ಕೆಲ ಹುಡುಗರು ಆಂಟಿಯರನ್ನು ಯಾಕೆ ಇಷ್ಟಪಡುತ್ತಾರೆ? ಇದು ಕೇವಲ ಆಕರ್ಷಣೆಯಾ? ಸೈಕಾಲಜಿ ಏನು ಹೇಳುತ್ತೆ?

ಇಬ್ಬರು ವ್ಯಕ್ತಿಗಳ ನಡುವೆ ಪ್ರೀತಿ, ಆಕರ್ಷಣೆ ಹೆಚ್ಚಾಗಲು ಹಲವು ಕಾರಣಗಳಿರುತ್ತವೆ. ಕೆಲವು ಹುಡುಗರು ತಮಗಿಂತ ಹೆಚ್ಚು ವಯಸ್ಸಾದ ಮಹಿಳೆಯರನ್ನು ಇಷ್ಟಪಡುತ್ತಾರೆ. ಇದು ಕೇವಲ ದೈಹಿಕ ಆಕರ್ಷಣೆಯೇ? ಅಥವಾ ಇದರ ಹಿಂದೆ ಆಳವಾದ ಮಾನಸಿಕ ಕಾರಣಗಳಿವೆಯೇ? ಅಂತಹವರ ಬಗ್ಗೆ ಮನೋವಿಜ್ಞಾನ ಏನು ಹೇಳುತ್ತೆ ಗೊತ್ತಾ? 

ಸಂಬಂಧ ಮನೋವಿಜ್ಞಾನ

ಕೆಲ ಯುವಕರು ತಮ್ಮ ವಯಸ್ಸಿನ ಹುಡುಗಿಯರಿಗಿಂತ ಹಿರಿಯ ಮಹಿಳೆಯರತ್ತ ಆಕರ್ಷಿತರಾಗುತ್ತಾರೆ. ಆದರೆ ಇದು ದೈಹಿಕ ಆಕರ್ಷಣೆಯೇ? ಅಥವಾ ಇದರ ಹಿಂದೆ ಆಳವಾದ ಕಾರಣಗಳಿವೆಯೇ? ಮನೋವಿಜ್ಞಾನಿಗಳು ಏನು ಹೇಳುತ್ತಾರೆಂದು ಇಲ್ಲಿ ತಿಳಿಯೋಣ.

ಭಾವನಾತ್ಮಕ ಭದ್ರತೆ

ಮನೋವಿಜ್ಞಾನದ ಪ್ರಕಾರ, ಕೆಲವು ಯುವಕರು ಭಾವನಾತ್ಮಕ ಸ್ಥಿರತೆಯ ಕೊರತೆಯಿಂದ ಹಿರಿಯ ಮಹಿಳೆಯರತ್ತ ಆಕರ್ಷಿತರಾಗುತ್ತಾರೆ. ಹಿರಿಯ ಮಹಿಳೆಯರ ಶಾಂತ ಸ್ವಭಾವ ಮತ್ತು ಸಹನೆ ಯುವಕರಿಗೆ ಸುರಕ್ಷಿತ ಭಾವನೆ ನೀಡುತ್ತದೆ.

ಜೀವನದ ಬಗ್ಗೆ ಸ್ಪಷ್ಟತೆ

ಹಿರಿಯ ಮಹಿಳೆಯರಿಗೆ ಜೀವನದ ಬಗ್ಗೆ ಸ್ಪಷ್ಟತೆ ಇರುತ್ತದೆ. ಈ ಸ್ಪಷ್ಟತೆ ಮತ್ತು ಆತ್ಮವಿಶ್ವಾಸ ಯುವಕರಿಗೆ ಆಕರ್ಷಕವಾಗಿ ಕಾಣಿಸುತ್ತದೆ. ತಮ್ಮ ವಯಸ್ಸಿನ ಹುಡುಗಿಯರಿಗಿಂತ ಇವರು ಹೆಚ್ಚು ಸ್ಥಿರವಾಗಿರುತ್ತಾರೆ ಎಂಬ ಭಾವನೆ ಇರುತ್ತದೆ.

ಆಂಟಿಯರು ನೀಡುವ ಸಲಹೆಗಳು

ಕೆಲ ಯುವಕರು ತಮ್ಮ ಜೀವನದಲ್ಲಿ ಒಬ್ಬ ಮಾರ್ಗದರ್ಶಕನನ್ನು ಬಯಸುತ್ತಾರೆ. ಹಿರಿಯ ಮಹಿಳೆಯರು ಅನುಭವದಿಂದ ನೀಡುವ ಸಲಹೆಗಳು, ಜೀವನವನ್ನು ನೋಡುವ ರೀತಿ ಯುವಕರಿಗೆ ಆಕರ್ಷಕವಾಗಿ ಕಾಣಿಸುತ್ತದೆ. ಇದು ಭಾವನಾತ್ಮಕ ಆಕರ್ಷಣೆಯಾಗಬಹುದು.

ಬಂಡಾಯ ಮನಸ್ಥಿತಿ

ಮನೋವಿಜ್ಞಾನದ ಪ್ರಕಾರ, ಸಮಾಜವು ಯಾವುದನ್ನು ಬೇಡ ಎನ್ನುತ್ತದೆಯೋ, ಮನುಷ್ಯ ಅದರತ್ತ ಹೆಚ್ಚು ಆಕರ್ಷಿತನಾಗುತ್ತಾನೆ. “ಇದು ತಪ್ಪು” ಎಂದಾಗ, ಕೆಲವು ಯುವಕರಲ್ಲಿ ಅದರ ಬಗ್ಗೆ ಇನ್ನಷ್ಟು ಆಸಕ್ತಿ ಹೆಚ್ಚುತ್ತದೆ. ಇದು ಬಂಡಾಯ ಮನಸ್ಥಿತಿ.

ಸ್ಪಷ್ಟತೆ ಅಗತ್ಯ..

ವಯಸ್ಸಿನ ಅಂತರವಿರುವ ಸಂಬಂಧಗಳಲ್ಲಿ ಭಾವನಾತ್ಮಕ ಪ್ರಬುದ್ಧತೆ, ಜವಾಬ್ದಾರಿ ಮತ್ತು ಸ್ಪಷ್ಟತೆ ಬಹಳ ಮುಖ್ಯ. ಈ ಆಕರ್ಷಣೆ ಆರೋಗ್ಯಕರವೇ ಮತ್ತು ಪರಸ್ಪರ ಗೌರವವಿದೆಯೇ ಎಂದು ಪ್ರಶ್ನಿಸಿಕೊಳ್ಳುವುದು ಮುಖ್ಯವಾಗಿದೆ.