ಒಂದು ಮಗುವಿನ ತಾಯಿಯಾದರೂ ಸಿಕ್ಕಾಪಟ್ಟೆ ಗ್ಲಾಮರಸ್ ಆಗಿ ಕಾಣುವ ಸ್ಯಾಂಡಲ್‌ವುಡ್‌ನ ಚೆಲುವೆ ರಾಧಿಕಾ ಕುಮಾರಸ್ವಾಮಿ. ಅದ್ಯಾಕೋ ಸ್ಯಾಂಡಲ್‌ವುಡ್ ಸ್ವೀಟಿ ನಟನೆಯ ಸಿನಿಮಾಗಳು ಇತ್ತೀಚೆಗೆ ಅಷ್ಟಾಗಿ ಸದ್ದು ಮಾಡ್ತಿಲ್ಲ.
ರಾಧಿಕಾ ಕುಮಾರಸ್ವಾಮಿ ಸಾಮಾಜಿಕ ಜಾಲತಾಣದಲ್ಲಿ ತುಂಬಾನೆ ಆ್ಯಕ್ಟೀವ್ ಆಗಿದ್ದಾರೆ. ತಮ್ಮ ಪೇಜ್‌ನಲ್ಲಿ ತಮ್ಮದೇ ವಿಶೇಷ ವಿಡಿಯೋ ಹಂಚಿಕೊಳ್ತಾರೆ. ಬೋಲ್ಡ್ ಅನಿಸೋ ಡ್ರೆಸ್‌ ತೊಟ್ಟು ಪೋಸ್ ಕೊಟ್ಟ ಫೋಟೋಗಳನ್ನೂ ಶೇರ್ ಮಾಡುತ್ತಾರೆ.
ಇದೀಗ ರಾಧಿಕಾ ಕುಮಾರಸ್ವಾಮಿ ಕ್ರೇಜಿ ಸ್ಟಾರ್ ರವಿಚಂದ್ರನ್ ಮತ್ತು ಸೌಂದರ್ಯ ಅಭಿನಯದ ಈ ಚಿತ್ರದ ಹಾಡಿಗೆ ಸಪೂರ ಸೊಂಟ ಬಳುಕಿಸಿ ಖುಷಿಯಿಂದ ಕುಣಿದಾಡಿದ್ದಾರೆ. ಇದನ್ನ ನೋಡಿದ ಫ್ಯಾನ್ಸ್ ಸ್ಲಿಮ್ ಬ್ಯೂಟಿ ಅಂತ ಕಾಂಪ್ಲಿಮೆಂಟ್ಸ್ ಕೂಡ ಕೊಟ್ಟಿದ್ದಾರೆ.
ರಾಧಿಕಾ ಕುಮಾರಸ್ವಾಮಿ ರೀಲ್ಸ್ ಮಾಡಿರೋ ಸಿಪಾಯಿ ಚಿತ್ರದ ಹಾಡು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ‘ಯಾರೆಲೇ ನಿನ್ನ ಮೆಚ್ಚಿದವನು’ ಅನ್ನುವ ಹಾಡಿಗೆ ರಾಧಿಕಾ ಕುಮಾರಸ್ವಾಮಿ ನಿಂತಲ್ಲೇ ನಿಂತು ಮಸ್ತ್ ಡ್ಯಾನ್ಸ್ ಮಾಡಿದ್ದಾರೆ.
ಈ ರೀಲ್ಸ್ ವಿಡಿಯೋದಲ್ಲಿ ರಾಧಿಕಾ ಕುಮಾರಸ್ವಾಮಿ ಸೊಂಟ ಬಳುಕಿಸೋದೇ ಹೆಚ್ಚಾಗಿದೆ. ಸಿಪಾಯಿ ಚಿತ್ರದ ಈ ಹಾಡಿಗೆ ರೀಲ್ಸ್ ಮಾಡಿರೋ ಸ್ವೀಟಿ ಹ್ಯಾಪಿ ವೀಕೆಂಡ್ ಎಂದು ಕ್ಯಾಪ್ಷನ್ ಕೊಟ್ಟಿದ್ದಾರೆ.
ವಿಡಿಯೋ ರೀಲ್ಸ್‌ನಲ್ಲಿ ರಾಧಿಕಾ ಕುಮಾರಸ್ವಾಮಿ ಸಣ್ಣ ಆಗಿದ್ದಾರೆ. ಸ್ಲಿಮ್ ಆಗಿಯೇ ಕಾಣಿಸುತ್ತಿದ್ದಾರೆ. ಇದನ್ನ ನೋಡಿದ ಸ್ಲಿಮ್ ಲುಕ್ ಸೂಪರ್, ನೈಸ್ ಡಿಯರ್ ಎಂದು ಕಾಂಪ್ಲಿಮೆಂಟ್ಸ್ ಕೂಡ ಕೊಟ್ಟಿದ್ದಾರೆ. ಸದ್ಯ ದೇಹದ ತೂಕವನ್ನ ಇಳಿಸಿಕೊಂಡಿರೋ ರಾಧಿಕಾ ಗ್ರ್ಯಾಂಡ್ ಆಗಿಯೇ ರೆಡಿ ಕೂಡ ಆಗಿದ್ದಾರೆ.
ಮಹಾರಾಷ್ಟ್ರ ಶೈಲಿಯ ಮೂಗೂತಿಯನ್ನು ಕೂಡ ರಾಧಿಕಾ ಹಾಕಿಕೊಂಡಿದ್ದಾರೆ. ಅದಕ್ಕೆ ಒಪ್ಪುವ ರೀತಿಯಲ್ಲಿಯೇ ಹೇರ್ ಸ್ಟೈಲ್ ಕೂಡಾ ಇದೆ. ವಿಶೇಷವಾಗಿ ಸೀರೆ ಕೂಡ ಹೆಣ್ಮಕ್ಕಳು ಇಷ್ಟಪಡೋ ರೀತಿಯಲ್ಲಿಯೇ ಇದೆ. ಒಟ್ಟಾರೆ ರಾಧಿಕಾ ರೀಲ್ಸ್ ಸೂಪರೋ ಸೂಪರ್ ಅನ್ನುವ ಹಾಗಿದೆ.