ಸಂಖ್ಯಾಶಾಸ್ತ್ರದ ಪ್ರಕಾರ, ಯುದ್ಧದಲ್ಲಿ ಗೆಲ್ಲುವುದು ಸುಲಭ, ಆದರೆ ಪ್ರೀತಿಯಲ್ಲಿ ಗೆಲ್ಲುವುದು ಕಷ್ಟ. ಆದ್ರೆ, ಕೆಲವು ನಿರ್ದಿಷ್ಟ ದಿನಾಂಕಗಳಲ್ಲಿ ಜನಿಸಿದವರು ಪ್ರೀತಿಯ ವಿಷಯದಲ್ಲಿ ಎಕ್ಸ್ಪರ್ಟ್ಗಳಂತೆ. ಆ ದಿನಾಂಕಗಳು ಯಾವುವು ಎಂದು ತಿಳಿಯೋಣ.
ಜಗತ್ತಿನಲ್ಲಿ ಪ್ರೀತಿಯಲ್ಲಿ ಬೀಳದವರೇ ಇಲ್ಲ. ಜೀವನದಲ್ಲಿ ಯಶಸ್ಸು ಗಳಿಸುವುದಕ್ಕಿಂತ, ತಾನು ಪ್ರೀತಿಸಿದವರ ಹೃದಯ ಗೆದ್ದು ಪ್ರೀತಿಯಲ್ಲಿ ಯಶಸ್ವಿಯಾಗುವುದನ್ನೇ ಹಲವರು ದೊಡ್ಡ ಸಾಧನೆ ಎಂದು ಭಾವಿಸುತ್ತಾರೆ. ಕೆಲವರ ಜೀವನದಲ್ಲಿ ಶಾಲಾ ದಿನಗಳಲ್ಲೇ ಪ್ರೀತಿ ಮೊಳಕೆಯೊಡೆದು, ಕಾಲೇಜಿನಲ್ಲಿ ಚಿಗುರಿ, ಕೆಲಸಕ್ಕೆ ಸೇರಿದ ಮೇಲೆ ಮದುವೆ ಎಂಬ ಹೂವಾಗಿ ಅರಳುತ್ತದೆ. ಆದರೆ ಕೆಲವರ ಜೀವನದಲ್ಲಿ ಪ್ರೀತಿ ಎಂಬ ಸಸಿ ಮೊಳಕೆಯಲ್ಲೇ ಕಮರಿ ಹೋಗುತ್ತದೆ. ಸಂಖ್ಯಾಶಾಸ್ತ್ರದ (Numerology) ಪ್ರಕಾರ, ವ್ಯಕ್ತಿಯ ಜನ್ಮ ದಿನಾಂಕವೇ ಅವರ ಗುಣಲಕ್ಷಣ ಮತ್ತು ಇತರರನ್ನು ಆಕರ್ಷಿಸುವ ಸಾಮರ್ಥ್ಯವನ್ನು ನಿರ್ಧರಿಸುತ್ತದೆ. ಈ ಆಧಾರದ ಮೇಲೆ, ಯಾವ ದಿನಾಂಕಗಳಲ್ಲಿ ಜನಿಸಿದವರು ಪ್ರೀತಿಯಲ್ಲಿ ಹೆಚ್ಚು ಯಶಸ್ಸು ಕಾಣುತ್ತಾರೆ ಎಂಬುದನ್ನು ಇಲ್ಲಿ ವಿವರವಾಗಿ ನೋಡೋಣ.
25
ಪ್ರೀತಿಯ ರಾಜರು (ದಿನಾಂಕ: 6, 15, 24)
6, 15, 24 ರಂದು ಜನಿಸಿದವರನ್ನು ಸಂಖ್ಯಾಶಾಸ್ತ್ರವು ಪ್ರೀತಿಯ ರಾಜರು ಎಂದು ಹೇಳುತ್ತದೆ. ಸಂಖ್ಯಾಶಾಸ್ತ್ರದ ಪ್ರಕಾರ, 6ನೇ ಸಂಖ್ಯೆಯ ಅಧಿಪತಿ ಶುಕ್ರ (Venus). ಪ್ರೀತಿ, ಸೌಂದರ್ಯ ಮತ್ತು ಕಲೆಗೆ ಅಧಿಪತಿಯಾದ ಶುಕ್ರನ ಪ್ರಭಾವದಲ್ಲಿ ಜನಿಸಿದವರು ಸಹಜವಾಗಿಯೇ ಹೆಚ್ಚು ಆಕರ್ಷಕ ಮತ್ತು ಸೌಮ್ಯ ಸ್ವಭಾವದವರಾಗಿರುತ್ತಾರೆ. ಇವರು ಯಾರನ್ನಾದರೂ ಪ್ರೀತಿಸಲು ಪ್ರಾರಂಭಿಸಿದರೆ, ಅವರನ್ನು ತಮ್ಮ ಪ್ರೀತಿಯಿಂದ ಕಟ್ಟಿಹಾಕುವ ಕಲೆ ತಿಳಿದಿರುತ್ತಾರೆ. ಇವರ ಪ್ರೀತಿಗೆ ಅಂತ್ಯ ಎಂಬುದೇ ಇಲ್ಲ. ಇವರ ಪ್ರೀತಿ ಹೆಚ್ಚಾಗಿ ಮದುವೆಯಲ್ಲಿ ಕೊನೆಗೊಳ್ಳುತ್ತದೆ ಮತ್ತು ಸಂತೋಷದ ದಾಂಪತ್ಯ ಜೀವನವನ್ನು ನಡೆಸುತ್ತಾರೆ.
35
ಭಾವನಾತ್ಮಕ ಪ್ರೇಮಿಗಳು (ದಿನಾಂಕ: 2, 11, 20, 29)
2, 11, 20, 29 ರಂದು ಜನಿಸಿದವರು ಭಾವನಾತ್ಮಕ ಪ್ರೇಮಿಗಳು. ಚಂದ್ರನ ಪ್ರಭಾವದಲ್ಲಿರುವ 2ನೇ ಸಂಖ್ಯೆಯಲ್ಲಿ ಜನಿಸಿದವರು ಹೆಚ್ಚು ಕಲ್ಪನಾಶಕ್ತಿ ಮತ್ತು ಮೃದು ಸ್ವಭಾವವನ್ನು ಹೊಂದಿರುತ್ತಾರೆ. ಇವರು ಪ್ರೀತಿಯಲ್ಲಿ ಬಿದ್ದರೆ, ತಮ್ಮ ಸಂಗಾತಿಯನ್ನು ಮಗುವಿನಂತೆ ನೋಡಿಕೊಳ್ಳುತ್ತಾರೆ. ಇವರ ಕಣ್ಣುಗಳೇ ಮಾತನಾಡಿ ಸಂಗಾತಿಯನ್ನು ಸುಲಭವಾಗಿ ಆಕರ್ಷಿಸುತ್ತವೆ. ಬಿಟ್ಟುಕೊಡುವ ಮನೋಭಾವ ಇವರಲ್ಲಿ ಹೆಚ್ಚಾಗಿರುವುದರಿಂದ ಇವರ ಪ್ರೀತಿಯಲ್ಲಿ ಬಿರುಕು ಬರುವುದು ಕಷ್ಟ. ಹಾಗಾಗಿ ಇವರ ಪ್ರೀತಿ ದಡ ಸೇರುವ ಸಾಧ್ಯತೆ ಹೆಚ್ಚು.
45
ಧೈರ್ಯವಂತ ಪ್ರೇಮಿಗಳು (ದಿನಾಂಕ: 9, 18, 27)
9, 18, 27 ರಂದು ಜನಿಸಿದವರು ಧೈರ್ಯವಂತ ಪ್ರೇಮಿಗಳು ಎಂದು ಸಂಖ್ಯಾಶಾಸ್ತ್ರ ಹೇಳುತ್ತದೆ. ಮಂಗಳನ ಪ್ರಭಾವದಲ್ಲಿರುವ 9ನೇ ಸಂಖ್ಯೆಯಲ್ಲಿ ಜನಿಸಿದವರು ಯಾವುದಕ್ಕೂ ಹೆದರುವುದಿಲ್ಲ. ತಾವು ಇಷ್ಟಪಟ್ಟವರನ್ನು ಪಡೆಯಲು ಹೋರಾಡುವ ಗುಣ ಇವರದು. ಇವರ ಪ್ರೀತಿ ತುಂಬಾ ತೀವ್ರ ಮತ್ತು ಪ್ರಾಮಾಣಿಕವಾಗಿರುತ್ತದೆ. ಇವರ ಧೈರ್ಯದ ನಡೆಯೇ ಪ್ರೀತಿಯಲ್ಲಿ ಯಶಸ್ಸು ತಂದುಕೊಟ್ಟು ಮದುವೆಯವರೆಗೂ ಕೊಂಡೊಯ್ಯುತ್ತದೆ.
55
ಇತರ ಸಂಖ್ಯೆಗಳ ಕಥೆಯೇನು?
ಇದೇ ರೀತಿ, 1, 10, 19, 28 ರಂದು ಜನಿಸಿದವರು ಸೂರ್ಯನ ಪ್ರಭಾವದಿಂದ ಪ್ರೀತಿಯಲ್ಲಿ ಪ್ರಾಬಲ್ಯ ಸಾಧಿಸಲು ಬಯಸುತ್ತಾರೆ. ನಾಯಕತ್ವದ ಗುಣ ಹೆಚ್ಚು ಇರುವುದರಿಂದ, ಕಷ್ಟದ ಸಮಯದಲ್ಲೂ ಸಂಗಾತಿಯನ್ನು ಬೆಂಬಲಿಸುತ್ತಾರೆ. 5, 14, 23 ರಂದು ಜನಿಸಿದವರು ಬುಧನ ಆಕರ್ಷಣೆಯಿಂದ ತಮ್ಮ ಚತುರ ಮಾತಿನಿಂದಲೇ ಪ್ರೀತಿಯನ್ನು ಗೆಲ್ಲುತ್ತಾರೆ. ಇವರು ತುಂಬಾ ಜಾಲಿಯಾಗಿ ಇರುವುದರಿಂದ ಇವರೊಂದಿಗೆ ಇರುವುದು ಯಾವಾಗಲೂ ಖುಷಿ ಕೊಡುತ್ತದೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.
