಾಟೀನುಗಳಿಂದ ಅಲಂಕರಿಸಿ, ಒಳ್ಳೊಳ್ಳೆಯ ವಾಕ್ಯಗಳನ್ನು ಮನೆಯಲ್ಲಿ ನೇತು ಹಾಕಿ, ಕುಮ್ಕ್ವಾಟ್ ಮರಗಳು ಅಥವಾ ಪ್ಲಮ್ ಹೂವುಗಳಿಂದ ಮನೆಯನ್ನು ಅಲಂಕರಿಸಿದ್ರೆ ಅದೃಷ್ಟ ಹೆಚ್ಚುತ್ತೆ ಎನ್ನುವ ನಂಬಿಕೆ ಇದೆ.ಆದರೆ ನೀವು ಮಾಡಿದ ಅಲಂಕಾರ ಹಾಳಾಗದ ಹಾಗೇ ನೋಡಿಕೋಬೇಕು. ಏಕೆಂದರೆ ನೀವು ಮಾಡಿದ ಅಲಂಕಾರ ಹಾಳಾಗಿದ್ರೆ, ಇದು ವರ್ಷದ ಉಳಿದ ದಿನಗಳಲ್ಲಿ ಅಪೂರ್ಣ ಕಾರ್ಯಗಳನ್ನು ಅಥವಾ ದುರಾದೃಷ್ಟವನ್ನು ಸೂಚಿಸುತ್ತದೆ.

3. ಚೀನೀ ಹೊಸ ವರ್ಷದ ಪ್ರಮುಖ ಸಂಪ್ರದಾಯವೆಂದರೆ ಹೊಸ ವರ್ಷದ ಮುನ್ನಾದಿನದಂದು ಭೋಜನಕ್ಕಾಗಿ ಕುಟುಂದ ಎಲ್ಲಾ ಸದಸ್ಯರು ಸೇರುವುದು. ಜನರು ತಮ್ಮ ದೊಡ್ಡ ಕುಟುಂಬದೊಂದಿಗೆ ಸೇರಿ ಮೀನು ಮತ್ತು ಕುಂಬಳಕಾಯಿ (ಇದು ಸಂಪತ್ತನ್ನು ಪ್ರತಿನಿಧಿಸುತ್ತದೆ) ನಂತಹ ಸಾಂಪ್ರದಾಯಿಕ ಭಕ್ಷ್ಯಗಳನ್ನು ಹೊಂದಿರುವ ಅದ್ದೂರಿ ಊಟವನ್ನು ತಯಾರಿಸಿ ತಿನ್ನುತ್ತಾರೆ. ಅಂತಹ ಕುಟುಂಬ ಪುನರ್ಮಿಲನದ ಸಮಯದಲ್ಲಿ, ವಾದಿಸುವುದನ್ನು ಅಥವಾ ನಕಾರಾತ್ಮಕ ಭಾವನೆಗಳನ್ನು ತೋರಿಸುವುದನ್ನು ತಪ್ಪಿಸಬೇಕು ಏಕೆಂದರೆ ಅವು ವರ್ಷದ ಉಳಿದ ದಿನಗಳಲ್ಲಿ ಕುಟುಂಬಕ್ಕೆ ದುರಾದೃಷ್ಟವನ್ನು ತರುತ್ತಂತೆ. 

4. ಇನ್ನು ಮನೆಯ ಹಿರಿಯರು ಮಕ್ಕಳು ಮತ್ತು ಯುವ ಅವಿವಾಹಿತ ಸಂಬಂಧಿಕರಿಗೆ ಹಣದಿಂದ ತುಂಬಿದ ಕೆಂಪು ಲಕೋಟೆಗಳನ್ನು ನೀಡುವುದು ಚೀನಾದ ಹೊಸ ವರ್ಷದ ಸಮಯದಲ್ಲಿ ಅನುಸರಿಸುವ ಸಂಪ್ರದಾಯವಾಗಿದೆ. ಈ ಅಭ್ಯಾಸವು ಆಶೀರ್ವಾದ, ಅದೃಷ್ಟ ಮತ್ತು ಸಮೃದ್ಧಿಯನ್ನು ಸಂಕೇತಿಸುತ್ತದೆ. ಹಣವ ಸಮೃದ್ಧಿಯ ಸಂಕೇತಾವಾಗಿರೋದರಿಂದ ಆ ಕವರ್ ನಲ್ಲಿ ಒಟ್ಟು ಎಂಟು ನೋಟು ಇರುವಂತೆ ನೋಡಿಕೊಳ್ಳಬೇಕು.  

5. ಹೊಸ ವರ್ಷದ ಸಮಯಾದಲ್ಲಿ ಹೊಸ ಬಟ್ಟೆಗಳನ್ನು ಧರಿಸಲಾಗುತ್ತೆ, ವಿಶೇಷವಾಗಿ ಕೆಂಪು ಬಣ್ಣದ ಬಟ್ಟೆ ಧರಿಸುತ್ತಾರೆ. ಇದು ಜೀವನದಲ್ಲಿ ಹೊಸ ಆರಂಭಗಳನ್ನು ಸ್ವಾಗತಿಸುವ ಒಂದು ಮಾರ್ಗವಾಗಿದೆ. ಅಲ್ಲದೆ, ಕೆಂಪು ಬಣ್ಣವು ಸಂತೋಷ, ಅದೃಷ್ಟ ಮತ್ತು ಸಮೃದ್ಧಿಯನ್ನು ಸಂಕೇತಿಸುತ್ತದೆ. ಇದಕ್ಕೆ ವಿರುದ್ಧವಾಗಿ, ಕಪ್ಪು ಅಥವಾ ಬಿಳಿ ಬಣ್ಣಗಳನ್ನು ಧರಿಸುವುದನ್ನು ತಪ್ಪಿಸಬೇಕು ಏಕೆಂದರೆ ಅವು ಶೋಕ ಮತ್ತು ಅಂತ್ಯಕ್ರಿಯೆಗಳೊಂದಿಗೆ ಸಂಬಂಧ ಹೊಂದಿವೆ.

6. ಪಟಾಕಿಗಳು ಚೀನಾದ ಹೊಸ ವರ್ಷದ ಒಂದು ದೊಡ್ಡ ಭಾಗವಾಗಿದೆ. ಪಟಾಕಿಗಳನ್ನು ಸುಡುವುದು ದುಷ್ಟ ಶಕ್ತಿಗಳನ್ನು ದೂರವಿರಿಸಲು ಮತ್ತು ಅದೃಷ್ಟವನ್ನು ತರಲು ಸಾಂಪ್ರದಾಯಿಕ ಮಾರ್ಗವಾಗಿದೆ. ಚೀನೀ ಜಾನಪದದ ಪ್ರಕಾರ, ಪಟಾಕಿಗಳ ದೊಡ್ಡ ಶಬ್ದಗಳು ಪೌರಾಣಿಕ ರಾಕ್ಷಸ ನಿಯಾನ್ ನನ್ನು ದೂರವಿರಿಸುತ್ತದೆ. 

7. ಕುಟುಂಬಗಳೆಲ್ಲಾ ಸೇರಿ ತಮ್ಮ ಪೂರ್ವಜರನ್ನು ಸಮಾಧಿಗಳ ಮುಂದೆ ಆಹಾರ, ಧೂಪದ್ರವ್ಯ ಮತ್ತು ಪ್ರಾರ್ಥನೆಗಳನ್ನು ಸಲ್ಲಿಸುವ ಮೂಲಕ ನೆನಪಿಸಿಕೊಳ್ಳುತ್ತಾರೆ ಮತ್ತು ಗೌರವಿಸುತ್ತಾರೆ. ಈ ಚೀನೀ ಸಂಪ್ರದಾಯವು ತಮ್ಮ ಹಿಂದಿನ ತಲೆಮಾರುಗಳಿಗೆ ಗೌರವ ಮತ್ತು ಕೃತಜ್ಞತೆಯನ್ನು ಸಲ್ಲಿಸುವ ವಿಧಾನವಾಗಿದೆ. ಇದು ಚೀನಾದ ಹೊಸ ವರ್ಷದ ಸಂಪ್ರದಾಯದ ಒಂದು ದೊಡ್ಡ ಭಾಗವಾಗಿದೆ ಇದನ್ನ ಅವಾಯ್ಡ್ ಮಾಡಲೇಬಾರದು.  

8. ಹೊಸ ವರ್ಷದಂದು ಕುಟುಂಬ ಮತ್ತು ಸ್ನೇಹಿತರನ್ನು ಭೇಟಿ ಮಾಡುವ ಈ ಚೀನೀ ಸಂಪ್ರದಾಯವನ್ನು ಬೈನಿಯನ್ ಎಂದು ಕರೆಯಲಾಗುತ್ತದೆ. ಹೊಸ ವರ್ಷದ ಮೊದಲ ಕೆಲವು ದಿನಗಳಲ್ಲಿ ಒಬ್ಬರ ಕುಟುಂಬ ಮತ್ತು ಆಪ್ತ ಸ್ನೇಹಿತರನ್ನು ಭೇಟಿಯಾಗಿ ಶುಭಾಶಯ ಕೋರುವುದು ಇದರ ಉದ್ದೇಶವಾಗಿದೆ. "ಗಾಂಗ್ ಕ್ಸಿ ಫಾ ಕೈ", "ಕ್ಸಿನ್ ನಿಯಾನ್ ಕುವೈ ಲೇ" ನಂತಹ ಸಾಂಪ್ರದಾಯಿಕ ಶುಭಾಶಯಗಳನ್ನು ಪರಸ್ಪರ ಶುಭಾಶಯ ಕೋರಲು ಹೆಚ್ಚಾಗಿ ಬಳಸಲಾಗುತ್ತದೆ. ಆದರೆ ಯಾರ ಮನೆಯಲ್ಲಾದರೂ ಯಾವುದೇ ವ್ಯಕ್ತಿ ಸಾವನ್ನಪ್ಪಿದ್ದರೆ, ಅಂತಹ ಮನೆಗಳಿಗೆ ಭೇಟಿ ನೀಡುವುದು ಅಶುಭ ಸೂಚನೆಯಾಗಿದೆ. 

9. ಚೀನೀ ಹೊಸ ವರ್ಷದ ಸಮಯದಲ್ಲಿ ನಿಮ್ಮ ಮಾತುಗಳು ಮತ್ತು ಕ್ರಿಯೆಗಳ ಬಗ್ಗೆ ಜಾಗರೂಕರಾಗಿರಿ. ವಿನಯದಿಂದ ಮತ್ತು ಸಕಾರಾತ್ಮಕವಾಗಿ ಮಾತನಾಡಬೇಖು ಮತ್ತು ಎಲ್ಲರಿಗೂ ದಯೆ ತೋರಬೇಕು. ಒರಟಾಗಿ ವರ್ತಿಸುವುದನ್ನು ಅಥವಾ ಕಠೋರವಾಗಿ ಮಾತನಾಡುವುದನ್ನು ಸಾಧ್ಯವಾದಷ್ಟು ಅವಾಯ್ಡ್ ಮಾಡಬೇಕು, ಏಕೆಂದರೆ ಹೊಸ ವರ್ಷದ ಆರಂಭದಲ್ಲಿ ಒಬ್ಬರು ಹೇಗೆ ವರ್ತಿಸುತ್ತಾರೆ ಎಂಬುದು ವರ್ಷದ ಉಳಿದ ಭಾಗವು ಹೇಗಿರುತ್ತದೆ ಎಂಬುದನ್ನು ನಿರ್ಧರಿಸುತ್ತದೆ.

10.  ಹೊಸ ವರ್ಷದಂದು ಚೀನೀಯರು ಡ್ರ್ಯಾಗನ್ ಮತ್ತು ಸಿಂಹ ನೃತ್ಯಗಳು, ದೇವಾಲಯ ಜಾತ್ರೆಗಳು ಮತ್ತು ಇತರ ಸಾಂಸ್ಕೃತಿಕ ಪ್ರದರ್ಶನಗಳಂತಹ ಸಾಂಪ್ರದಾಯಿಕ ಚಟುವಟಿಕೆಗಳಲ್ಲಿ ಜನರು ಭಾಗವಹಿಸುತ್ತಾರೆ. ಈ ಆಚರಣೆಗಳು ಸಮುದಾಯಗಳನ್ನು ಒಟ್ಟುಗೂಡಿಸುತ್ತವೆ ಮತ್ತು ಅದೃಷ್ಟ ಮತ್ತು ಶಕ್ತಿಯನ್ನು ಸಂಕೇತಿಸುತ್ತವೆ. ಈ ಸಾಂಸ್ಕೃತಿಕ ಸಂಪ್ರದಾಯಕ್ಕೆ ಅಗೌರವ ತೋರೋದನ್ನು ಮಾಡಬಾರದು.